ნაპოლის მფლობელმა აურელიო დე ლაურენტისმა The Athletic-თან ინტერვიუში საკმაოდ საინტერესო თემებზე ისაუბრა. მათ შორის გაიხსენა კვარაცხელია-ოსიმენის ამბავიც, როდესაც პარი სენ-ჟერმენის შეთავაზება დაბლოკა და ფეხბურთელები ფრანგულ კლუბში არ გაყიდა.
"როდესაც კონტესთან მუშაობა დავიწყეთ, პარი სენ-ჟერმენისგან €200 მილიონიანი შეთავაზება მივიღეთ - მათ როგორც ოსიმენი, ისე კვარაცხელიაც სურდათ. ინტერესი იყო სხვა კლუბებისგანაც...
კონტეს პოზიცია კი ასეთი იყო - შეგიძლიათ ოსიმენის გაყიდვა, მაგრამ გთხოვთ, ნუ გაყიდით კვარას.
საბოლოო ჯამში, ამ შეთავაზებაზე უარის თქმა უდიდესი შეცდომა იყო, რადგან მოგვიანებით კვარაცხელიას მამასთან და აგენტთან დიდი პრობლემები შემექმნა."
