პრემიერ ლიგის ფენტეზი - რა უნდა გავითვალისწინოთ 24-ე ტურის წინ?

მისი უდიდებულესობა 👑 DGW24

რატომ არის მიმდინარე სეზონის DGW განსაკუთრებით მნიშნელოვანი ?

პრემიერ ლიგის ფენტეზის 2024/25 სეზონში ორმაგი სათამაშო ტურები განსაკუთრებით მნიშვნელოვანია. მიმდინარე სეზონში ძალაში შევიდა FA Cup_ის გადაწყვეტილება, რის მიხედვითაც ფრედ ნათამაშები მატჩის შემთხვევაში გადათამაშების ნაცვლად, გუნდები პირდაპირ თერთმეტმეტრიანებს შეასრულებენ.

აქამდე FA Cup_ზე ფრედ დასრულებული მატჩები ხშირად ხდებოდა DGW_ების მიზეზი, წელს კი ეს იშვიათია სიამოვნებაა. სწორედ ამიტომ „Double“ და „Blank“ სათამაშო ტურებს კიდევ უფრო დიდი ყურადღებით უნდა მოეკიდოთ.

რომელი გუნდები ითამაშებენ DGW24_ს და როდის?

24_ე სათამაშო კვირის ორმაგ ტურში ლივერპული და ევერტონი მიიღებენ მონაწილეობას. ლივერპული ორ გასვლით თამაშს გამართავს, მაშინ როდესაც ევერტონი ორივე შეხვედრას გუდისონზე ჩაატარებს.

🔴 ლივერპული vs BOU(A), EVE(A)
🔵 ევერტონი vs LEI(H), LIV(H)

არ გამოგრჩეს DGW24_ის მატჩებს შორის დიდი პაუზაა. ლივერპული მერსასაიდულ დერბამდე ჯერ კარაბაოს თასის ნახევარფინალს ითამაშებს, შემდგომ კი ინგლისის ასოციაციის თასზე აქვს მატჩი. ევერტონიც ორმაგ ტურამდე FA cup_ზე “ალუბლებს” დაუპირისპირდება და მხოლოდ ამის შემდეგ გამართავს DGW24_ის მე-2 შეხვედრას.

ვინ არის საუკეთესო სამეული ლივერპულიდან ?

🔴 სალაჰი (£13.7) - ეგვიპტელი უალტერნატივოა. მოს მიმდინარე სეზონში ყველაზე მეტი ქულა აქვს დაგროვებული (222) ის უახლოეს მდევარს (პალმერი 167) 50_ზე მეტი ქულით უსწრებს. სალაჰი პრემიერ ლიგის ფენტეზის მენეჯერების 71.2%_ს ჰყავს გუნდში.

🔴 ტრენტ ალექსანდრ-არნოლდი (£7.3) - ეგვიპტელისგან განსხვავებით TAA ფენტეზის მოთამაშეების დაახლოებით 33%_ს ჰყავს გუნდში. ის ამ მეტრიკის მიხედვით მე-2 ყველაზე პოპულარულია ლივერპულელია. მის ანგარიშზე 7 საგოლე მოქმედებაა. შედარებისთვის ვან დაიკს მხოლოდ 2 საგოლე მოქმედებაში აქვს მონაწილეობა მიღებული, რობერტსონს არცერთში, კონატეს კი 3_ში.

🔴 ალსიონი (£5.5) - თუ მე-3 ლივერპულელის დამატებას წინა ხაზში ვერ ახერხებ, ამ შემთხვევითვის საინტერესო ალტერნატივა მერსესაიდელების კარის დარაჯია. ალისონს ბრენტფორდის წინააღმდეგ საუცხოო მატჩი ჰქონდა, რაც სეივებისთვის მიღებულ დამატებით ქულებში ითარგმნა. ამასთანავე თითქმის გამორიცხულია მისი როტაციის ალბათობაც, ალისონი ფენტეზის მენეჯერების დაახლოებით 9%_ს ჰყავს გუნდში.

🔴 გაკპო (£7.6) – 23_ე ტურმა დაგვარწმუნა, რომ ნიდერლანდელი ერთ-ერთი ყველაზე რეალური კანდიდატურაა. გაკპო ფენტეზის მენეჯერების თითქმის 20%_ს ჰყავს გუნდში. აუცილებლად აღსანიშნავია ისიც, რომ სხვა ლიდერებისგან განსხვავებით კოდიმ ლიგის მატშჩიც მიიღო მონაწილეობა, თუმცა მოედანზე მხოლოდ 52 წუთი დაჰყო.

