რეალ მადრიდი ალფონსო დევისით დიდი ხნის განმავლობაში ინტერესდებოდა — ფლორენტინო პერესი როგორც ტრენტ ალექსანდერ-არნოლდის, ისე კანადელი მცველის უფასოდ დამატებასაც გეგმავდა, მეტიც, მხარეები პოტენციურ ტრანსფერზე მუშაობდნენ კიდევაც, თუმცა როგორც ჩანს ფეხბურთელმა მადრიდულ გრანდს უარი უთხრა.
ალფონსო დევისი ბაიერნში 2019 წლიდან მოყოლებული ირიცხება. ამ დროში კანადელმა განაპირა მცველმა 218 მატჩის ჩატარება მოასწრო, გაიტანა 12 გოლი და 34 საგოლე გადაცემითაც გამოიჩინა თავი.
