პრემიერ ლიგის ფენტეზი - რა უნდა გავითვალისწინოთ მე-11 ტურის წინ?

• გვარდიოლამ პრეს-კონფერენციაზე განაცხადა, რომ ერთადერთი ფეხბურთელი, რომელსაც ვერ დაასვენებდა, რიკო ლუისი იყო. გამოიცანით რა მოხდა? რიკო სასტარტოში არ ყოფილა.

🍒 ბორნმუთი (𝟮.𝟬𝟵) xG 𝟮-𝟭 (𝟭.𝟲𝟰) xG მანჩესტერ სიტი 🔵

🍒 სემენიოს სიტის მცველები ვერ აჩერებდნენ. 4_ჯერ დაარტყა საჯარიმოს შიგნიდან, 2 დიდი შანსიც შექმნა;
🍒 ევენილსონს დუბლი უნდა ჰქონოდა, პესპექტიული FPL აქტივია, თუმცა ანტუანი სჯობს;
🔵 ჰოლანდმა 2 დიდი შანსი ვერ გამოიყენა, თუმცა ძალიან ახლოს იყოს გოლთან. KDB_ის დაბრუნება კარგი ამბავია ნორვეგიელისთვის.

🔴 ლივერპული (𝟭.𝟵𝟱) 𝟮-𝟭 (𝟭.𝟭𝟱) ბრაიტონი 🔵

🔴 სალაჰმა მორიგი ბრწყინვალე მატჩი ჩაატარა, დუბლი უნდა ჰქონოდა.
🔴 არნოლდს შესანიშნავი დაცვითი პერფორმანსი ჰქონდა, ერთი დიდი შანსიც შექმნა, რომელიც „ასისტად“ ვერ გარდასახეს. ასევე ციმიკასს ჰქონდა ბრწყინვალე მატჩი.
🔵 ველბეკი საჯარიმოებსაც ასრულებდა, რაც საინტერესო სიახლეა.

⚫️ ნიუკასლი (𝟬.𝟲𝟭) 𝟭-𝟬 (𝟭.𝟯𝟵) არსენალი 🔫

⚫️ ჰოლს მორიგი შესანიშნავი მატჩი ჰქონდა, პერსპექტიული FPL აქტივია.
🔫 მეთოფეებიდან მხოლოდ საკა აქტიურობდა, თუმცა მისი ძალისხმევა საკმარისი არ აღმოჩნდა, ჰავარცი კვლავ შეუმჩნეველი იყო.

🐔 ტოტენჰემი (𝟮.𝟴𝟯) 𝟰-𝟭 (𝟭.𝟴𝟴) ასტონ ვილა 🔴

🐔 ჯონსონმა მისთვის დამახასიათებელი გოლი გაიტანა - საჯარიმოში შეტეხვით, თუმცა ეს მისი ერთადერთი შანსი იყო.
🔴 ვოტკინსმა ორი დიდი შანსი გააფუჭა, მათ შორის ერთ-ერთი როჯერსის შექმნილი.
🔴 დინი კვლავ ახლოს იყო ქულებთან. 4 მომენტი შექმნა, მათ შორის 2 დიდი შანსი.

👿 მანჩესტერი (𝟮.𝟬𝟲) 𝟭-𝟭 (𝟭.𝟲𝟴) ჩელსი 🔵

👿 ტენ ჰააგის წასვლის შემდეგ ბრუნო დაფრინავს, მან 4 დიდ შანსში მიიღო მონაწილეობა. 2 თვითონ შექმნა, 1 გოლი გაიტანა, ერთი შანსი კი ვერ გამოიყენა;
👿 გარნაჩო სახიფათო პოზიციებზე ხვდებოდა, კვლავ აქტიურობდა თუმცა კონვერტაციის თვალსაზრისით ჰქონდა პრობლემები.
🔵 პალმერს მისთვის დამახასიათებელი აქტიური მატჩი ჰქონდა. 3 მომენტი შექმნა, აქედან 1 დიდი შანსი, 2-ჯერ დაარტყა საჯარიმოს შიგნიდან, თუმცა ორივეჯერ დაიბლოკა.

