La Gazzetta dello Sport Georgia-ზე პროგნოზების ლიგა ახალი სათამაშო კვირით გრძელდება. მონაწილეებს ამ უიქენდზეც შეუძლიათ წინასწარ განსაზღვრულ სპორტულ ღონისძიებებზე პროგნოზების გაკეთება.
მონაწილეთა მიერ გაკეთებული პროგნოზები ფასდება წინასწარ დადგენილი წესებით, რის შემდეგაც შედგება ლიდერბორდი, რომელიც ასახავს თითოეული მონაწილის შედეგებს.
21-ე ტურის პროგნოზების მიღება დაწყებულია და დასრულდება 2026 წლის 14 მარტს 17:00 საათზე.
რა უნდა გავითვალისწინოთ 21-ე ტურის წინ?
ჩელსი VS. ნიუკასლი | 14 მარტი, 21:30 საათი
პრემიერ ლიგის 30-ე ტურში ბევრი გამორჩეული მატჩი გველოდება. საჩემპიონო ინტრიგის გარდა, ძალიან დიდი ბრძოლაა ჩემპიონთა ლიგის ზონაშიც, ამ ტურში კი ხუთეულის მაძიებელი გუნდების დიდი დაპირისპირებები გაიმართება, საიდანაც ერთ-ერთს სტემფორდ ბრიჯი უმასპინძლებს.
როგორც ჩელსიმ, ისე ნიუკასლმაც შუა კვირაში ჩემპიონთა ლიგაზე ითამაშა. ნიუკასლმა ბარსელონასთან ფრედ, 1-1 ითამაშა, ხოლო ჩელსი გასვლაზე პარი სენ-ჟერმენთან, 5-2 განადგურდა.
14 მარტს გასამართ დაპირისპირებას გუნდები დაახლოებით თანაბარ პირობებში ხვდებიან, რადგან არც ლონდონელები არიან კარგ ფორმაში და არც ედი ჰაუს შეგირდებს აქვთ დიდად კარგი პერიოდი. ჩელსი 48 ქულით, მე-5 პოზიციაზეა, ხოლო "კაჭკაჭები" 39 ქულით, მე-12 პოზიციას იკავებენ.
პირველ წრეში გამართული მატჩი ფრედ, 2-2 დასრულდა. მაყურებელმა საკმაოდ დაძაბული და სანახაობრივი დაპირისპირება იხილა, სადაც ჩელსიმ დააქამბექა და მნიშვნელოვანი 1 ქულა მოიპოვა.
შაბათს გასამართ დაპირისპირებას ჩელსი მხოლოდ ორი ფეხბურთელის გარეშე ხვდება. ლიამ როსენიორის განკარგულებაში ლივაი კოლვილი და ჯეიმი გიტენსი არ იქნებიან, ხოლო რაც შეეხება ესტევაოს, ბრაზილიელის საკითხი მატჩის დღეს გადაწყდება. ნიუკასლის დანაკლისი კი ასე გამოიყურება: ემილ კრაფტი, ლუის მაილი, ჯეიკობ რემზი და ფაბიან შერი.
ჩელსის სავარაუდო შემაგდენლობა: სანჩესი, ჯეიმსი, ფოფანა, ჩალობა, კუკურეია, კაისედო, სანტოსი, პალმერი, ფერნანდესი, ნეტუ, ჟოაო პედრო;
ნიუკასლის სავარაუდო შემადგენლობა:რამსდეილი, ტრიპიე, ჩაო, ბერნი, ჰოლი, ვილოკი, ტონალი, ჟოელინტონი, გორდონი, ვოლტემადე, ბარნსი;
ჩელსი-ნიუკასლის ისტორიული დაპირისპირება 179 მატჩს ითვლის, საიდანაც ლონდონელებმა 80-ჯერ იმარჯვეს, ხოლო "კაჭკაჭებმა" მეტოქეს 58-ჯერ აჯობეს. გუნდები სულ 41-ჯერ დაზავდნენ.
იმის გათვალისწინებით, რომ ბოლო 5 მატჩში მაყურებელმა 16 გატანილი გოლი იხილა, დიდი ალბათობით შაბათ გასამართი დაპირისპირებაც საკმაოდ სანახაობრივი უნდა გამოდგეს. ფავორიტ გუნდს რაც შეეხება, ვფიქრობთ, შანსები ჩელსის მხარეს, 60/40-ზეა.
მანჩესტერ იუნაიტედი VS. ასტონ ვილა | 15 მარტი, 18:00 საათი
უშუალო კონკურენტების დაპირისპირება, რომელსაც ოლდ ტრაფორდი უმასპინძლებს. ნიუკასლთან მძიმე მარცხის მიუხედავად, მაიკლ კერიკის შეგირდები მაინც კარგ ფორმაში არიან, ხოლო რაც შეეხება ასტონ ვილას, უნაი ემერის გუნდს არც ისე კარგი პერიოდი უდგას, თუმცა ამ შეხვედრაში მათ მიზანი მხოლოდ გამარჯვება იქნება.
გუნდები ამ პრინციპულ შეხვედრას 51-51 ქულით ხვდებიან, რაც იმას ნიშნავს, რომ მაყურებელს წინ საოცრად დაძაბული და სანახაობრივი დაპირისპირება ელოდება.
