ვიქტორ გიოკერეში უახლოეს კვირებში სპორტინგს დატოვებს. გადაწყვეტილება საბოლოოა და გადახედვას არ ექვემდებარება. დადასტურებულად შეგვიძლია იმის თქმა, რომ 27 წლის შვედი ფორვარდი ახალ სეზონს აუცილებლად ახალ გუნდში დაიწყებს.
სად გააგრძელებს შვედი გოლეადორი კარიერას?
სპორტინგის ფორვარდით ამ მომენტისთვის 4 კლუბი ინტერესდება — მანჩესტერ იუნაიტედი, იუვენტუსი, არსენალი და ალ ჰილალი! ოთხივე კლუბის ინტერესი რეალური დადასტურებულია. როგორც ჩვენთვისაა ცნობილი, ეს კლუბები პირველ ოფიციალურ შეთავაზებას უახლოეს პერიოდში გააკეთებენ.
იმის მიუხედავად, რომ ვიქტორ გიოკერეშის კონტრაქტში გამოსასყიდი თანხა €100 მილიონი წერია, სპორტინგი შვედ ფორვარდს დაახლოებით €70 მილიონად აფასებს. თუ ზემოხსენებული კლუბებიდან რომელიმე ამ თანხას გადაიხდის, პორტუგალიური კლუბი გიოკერეშის ტრანსფერს არ დაბლოკას და ფეხბურთელს მარტივად შეელევა.
უახლოეს დღეებში ვიქტორ გიოკერეშის თაობაზე უფრო მეტი ინფორმაცია გახდება ცნობილი. მოსალოდნელია სხვა კლუბების გააქტიურებაც.