ვინ არის საუკეთესო „Difference Maker“ ლივერპულიდან ?

🔴 კონატე (£5.2) - თუ მე-3 ლივერპულელის აყვანისთვის ბიუჯეტური ალტერნატივა გჭირდება, იბუ ამ თვალსაზრისით საუკეთესო არჩევანია. გუნდის სხვა ლიდერების მსგავსად არც ის გამგზავრებულა პსვ_სთან სათამაშოდ. შესაბამისად იბუ ორმაგ ტურს კარგად დასვენებული შეხვდება. 

მიმდინარე სეზონში ლივერპულის დაცვას ყველაზე ცოტა (21) გოლი აქვს გაშვებული. ფრანგი VVD_სთან შედარები £1.2_ით იაფია ღირს. ასევე საინტერესოა, რომ ამ სეზონში ვან დაიკისა და იბუს შეტევითი პოტენციალი თითქმის იდეანტურია. მოსალოდნელ გოლში მონაწილეობის მიღების ინდექსის მიხედვით (xGI) VVD_ს ჯამური მაჩვენებელი 2.2_ს უდრის, კონატეს ანალოგიური მონაცემი კი 1.7_ია. შედარებისთვის ტრენტის xGI - 7.1_ია, რობერტსონის კი 3.3.

🔴 სობოსლაი (£6.3) - თუ ლიგის ლიდერებთან დიდ ჩამორჩენაში ხარ და ისეთ ფეხბურთელს ეძებ, რომელიც ყველასთვის შეუმჩნეველია, ამ შემთხვევაში კარგი ამბავი გვაქვს, უნგრელი სწორედ ასეთი hidden gem_ია. დომინიკ სობოსლაი უაღრესად საინტერესო და ძალიან სარისკო არჩევანია, თუ მზად ხარ დიდი გამოწვევებისთვის მაშინ, სჯობს ღვედი შეიკრა, მიმოხილვის წაკითხვის შემდეგ უნგრელის ყიდვის ცდუნებისგან თავის შეკავება ძალიან გაგიჭირდება.

მაშინ, როდესაც მაკალისტერი და გრავანბერხი ლივერპულის ნახევარდაცვას აცემენტებენ, დომინიკს „ლიცენზია აქვს მკლელობისთვის“. სობოსლაი ბოლო მატჩებში წარმატებით იკავებს 10_იანის პოზიციას, მეტიც გარკვეულ მონაკვეთებში უნგრელი ცრუ 9_იანის პოზიციასაც კი იკავებდა !

სობოსლაის ასეთი „ფერისცვალება“ მე-16 ტურიდან დაიწყო, აქედან მოყოლებული ის მე-4 ადგილზეა 90 წუთის განმავლობაში შესრულებული დარტყმების მიხედვით, ხოლო მე-3 ადგილზეა მოსალოდნელი გოლების (xG) თვალსაზრისით.

90 წუთში, მოსალოდნელ გოლში მონაწილეობის ინდექსი (xGI) მე-16 ტურიდან მოყოლებული (მინიმუმ 400 წუთი)
⚫ ისაკი - 1.3 (xGI/90)
🔴 სალაჰი - 1.1
🔴 სობოსლაი - 0.9
🔵 მადუეკე - 0.8
🔵 ჰოლანდი - 0.7

💣⚠️ კიდევ ერთხელ გაგაფრთხილებთ, უნგრელის წუთები დიდი რისკის ქვეშაა, თუმცა შესაძლოა ასეთ რისკს შესაბამისი ჯილდოც ახლდეს თან.
შევაჯამოთ - ლივერპულიდან ორმაგი დაცვის აყვანას შეძლებ თუ ორმაგი შეტევის, ეს მეტწილად გუნდის არსებულ სტრუქტურაზეა დამოკიდებული. მაგალითად თუ არსენალის Double Defence გყავს, გაცილებით იოლია ლივერპულის მცველზე „წასვლა“. თუ სოლანკე ან ვუდია შენს გუნდში, მარტივია გაკპოს ყიდვა, რადგანაც ნიდერლანდელი იგივე საფასე კალათაშია.

ვინ შეიძლება ავიყვანოთ DGW24_ში ევეტონიდან ?

