ოფიციალურად: მარკ გეჰი მანჩესტერ სიტის ფეხბურთელია! "ქალაქელებმა" 25 წლის ცენტრალური მცველის ტრანსფერი სულ რამდენიმე წუთის წინ დაადასტურეს.
ინგლისელმა ფეხბურთელმა მანჩესტერ სიტისთან 5.5-წლიანი კონტრაქტი გააფორმა, ხოლო რაც შეეხება სატრანსფერო თანხას, კრისტალ პალასმა პრემიერ ლიგის ერთ-ერთი გამორჩეული ცენტრალური მცველის სანაცვლოდ სულ რაღაც £20 მილიონი მიიღო.
მას შემდეგ, რაც იოშკო გვარდიოლმა და რუბენ დიაშმა მძიმე ტრავმები მიიღეს, პეპ გვარდიოლამ ახალი ცენტრალური მცველის დამატება მოითხოვა, #1 სამიზნე კი თავიდანვე მარკ გეჰი იყო. იმის მიუხედავად, რომ კრისტალ პალასს კაპიტნის შუა სეზონში გაყიდვა არ სურდა, მანჩესტერ სიტიმ მოახერხა და ტრანსფერი მაინც დახურა.
მარკ გეჰის მიმართ ინტერესს ისეთი კლუბები იჩენდნენ როგორიცაა ლივერპული, არსენალი, ჩელსი, ბაიერნი, ინტერი და ბარსელონა, თუმცა ფეხბურთელს კარიერის გაგრძელება მხოლოდ მანჩესტერ სიტიში სურდა. ინგლისელმა ფეხბურთელმა #15 ნომრიანი მაისური შეარჩია და ახალ გუნდს შემდეგ მატჩში უკვე დაეხმარება.
