პრემიერ ლიგის ფენტეზი - რა უნდა გავითვალისწინოთ 31-ე ტურის წინ?

⚔️ 30-ე ტურის TOP3 შემტევი ფორვარდიდან მარმუშმა - 9, ისაკმა - 8, მატეტმა კი 1 ქულა დაწერა;

🔵 ნიკო ჯექსონი ხანგრძლივი ტრავმიდან პირდაპირ სასტარტო თერთმეთეულში დაბრუნდა. ძირითადიდან დაიწყო პალმერმაც.

რა უნდა ვიცოდე Double და Blank სათამაშო კვირების შესახებ 🔒 ?

ორმაგი და ცარიელი კვირის თაობაზე La Gazzetta dello Sport Georgia-ს მიმოხილვის პროგნოზი 100%-ით გამართლა. აღნიშნული საკითხის შესახებ, ამ ქვეთავში ყველა მნიშვნელოვან სიახლეს ნახავ.

DGW 32 - რომელი გუნდები ითამაშებენ 2 მატჩს 32-ე ტურში? 🔒

⚫ ნიუკასლი 🆚 მანჩესტერ იუნაიტედი (H), კრისტალ პალასი (H)
🦅 კრისტალ პალასი 🆚 მანჩესტერ სიტი (A), ნიუკასლი (A)

DGW 33 - რომელი გუნდები ითამაშებენ 2 მატჩს 33-ე ტურში? 🔒

🔵 მანჩესტერ სიტი 🆚 ევერტონი (A), ასტონ ვილა (H)
🔴 არსენალი 🆚 იფსვიჩი (A), კრისტალ პალასი (H)
🦁 ასტონ ვილა 🆚 ნიუკასლი (H), მანჩესტერ სიტი (A)
🦅 კრისტალ პალასი 🆚 ბორნმუთი (H), არსენალი (A)

BGW 34 - რომელი გუნდები არ თამაშობენ 34-ე ტურში?

⛔️ მანჩესტერ სიტი
⛔️ არსენალი
⛔️ ასტონ ვილა
⛔️ კრისტალ პალასი

მნიშვნელოვანი საკითხები:

◉ როგორც ვივარაუდეთ 34-ე ტურშივე დარცა ნოტინგემისა და ბრენტფორდის მატჩი;
◉ კრისტალ პალასი ერთადერთი გუნდია, რომელიც ზედიზედ ორ Double ტურს თამაშობს;
◉ DGW36 და BGW37 დამოკიდებულია FA cup-ის ნახევარფინალური მატჩების შედეგზე;
◉ გუნდები, რომლებიც გავლენ FA cup-ის ფინალში დიდი ალბათობით არ ითამაშებენ 37-ე ტურს, შესაბამისად ექნება ორ შეხვედრას ითამაშებენ 36-ე ტურში;
◉ მაქსიმუმ 4 გუნდი არ ითამაშებს 37-ე ტურში, იგივე 4 გუნდს ექნება DGW
◉ სიტი, კრისტალ პალასი და ასტონ ვილა არიან ის გუნდები, რომლებსაც აქვთ 33-ე და 36-ე ტურში ჰქონდე ორმაგი ტური.

ასტონ ვილა - Stick or twist?

ვილანები იმ 4 გუნდს შორის არიან, რომლებიც 33-ე ტურში ორ მატჩს თამაშობენ. გარდა ამისა თუ ასტონ ვილა FA cup-ის ნახევარფინალურ შეხვედრაში კრისტალ პალასს დაამარცხებს, დიდი ალბათობით ემერის შეგირდები 36-ე ტურშიც ორ შეხვედრას ჩაატერენ. ამის ფონზე კი, მათ მიმართ პრემიერ ლიგის ფენტეზის მენეჯერების ინტერეს გაზრდილია.

ვილანებმა ყველა ტურნირზე გამართული ბოლო 6 მატჩიდან ექვსივე მოიგეს, 5 შეხვედრაში კი, კარი მშრალად შეინახეს. შესაბამისად შემტევებთან ერთად ემი მარტინესიც დიდ ინტერეს იწვევს:

2-0 🆚 კარდიფი
3-1 🆚 ბრიუგე
1-0 🆚 ბრენტფორდი
3-0 🆚 ბრიუგე
3-0 🆚 პრესტონი
3-0 🆚 ბრაიტონი

მომდევნო მატჩებში „ვილანებს“ დიდი გამოცდა ელით წინ. ემერის შეგირდები 5 აპრილიდან 26 აპრილის ჩათვით 7 ურთულეს შეხვედრას ითამაშებენ:

📆 NFO (H) PSG (A) SOU (A) PSG (H) NEW (H) MCI (A) CRY (A) 🔜

◉ ვილა, პრემიერ ლიგაში ჩემპიონთა ლიგის ზონისთვის იბრძვის;
◉ ჩეპიონთა ლიგაზე, ტურნირის ერთ-ერთ მთავარ ფავორიტს ხვდება;
◉ FA cup-ის ნახევარფინალურ მატჩში კი მასზე არანაკლებ „დამშეული“ პალასი ელით.

