პრემიერ ლიგის ფენტეზი - რა უნდა გავითვალისწინოთ 28-ე ტურის წინ?

❌ კუნია

ბრაზილიელმა, ბორნმუთის წინააღმდეგ ჯერ გასაოცარი სილამაზის გოლი გაიტანა, შემდგომ კი სრულიად უწყინარ სიტუაციაში ნერვები ვერ მოთოკა და მსაჯს წითელი ბარათი გამოსტყუა. შეგახსენებ ეს პირველი შემთხვევა, არაა როდესაც „მგლები“ თავის ლიდერს დისციპლინარული გადაცდომის გამო მოისაკლისებენ.

ვულვზის გულშემატკივრები მატჩის შემდგომ იმედგაცრუებას ვერ მალავდნენ, კუნიას (£7.4) სინანული არც მის „სხეულის ენას“ დასტყობია და არც სოც.ქსელში მოუბოდიშებია ფანებისთვის.

მათეასს ბოდიშის მოხდა, ფენტეზის მენეჯერებთანაც მართებს. კუნიას წითელმა ბარათმა FPL-ის ბევრ მოთამაშეს გაუცრუა იმედი, თანაც მაშინ როდესაც ვულვზს საუკეთესო კალენდარი ეწყებოდა.

იმ შემთხვევაში თუ ბრაზილიელს დისკვალიფიკაციის ვადა არ გაუზარდეს 🐺❌ გაძევების გამო კუნია შემდეგ მატჩებს გამოტოვებს:

❌GW28 - ევერტონი (H)
❌BGW29 - საუთჰემპტონი (A)
❌GW30 - ვესტ ჰემი (H)

🤕 მატეტა

ჟან ფილიპ მატეტა უმძიმეს დაზიანებას, მეტიც შეიძლება ითქვას, რომ სიკვდილს გადაურჩა. მილოულის მეკარის ქმედება ჰორორის ჟანრის ფილმს მოგაგონებდათ. მატეტას 25 ნაკერი დაადეს, თუმცა შედეგი შესაძლოა გაცილებით მძიმე ყოფილიყო. ყველაზე საინტერესო ისაა, რომ არა VAR-ი, ინციდენტიდან რამდენიმე მეტრში მდგარი ოლივერი წითელი ბარათის ამოღებას არ აპირებდა.

„მერფის კანონი“

ნიუკასლის შემტევ ჯეიკობ მერფის არ ვგულისხმობთ. ის რაც „ჯორდებს“ შეემთხვათ სხვა არაფერია თუ არა „მერფის კანონი“. ამ ფრაზით აღნიშნავენ მოვლენათა ყველაზე არასასურველი თანმიმდევრობის სერიას. მაგალითად, თუ კარაქიანი პური დაგივარდათ, მაშინ ის აუცილებლად კარაქიანი მხრით დავარდება და ასე შემდეგ.
ერთხელ ვან გაალმა, მანჩესტერულ კარიერაში აუხსნელი წარუმატებლობა „მერფის კანონს“ დააბრალა, როგორც ჩანს იგივე მდგომარეობაშია ედი ჰაუც:
🚫 ნიუკასლი FA cup-ს გამოეთიშა, არადა უმცირესობაში მყოფმა ჯორდებმა გატანა მოახერხეს, თუმცა გამარჯვების მომტანი გოლი რამდენიმე სანტიმეტრის გამო თამაშგარედ გადაკვალიფიცირდა. ინგლისის საფეხბურთო ასოციაციის თასიდან გამოვარდნის შემდეგ „კაჭკაჭები“ კარაბაოს თასის ფინალს ძალიან დიდი დანაკლისით ხვდებიან.