🔵 ვიტალი მიკოლენკო (£4.4) - უკრაინელი ევერტონის ყველაზე იაფი და წუთების თვალსაზრისით ყველაზე სტაბილური მცველია. მე-8 ტურიდან მოყოლებული, მიკოლენკომ ყველა მატჩში მიიღო მონაწილეობა და ყველა მათგანში მოედანზე 90 წუთი დაჰყო. გარდა ამისა 29-ე ტურში ევერტონის მატჩს გადადება არ ემუქრება, რაც კიდევ ერთი მიზეზია უკრაინელის სასარგებლოდ გადაწყვეტილების მისაღებად.

ასევე აღსანიშნავია, ისიც რომ ევერტონი წარმატებით ირგებს „კერკეტი კაკლის“ როლს, მიუხედავად იმისა, რომ „ირისები“ მე-16 ადგილზე არიან, მათ ერთ-ერთი ყველაზე ცოტა გოლი აქვთ გაშვებული (28)
გაგახსნებ, ორმაგი ტურის ორივე მატჩს ევერტონი გუდისონზე ითამაშებს. მხოლოდ არსენალს, ნიუკასლს და ბორნმუთს (5) აქვს შინ გამართულ მატჩებში ევერტონზე მეტჯერ მშრალად შენახული კარი.

მიკოლენკო ფენტეზის მენეჯერების დაახლოებით 7.5%_ს ჰყავს გუნდში.

🔵 ილიმან ნდიაი (£5.4) - DGW24_ის წინ სენეგალელი საინტერსო „Differential“_ია. ის ფენტეზის მენეჯერების მხოლოდ 4%_ს ჰყავს გუნდში. რაც მთავარია ნდიაის ძირითადში ადგილი დაბევებული აქვს, მე-3 ტურიდან 23_ე სათამაშო კვირის ჩათვლით, სენეგალელს ევერტონის შემტევებიდან მოედანზე ყველაზე მეტი დრო აქვს გატარებული.

ნდიაის, კიდევ უფრო მიმზიდველ ხდის ის ფაქტი, რომ DCL_ის ტრავმის ფონზე სწორედ მან შეასრულა თერთმეტმეტრიანი დარტყმა. კალვერტ-ლუინის დაბრუნებას ჯერ არ ელიან, შესაბამისად თუ ევერტონის სასარგებლოდ პენალტი დაინიშნება წესით ბურთთან სენეგალელი უნდა ვიხილოთ.
თუ შევაჯამებთ ძალიან მიმზიდველ კომბინაციას მივიღებთ - DGW_ში 5.5_იანი ფორვარდი, რომელსაც წუთები გარანტირებული აქვს და თერთმეტმეტრიანებს ასრულებს.

ორმაგი ტურის პირველი მატჩი „ირისებს“ ლესტერის წინააღმდეგ აქვთ. რუდ ვან ნისტერლოი მელიების მენეჯერი მე-14 ტურში გახდა, მას შემდეგ ლესტერმა 10 მატჩი ითამაშა და ვერცერთ მათგანში ვერ მოახერხა კარის მშრალად შენახვა. ამ პერიოდის განმავლობაში მელიები გაშვებული მოსალოდნელი გოლებისა xGC (19.17) და გოლების (22) მიხედვით ყველაზე უარეს გუნდებში მე-3 ადგილს იკავებენ. 

პირველ წრეში ლესტერის კარში ერთადერთი გოლი ნდიაიმ გაიტანა. თუ სენეგალელი იგივეს გაიმეორებს, ამ შემთხევაში მისი ყიდვა წარმატებულად ჩაითვლება. ნდიაისგან ლივერპულთან მატჩისას დიდი მოლოდინები არ უნდა გვქონდეს, მიუხედავად ამისა მაინც გირჩევ სენეგალელის ყიდვას.

სამომავლოდ მის სკამზე გადასმას იოლად შეძლებ, 29_ე ტურში კი შესაძლოა ძალიან დაგჭირდეს ფეხბურთელი, რომელსაც თამაშის გადადების რისკი არ ემუქრება. შეგახსენებ 29 ტურში ერთი მატჩი აუცილებლად გადაიდება.

🔵 ჯორდან პიკფორდი (£5.1) - ინგლისის ნაკრების კარის დარაჯი მიმზიდველი არჩევანია DGW24_ისთვის, თუმცა შემდგომ ევერტონს უკვე არასახარბიელო კალენდარი ეწყება. პიკფორდის ყიდვა იმ შემთხვევაში იქნება რეკომენდირებული თუ ჯორდანს ძირითად მეკარედ განიხილავ. რატომ ? მეკარეს, რომელიც £5.1 ღირს სათადარიგოთა სკამზე ვერ გაამწესებ, ეს ბიუჯეტის ფლანგვა იქნება. თანაც იმის ფონზე, რომ 24_ე ტურიდან ბიუჯეტი ასისტენტ მენეჯერისთვისა შეიძლება დაგჭირდეს.

