ნიკო უილიამსი უახლოეს კვირებში ატლეტიკ ბილბაოს დატოვებს. გადაწყვეტილება საბოლოოა და გადახედვას არ ექვემდებარება. დადასტურებულად შეგვიძლია იმის თქმა, რომ 22 წლის ესპანელი ვინგერი ახალ სეზონს აუცილებლად ახალ გუნდში დაიწყებს.
სად გააგრძელებს ესპანელი ფეხბურთელი კარიერას?
ბილბაოს ვინგერით ამ მომენტისთვის 3 კლუბი ინტერესდება — ბარსელონა, არსენალი და ბაიერნი! სამივე კლუბის ინტერესი რეალური დადასტურებულია. როგორც ჩვენთვისაა ცნობილი, ეს კლუბები პირველ ოფიციალურ შეთავაზებას უახლოეს პერიოდში გააკეთებენ.
როგორც რამდენიმე დღის წინ მოგახსენეთ, ბაიერნის უფროსობა ნიკო უილიამსის წარმომადგენელს წინა კვირაში შეხვდა, ხოლო დღეს გავრცელებული ინფორმაციის თანახმად, რამდენიმე საათის წინ 22 წლის აგენტსა და ბარსელონას სპორტულ დირექტორს დეკუს შორის ახალი კონტაქტი შედგა.
შეგახსენებთ, ნიკო უილიამსის კონტრაქტში გამოსასყიდი თანხა €60 მილიონი წერია.უახლოეს დღეებში ნიკო უილიამსის თაობაზე უფრო მეტი ინფორმაცია გახდება ცნობილი.