ასეთი კალენდრის ფონზე, ვილას ფეხბურთელებით გუნდის გადატვირთვა სარისკოა. ემერი აქტიურად მიმართავს როტაციას. რომ არა, როტაციის რისკი ასენსიო (£6.1) და ფორმაში შესული რაშფორდი (£6.6) საუკეთესო FPL აქტივი იქნებოდა, თუმცა არცერთ მათგანს არ აქვს გარანტირებული წუთები.

ქვევით მოყვანილ ცხრილში ნაჩვენებია, რომ მორგან როჯერსი (£5.5) გაცილებით უფრო საიმედო ალტერნატივაა, მიუხედავად იმისა, რომ ქულების უკეთესი პოტენციალი ვილანების ახალ შემტევებს აქვთ. მე-2 ყველაზე უსაფრთხო ფეხბურთელი ვისაც წუთები გარანტირებული აქვს, ცხადია ემი მარტინესია. (£5.0)

რა უნდა ვიცოდეთ ტრავმირებულ ფეხბურთელებზე 🤕 ?

⚫ ისაკი (£9.5) - შვედმა მოედანზე 65 წუთი დაჰყო, შემდგომ კი საზარდულის პრობლემის გამო მოედანი დატოვა. 31-ე ტური ნიუკასლის შეხვედრით დაიხურება, შესაბამისად ისაკს 5 დღე ექნება რეაბილიტაციისთვის. თითქმის ანალოგიური პრობლემა აქვს ტრიპიესაც (£5.6)

👔 ჰაუ ისაკისა და ტრიპიეს შესახებ
ისაკი - " He wasn't feeling 100% and wasn't sure in his movement. Hopefully he's OK"
ტრიპიე - „So, Kieran [Trippier] just felt his groin, as well – again, we hope it’s not serious. We were missing Matt Targett through illness, so we’ve got a really stretched squad at the moment“

იმედია ედი ჰაუსს პოზიტივი უსაფუძვლო არ იქნება.

🌳 კრის ვუდი (£7.2) & ოლა აინა (£5.4)

როგორც ვივარაუდეთ ვუდი მანჩესტერთან სათამაშოდ მზად არ იყო. რაც შეეხება აინას, ოლამ მოედანი მიღეული დაზიანების გამო ნაადრევად დატოვა.

👔 ესპირიტუ სანტო, ვუდისა და აინას შესახებ
ვუდი - „Chris Wood will continue to be assessed ahead of GW31“
აინა - „Ola Aina will be sidelined “for a while” with a calf issue“

ამ კომენტარების ფონზე ვუდის დაბრუნება უფრო მოსალოდნელია ვიდრე აინასი.

🔴 ტიმბერი (£5.6) - გაბრიელისგან განსხვავებით ბევრად უფრო იმედისმომცემია ნიდერლანდელის მდგომარეობა. მის შესახებ არტეტას ზუსტი ინფორმაცია არ მოუწოდებია, მაგრამ ვარაუდობენ, რომ მისი დაზიანება სერიოზიული არაა.

ყველაფერი 31-ე ტურის ვაილდქარდის შესახებ

31-ე სათამაშო კვირა ვაილდქარდის გასააქტიურებლად ყველაზე ხელსაყრელი მომენტია, უახლოსი „ორმაგი“ და „ცარიელი“ ტურები უკვე დადასტურებულია, შესაბამისად ბევრად უფრო ინფორმირებული არჩევანის გაკეთება მოგიწევს. ცხადია საუკეთესო არჩევანი გუნდის იმ ფეხბურთელებით დაკომპლექტებაა, ვისაც Double ანუ ორმაგი ტური ელის წინ:
✅ DGW 32 - სასურველია კრისტალ პალასიდან და ნიუკასლიდან 6 მოთამაშე გყავდეს,
✅ DGW 33 - სასურველია სიტიდან და არსენალიდან მინიმუმ 5 შეიძლება 6 ფეხბურთელიც კი გყავდეს.
✅ დანარჩენი ადგილები შეგიძლია იმ გუნდებზე გადაანაწილო, რომელიც ორმაგ ტურს თამაშობენ, მაგრამ ნაკლებ ყურადღებას იქცევენ, მაგალითად - ასტონ ვილა ან იმ ფეხბურთელებით დააკომპლექტო, რომელსაც სტანდარტული კალენდარი აქვს, მაგრამ კარგ სათამაშო ფორმას აჩვენებს.
✅ თუ სეზონის სხვა სტადიაზე შეგეძლო ისეთი მოთამაშის აყვანა, რომელიც უკიდურესად იაფი ღირს, მაგრამ ნაკლებს თამაშობს ან საერთოდ ვერ იღებს დროს, ამ ეტაპზე ეს უკვე გამორიცხულია - გუნდი იმ ფეხბურთელებით უნდა დააკომპლექტო, რომელსაც გარანტირებული სათამაშო დრო აქვს. ეს კრიტიკულად მნიშვნელოვანია Bench Boost-ისთვის.