ამ გარემოებიდან გამომდინარე შეიძლება იფიქრო, რომ პიკზე უკეთესი pick_ი ვიტალი მიკოლენკოა. თუმცა თუ ჯორდანს პირველ მეკარედ მოიყვან გუნდში, ამ შემთხვევაში რისკი გამართლებულია. პიკფორდი ბევრ სეივებს აკათებს, რითაც უკეთესი შანსი აქვს ბონუს ქულების მიღების, ვიდრე ევერტონის მცველებს.

თუ ევერტონი გოლს გაუშვებს, „ირისების“ მცველებს ქულების დაწერის შესაძლებლობა მხოლოდ საგოლე მოქმედების შემთხევაში ექნებათ, პიკფორდს კი მაინც შეუძლია ქულების დაგროვება სეივებით, რაც მცირედი უპირატესობაა მის სასარგებლოდ.

თუ იმ მენეჯერებს შორის ხარ, ვისაც რაია ჰყავს არჩეულია, ჯორდანზე გადასვლა მარტივი გამოსავალია. ასე ბიუჯეტსაც დაზოგავ, თანაც 29_ე ტურში მატჩის გადადების შანსებსაც შეიმცირებ. პ.ს. არსენალი თუ კარაბაოს თასის ფინალში გავა, მათი 29_ე ტურის მატჩი გადაიდება.

გამოვიყენოთ თუ არა Triple Captain_ის დახმარება DGW24_ში ?

თუ La gazzetta dello sport Georgia_ს მიმოხილვებს ყურადღებით ადევნებ თვალს, აუცილებლად გემახსოვრება, რომ წინ, მინიმუმ, კიდევ ორი DGW_ი გველის. აქედან გამომდინარე შესაძლოა Triple Captain_ის გამოყენებას სამომავლოდ აპირებ. მიუხედავად მომავალი შესაძლებლობებისა მაინც მიგვაჩნია, რომ TC_ის გამოყენებისთვის ოპტიმალური დრო 24_ე ტურია.

შევაჯამოთ ყველა მნიშვნელოვანი არგუმენტი, რის მიხედვითაც Triple Captain_ის გამოყენებას გირჩევთ:

✅ TC_ისთვის საუკეთესო კანდიდატურა სალაჰია. ეგვიპტელი გუნდს ლიგის მატჩზე არ გაჰყოლია, შესაბამისად მო კარგად დასვენებულია;
✅ Triple Captain_ის საუკეთესო კანდიდატია საუცხოოა ფორმაშია და დასვენებულია, მაშინ როდესაც სამომავლოდ შესაძლოა დაზღვეული არ ვიყოთ ტრავმებისაგან;
✅ სალაჰის ანგარიშზე მიმდინარე სეზონში 19 გოლი და 13 ასისტია. ფეხბურთელი, რომელსაც 32 საგოლე მოქმედება აქვს 23 ტურში, ცალსახად საუკეთესო ალტერნატივაა;
✅ სალაჰი მატჩში საშუალოდ 10.1 ქულას აგროვებს;
✅ ასევე საუცხოოა სალაჰის გასვლითი ფორმა, ეგვიპტელს 11 გოლი აქვს გატანილი გასვლით მატჩებში;
✅ ლივერპულში პენალტებს სალაჰი ასრულებს;
✅ მომ ორ ურთულეს გასვლით შეხვედრაში გაიბრწყინა. ნიუკასლთან 18 ქულა დაიმსახურა, არსენალთან კი 10;
❌ ლივერპულს ორი გასვლითი მატჩი აქვს სათამაშო. ბორნმუთმა საშინაო შეხვედრებში მხოლოდ 7 გოლი გაუშვა. ალუბლებმა შინ გამართულ მატჩებში სიტი, ფორესტი, არსენალი და ნოტინგემი დაამარცხეს, ჯამში კი 11 პრემიერლიგური მატჩია არ აგაბენ;
✅ სალაჰი და ლივერპულიც უფრო შედეგიანი გასვლით მატჩებში არიან. რატომ ? როდესაც გუნდები ენფილდზე ჩადიან, როგორც წესი ისინი ძალიან დაბალი დაცვითი ბლოკით თამაშობენ. ლივერპულს გასვლით მატჩებში მეტი გოლი გააქვს, რადგანაც, შინ, მასპინძლები მეტად რისკავენ;
❌ წინ გველის DGW_ები, სადაც შესაძლოა უკეთესი კალენდარი ჰქონდეს TC_ის სხვა ალტერნატივებს, მათ შორის სალაჰსაც;
✅ მიუხადავად სამომავლო შესაძლებლობებისა, არ უნდა გამოგვრჩეს, რომ შემდგომში აქტიურ ფაზაში შევა ევრო ტურნირებიც, რამაც შესაძლოა გაზარდოს წუთების რისკი. ახლა ამ მხრივ შედარებით იოლი ვითარებაა;
❌ თუ ასისტენტ მენეჯერის გამოყენებას აპირებ, პარალელურად TC_ის ვერ გააქტიურებ;
✅ ასისტენ მენეჯერის გამოყენება შესაძლოა სამომავლოდ სჯობდეს, როდესაც მკაფიო იქნება, რომელ გუნდს რა ესაჭიროება. თანაც AM_ის გამოყენებას სლოტზე არ გირჩევ, რადგან ეს ლივერპულიდან მე-3 ფეხბურთელი აყვანის შესაძლებლობას შეგიზღუდავს.