🐺 ვულვზი (𝟭.𝟲𝟲) 𝟮-𝟮 (𝟯.𝟬𝟭) კრისტალ პალასი 🦅

🐺 კუნია ძალიან მრავალმხრივია - აწვდის კუთხურებს, ასრულებს ჯარიმებს და დიდი ალბათობით პენალტებსაც, შემოქმედებითი როლის გამო სიღრმიდან თამაშობს, თუმცა აქვს ასისტების პოტენციალიც.
🐺 ლარსენი ბრაზილიელთან შედარებით უფრო სახიფათო პოზიციებზე ხვდება, რაც გოლშიც გადაითარგმნა
🐺 აიტ-ნურს მორიგი აქტიური მატჩი ჰქონდა, 2-ჯერ დაარტყა კარისკენ. რაც მთავარია არ მიუღია ყვითელი ბარათი,


🔴 ნოტინგჰემი (𝟮.𝟮𝟯) 𝟯-𝟬 (𝟬.𝟭𝟲) ვესტ ჰემი ⚒️

🔴 ვუდს მორიგი ბრწყინვალე მატჩი ჰქონდა. გარდა გოლისა ავსტრალიელმა ფორესტი გოლისაგანაც იხსნა, როდესაც პაკეტას დარტყმულს გადაეღობა;
🔴 ფორესტი უკვე მე-2 ადგილზეა მიღებული დიდი შანსების რაოდენობით. აინამ, რომლის შეძენაც გირჩიეთ გოლის გატანაც მოახერხა, ჯამში კი 15 ქულას მოუყარა თავი.
🔴 აინა ფენტეზის მენეჯერების 10%_ს ჰყავს გუნდში, თუ უფრო იშვიათ „Difference Maker“_ს ეძებ ნიკოლა მილენკოვიჩს გირჩევთ, მისი მოსალოდნელი გოლების ინდექსი (xG) 0.43 იყო

მე-11 ტურის მიმოხილვა

პრემიერ ლიგის მე-11 ტური მალე აიღებს სტარტს, La Gazzetta dello Sport Georgia-ს რჩევები ანალიზსა და შენი გუნდის ოპტიმიზაციაში დაგეხმარება. გაითვალისწინე, ეს მნიშვნელოვანი ტურია - შემდგომ სანაკრებო პაუზის გამო პრემიერ ლიგა ორი კვირით იუქმებს.

SOS

წარმოიდგინე...შენთვის სასურველ ფეხბურთელს პერსპექტიული მატჩების გამო ყიდულობ, თუმცა მოთამაშე, რომელიც იყიდე მე-5 ყვითელ ბარათს იღებს და უმნიშნვნელოვანეს შეხვედრას გამოტოვებს. თუ არ გსურს ასეთი სცენარის წინაშე დადგე, 10 პრემიერლიგური ტურის შემდგომ უკვე დროა ტრანსფერის წინ ყვითელი ბარათების რაოდენობაც შეამოწმო.

გახსოვდეს - 5 ყვითელი ბარათის შემთხვევაში ფეხბურთელები 1 მატჩს ტოვებენ.

სიაში იმ მოთამაშეებს იპოვი ვისაც 4 ყვითელი ბარათი აქვთ და მხოლოდ 1 გაფრთხილება აშორებთ მატჩის გამოტოვებას:

⚠️ აიტ ნური
⚠️ სემენიო
⚠️ ჯექსონი
⚠️ ბოუანანოტე
⚠️ კლიუვერტი
⚠️ დიბლინგი
⚠️ კინი
⚠️ ლისანდრო მარტინესი
⚠️ დენ ბარნი
⚠️ ვან დენ ვენი
⚠️ შარი

აქ კი იმ მოთამაშეების ჩამონათვალია ვისაც 3 გაფრთხილება აქვს:
⚠️ პალმერი
⚠️ ვარდი
⚠️ კონატე
⚠️ დალო
⚠️ კულუშევსკი
⚠️ ტიმბერი
⚠️ დინი
⚠️ ტარკოვსკი
⚠️ ჰოლი

კვლავ სალაჰსა და ჰოლანდზე

ბოლო 5 მატჩიდან ერლინგ ჰოლანდმა (£15.3) მხოლოდ ერთხელ მოახერხა საგოლე მოქმედებაში მონაწილეობის მიღება, ამავდროულად სიტიმ ყველა ტურნირის გათვალისწინებით ზედიზედ მე-3 მატჩი წააგო.