🧤 🥅 მეკარე

🔴 რაია (£5.5) – ითამაშებს ორმაგ ტურს 33-ე სათამაშო კვირას
🦁 მარტინესი (£5.0) - ითამაშებს ორმაგ ტურს 33-ე სათამაშო კვირას
🦅 ჰენდერსონი (£4.6) - ზედიზედ ითამაშებს ორმაგ ტურებს 32-ე და 33-ე სათამაშო კვირას
⚫ პოუპი (£4.9) - ითამაშებს ორმაგ ტურს 32-ე სათამაშო კვირას

🛡️ მცველი 

🔵 გვარდიოლი (£6.0) - ითამაშებს ორმაგ ტურს 33-ე სათამაშო კვირას. საგოლე პოტენციალი მნიშვნელოვნად მოიკლებს თუ პეპი ცენტრალურ ზონაში დატოვებს ფლანგის ნაცვლად.
🔴 სალიბა (£6.3) - ითამაშებს ორმაგ ტურს 33-ე სათამაშო კვირას, გაბრიელის ტრავმის შემდეგ მე-2 სართულზე ყველაზე დიდ ხიფათს მისგან უნდა ველოდოთ.
🦅 მუნოსი (£5.1) - ზედიზედ ითამაშებს ორმაგ ტურებს 32-ე და 33-ე სათამაშო კვირას. რთული კალენდრის ფონზე მისგან შეტევით ქულებს უფრო უნდა ველოდოთ.
⚫ ბერნი (£4.4) / ლივრამენტო (£4.5) - ტრიპიეს ტრავმის ფონზე ნიუკასლიდან ორი რეალური ალტერნატივა დარჩა. საიდანაც ჩვენი ფავორიტი - ტინო ლივრამენტოა.
წუთების თვალსაზრისით დენ ბერნი ცალსახად უფრო საიმედო FPL აქტიცია, თუმცა ინგლისელს 8 ბარათი აქვს და მხილოდ 2 გაფრთხილებაღა აშორებს ორმატჩიან დისკვალიფიკაციას. 

მე-5 მცველი:

🌳 მილენკოვიჩი (£4.9) / მურილიო (£4.7) / უილიამსი (£4.4) - ფორესტის მცველზე უარის თქმა ურთულესი გადაწყვეტილებაა. სწორედ ამიტომ ვფიქრობთ ნოტინგემის მინიმუმ ერთი უკანახაზელი მაინც უნდა დაიტოვო.
🦁 კონსა (£4.4) – 33-ე სათამაშო კვირას თამაშობს ორმაგ ტურს, ვილას დაცვაში როტაციის ფუფუნება არ აქვს
⚒️ ვან-ბისაკა (£4.5) - იოლი მეტოქე ჰყავს 33-ე ტურში, რაც ხელსაყრელია bench boost-ისთვის

