ზამთრის სატრანსფერო ფანჯრის გახსნამდე სულ რაღაც ერთი დღეა დარჩენილი, რაც იმას ნიშნავს, რომ ხვალიდან ტოპ კლუბების შესახებ ბევრ საინტერესო სიახლეს მოვისმენთ და წავიკითხავთ.
იმის ფონზე, რომ ზაფხულში მუნდიალი გველოდება, ბევრი ფეხბურთელი ევროპულ ფეხბურთში დაბრუნებას სერიოზულად განიხილავს და ამ სიაშია პორტუგალიის ეროვნული ნაკრების განაპირა მცველი ჟოაუ კანსელუც. დიახ, 31 წლის მოთამაშე იანვრის თვეში ალ ჰილალს აუცილებლად დატოვებს და ევროპაში დაბრუნდება.
ჟოაუ კანსელუს აგენტმა ფეხბურთელი რამდენიმე ევროპულ კლუბს უკვე შესთავაზა და ამ სიაში პორტუგალიელის 3 ყოფილი გუნდიც მოხვდა. ინტერი, იუვენტუსი და ბარსელონა 31 წლის ფეხბურთელის იჯარით დამატებას სერიოზულად განიხილავენ და უახლოეს დღეებში პირველ ოფიციალურ შეთავაზებასაც გააკეთებენ.
შეგახსენებთ, ჟოაუ კანსეულუ ინტერში 2017-2018 წლებში თამაშობდა, იუვენტუსის ღირსებას კი 2018-2019 წლებში იცავდა. ხოლო რაც შეეხება ბარსელონას, პორტუგალიელი კატალონიურ კლუბში 2023-2024 წლებში ასპარეზობდა.
ზემოხსენებული კლუბების გარდა საქმეში სხვა გუნდებიც არიან და მოსალოდნელია, რომ იანვარში ჟოაუ კანსელუს დამატებას სხვებიც შეეცდებიან.