❌ კუნიას მსგავსად სრულიად უწყინარ სიტუაციაში წითელი ბარათი მიიღო გორდონმაც. (£7.4) ინგლისელი „კაჭაჭებს“ კარაბაოს თასის ფინალშიც ვერ დაეხმარება, FA cup-იდან გამოვარდნაც შეიძლება ითქვას, რომ მის სინდისზეა. შეხვედრები, რომელსაც გამოტოვებს გორდონი:

❌ GW28 - ვესტ ჰემი (A)
❌ კარაბაოს თასის ფინალი - ლივერპული
❌ GW30 - ბრენტფორდი (H)

🤕 ნიუკასლისთვის კიდევ ერთი უმძიმესი დანაკლისი ლუის ჰოლის (£5.0) დაკარგვაა, ინგლისელი გუნდს სეზონის ბოლომდე გამოაკლდება. ჰოლი „ჯორდების“ უკანა ხაზში ცალსახად საუკეთესო იყო, როგორც დაცვითი ასევე შეტევითი ფუნქციების თვალსაზრისითი.

ამავდროულად კვლავ საავდრო ღრუბლებია ბოტმენის (£4.4) თავზე, ნიდერლანდელმა ვერაფრით მოახერხა დაბრუნება. სათუოა ტრიპიეს (£5.6) თამაშიც, რაც კიდევ უფრო გაართულებს ჰოლის ჩანაცვლებას.

❓ სამწუხაროდ, ნიუკასლის თავს კიდევ ერთი დიდი პრობლემაა. მიკო-ტრავმიდან დაბრუნებულმა ისაკმა (£9.4) ბრაიტონთან მატჩში (FA cup) მოედანი კვლავ კოჭლობით დატოვა. მოგვიანებით ჰაუმ, შვედი ფეხბურთელი გადაღლაზე ისაუბრა. ისაკი, ლივერპულის წინააღმდეგ „ჯორდების“ ერთადერთი ჯოკერია, სწორედ ამიტომ „კაჭკაჭები“ შვედს მაქსიმალურად გაუფრთხილდებიან. ფენტეზის თვალსაზრისით ეს ბევრ კითხვის ნიშანს აჩენს.

Lessons learned

ფეხბურთელები რომლებიც სხვადასხვა მიზეზით თამაშებს ტოვებენ და შესაბამისი მაჩვენებელი - პრემიერ ლიგის ფენტეზის მენეჯერების რამდენ %-ს ჰყავთ გუნდში:

ისაკლი - 56% ⚠️ საეჭვოა
ჰოლი - 20% ❌ სეზონი დასრულებულია
კუნია - 15% ❌ დისკვალიფიცირებულია
გორდონი - 12% ❌ დისკვალიფიცირებულია
გაკპო - 10% ⚠️ საეჭვოა
მატეტა - 10% ⚠️ საეჭვოა
მიტომა – 10 % ⚠️ საეჭვოა
ამადი - 6.4% ❌ სეზონი დასრულებულია
დანგო - 5.3% 🔄 როტაციის რისკი ქვეშაა.

პრემიერ ლიგის ფენტეზის გამოცდილმა მენეჯერებმა კარგად იციან დაუწერელი კანონის შესახებ - რეკომენდირებული არაა ტრანსფერის ნაადრევად გაკეთება. ქვევით იმ მოთამაშეების სტატისტიკაა, ვინც ეს “მცნება” არ გაითვალისწინა. შედეგად 28-ე ტურის წინ ისეთი ფეხბურთელები იყიდეს, რომლებიც, როგორც შემდგომში გაირკვა მომდევნო სათამაშო კვირას მონაწილოებას მიიღებენ.

🦅 მატეტა - 206K - ტრავმამდე, ფრანგი 206 000_მა მოთამაშემ იყიდა:
🐺 კუნია - 148K
⚫ ჰოლი- 29K
⚫ გორდონი - 21K

ვინ შეცვლის ჰოლს?