🔴 სალაჰი (£13.7) - მას შემდეგ რაც ჰოლანდი ვაილდქარდის მენიუს ჩაეხსნა, ეგვიპტელი უალტერნატივოა.
🦅 ეზე (£6.8) / სარი (£5.7) - ზედიზედ თამაშობენ ორმაგ ტურს, მიუხედავად სოტონთან იმედგაცრუებისა ორივე კარგ სათამაშო ფორმაშია. რთული არჩევანის გაკეთება მოგიწევს, მაგრამ ბიუჯეტის თვალსაზრისით ისმაილა სარი უფრო ხელსაყრელია. არც ისაა გამორიცხული, რომ ორივე მათგანი ერთად აიყვანო.
🔴 საკა (£10.2) – საკა ხმაურიანად დაბრუნდა, შესაბამისად ახლა მასა და კოულ პალმერს შორის არჩევანის გაკეთება ბევრად უფრო მარტივი იქნება. „მეთოფეები“ 33-ე ტურში ორმაგ ტურს ითამაშებენ, ამიტომ, ამის გათვალისწინებით ბუკაიო გაცილებით უკეთესი FPL აქტივია.
🔵 პალმერი (£10.8) - როგორც იქნა ინგლისელმა ნავსი გატეხა, პალმერის მშრალი სერია დასრულდა. თუ საკას აყვანას მადრიდის რეალთან როტაციის გამო მოგვიანებით გეგმავ, გუნდის სტრუქტურის შენარჩუნებისთვის პალმერი იდეალური ვარიანტია. თუმცა ამ შემთხვევისთვის ერთი ტრანსფერის დაჯავშნა მოგიწევს, იმისთვის რომ შემდგომ საკაზე გადაერთო.
🔴 მერინო(£6.0) - ესპანელმა ზედიზედ მე-2 შეხვედრაში მოახერხა გოლის გატანა. საკასთან ერთად ცხადია მისი განხილვაც შეგიძლია, მითუმეტეს რომ მიკელი 9-იანის პოზიციაზე თამაშობს, თუმცა არ დაგავიწყდეს:
- არსენალს 2 თებევრლის შემდეგ 2-ზე მეტი გოლი არ გაუტანია;
- 8 და 16 იანვარს არსენალს ორი უმძიმესი მატჩი ელის მადრიდის რეალის წინააღმდეგ.
⚫ მერფი (£5.0) / გორდონი (£7.4) - როგორც უკვე მრავალგზის აღვნიშნეთ ნიუკასლი ორმაგ ტურს ითამაშებს 32-ე სათამაშო კვირს. სწორედ ამიტომ რეკომენდირებულია მერფისთვის ან გორდონისთვის შუახაზში ადგილის გამონახვა. თუ ბიუჯეტურ ალტერნატივას ეძებ მერფი შესანიშნავი კადიდატურაა. ვარაუდობენ რომ 32-ე კვირისთვის ენტონი გორდონიც მოასწრებს გამოჯანმრთელებას.
🦁 ასენსიო (£6.1) / რაშფორდი (£6.6) / როჯერსი (£5.5) - ვილანებიც დიდი ალბათობით 33-ე ტურში ითამაშებენ ორმაგ ტურს. თუმცა მათი ჩემპიონთალიგური მატჩებიდან გამომდინარე რთულია წინასწარ იმის განსაზღვრა, ვინ რამდენს სათამაშო დროს მიიღებს.
🔵 სავინიო (£6.2) - თუ პეპის როტაციას არ უფრთხი, ბრაზილიელს შესანიშნავი მატჩი ჰქონდა ლესტერის წინააღმდეგ.

⚽ ფორვარდი

შემტევი ტრიო ჰოლანდის ტრავმის შემდეგ მკაფიოდ გამოიკვეთა:

მატეტა (£7.6) - ზედიზედ თამაშობს ორმაგ ტურს. სოტონთან ძალიან ახლოს იყო გოლთანაც, ერთადერთი რაც ფრანგის ირგვლივ მცირე, მაგრამ მაინც ე.წ Red Flag-ია, ეს მისი ნაადრევი შეცვლაა, რაც შესაძლოა რეაბილიტაციის პროცესს მივაწეროთ
ისაკი (£9.5) - თამაშობს DGW32-ს, სხვამხრივ შვედზე კომენტარი ზედმეტია. მისი დაზიანებაც, როგორც ვარაუდობენ უმნიშვნელოა.
მარმუში (£7.4) - ჰოლანდის ტრავმის შემდეგ ეგვიპტელი წესით უსაფრთხო არჩევანია დროის თვალსაზრისით. ამ დასვკნას FA cup-ზე და ლესტერთან გატანილი გოლიც ამყარებს.

31-ე ტურის კაპიტანი

ერთი შეხედვით 31-ე ტურში ალექსანდრ ისაკი საუკეთესო კაპიტანია, თუმცა მისი მცირე დაზიანება მაინც ბადებს ეჭვს. შესაძლოა შვედს ტრავმის გამო სათამაშო დრო შეუმცირდეს, ამიტომ მისი გაკაპიტინების შესახებ რეკომენდაციის გაცემა რთულია.

ისაკის დაზიანებიდან გამომდინარე საუკეთესო კაპიტნის ალტერნატივა კვლავ მო სალაჰია.

წარმატებებს გისურვებ.

შემოუერთდი ჩვენს FPL ლიგას - ლიგის არჩევის გვერდზე, შეიყვანე LaGazzetta-ს ლიგის კოდი: cuikc0 ან გადადი ამ ბმულზე.

ავტორი: გიორგი მახარაძე