ტრანსფერი დროის საკითხია — ბოლო მომენტში რაიმე გაუთვალისწინებელი თუ არ მოხდა, იორელ ჰატო აიაქსიდან კარიერას ჩელსიში გააგრძელებს! მხარეები შეთანხმებასთან ძალიან ახლოს არიან და თუ ყველაფერი გეგმის მიხედვით წავა, 19 წლის მცველის ტრანსფერი მიმდინარე კვირაში დაიხურება. ჩელსი ახალგაზრდა ფეხბურთელის სანაცვლოდ დაახლოებით €45-50 მილიონს გადაიხდის.
ჩელსი, რომ მიმდინარე სატრანსფერო ფანჯრის დროს ახალი მცველის დამატებას გეგმავდა, ამის შესახებ რამდენიმე თვის წინ გაცნობეთ. ენცო მარესკა ეძებდა ფეხბურთელს, რომელიც როგორც ცენტრალურ პოზიციას, ისე მარცხენა ფლანგსაც დაფარავდა, სწორედ ამიტომ არჩევანი იორელ ჰატოზე შეჩერდა, რომელიც აიაქსში ორივე პოზიციაზე თამაშობდა.
იორელ ჰატო აიაქსის აკადემიის აღზრდილია, პირველი გუნდის ღირსებას კი 2023 წლიდან მოყოლებული იცავდა. პატარა ასაკის მიუხედავად, ფეხბურთელმა ამ დროში 111 მატჩის ჩატარება მოასწრო, გაიტანა 4 გოლი და 9 საგოლე გადაცემითაც გამოიჩინა თავი.
ჩელსი სატრანსფერო ფანჯარაზე აქტიურობას აგრძელებს და შემდეგი ფეხბურთელი, რომელიც დიდი ალაბთობით ლონდონური კლუბის მაისურს მოირგებს, ჩავი სიმონსია! დიახ, მხარეები 22 წლის ნიდერლანდელი შემტევის ტრანსფერის დახურვას უახლოეს დღეებში შეეცდებიან. ამ პოტენციურ გარიგებასთან დაკავშრებით უფრო მეტი ინფორმაცია უახლოეს საათებში გახდება ცნობილი.