ლუის ჰოლი, პრემიერ ლიგის ფენტეზის მენეჯერების დაახლოებით 1/5-ს ჰყავდა გუნდში. შესაბამისად 28 ტურის წინ ერთ-ერთი ყველაზე აქტუალური კითხვა, მისი შემცვლელის ძიებაა:

🔵 გვარდიოლი (£5.9) ბოლო 5 ტურში:

🔒 2 მშრალად შენახული კარი
⚽️ 1 გოლი
🎯 22 FPL ქულა
⭐️1 ბონუს ქულა
✅ გრელვადიანი ინვესტიცია, ორი შესაძლო ორმაგი ტურით.
✅ სიტის საუკეთესო უკანახაზელი;
📊 იოსკო, პრემიერ ლიგის ფენტეზის მენეჯერების 18.6%-ს ჰყავს გუნდში;
📆 NFO (A) BHA (H) LEI (H) 🔜

🐺 აიტ-ნური (£4.7) ბოლო 5 ტურში:

🔒 2 მშრალად შენახული კარი
❌ 0 საგოლე მოქმეედება
🎯 17 FPL ქულა
⭐️1 ბონუს ქულა
✅ საუკეთესო კალენდარი;
✅ ძალიან დიდი შემტევი პოტენციალი;
📊 აიტ-ნურს შეუძლია განსხვავების შექმნა, ის მენეჯერების მხოლოდ 6.4%-ს ჰყავს გუნდში;
📆 EVE (H) SOU (A) WHU (H) 🔜

🦅 მუნოსი (£5.0) ბოლო 5 ტურში
(თუ 29-ე ტურში Free Hit_ს იყენებ)

🔒 2 მშრალად შენახული კარი
⚽️ 1 გოლი
🅰️ 3 ასისტი
🎯 33 FPL ქულა
⭐️4 ბონუს ქულა

✅ ბოლო 7 შეხვედრაში (ყველა ტურნირზე) მუნოსს 3 გოლი და 3 ასისტი დაუგროვდა;
✅ ორმაგი ტური 32-ე სათამაშო კვირას, ასევე შესაძლოა 33-ე ან 36-ე ტურშიც;
❌ კრისტალ პალასი არ თამაშობს 29-ე ტურში;
📊 კოლუმბიელს კვლავაც შეუძლია განსხვავების შექმნა, ის მენეჯერების მხოლოდ 12.5%-ს ჰყავს გუნდში;
📆 IPS (H) 29-❌ SOU (A) 🔜

🍒 კერკერზი (£5.0) ბოლო 5 ტურში

🔒 1 მშრალად შენახული კარი
🅰️ 1 ასისტი
🎯 14 FPL ქულა

✅ გავრცელებული ინფორმაციით კერკეზი ლივერპულის მთავარი სამიზნეა, ამიტომ მილოში ყველანაირად ეცდება მერსესაიდელებს მოაწონოს თავი;
📊 უნგრელი, პრემიერ ლიგის ფენტეზის მენეჯერების 15%-ს ჰყავს გუნდში;
📆 TOT (A) BRE (H) IPS (H) 🔜

ფენტეზის მენეჯერების უმრავლესობას ფორესტის, არსენალისა და ლივერპული მცველები უკვე ჰყავს გუნდში, ამიტომ მათ დეტალურად აღარ მიმოვიხილავთ.

ფორვარდის ძიებაში

ვუდი (£7.2)
🌳 თუ ვუდი ამ დრომდე არაა შენს გუნდში, მისი ყიდვა უალტერნატივო გადაწყვეტილებაა;
🌳 28-ე ტურის შემდეგ ნოტინგემ ფორესტს გაცილებით მარტივი კალენდარი ეწყება;
🌳 მომდევნო 4 მეტოქიდან 3 გაშვებული დიდი შანსების მაჩვენებლებით (xGC) პრემიერ ლიგის ერთ-ერთი ყველაზე უარესი გუნდები არიან;
ვუდი, ბოლო 5 ტურში:
⚽️ 4 გოლი
🅰️ 1 ასისტი
🎯 35 FPL ქულა
⭐️6 ბონუს ქულა
📊 ვუდი პრემიერ ლიგის ფენტეზი მენეჯერების 45%-ს ჰყავს გუნდში
📆 MCI (H) IPS (A) MUN (H) 🔜