ერთი შეხედვით ყველაფერი იმისკენ მიანიშნებს, რომ რთულ კალენდართან ერთად უკვე დროა ჰოლანდის გუნდიდან გაშვებაზე აქტიურად დაფიქრდე. მეორე მხრივ, დე ბრუინი დაბრუნდა, ეს ნორვეგიელისთვის შესანიშნავი სიახლეა, ერლინგს, ფორმა KDB_ის ტრავმის ფონზეც აერია.
რთული გადაწყვეტილებაა, ჩვენ არგუმენტებს გაგიზიარებთ გადაწყვეტილება კი თავად უნდა მიიღო.

თუ ჰოლანდის გაშვებას მინუს ქულებით გეგმავ, შესაძლოა არ ღირდეს. გაიხსენე, ბრაიტონის მაღლა აწეული თამაშგარის ხაზი და ისიც რა დამართა ასეთ ოფსაიდის მახეს ჩელსიმ. დე ბრუინისა, დოკუსა და ფოდენის აკომპანიმენტით შესაძლოა ჰოლანდი ძალიან სახიფათო იყოს, ასეთ შემთხვევაში მინუს ქულის სანაცვლოდ ერლინგის გაშვება პერსპექტიულ იდეად არ მოსჩანს.

თუ 2 უფასო ტრანსფერი გაქვს და ჰოლანდის გაშვებისთვის დამატებითი მინუს ქულების აღება არ გჭირდება, მაშინ უკვე შეგიძლია სკანდინავიელს შეელიო. ერლინგის გუნდში დატოვება მხოლოდ მაშინ იქნება გამართლებული, თუ მომდევნო ტურებში მის გაკაპიტნებას აპირებ, სხვა შემთხვევაში £15.3_იანი ინვესტიცია მიზანშეწონილი არაა, კაპიტანს კი პალმერსა (£11.0) და სალაჰს (£12.8) შორისაც იოლად აარჩევ.

GW11: სალაჰი vs. ასტონ ვილა (ჰოლანდი vs. ბრაიტონი)
GW12: სალაჰი vs. საუთჰემპტონი (ჰოლანდი vs. სპურსი)
GW13: პალმერი vs. ასტონ ვილა (ჰოლანდი vs. ლივერპული )
GW14: პალმერი vs. საუთჰემპტონი (ჰოლანდი vs. ფორესტი)
GW15: სალაჰი vs. ევერტონი (ჰოლანდი vs. პალასი )
GW16: სალაჰი vs. ფულჰემი (ჰოლანდი vs. მანჩესტერი )

როგორც ხედავ „უჰოლანდობასთან“ გამკლავებას სალაჰისა და პალმერის დახმარებით შეძლებ.

ორიოდ სიტყვა კოულზეც, მთელი კვირაა მისი ტრავმის შესახებ საუბრობენ. თავიდან პროგნოზები შემაშფოთებელი იყო, დაიწერა რომ პალმერი 3 კვირის განმავლობაში გამოაკლდებოდა გუნდს, თუმცა როგორც ჩანს ინგლისელი ბევრად უფრო ადრე დაუბრუნდება მინდორს. კოული ნაკრებშია გამოძახებული, თუ სერიოზულ ტრავმასთან გვექნებოდა საქმე წესით პალმერს განაცხადში არ შეიყვანდნენ.