თუ ლივერპულის Double Defence მყავს, გავყიდო მცველი გაკპოს საყიდლად ?

თუ სალაჰი და ლივერპულის ორი უკანახაზელი უკვე გყავს, გაკპოს ყიდვა ვერ შეძლებ თუ რომელიმე უკანახაზელს არ დაემშვიდობები. თუმცა სანამ ნიდერლანდელზე გადაინაცვლებ, კარგად უნდა დაფიქრდე, რამდენად ღირს ასეთი გზით გაკპოს ყიდვა?

ლოგიკურად თუ შეხედავ, ლივერპულის მცველის გაყიდვა და ლივერპულისვე შემტევის ყიდვა იმ მატჩებში, სადაც მერსესაიდელებს რთული გასვლები ელით, გამართლებული არაა.

გასვლითი მატჩების სირთულის გათვალისწინებით ლივერპულს უფრო მეტი შანსი აქვს კარის მშრალად შენახვის ვიდრე, ბევრი გოლის გატანის. შესაბამისად „წითლების“ ორმაგ დაცვაზე აწყობილი სტრატეგია შესაძლოა უკეთესიც კი იყოს. მიუხედავად იმისა, რომ ამ ბოლო დრო ლივერპულა მოუკლო „მშრალად შენახული კარის“ თვალსაზრისითი, წითლების xGC(მოსალოდნელი გაშვებული გოლები) კვლავ საუკეთესოა.
ამასთანავე 25_ე ტურში მერსესაიდელები ენფილდზე ვულვზს დაუპირისპირდებიან, ბუკმეკერების აზრით შემდეგ ტურში ლივერპულს კარის მშრალად შენახვის საუკეთესო შანსი აქვს.

როგორ გამოვიყენოთ პრემიერ ლიგის ფენტეზის დახმარებები ?

პრემიერ ლიგის ფენტეზის „ქარდები/ჩიპები“ ძლიერი დახმარებებია. თუ მათი გამოყენების სწორ სტრატეგიას შეარჩევ, შენი გამარჯვების შანსები მნიშვნელოვნად გაიზრდება. ყველაფერს, რაც რელევანტური სტრატეგიის განსაზღვრისთვისაა საჭირო, „La Gazzetta dello Sport Georgia“ მიმოხილვებში ნახავ:

მნიშვნელოვანი ტურები

🔸DGW24: როგორც წინასწარ გატყობინებდით 24-ე ტურში, ლივერპულსა და ევერტონს double/ორმაგი ტური ექნებათ. ეს შესანიშნავი შესაძლებლობაა სალაჰზე Tripple/სამმაგი კაპიტნის ქარდის გამოყენებისთვის.