ვისა (£6.4)
🐝 2 გოლი ბოლო 2 შეხვედრაში;
🐝 „ფუტკრებს“ რთული კალენდარი ელით წინ, თუმცა თომას ფრანკის გუნდი ასეთ სიტუაციებში ძალიან სახიფათოა კონტრ-იერიშებზე;
🐝 თუ მბუმო უკვე გყავს გუნდში, შესაძლოა ვისას მოყვანა სარისკო იყოს.

ვისა, ბოლო 5 ტურში:
⚽️ 2 გოლი
🎯 23 FPL ქულა
⭐️ 5 ბონუს ქულა
📊 ვისა პრემიერ ლიგის ფენტეზი მენეჯერების 15%-ს ჰყავს გუნდში
📆 AVL (H) BOU (A) NEW (A) 🔜

ბეტო (£5.1)
🔵 საუკეთესო ბიუჯეტური ფორვარდი პრემიერ ლიგის ფენტეზიში;
🔵 მოიესის მოსვლის შემდეგ ევერტონი გასაოცარ ფორმაშია. ბოლო 8 პრემიერლიგური მატჩიდან „კანფეტებმა“ 5 მოიგეს და 3 შეხვედრა ფრედ დაასრულეს, რა დროსაც 15 გოლის გატანა შეძლეს. ამ გოლების ზუსტად 1/3 ბეტოს ანგარიშზეა;
🔵 ევერტონს მომდევნო 2 მატჩი ხელსაყრელ მეტოქეებთან აქვს, თუმცა მას შემდეგ მიჯრით ხვდებიან - ლივერპულს, არსენალს, ფორესტს, ჩელსისა და სიტის.

ბეტო, ბოლო 5 ტურში:
⚽️ 5 გოლი
🎯 37 FPL ქულა
⭐️ 7 ბონუს ქულა
📊 ბეტო პრემიერ ლიგის ფენტეზი მენეჯერების მხოლოდ 6.2%-ს ჰყავს გუნდში
📆 WOL (A) WHU (H) LIV (A) 🔜

ევანილსონი (£5.6)
🍒 ბრაზილიელი დაბრუნდა და FA cup-ზე უკვე მოასწრო გოლის გატანა;
🍒 სანამ ფორმას აღიდგენს, ევანილსონი შესაძლოა აქტიურ როტაციაში იყო დანგოსთან;
🍒 ევანილსონი ერთ-ერთი საუკეთესო Difference maker-ია, ბრაზილიელი პრემიერ ლიგის ფენტეზის მოთამაშეთა მხოლოდ 0.6%-ს ჰყავს გუნდში.
📆 TOT (A) BRE (H) IPS (H) 🔜

მარმუში (£7.1)

🔵 სიტის წესით 2 Double ტური ექნება, ამიტომ გრძელვადიან პერპექტივაში ეგვიპტელი საინტერესო არჩევანია;
🔵 მარმუშმა ინგლისში გადმოსვლის შემდეგ 5 მატჩი ითამაშა და ყველა მათგანში მოედანზე მინიმუმ 70 წუთი დაჰყო, როგორც მოსალოდნელია პეპი ბირთვს აყალიბებს შემდეგი სეზონისთვის, შესაბამისად წესით ომარს წუთები გარანტირებული უნდა ჰქონდეს, თუმცა არასდროს არ უნდა ვთქვათ „არასოდეს“ პეპის ცნობილ როტაციასთან მიმართებაში.
🔵 ეგვიპტელმა მხოლოდ ერთ მატჩში გაიბრწყინა - ნიუკასლთან. დარჩენილი 4 შეხვედრაში მის ანგარიშზე არც გოლი და არც ასისტია.
🔵 სიტის ისეთი კალენდარი აქვს წინ, უკვე დროა ჰოლანდზე ფიქრი დაიწყო. თუმცა ნორვეგიელის შეძენა ვაილდქარდის გარეშე ურთულესი ამოცანა იქნება.