არსენალთან მნიშვნელოვანი მატჩის წინ, ძალიან მცირეა იმის ალბათობა, რომ პრეს-კონფერენციაზე პალმერის ტრავმის შესახებ, რამე მნიშვნელოვან სიახლეს შევიტყობთ. უმჯობესია პალმერი სასტარტოში დატოვო და ყოველი შემთხვევისთვის ყურადღებით აარჩიე სათადარიგოთა სკამზე ფეხბურთელების თანმიმდევრობა.

ვინ როგორ იყენებს საგოლე მომენტებს?

ჰოლანდის გაყიდვის მთავარი დადებითი მხარე გამოთავისფულებული ბიუჯეტია, მნიშვნელოვანი გადაწყვეტილები მიღება მოგიწევს, სტატისტიკა იმის შესახებ ვინ როგორც „თარგმნის“ დიდ შანსებს გოლებში, არჩევანის გაკეთებაში დაგეხმარება.

ცხრილში პირველი გატანილი გოლების მაჩვენებელია. მე-2 დიდი შანსების რაოდენობაა, რომელიც ამ ფეხბურთელებს შეექმნათ. მე-3 კონვერტაციის მაჩვენებელია, რა პროცენტულობით გადრაიქმნა ეს შანსები გოლებში.

* ცხრილში ის ფეხბურთელებია, ვისაც 7 დიდი შანსი შეექმნა.
🔸ლუის დიასი - 5/7- 71%
🔸ვისა - 5/7- 71%
🔸მბუმო- 4/7- 57%
🔸ველბეკი- 4/7- 57%
🔸ნიკო ჯექსონი- 6/11- 55%
🔸სალაჰი- 6/11- 55%
🔸ჰოლანდი- 8/16- 50%
🔸 ვუდი - 5/11- 45%
🔸ისააკი- 3/7- 43%
🔸ბრენან ჯონსონი - 3/7- 43%
🔸ჰავერცი - 4/10- 40%
🔸 სოლანკე - 4/10- 40%
🔸პალმერი - 3/8- 38%
🔸ვოტკინსი- 4/14- 29%
🔸რაულ ხიმენესი- 2/7- 29%
🔸დიოგო ჯოტა- 2/7- 29%  

ჩვენ კვლავ ვახსენებთ ბრუნოს

შესაძლოა დასკვნების გამოტანა ნაადრევია, თუმცა ტენ ჰააგის გარეშე გამართულ სამივე შეხვედრაში პორტუგალიელი ბწყინავდა. ფერნანდესმა, ჯერ ლესტერთან სათასო მატჩში, შემდგომ კი ჩელსისთან, ის თამაში აჩვენა რასაც სეზონის სტარტზე მისგან ყველა ველოდით. ბრუნომ ევროპის ლიგაზე ასისტიც მიითვალა.

ბრუნოს (£8.2) უკანსკნელი 3 მატჩის სტატისტიკა:

👿 შექმნა 5 დიდი შანსი - ამ მაჩვენებლით ბრუნო პირველ ადგილზეა
👿 14 დარტყმა - მე-2 ადგილი
👿 მოსალოდნელ გოლში მონაწილეობის ინდექსი (xGI) : 2.3 - მე-3 ადგილი

მანჩესტერ იუნაიტედმა ბოლო 3 მატჩში, ყველაზე მეტი 12 დიდი შანსი შექმნა, საიდანაც ბრუნომ 8_ში მიიღო მონაწილეობა. იუნაიტედის შემდგომი მეტოქეები იფსვიჩი და ლესტერი არიან. ბრუნო ფენტეზის მენეჯერების მხოლოდ 8%_ს ჰყავს არჩეული.

„კაპიტანი სპურსი“

მე-10 ტურში სოლანკეს 16 ქულიანი პერფორმანსის შემდეგ, ინგლისელის კაპიტნობა ძალიან მიმზიდველი „ცდუნებაა“. თუ განსხვავებულ კაპიტანს ეძებ, დომი საინტერესო არჩევანია.

ქვემოთ განხილული არგუმენტები გადაწყვეტილების მიღებაში დაგეხმარება.

