უარი ატლეტიკო მადრიდს — დოვბიკი რომას უახლოვდება

როცა ყველა არტემ დოვბიკს ატლეტიკო მადრიდში ელოდებოდა, სიტუაცია თავიდან ბოლომდე დანიელე დე როსიმ შეცვალა! მას შემდეგ, რაც რომას ლეგენდა უკრაინელ ფორვარდს დაუკავშირდა, სიტუაცია თავიდან ბოლომდე შეიცვალა. ფეხბურთელმა ჩოლო სიმეონეს გუნდს უარი უთხრა — მეტროპოლიტანოზე ტრანსფერი გამოირიცხა. 27 წლის ფეხბურთელი ახლა უკვე იტალიურ გუნდში გადასვლასთანაა ახლოს.

მატიას სოულეს დამატების შემდეგ, დე როსიმ ახალი ფორვარდიც მოითხოვა, #1 სამიზნე კი ჟირონას ფეხბურთელია. დედაქალაქურმა კლუბმა პირველი ოფიციალური შეთავაზება უკვე გააკეთა: €30 მილიონი ბონუსების ჩათვლით, რაზეც ესპანურმა გუნდმა უარი განაცხადა. ჟირონა მინიმუმ €35 მილიონს და დიდ ბონუსებს ითხოვს. ფეხბურთელთან პირადი კონტრაქტი უკვე შეთანხმებულია.

რომა ახალ შეთავაზებას უახლოეს საათებში გააკეთებს — დე როსის სჯერა, რომ ტრანსფერი უახლოეს დღეებში დაიხურება, თავად ფეხბურთელიც ოპტიმისტურად არის განწყობილი.