1. ხვიჩა კვარაცხელია პსჟ-ში;
პარიზული გუნდი კილიან მბაპე შემცვლელს მთელი სატრანსფერო ფანჯრის განმავლობაში ეძებდა და #1 სამიზნე, სწორედ ხვიჩა კვარაცხელია იყო. ჩვენი ინფორმაციით, ქართველ ფეხბურთელს ფრანგულ კლუბში გადასვლა სურდა, თუმცა დე ლაურენტისმა ტრანსფერი დაბლოკა. "პარტენოპეიმ" 23 წლის ვინგერის სანაცვლოდ მინიმუმ ორი ოფიციალური შეთავაზება დაბლოკა.
პარიზული გუნდი კილიან მბაპე შემცვლელს მთელი სატრანსფერო ფანჯრის განმავლობაში ეძებდა და #1 სამიზნე, სწორედ ხვიჩა კვარაცხელია იყო. ჩვენი ინფორმაციით, ქართველ ფეხბურთელს ფრანგულ კლუბში გადასვლა სურდა, თუმცა დე ლაურენტისმა ტრანსფერი დაბლოკა. "პარტენოპეიმ" 23 წლის ვინგერის სანაცვლოდ მინიმუმ ორი ოფიციალური შეთავაზება დაბლოკა.
2. ვიქტორ ოსიმენი ალ აჰლიში;
რამდენიმე თვის წინ, ასეთ რთულ სიტუაციას ვერც ფეხბურთელი წარმოიდგენდა და ვერც აურელიო დე ლაურენტისი. ნიგერიელი ფორვარდის ტრანსფერზე ჯერ პსჟ მუშაობდა, შემდეგ ჩელსი, ბოლოს კი ალ აჰლი, თუმცა არც ერთ კლუბში ტრანსფერი არ შემდგარა. იმის მიუხედავად, რომ სატრანსფერო ფანჯრის ბოლო დღეს ნაპოლი და ალ აჰლი ტრანსფერზე შეთანხმდნენ, ოსიმენმა ამ გარიგებას მწვანე შუქი არ აუნთო და ტრანსფერიც არ შედგა. მოსალოდნელი იყო ჩელსის გააქტიურებაც, თუმცა არც ლონდონელებმა მოინდომეს ფეხბურთელის დამატება. სულ რამდენიმე საათის წინ კი ოსიმენმა და ნაპოლიმ გამოსავალი იპოვეს, ფეხბურთელი კარიერას გალათასარაიში გააგრძელებს.
რამდენიმე თვის წინ, ასეთ რთულ სიტუაციას ვერც ფეხბურთელი წარმოიდგენდა და ვერც აურელიო დე ლაურენტისი. ნიგერიელი ფორვარდის ტრანსფერზე ჯერ პსჟ მუშაობდა, შემდეგ ჩელსი, ბოლოს კი ალ აჰლი, თუმცა არც ერთ კლუბში ტრანსფერი არ შემდგარა. იმის მიუხედავად, რომ სატრანსფერო ფანჯრის ბოლო დღეს ნაპოლი და ალ აჰლი ტრანსფერზე შეთანხმდნენ, ოსიმენმა ამ გარიგებას მწვანე შუქი არ აუნთო და ტრანსფერიც არ შედგა. მოსალოდნელი იყო ჩელსის გააქტიურებაც, თუმცა არც ლონდონელებმა მოინდომეს ფეხბურთელის დამატება. სულ რამდენიმე საათის წინ კი ოსიმენმა და ნაპოლიმ გამოსავალი იპოვეს, ფეხბურთელი კარიერას გალათასარაიში გააგრძელებს.
3. ნიკო უილიამსი ბარსელონაში;
ჰანსი ფლიკი ბარსელონაში მისვლის დღიდან, შეტევის გაძლიერებას ითხოვდა, რაც კლუბმა ნაწილობრივ დაუკმაყოფილა. კატალონიელები დაახლოებით ორი თვის განმავლობაში ნიკო უილიამსის ტრანსფერზე მუშაობდნენ — ლაპორტა ფეხბურთელის გამოსასყიდი თანხის €58 მილიონის გადახდასაც გეგმავდა, თუმცა ესპანელმა ვინგერმა ტრანსფერი ბოლო წამს ჩაშალა. ამის შემდეგ, ბარსამ დანი ოლმოს დამატება გადაწყვიტა.
4. გიორგი მიქაუტაძე მონაკოში;
შთამბეჭდავი 2023/24 სეზონის შემდეგ, ქართველი გულშემატკივარი გიორგი მიქაუტაძის ახალ კლუბში ტრანსფერს მოუთმენლად ელოდებოდა. საქმეში რამდენიმე კლუბი იყო, საიდანაც ყველაზე მეტად მონაკო აქტიურობდა. მონეგასკები და მეცი სატრანსფერო თანხაზე მარტივად შეთანხმდნენ, შემდეგი ეტაპი კი მიქაუტაძის სამედიცინო შემოწმება იყო, თუმცა გარიგება ბოლო მომენტში ჩაიშალა, როდესაც საქმეში ლიონი ჩაერთო, 23 წლის ქართველმა კი იმ გუნდის სასარგებლოდ გააკეთა არჩევანი, სადაც კარიერის საწყისი წლები ჰქონდა გატარებული.
