ვიქტორ ოსიმენი გალათასარაის დასატოვებლად ემზადება. იმის მიუხედავად, რომ თურქულ გრანდს ნიგერიელი ფორვარდის შენარჩუნება სურს, დღევანდელი მოცემულობით ამის შანსი თითქმის 0%-ს უდრის. შეგახსენებთ, ვიქტორ ოსიმენი ამ დრომდე ნაპოლის საკუთრებაში რჩება, იტალიური კლუბი კი ფეხბურთელს დაახლოებით €60-70 მილიონად აფასებს.
26 წლის ფორვარდის მიმართ ინტერესს ტოპ კლუბები უკვე იჩენენ და ამ სიაშია იუვენტუსიც! ტურინული კლუბი ზაფხულში ახალი ფორვარდის დამატებას გეგმავს და როგორც ირკვევა, ერთ-ერთი მთავარი სამიზნე სწორედ ვიქტორ ოსიმენი იქნება.
იტალიურ კლუბსა და შუამავლებს შორის პირველი კონტაქტი რამდენიმე კვირის წინ შედგა, რა დროსაც ტურინელებმა ნიგერიელი ფორვარდის მიმართ ინტერესი დაადასტურეს. ამ მომენტისთვის მხარეებს შორის მეტი არაფერი ხდება, თუმცა ზაფხულის სატრანსფერო ფანჯრის მოახლოებასთან ერთად, მოსალოდნელია "ბიანკონერის" გააქტიურება.
იუვენტუსის გარდა საქმეში არიან პრემიერ ლიგისა და საუდის კლუბებიც, რამდენიმე თვის წინ კი ფრანგული პრესა პსჟ-ს ინტერესზეც წერდა. ფეხბურთელის უკან, ნაპოლიში დაბრუნება გამორიცხულია, შესაბამისად, ნიგერიელი ახალ სეზონს, აუცილებლად ახალ კლუბში დაიწყებს.
