შეთანხმება შედგა — ტამი აბრაჰამი ბეშიქთაშიდან კარიერას ასტონ ვილაში გააგრძელებს! 28 წლის ინგლისელ ფორვარდს სამშობლოში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს. ასტონ ვილა ტამი აბრაჰამის სანაცვლოდ €21 მილიონს გადაიხდის.
მას შემდეგ, რაც ასტონ ვილამ დონიელ მალენი რომაში გაყიდა, უნაი ემერიმ ახალი ფორვარდის დამატება მოითხოვა. განიხილებოდა ჟან-ფილიპ მატეტას კანდიდატურაც, თუმცა კრისტალ პალასმა ბირმინგემული კლუბის ყველა შეთავაზება დაბლოკა, სწორედ ამიტომ ასტონ ვილა გეგმა B-ზე გადაერთო და ტამი აბრაჰამის ტრანსფერი დახურა.
შეგახსენებთ, ტამი აბრაჰამი ასტონ ვილაში 2018-2019 წლებშიც თამაშობდა, შესაბამისად, ინგლისელი ნაცნობ გარემოში ბრუნდება. თუ ყველაფერი გეგმის მიხედვით წავა, ბირმინგემული კლუბი ინგლისელი ფორვარდის ტრანსფერს უახლოეს საათებში ოფიციალურად დაადასტურებს.
