შეთანხმება შედგა, ჟოაუ კანსელუ ალ ჰილალიდან კარიერას ბარსელონაში გააგრძელებს! მხარეებმა გარიგების ყველა დეტალი მოაგვარეს, შესაბამისად, 31 წლის გამოცდილ ფეხბურთელს ესპანეთში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს. ბარსელონა ჟოაუ კანსელუს სეზონის ბოლომდე, 6-თვიანი იჯარით დაიმატებს.
ჟოაუ კანსელუს, რომ ევროპაში დაბრუნდება სურდა ამის შესახებ რამდენიმე დღის წინ გაცნობეთ. განიხილებოდა იუვენტუსისა და ინტერის ვარიანტებიც, თუმცა ფეხბურთელს კარიერის გაგრძელება მხოლოდ ბარსელონაში სურდა, შესაბამისად, გარიგებაც მარტივად დაიხურა.
შეგახსენებთ, ჟოაუ კანსელუ ბარსელონას ღირსებას 2023-24 წლებში იცავდა და მისთვის "ბლაუგრანაში" თამაში უცხო ნამდვილად არაა.