მარმუში, ბოლო 5 ტურში:
⚽️ 3 გოლი
🎯 25 FPL ქულა
⭐️ 3 ბონუს ქულა
📊 მარმუში პრემიერ ლიგის ფენტეზი მენეჯერების მხოლო 9.3%-ს ჰყავს გუნდში
📆 NFO (A) BHA (H) LEI (H) 🔜

სარისკო ალტერნატივები:

🐺 ლარსენი (£7.1) - კუნიას არ ყოფნის პერიოდში შესაძლოა საინტერესო კანდიდატურად იქცეს, თუმცა ძალიან სარისკოა მისი წუთები. მიუხედავად პერსპექტიული მატჩებისა, ლარსენის ყიდვა არ არის რეკომენდირებული. ვულვზში, ამ პოზიციაზე თამაში კიდევ რამდენიმე ფეხბურთელს შეუძლია.

🔴 ზირკზე (£6.5) - ბოლო ორ შეხვედრაში ჯოშუა იუნაიტედის ერთადერთი ნათელი წერტილი იყო. ნიდერლანდელი შედის ფორმაში, თუმცა მანჩესტერის ფეხბურთელის ყიდვა, ასეთი კრიზისი პერიოდში უკიდურესად სარისკოა.

🔵 ველბეკი (£5.5) & ჟოაო პედრო (£5.4) ორივე ფორვარდმა ბოლო მატჩებში მოახერხა თავის გამოჩენა, თუმცა ორივეს შემთხვევაში კითხვის ნიშნები გაჩნდა სათამაშო დროსთან დაკავშირებით. ნაკლებად სავარაუდოა, რომ მათ „წუთებს“ საფრთხე ემუქრებოდეს, თუმცა ეს ფაქტორი მაინც გასათვალისწინებელია. თანაც „თოლიებს“ არც თუ ისე იოლი კალენდარი ელით წინ.

⚪ სოლანკე (£7.3) დომის ყიდვა ჯერ ძალიან ადრეა, თუმცა მისი დაბრუნება ძალიან საინტერესო სიახლეა პრემიერ ლიგის ფენტეზის მენეჯერებისთვის. სოლანკე ამ წუთისთვის პრემიერ ლიგის ფენტეზის მოთამშეების მხოლოდ 4.5%-ს ჰყავს გუნდში. თუმცა დომი ევროპის ლიგის მატჩში, შემოსვლიდან რამდენიმე წამში უკანვე გაბრუნდა, აშკარაა რომ ჯერ მზად არ არის. თუ სოლანკე მალე მოახერხებს მომჯობინებას, სეზონის ბოლოს საინტერესო ალტერნატივად შეიძლება იქცეს.

რა არ უნდა გამოგვრჩეს 28-ე ტურის წინ:

✅ გასულ სათამაშო კვირას „La Gazzetta dello Sport Georgia“-ს ერთ-ერთი მთავარი რეკომენდაციას კუკურეას (£5.1) ყიდვა იყო. რეკომენდაციას ესპანელთან დაკავშირებით 100%-ით გამართლდა. თუ ჩვენს რჩევას დაუჯერე, მაშინ შენი მარაგი 15 ქულით შეივსებოდა.

