სულ რამდენიმე საათის წინ დასრულდა ვულვზი-ლივერპულის ძალიან საინტერესო მატჩი, სადაც გამარჯვება მასპინძელ გუნდს დარჩა.
ლივერპულიდან თავის გამოჩენა მოჰამედ სალაჰმა შეძლო, რომელმაც 10-მატჩიანი მშრალი სერია შეწყვიტა და გოლის გატანის გემო გაიხსენა.
იმის მიუხედავად, რომ ეგვიპტელმა გუშინ გოლი შეაგდო, ლივერპულის ქომაგები 33 წლის ფეხბურთელის ცუდ სათამაშო ფორმაზე მაინც ბევრს საუბრობენ და სხვადასხვა სოციალური ქსელების საშუალებით საკუთარ აზრს აფიქსირებენ.
"მო სალაჰი ძალიან მიყვარს, მაგრამ ეს უკვე მეტისმეტია. მის ახალ კონტრაქტზე ძალიან ბევრი ვინერვიულეთ, მაგრამ როგორც ჩანს ახალი ხელშეკრულების გაფორმება უდიდესი შეცდომა იყო"
"ტოპ ფეხბურთელის ასეთი დიდი რეგრესი მიუღებელია. რანაირად გახდა ჩემპიონატის საუკეთესო ფეხბურთელი ერთი ჩვეულებრივი მოთამაშე?"
"მო კლუბის ლეგენდაა, მაგრამ დროა გუნდი დატოვოს. გული მიკვდება, როდესაც მას ასეთს ვუყურებ - ფაქტია, მისი დიდი ფეხბურთი დასრულდა"
"ასეთ რთულ პერიოდში გუნდისთვის უნდა ელიდერა, მაგრამ ამის საწინააღმდეგოდ მოედანზე ერთ-ერთი ყველაზე ცუდი ფეხბურთელია"
"წინა მატჩებში, როდესაც სლოტმა სალაჰი მატჩის მიმდინარეობისას შეცვალა, ეგვიპტელმა უკმაყოფილება ვერ დამალა - ისმის კითხვა, ვის უბრაზდება? მწვრთნელს თუ ფანებს? ამ სეზონში გუნდის ყველაზე ცუდი ფეხბურთელია და ამის აღიარება არ უნდა"
"ახალი კონტრაქტის გაფორმება შეცდომა იყო. დიდი შანსია ზაფხულში გუნდის დატოვება არ მოინდომოს, რადგან ძალიან დიდი ხელფასი აქვს, ამ ყველაფერმა კი შეიძლება გუნდში სიტუაცია უფრო არიოს"
"ვუყურებ სალაჰს და უბრალოდ ვერ ვიჯერებ რა დაემართა. სისწრაფე დაკარგა, ფეხბურთელებს ვეღარ ატყუებს, სწორ პასს ვეღარ აკეთებს... კუთხურების გათამაშებას უყურებთ? რაზე ფიქრობს სლოტი? ფეხბურთელმა ერთი ზუსტი ჩაწოდება ვერ განახორციელა, დაუჯერებელია ეს ყველაფერი"
"დიდი იმედი მაქვს ზაფხულში საუდის ლიგიდან სოლიდურ შეთავაზებას მივიღებთ - სალაჰი უნდა წავიდეს"
მო სალაჰის ანგარიშზე ამ სეზონში 30 ჩატარებული მატჩია, რა დროშიც 8 გოლის გატანა მოახერხა და 8 საგოლე გადაცემითაც გამოიჩინა თავი. ეგვიპტელ ფეხბურთელს კლუბთან არსებული კონტრაქტი 2027 წლამდე აკავშირებს.