🔸DGW25: არსებობს მცირე შანსი რომ სპურსისა და ფულჰემის მატჩი 29_ე ტურიდან 25 ტურში გადმოინაცვლებს. ამის გასარკვევაში კარაბაოს თასის მე-2 ნახევარფინალური მატჩის შედეგები დაგვეხმარება. შანსები მცირეა, თუმცა მხედველობაში გქონდეს

🔸BGW29 – Blank ანუ ტური ნაკლები მატჩით 29_ე სათამაშო კვირას ჩაინიშნება. რაც ნიშნავს იმას, რომ ტურში 10 მატჩის ნაცვლად 9 ან ნაკლები შეხვედრა ჩატარდება. BGW_ს Carabao_ს თასის ფინალისტები გამოტოვებენ:

BGW29 ოფიციალურად დადასტურდება Carabao_ს თასის ნახევარფინალური მატჩების შემდეგ, 24-ე ტურის მსვლელობისას, ან 25-ე ტურისთვის.
თუ ნიუკასლი გავა ფინალში, მაშინ 29-ე ტურში ნიუკასლისა და პალასის შეხვედრა გადაიდება. შეგახსენებ Carabao_ს თასის პირველი მატჩი ნიუკასლმა ემირეიტსზე 0-2 მოიგო. უდიდესი ალბათობით გადადებული მატჩი 33_ე ტურში გადაინაცვლებს:

ნიუკასლი DGW33 🆚 ასტონ ვილა + კრისტალ პალასი
კრისტალ პალასი DGW33 🆚 ბორნმუთი + ნიუკასლი

თუ არსენალი გავა ფინალში, მაშინ 29-ე ტურში არსენალისა და ჩელსის შეხვედრა გადაიდება. უდიდესი ალბათობით გადადებული მატჩი 33_ე ტურში გადაინაცვლებს:

არსენალი DGW33 🆚 იფსვიჩი + ჩელსი
ჩელსი DGW33 🆚 ფულჰემი + არსენალი

თუ სპურსი გავა ფინალში, მაშინ 29-ე ტურში ტოტენჰემისა და ფულჰემის შეხვედრა გადაიდება. Carabao_ს თასის პირველი მატჩში სპურსმა ლივერპული 1-0 დაამარცხა:
როგორც დავწერეთ, შეხვედრის გადმოტანას 25_ე ტურში ელიან, თუმცა შანსები მცირეა.

თუ ლივერპული გავა ფინალში, მაშინ 29-ე ტურში ლივერპულისა და ასტონ ვილას შეხვედრა გადაიდება. Carabao_ს თასის პირველი მატჩში ლივერპული სპურსთან დამარცხდა:

ასტონ ვილა DGW33 🆚 ნიუკასლი + ლივერპული
ლივერპული DGW33 🆚 ლესტერი + ასტონ ვილა

🔸BGW34: FA Cup_ის ნახევარფინალური დაპირსპირებები გამოიწვევს კიდევ 6 ან 8 გუნდიან BGW34_ს, ეს იდეალური შესაძლებლობაა Free Hit_ისთვის.

🔸DGW36: გუნდები, რომლებიც 34_ე ტურში გამოტოვებენ თამაშს, DGW_ს ითამაშებენ 36_ე ტურში. ეს კარგი შესაძლებლობაა Bench Boost_ისთვის.

მოცემული მომენტისთვის პრემიერ ლიგის ფენტეზის ჩიპების/დახმარებების გამოყენების ოპტიმალური სტარტაგია:

✅ TC - ტრიპლ კაპიტანი - 24_ე ტურში;

✅ ვაილდქარდი - 30_ე ტურში;

✅ AM - ასისტენტ მენეჯერი, 31-32- 33 ტურების განმავლობაში მათ შორის ეს მოიცავს DGW33_ს

✅ FH - Free Hit - 34_ე ტურში, BGW34_თან გასამკლავებლად. მიუხედავად იმისა, რომ 29-ე ტურშიც ნაკლები თამაში ჩატარდება, FH_ს შენახვა 34_ისთვის იქნება უკეთესი, სადაც მეტი მატჩის გადადებაა მოსალოდნელი. 29_ე ტურისთვის მომზადება შეგიძლია მომდევნო სათამაშო კვირიდან დაიწყო. ამისთვის ტრანსფერების შენახვა და ნიუკასლის, პალასისა და ვილას ფეხბურთელების თავიდან არიდება დაგჭირდება. თუმცა 29_ე ტურამდე საკმარისი დროა გუნდის მოსამზადებლად.

✅ BB - Bench Boost – 36 ტურში, რომელიც DGW_ია
მოსალოდნელია მცირედი ცვილებები, შესაძლოა BB (Bench Boost) უკეთესი იყოს 33 ტურში ხოლო AM (Asistent Manager) სჯობდეს 36_ე ტურში. ამის შესახებ უახლოეს მიმოხილვებში გამცნობთ.

