"ვეთანხმები კრიშტიანუს — დღეს ვფიქრობ, რომ საუდის ჩემპიონატი ლიგა 1-ზე მაღლა დგას. საუდის არაბეთის პრო ლიგის დონე ყოველდღიურად იზრდება, უფრო და უფრო მაღალი დონის მოთამაშეები მოდიან აქ სათამაშოდ. თუმცა რა თქმა უნდა საფრანგეთის ლიგა 1-საც აქვს თავისი ძლიერი მხარეები. ძალიან მაღალი დონის ჩემპიონატია. მე ეს კარგად ვიცი.
საუდის არაბეთმა დადებითად გამაოცა. ამ ყველაფერს რაც აქ დამხვდა, არ ველოდი — ხალხი, ქვეყანა, ქალაქები, კულტურა… ისინი ძალიან ვითარდებიან.
2026 წლის მსოფლიო ჩემპიონატი? რა თქმა უნდა ვგეგმავ იქ ყოფნას! ვეცდები მაქსიმუმი გავაკეთო ბრაზილიის ნაკრებთან ერთად, რათა ტიტულს დავეუფლოთ. მჯერა, რომ გუნდთან ერთად ვიქნები, რადგან მე ეს ძალიან მინდა. მჯერა ასევე ჩვენი გუნდის სიძლიერისაც, შესაბამისად ტურნირის ერთ-ერთი ფავორიტები ვიქნებით.
მესი-სუარესი-ნეიმარის ტრიოს დაბრუნება? მათთან ერთად კიდევ ერთხელ თამაში წარმოუდგენლად მაგარი იქნებოდა! ისინი ჩემი მეგობრები არიან, ჩვენ მუდმივად ველაპარაკებით ერთმანეთს. საინტერესო იქნებოდა ამ სამეულის აღორძინება. ბედნიერი ვარ ალ ჰილალში, მაგრამ ფეხბურთში არასოდეს იცი რა მოხდება.
წლების განმავლობაში ბევრს ვსწავლობდი, ბევრი სირთულე განვიცადე, მაგრამ ყველა მათგანის გადალახვა მოვახერხე. მე მივაღწიე იმაზე მეტს, ვიდრე ვიმედოვნებდი.
ძალიან კმაყოფილი ვარ ჩემი კარიერით, იმით, რაც გავაკეთე, სადაც ვითამაშე, რასაც მივაჭრიე. ცხადია, ფიქრობ იმაზე, თუ რისი გაკეთება შეგეძლო უკეთესად, მაგრამ ეს ყველაფერი ფეხბურთის ნაწილია. ძალიან კმაყოფილი ვარ იმით, რაც დღემდე შევძელი."