კუკურეამ კოპენჰაგენთან მატჩშიც გამოიჩინა თავი, გოჩოლეიშვილის წინააღმდეგ მარკმა ასისტის გაკეთება მოახერხა. 28-ე ტურში ჩელსის, ლესტერის სახით უმარტივესი მეტოქე ჰყავს, კოკურეასგან კვლავ უნდა ველოდოთ ქულებს.
🔒 გასულ კვირებში ჩვენი მთავარი რჩევა ტრანსფერის შენახვა იყო, მოჭარბებულ ტრავმიანობასთან ერთად გადანახული ტრანსფერები ფასდაუდებელ სამსახურს გაგიწევს.
თუ მათ გარეშე მოახერხებ ფონს გასვლას, რეკომენდირებულია კიდევ ერთხელ არ გააკეთო ცვლილება. 29-ე ტურში კი, როდესაც სრული სურათი გექნება „ცარიელ“ სათამაშო კვირაზე, ბევრად ეფექტიანად გამოიყენებ შენახულ ტრანსფერებს.
🎯 FA cup-მა დიდი ცვლილებები დარჩენილი ქარდების გამოყენების სტრატეგიაშიც შეიტანა. „La Gazzetta dello Sport Georgia“-ს მიმოხილვებში არაერთხელ დავწერეთ FPL დახმარებების ოპტიმალური გამოყენების სტრატეგიის შესახებ. მომდევნო სათამაშო კვირას უკვე „ცარიელი“ ანუ Blank ტურია. 29-ე ტურის წინ, დროს ძირითადად აღნიშნულ საკითხს დავუთმობთ.
🔍 ასენსიო (£6.1), სობოსლაი (£6,4) და ეზე (£6.1) - სამივე ეს ფეხბურთელი შესაძლოა ძალიან ეფექტიან “განსხვავების“ შემქმნელად მოგვევლინოს. შეგახსენებ, სამივე მათგანი 29_ე ტურს გამოტოვებს, სამომავლოდ გირჩევ მათ განსაკუთრებული ყურადღებით დაუკვირდე:

🦁 ბოლო 5 მატჩში ასენსიოს ანგარიშზე 5 გოლია;
🔴 ბოლო პრემიერლიგურ 2 შეხვედრაში უნგრელს 2 გოლი და 1 ასისტი დაუგროვდა;
🦅 შესაძლოა ეზეს მიჯრით ჰქონდეს ორმაგი ტურები, მისი ბიუჯეტური ალტერნატივა სარია.
🔴 უფრთხილდი 28-ე ტურში ლივერპულის ფეხბურთელების ყიდვას, შემდეგ სათამაშო კვირას არ თამაშობენ. გარდა ამისა „მერსასაიდელებს“ უმძიმესი განმეორებითი მატჩი ელით პსჟ-ს წინააღმდეგ.

კაპიტანი

როგორც ჩანს პალმერთან დაკავშირებით სიტუაცია ძალიან მძიმეა, ინგლისელმა ასეთი სტატისტიკის ფონზეც კი ვერ მოახერხა გოლის გატანა, თანაც „სოტონთან“
🔵 პალმერი 🆚 საუთჰემპტონი (H)

7 დარტყმა
1.30 მოსალონდელი გოლის ალბათობა xG
2 დიდი შანსი

პალმერის ფორმა სრულიად არაპროგნოზირებადია, რა თქმა უნდა, მისი გაყიდვა ლესტერთან მატჩის წინ რეკომენდირებული არაა, თუმცა მისი გაკაპიტნება ძალიან სარისკოა. თუ გადაწყვეტ რისკზე წასვლას შესაძლოა ჯილდო ძალიან დიდი იყოს, მაგრამ გაცილებით უსაფრთხო ალტერნატივა მო სალაჰია, მიუხედავად მოახლოებული ჩემპიონთა ლიგისა.

წარმატებებს გისურვებ. შემოუერთდი ჩვენს FPL ლიგას - ლიგის არჩევის გვერდზე, შეიყვანე LaGazzetta-ს ლიგის კოდი: cuikc0 ან გადადი ამ ბმულზე.

ავტორი: გიორგი მახარაძე