ყველაფერი ASISTENT MANAGER_ის (AM) შესახებ

მე-16 და 21_ე ტურის მიმოხილვაში La Gazzetta dello Sport Georgia-მ ვრცელი ქვეთავი მიუძღვნა პრემიერ ლიგის ფენტეზის ახალ დახმარებას - Asistent manager_ს. 24_ე ტურიდან

Asistent manager (შემდგომში AM) საშუალებას გაძლევს პრემიერ ლიგის რეალური მენეჯერები 3 ტურის განმავლობაში გყავდეს გუნდში. ქულებს იმის მიხედვით დაიმსახურებ, თუ როგორ ითამაშებს შენს მიერ შეძენილი მწვრთნელის გუნდი.

🔹 როდიდან შეძლებ AM_ის გამოყენებას?

ასისტენტ მენეჯერი 24_ე ტურიდან (01.FEB) ამოქმედდება, როდესაც დახმარებას გააქტიურებ, ის მომდევნო 3 მატჩის განმავლობაში იქნება ძალაში. AM_ის გამოყენება სხვა დახმარებებთან ერთად შეუძლებელია, როდესაც ასისტენტ მენეჯერი მოქმედებაშია დანარჩენ ქარდებს ვერ გამოიყენებთ.

🔹 როგორ დაითვლება ქულები ? 

🔹 რას ნიშნავს ცხრილის ბონუსი ?

ბონუსი იმ შემთხვევაში ამოქმედდება, თუ მოწინააღმდეგე 5 ადგილით მაღლაა ცხრილში. მაგალითად ამორიმი შესანიშნავი ალტერნატივაა, მანჩესტერი ცხრილში ქვევითაა, თუმცა ქულების მოპოვებას მასზე მაღლა მყოფი გუნდების წინააღმდეგ ახერხებს.

🔹 თავიდან მენეჯერის არჩევაზე ტრანსფერი არ დაგეხარჯება, თუმცა შემდგომ უკვე მისი შეცვლა -4 ქულა დაგიჯდება.
🔹 თუ მენეჯერს გუნდიდან გაუშვებენ, შენი არჩევანი მაინც ძალაში დარჩება და ქულებს გუნდის შედეგების მიხედვით მიიღებ.
🔹 მენეჯერის ფასების ნახვად ტრანსფერების განყოფილებაში შეძლებ.

AM_ის ქულების დათვლის მაგალითი, ბორნმუთისა და ირაოლას შემთხვევაში:
GW8 - ბორნმუთი 2-0 არსენალი
GW9 - ასტონ ვილა 1-1 ბორნმუთი
GW10 - ბორნმუთი 2-1 მანჩესტერ სიტი

8_იდან მე-10 ტურის ჩათვლით ირაოლა 47 ქულას მიიღებდა:

ვიყიდო მბუმო ამ კვირას?

თუ ორმაგი ტურის მქონე ფეხბურთელების გარდა ვინმეს ყიდვას აპირებ, მბუმო (£7.9) უპირველესი არჩევანი უნდა იყოს.

მოახლოებული კალენდრის ფონზე, ბრაიანის გუნდში ყოლა აუცილებელია, ბრენტფორდის მომავალი სამი მეტოქე საშინლად გამოიყურება გაშვებული მოსალოდნელი გოლების მეტრიკის მიხედვით (xGC), ნოემბრიდან მოყოლებული:

GW24 🆚 TOT (H) - მე-19 ადგილი
GW25 🆚 WHU (A) - მე-17 ადგილი
GW26 🆚 LEI (A) - მე-16 ადგილი

მბუმოს ყიდვა ერთ-ერთი მთავარი პრიორიტეტი უნდა იყოს, შესაბამისად აქტუალურია შეკითხვა - ვინ გავყიდოთ მბუმოს საყიდლად? 

გორდონი - ენტონი კარგი FPL აქტივია, თუმცა მბუმოს მასთან შედარებით ცალსახა უპირატსეობა აქვს. ბრაიანი თერთმეტმეტრიანებს ასრულებს, იოლი კალენდარი აქვს და 29-ე ტურში მატჩის გადადების საფრთხე არ ემუქრება.

ეზე - ანალოგიურად, პალასის კალენდარი ნელ-ნელა უარესდება. ეზეზე გაცილებით ბევრი ქულის მიღების პოტენციალი მბუმოს აქვს.
გიბს-უაითი - ალუბლებთან მიღებულმა ცივმა შხაპმა ფორესტის ირგვლივ ბევრი კითხვის ნიშანი გააჩინა, მომდევნო ტურებში ნოტინგემს რთული მატჩები ელის ფულჰემთან, ნიუკასლთან, არსენალთან და სიტისთან.