გასულ სეზონში, „ალუბლების“ რიგებში, სოლანკეს (£7.7) დიდი შანსი ყოველ 115 წუთში ერთხელ ექმნებოდა. სპურსში იგივე მაჩვენებელი 70.7 წუთია. აშკარაა რომ მას გაცილებით მეტი საგოლე შესაძლებლობა ეძლევა, ვიდრე წინა სეზონში. ევროპა ლიგის მატჩის გათვალისწინებით, ბოლო 2 თამაშში სოლანკეს 3 გოლი აქვს გატანილი. გალას წინააღმდეგ შედეგებული „ქუსლური“ კიდევ უფრო გაზრდიდა მის თავდაჯერებულობას.

საინტერესოა სპურსის თამაშის სტილი გასვლით და საშინაო მატჩებში. საკუთარ მოედანზე, სადაც სპურსი დომინირებს, აქვს ბურთის ფლობა და წარმართავს თამაშს, ასეთ შემთხვევებში სოლანკე მთავარი სამიზნეა შეტევაში, სტატიკურ build-up_ში პასების მთავარი ადრესატი დომინიკია.

მაშინ როდესაც ტოტენჰემი კონტრ-იერიშზე გადადის, დომი დიდ ხიფათს იშვიათად ქმნის. კონტრ-იერიშებზე ორიენტირებული ტოტენჰემისთვის საკვანძო ფუნქიას სწრაფი ფლანგის მოთამაშეების ასრულებენ, როგორიცაა სონი (£9.9) და ჯონსონი (£6.7) – დაახლოებით ისეთ სურათს ვიღებთ, როდესაც სპურსი კეინთან ერთად თამაშობდა.

ძალიან გვიანაა ვუდისთვის?

მიმდინარე სეზონში კრის ვუდი (£6.5) ერთ-ერთი ყველაზე საიმედო ფეხბურთელია. ავსტრალიელი ამჟამად ბომბარდირთა დავაში მე-2 ადგილზეა 8 გოლით. ბოლო 4 ტურში კი 5 გოლს მოყარა თავი. შთამბეჭდავი რეგალიებია, თუმცა არ დაგავიწყდეს ისიც, რომ ფორესტს მომდევნო თამაშები ნიუკასლის, არსენალის, სიტისა და იუნაიტედის წინააღმდეგ მოუწევს.

მომდევნო მატჩებიდან გამომდინარე ვუდის ყიდვა ნეკლებადაა რეკომენდირებული, ასევე სარისკოა ასეთ ფორმაში მყოფი ფეხბურთელი გაყიდაც. თუ საჭირო გახდა გამოსავალი სათადარიგოთა სკამია, ავსტრალიელი იდეალურ როტაციას ქმნი 2 ბიუჯეტურ ფეხბურთელთან სემენიოსა (£5.4) და როჯერსთან (£5.6).

GW11: სემენიო vs. ბრენტფორდი (ვუდი vs.ნიუკასლი)
GW12: როჯერსი vs. ბორნმუთი (ვუდი vs. არსენალი)
GW13: ვუდი vs. იფსვიჩი
GW14: როჯერსი vs. ბრენტფორდი (ვუდი vs. სიტი)
GW15: სემენიიო vs. იფსვიჩი ან როჯერსი vs. საუთჰემპტონი (ვუდი vs. მანჩესტერი)

არსენალი

მე-12 ტურიდან არსენალს შედარებით იოლი მატჩები აქვს წინ. თუ "მეთოფეების" ორმაგი დაცვა არ გყავს, არ გირჩევ რომ გაბრიელს (£6.2), სალიბას (£6.0) ან რაიას (£5.6) შეელიო. თუ, რა თქმა უნდა, პალმერის ან სალაჰის ყიდვაში არ გიშლის ხელს.

რაც შეეხება წინა ხაზს, არსენალმა ბოლო 3 პრემიერლიგურ თამაშში მხოლოდ 2 გოლის გატანა შეძლო. ჰავერცმა (£8.1) ზედიზედ 3-ჯერ დატოვა მატჩი საგოლე მოქმედების გარეშე. ლონდონელების ერთადერთი ნათელი წერტილი საკა (£10.1) იყო, რომელმაც ლივერპულის წინააღმდეგ გაიტანა.

