უოტფორდის ერთ-ერთ ლიდერმა გიორგი ჩაკვეტაძემ Watford Observer-სთან ინტერვიუში საკუთარ მომავალზე ისაუბრა:
"უოტფორდში ძალიან ბედნიერი ვარ. მადლიერი ვარ კლუბისა და გულშემატკივრების, რომლებიც ყოველთვის ჩვენთან არიან და გიჟურად გვიჭერენ მხარს. მიყვარს მათ წინაშე თამაში და ძალიან ბედნიერი ვარ, რომ ამას ვაგრძელებ.
"
იმის მიუხედავად, რომ გიორგი ჩაკვეტაძის უოტფორდიდან წასვლაზე ძალიან ბევრი იწერებოდა, როგორც ჩანს სიტუაცია შეიცვალა. რა თქმა უნდა სატრანსფერო ფანჯარაზე გამორიცხული არაფერია და სიტუაცია შეიძლება ნებისმიერ მომენტში შეიცვალოს, თუმცა ერთი რამ ფაქტია — უოტფორდს ქართველი ფეხბურთელის სანაცვლოდ ამ დრომდე ოფიციალური შეთავაზება არ მიუღია, რაც იმას ნიშნავს, რომ 25 წლის ნახევარმცველის გუნდში დარჩენის შანსი საკმაოდ გაზრდილია.
ქართველ ფეხბურთელს უოტფორდთან არსებული კონტრაქტი 2029 წლამდე აკავშირებს, მისი სატრანსფერო ფასი კი დაახლოებით €15 მილიონია.