ოდეგორი - არსენალს წინ შესანიშნვი კალენდარი აქვს, ოდეგორიც ქულების თვალსაზრისით აუცილებლად მოუმატებს, მაგრამ მოცემული მომენტისთვის არსენალი კვლავ შორსაა ოპტიმალური შეტევითი ფორმისგან, სწორედ ამიტომ ამ შემთხვევაშიც პასუხი მბუმოა.

ბრუნო - რომ არა ბოლოდროინდელი მატჩები პორტუგალიელის დატოვებას გირჩევდი, თუმცა ფულჰემთან და სტიაუასთან ბრუნოს პოზიცია ბევრ კითხვას ბადებდა. ფერნანდეში უფრო ცენტრალურ ზონაში მოგვევლინა ვიდრე წინ აწეული ნახევარმცველად, შესაძლოა ეს დროებითი ტაქტიკური ტესტია, თუმცა ამ პოზიციიდან ბრუნოს შეტევითი პოტენციალი ძალიან იკლებს.

ვიყიდო ვისა ამ კვირას?

ეს შეკითხვა აქტუალური მხოლოდ ამ შემთხვევაში უნდა იყოს:
✅ თუ DGW24_ის მოთამაშეებით უკვე დამოლპექტებული გყავს გუნდი;
✅ თუ მბუმო უკვე შენს გუნდშია
✅ თუ ვისას (£6.3) საყიდლად მინუს ქულის აღება არ გიწევს.

თუ კონგოელი ამ სამივე კრიტერიუმს აკმაყოფილებს მაშინ მისი ყიდვაზე დაფიქრება ნამდვილად ღირს, მაგრამ თუ რომელიმე ზევით ჩამოთვლილი გარემოება კითხვის ნიშნის ქვეშაა სჯობს თავის შეიკავო.

როდის და ვინ ვიყიდო ბორნმუთიდან ?

შემდეგი კვირიდან „ალუბლებს“ საუცხოო კალენდარი ეწყებათ. ბორნმუთის ფეხბურთელებზე ნადირობის სეზონი 25-ე ტურიდან აიღებს სტარტს, ამიტომ უმჯობესია მოვლენებს არ გაასწრო და გადაწყვტილება მეტი ინფორმაციის ფონზე მიიღო. თუ კიდევ ერთ ტურს მოიცდი, ისიც გეცოდინება რას იზავენ „ალუბლები“ 9_იანთან დაკავშირებით.

 
უკანასკნელი რამდენიმე საათია აქტიურად იწერება, რომ ბორნმუთი თავდამსხმელის ძიებაშია. ახლა „ალუბლების“ ორივე ფორვარდი ტრავმირებულია, რის გამოც დანგოს (£5.0) უწევს ამ როლის მორგება. უატარა შესანიშნავად ართმევს თავს, თუმცა ის ფორვარდი არაა, მეტიც ადრეულ თამაშებში, როგორც ფლანგის მცველი ისე ერთვებოდა მატჩში. ბორნმუთის „ევროზონის ოცნებას“ კი 9_იანი ძალიან სჭირდება.

თუ ალუბლებმა ფორვარდი იყიდეს, მაშინ შესაძლოა დანგოს წუთები შემცირდეს, თუ ბორნმუთი ფორვარდის გარეშე დარჩა, ამ შემთხვევაში დანგო, კლიუვერტსა (£5.7) და სემენიოზე (£5.6) საინტერერსოდაც კი მოსჩანს.

უატარა უფრო იაფი ღირს, ადგილი გარანტირებული აქვს და ის მხოლოდ პრემიერ ლიგის ფენტეზის მენეჯერების 1%_ს ჰყავს გუნდში.

ამ კითხვებს პასუხი მომდევნო ტურის წინ გაეცემა, ამიტომ უმჯობესია ბორნმუთის შემტევებს 25_ე ტურში დავუბრუნდეთ და არა ლივერპულთან ურთულესი მატჩის წინ.

წარმატებებს გისურვებ. ჩვენს ლიგას ასე შეგიძლია შემოურთდე - ლიგის არჩევის გვერდზე, შეიყვანე LaGazzetta-ს ლიგის კოდი: cuikc0 ან გადადი ამ ბმულზე.

ავტორი: გიორგი მახარაძე