რამდენიმე კვირის წინ როგორც გაცნობეთ, მილანი ჟოაუ ფელიქსის გამოსყიდვას არ აპირებს. "როსონერიმ" ამ გადაწყვეტილების შესახებ პორტუგალიელს უკვე აცნობა, შესაბამისად, 25 წლის ფეხბურთელი სეზონის ბოლოს უკან, ჩელსიში დაბრუნდება.
ჟოაუ ფელიქსის მილანში ტრანსფერმა ვერ გაამართლა. პორტუგალიელი იტალიაში იანვარში გადაბარგდა, ამ დროში კი ფეხბურთელმა მხოლოდ 1 გოლის გატანა მოახერხა, რასაც 1 საგოლე გადაცემაც დაუმატა.
რაც შეეხება ჩელსის, ლონდონურ კლუბში ჟოაუ ფელიქსის მომავალი უკვე გადაწყვიტეს — ფეხბურთელი ტრანსფერზეა დაყენებული, რაც იმას ნიშნავს, რომ პორტუგალიელის აგენტს ზაფხულში ახალი გუნდის მოძებნა მოუწევს.
შეგახსენებთ, ჟოაუ ფელიქსს ჩელსისთან არსებული კონტრაქტი 2031 წლამდე აკავშირებს. ლონდონური კლუბი ფეხბურთელს დაახლოებით €30 მილიონად აფასებს.