5. ჯოშუა ზირკზე მილანში;
როსონერი ოლივიე ჟირუს შემცვლელს ეძებდა და ჯოშუა ზირკზე ყოველთვის #1 სამიზნე იყო. მილანმა ტრანსფერზე მუშაობა დაახლოებით 4-5 თვის წინ დაიწყო — ფონსეკას გუნდი მზად იყო ფეხბურთელის გამოსასყიდი თანხის €40 მილიონის გადასახდელად, ფეხბურთელს კი კარიერის გაგრძელება სან სიროზე სურდა, თუმცა ყველაფერი ნიდერლანდელი ფორვარდის აგენტმა შეცვალა, რომელმაც საკომისიო თანხა €15 მილიონი მოითხოვა, რაც მილანმა რა თქმა უნდა არ გადაიხადა. შემდეგ საქმეში მანჩესტერ იუნაიტედი გამოჩნდა, კლუბი, რომელიც ფინანსურად მილანზე ბევრად წინ არის, შესაბამისად ზირკზეს ტრანსფერიც მარტივად დაიხურა.
6. ჯონათან ტა ბაიერნში;
იმის მიუხედავად, რომ ლევერკუზენი 2023/24 სეზონის გამარჯვებული გახდა, ჯონათან ტას გუნდის დატოვება მაინც სურდა. საქმეში ბაიერნი იყო, რომელიც მატეის დე ლიხტის შემცვლელს ეძებდა და კომპანი მის ადგილას სწორედ გერმანელ მცველს განიხილავდა. ტას იმედი ჰქონდა, რომ ლევერკუზენს ზაფხულის სატრანსფერო ფანჯრის დროს დატოვებდა, თუმცა ჩაბი ალონსოს გუნდმა ყველა შეთავაზება დაბლოკა, შესაბამისად, ფეხბურთელი ლევერკუზენში დარჩა.
7. მარტინ ზუბიმენდი ლივერპულში;
არნე სლოტის გუნდს საკმაოდ მშვიდი ზაფხულის სატრანსფერო ფანჯარა ჰქონდა, რისი შედეგიცაა მხოლოდ ორი ტრანსფერი: გიორგი მამარდაშვილი და ფედერიკო კიეზა. თუმცა ამ ორ გარიგებამდე, ლივერპული ახლოს იყო მარტინ ზუბიმენდის დამატებასთან. სლოტი ახალ საყრდენ ნახევარმცველს ეძებდა და 25 წლის ესპანელი ფეხბურთელი #1 სამიზნე იყო. ენფილდის ბინადრები ფეხბურთელის გამოსასყიდ თანხას €60 მილიონს იხდიდნენ, თუმცა ზუბიმენდიმ გადაწყვეტილება ბოლო მომენტში შეცვალა და რეალ სოსიედადში დარჩენა გადაწყვიტა.
8. არტემ დოვბიკი ატლეტიკო მადრიდში;
ლა ლიგის 2023/24 სეზონის ბომბარდირი, რომ ჟირონაში არ დარჩებოდა, ეს ყველამ კარგად იცოდა — უკრაინელი ფორვარდის დამატების სურვილი არაერთ გუნდს ჰქონდა, ყველაზე მეტად კი ატლეტიკო მადრიდი აქტიურობდა. ჩოლო სიმეონეს გუნდი ალვარო მორატას შემცვლელს ეძებდა, მთავარი სამიზნე კი სწორედ დოვბიკი იყო. მადრიდელები ფეხბურთელის გამოსასყიდი თანხის €40 მილიონის გადახდას გეგმავდნენ, თუმცა ყველაფერი მას შემდეგ ჩაიშალა, რაც საქმეში რომა ჩაერთო. დანიელე დე როსისთან საუბრის შემდეგ, უკრაინელმა ფორვარდმა ატლეტიკოს უარი უთხრა და კარიერის რომაში გაგრძელების გადაწყვეტილება მიიღო.
9. პაულო დიბალა ალ ქადსიაში;
სატრანსფერო ფანჯრის ბოლო დღეებში, იტალიურ პრესაში საინტერესო ინფორმაცია გავრცელდა - "პაულო დიბალა ალ ქადსიაში გადასვლასთანაა ახლოს". საუდის გუნდი და რომა ტრანსფერზე მარტივად შეთანხმდნენ, რადგან არგენტინელის სატრანსფერო ფასი არც ისე მაღალი იყო. მხარეები ახლოს იყვნენ პირადი კონტრაქტის შეთანხმებასთანაც და ყველა ფიქრობდა, რომ ტრანსფერი აუცილებლად შედგებოდა. დიბალა მზად იყო რომას დასატოვებლად, თუმცა "ჯალოროსის" ფანების რეაქციამ, ყველაფერი შეცვალა. 30 წლის არგენტინელმა გადაწყვეტილება შეცვალა და რომაში დარჩა.
10. ჯეიდონ სანჩო იუვენტუსში;
იუვენტუსს საოცარი სატრანსფერო ფანჯარა ჰქონდა — ტიაგო მოტას გუნდმა არც მეტი, არც ნაკლები 8 ფეხბურთელი დაიმატა და ახლოს იყო მეცხრე ტრანსფერთანაც. ჯეიდონ სანჩო გუნდის ერთ-ერთი მთავარი სამიზნე იყო, ფეხბურთელს კარიერის გაგრძელება მხოლოდ "ბიანკონერიშ" სურდა, თუმცა გარიგება მას შემდეგ ჩაიშალა, რაც საქმეში ჩელსი ჩაერთო. იუვეს ინგლისელი ვინგერის დამატება 1-წლიანი იჯარით სურდა, ხოლო ლონდონელები მზად იყვნენ ფეხბურთელი იჯარა + გამოსყიდვის ვალდებულებით დაემატებინათ. იტალიური გუნდი საქმიდან გავიდა, ჩელსიმ კი ტრანსფერი მარტივად დახურა.
