როგორც ფრანგული პრესა წერს, სეზონი როგორც არ უნდა დასრულდეს, სენტ-ეტიენს ქართველი ფეხბურთელის შენარჩუნება ძალიან გაუჭირდება. "მწვანეები" ლიგა 2-ში თუ დაქვეითდებიან, ზურიკო დავითაშვილი გუნდს 100% დატოვებს, მაგრამ ეს შეიძლება იმ შემთხვევაშიც მოხდეს, თუ გუნდი ლიგა 1-ში დარჩება. ყველა ხვდება, რომ 24 წლის ფეხბურთელი უკეთეს გუნდს იმსახურებს და მის სიტუაციას ფრანგული კლუბები ყურადღებით აკვირდებიან. ზურიკო დავითაშვილს კლუბთან არსებული კონტრაქტი 2028 წლამდე აკავშირებს, მისი სატრანსფერო ფასი კი დაახლოებით €15-20 მილიონია.
სენტ-ეტიენი 25 ტურის შემდეგ, 20 ქულით, გასავარდნ ზონაში იმყოფება. ეირიკ ჰორნელანდის გუნდი მე-17 პოზიციაზე იმყოფება და 4 იანვრის შემდეგ, მის შეგირდებს ლიგა 1-ში გამარჯვება არ მოუპოვებიათ.
ზაფხულის სატრანსფერო ფანჯრის მოახლოებასთან ერთად, ქართველი ვინგერის თაობაზე უფრო მეტი ინფორმაცია გახდება ცნობილი.
