„ძალიან რთული თამაში იყო ჩვენთვის, გულშემატკივარს მინდა მადლობა გადავუხადო მხარდაჭერისთვის და ვთქვა, რომ შემდეგ თამაშზე ვისურვებდი ყველას უფრო გახარებულს დაგვეტოვებინა სტადიონი. რაც შეეხება ჩეხეთთან მატჩს, ორივე გუნდს შეეძლო მოგება, ბოლოს ჩვენ გვქონდა შანსი, საბოლოოდ ეს ფრე კარგია ჩვენთვის, რადგან ევროპის ჩემპიონატზე პირველი ქულა ავიღეთ.
რა თქმა უნდა, პორტუგალიის წინააღმდეგ როცა გიწევს თამაში რთულია თქვა, რომ გახვალ და მოიგებ, მაგრამ ჩვენ ყველაფერს გავაკეთებთ, ყველასთან თამაში შეიძლება. მაქსიმუმს გავაკეთებთ და იმედია, ჩვენთვის სასურველი შედეგით დასრულდება მომდევნო თამაში.
მეორე ტაიმში 1:0 ვიგებდით და დაცვიდან დავიწყეთ თამაში, ბურთი უფრო ხშირად არ გვქონდა, შეიძლება დაღლაც დაგვეტყო და გოლი რომ გავუშვით, ცოტა დავითრგუნეთ.
ჩემს მომენტს რაც შეეხება, პენალტი იყო და ძალიან გამიკვირდა რომ არ დაინიშნა. ბოლო მომენტში შეგვეძლო გამარჯვება, მაგრამ ფეხბურთში მსგავსი რამ ხდება და ახლა პორტუგალიასთან მატჩზე უნდა გადავერთოთ,“ - განაცხადა ზურიკო დავითაშვილმა.
საქართველოს ნაკრები ევროპის ჩემპიონატზე ჯგუფური ეტაპის დასკვნით მატჩს 26 ივნისს, პორტუგალიის წინააღმდეგ გამართავს.