არსენალის სირთულეები უპირატესად შემოქმედებითი პოტენციალის დეფიციტითაა განპირობებული. ამ ყველაფერში "მთავარი დამნაშავე" მარტინ ოდეგორი (£8.2) მინდორს ლიგის მატჩში, 93-ე წუთზე დაუბრუნდა, სავარაუდოდ ნორვეგიელი ჩელსის წინააღმდეგ მეტ დროს მიიღებს. გაითვალისწინე მე-11 და მე-12 ტურებს შორის სანაკრებო პაუზაა, რაც მარტინს ძალების აღდგენის საშუალებას მისცემს, მე-12 ტურისთვის წესით ოდეგორი სრულად მზად უნდა იყოს.

ოდეგორის გარეშე "არსენალი" ზედმეტად სწორხაზოვანია, მისი დაბრუნების შემდეგ, პოზიტიურად უნდა შეიცვალოს ჰავერცის როლიც, შესაბამისად მე-12 ტურიდან არსენალის ირგვლივ პოზიტიურ სიახლეებს ველით. 

სხვადასხვა

ვესტ ჰემს დიდი წნეხის ფონზე მოუწევს თამაში, ლოპეტეგის თავზე დამოკლეს მახვილი ჰკიდია. წინა ტურში ფორესტთან განადგურების შემდგომ „ჩაქუჩებს“ შინ აუცილებლად სჭირდებათ წარმატება. შონ დაიჩი ასეთი მატჩების სასურველი შედეგით დასრულების დიდოსტატია, მე-10 ტურში ევერტონმა ბოლო წუთებზე გაუშვა გოლი, აქაც მოლოდინი გვაქვს, რომ „მერსესაიდელები“ ახლოს იქნებიან სასურველ შედეგთან, თანაც ვესტ ჰემს დისკვალიფიცირებული კუდუსი და ალვარესი არ ვერ დაეხმარებიან. ამ ყველაფრის ფონზე შესაძლოა მიკოლენკოსა (£4.3) და პიკფორდისგან (£4.9) მოულოდნელი ქულები მივიღოთ.

აიტ-ნურის (£4.6) შესახებ ბოლო რამდენიმე სტატიაა, აქტიურად ვწერთ. მოვიყვანეთ უამრავი არგუმენტი და სტატისტიკა, ამ ფოტოზე კი ნახავ მიზეზებს, რატომ ვუწევთ რაიანს ასეთ რეკომენდაციას.  

* არ გამოგრჩეთ, რაიანს 4 ყვითელი ბარათი აქვს.




დალო (£5.1) მიმდინარე სეზონში იუნაიტედის დაცვა რადარებს მიღმა რჩება, არადა წითელ ეშმაკებს, არსენალსა და სიტიზე მხოლოდ 1 გოლით მეტი აქვთ გაშვებული. მიმდინარე ტურში კი მანჩესტერი მელიებს უმასპინძლებს. იუნაიტედის ანგარიშზე განვლილ მატჩში 4 მშრალად შენახული კარია, საიდანაც 3 ლესტერის კალიბრის გუნდების წინააღმდეგაა. თანაც მანჩესტერმა ლესტერს მცირე ხნის წინ, თასზე ჩაუტარა საფეხბურთო გაკვეთილი. (5-2)

პორტუგალიელი მცველებს შორის ფენტეზიში დაგროვილი ქულების თვალსაზრისით მე-7 ადგილზეა, საშუალოდ კი მატჩში - 3,8 ქულას აგროვებს.

მე-11 ტურისთვის ჩვენს მიერ არჩეული თერთმეტეული




წარმატებებს გისურვებ.

ლიგის არჩევის გვერდზე, შეიყვანე LaGazzetta-ს ლიგის კოდი: cuikc0 ან გადადი ამ ბმულზე.

ავტორი: გიორგი მახარაძე