ტრენტის დარჩენა გამოირიცხა — რა სიტუაციაა სალაჰისა და ვან დაიკის ახალ კონტრაქტებზე?

ტრენტ ალექსანდერ-არნოლდი, რომ ლივერპულს დატოვებს და კარიერას რეალ მადრიდში გააგრძელებს, ამის შესახებ უკვე ყველა გავლენიანი ჟურნალისტი და გამოცემა წერს. ინგლისელმა ფეხბურთელმა მერსისაიდული კლუბის ბოლო შემოთავაზებაზე უარი განაცხადა, რაც იმას ნიშნავს, რომ ზაფხულში გუნდს თავისუფალი აგენტის სტატუსით დატოვებს. რეალ მადრიდსა და ტრენტს შორის წინასწარი სიტყვიერი შეთანხმება უკვე არსებობს.

რა სიტუაციაა მო სალაჰისა და ვირჯილ ვან დაიკის ახალ კონტრაქტებზე?

ლივერპულში სჯერათ, რომ ტრენტის წასვლის მიუხედავად, მო სალაჰსა და ვირჯილ ვან დაიკს შეინარჩუნებენ. მხარეები ახალ კონტარქტებზე მუშაობას აგრძელებენ, მეტიც, თუ ნიდერლანდელ ცენტრალურ მცველს დავუჯერებთ, პროგრესი არის, რაც იმას ნიშნავს, რომ დიდი შანსია უახლოეს კვირებში საბოლოო შეთანხმებაც კი შედგეს.