პირველი წრის დაპირისპირებაში, მაყურებელმა მორგან როჯერსის ბენეფისი იხილა. ინგლისელმა ათიანმა მანჩესტერს დუბლი შეუსრულა, რითაც ასტონ ვილამ გამარჯვება მოიპოვა.
კვირას გასამართ მატჩს გუნდები გარკვეული დანაკლისით ხვდებიან. მაიკლ კერიკის განკარგულებაში პატრიკ დორგუ, მატაის დე ლიხტი და მეისონ მაუნტი არ იქნებიან, ლისანდრო მარტინესის საკითხი კი მატჩის დღეს გადაწყდება. რაც შეეხება ასტონ ვილას, ბირმინგემელთა სამატჩო განაცხადში იური ტილემანსი, ბუბაქარ კამარა და ჯონ მაკგინი არ იქნებიან.
მანჩესტერ იუნაიტედის სავარაუდო შემადგენლობა: ლამენსი, დალო, იორო, მაგუაიერი, შო, კაზემირო, მეინუ, მბიუმო, ფერნანდეში, კუნია, შეშკო;
ასტონ ვილას სავარაუდო შემაგდენლობა: მარტინესი, ქეში, კონსა, მინგსი, მაატსენი, ონანა, დუგლას ლუისი, ბეილი, როჯერსი, ბუენდია, უოტკინსი;
მანჩესტერ იუნაიტედი და ასტონ ვილა ისტორიაში სულ 196-ჯერ დაუპირისპირდნენ. "წითელმა ეშმაკებმა" მეტოქის დამარცხება 104-ჯერ მოახერხეს, ხოლო "ვილანებმა" 50-ჯერ იმარჯვეს. ფრედ დასრულებული მატჩების რაოდენობა 42 ითვლის.
იმის გათვალისწინებით, რომ სასწორზე ჩემპიონთა ლიგის საგზური დევს, წინ დიდი ალბათობით ძალიან დაძაბული დაპირისპირება გველოდება. ის, რომ მაიკლ კერიკის გუნდი სახლში თამაშობს, ეს დიდი უპირატესობაა, თუმცა უნაი ემერის გუნდის ჩამოწერა არ შეიძლება. ჩვენი ვარაუდია, რომ მაყურებელი ბევრ გატანილ გოლს იხილავს, ფავორიტის დასახელება კი გაგვიჭირდება.
ლივერპული VS. ტოტენჰემი | 15 მარტი, 20:30 საათი
სეზონის წინ, ვინმეს, რომ ეთქვა ტოტენჰემი 30-ე ტურში პრემიერ ლიგაში დასარჩენად ბრძოლაში იქნებოდა, ალბათ არავინ დაიჯერებდა, თუმცა ეს რეალობაა. დიახ, ლონდონურ კლუბს ძალიან ცუდი პერიოდი უდგას, რის გამოყენებასაც არნე სლოტის გუნდი შეეცდება.
ლივერპული ამ შეხვედრას 48 ქულით ხვდება, ხოლო ტოტენჰემს 29 ქულა აქვს. ერთი გუნდი ჩემპიონთა ლიგაზე მოხვედრისთვის იბრძვის, მეორე კი ისტორიული სირცხვილის თავიდან არიდებას ცდილობს. აფიშა ისეთია, რომ წინ დიდი ალბათობით საოცრად დაძაბული და სანახაობრივი დაპირისპირება გველოდება.
პირველ წრეში მაყურებელმა საოცრად სანახაობრივი მატჩი იხილა, სადაც ლივერპულმა მეტოქეს 1-2 მოუგო. იმის ფონზე, რომ ჩავი სიმონსი 33-ე წუთზე გააძევეს, ტოტენჰემმა მაინც კარგად ითამაშა.
რაც შეეხება კვირას გასამართ დაპირისპირებას, ლივერპულის განაცხადში კონორ ბრედლი, ჯოვანი ლეონი, ვატარუ ენდო და ალექსანდერ ისაკი არ იქნებიან. ტოტენჰემის დანაკლისი ბევრად დიდია - იგორ ტუდორის განკარგულებაში ჯეიმს მედისონი, მოჰამედ კუდუსი, მიკი ვან დე ვენი, როდრიგო ბენტანკური, ბენ დევისი, ლუკას ბერგვალი, დესტინი უდოჯი და ვილსონ ოდობერი არ იქნებიან.
ლივერპულის სავარაუდო შემაგდენლობა: ალისონი, ფრიმპონგი, კონატე, ვან დაიკი, რობერტსონი, გრავენბერხი, მაკ ალისტერი, სალაჰი, სობოსლაი, ვირცი, ეკიტიკე;
ტოტენჰემის სავარაუდო შემადგენლობა: ვიკარიო, პორო, დანსო, რომერო, სპენსი, გრეი, სარი, გალაჰერი, სიმონსი, ტელი, სოლანკე;
ლივერპული-ტოტენჰემის დაპირისპირება სულ 186 მატჩს ითვლის, საიდანაც მერსისაიდელებმა 92 მოიგეს, ხოლო "დეზებმა" 50-ჯერ აჯობეს მეტოქეს. ფრედ დასრულებული მატჩების რაოდენობა 44 ითვლის.
ზემოხსენებული მიზეზების ფონზე, კვირას დიდი ალბათობით ბევრ გატანილ გოლს ვიხილავთ, ფავორიტი კი აშკარად ლივერპულია.
ამ და სხვა მატჩებზე გააკეთე პროგნოზები “პროგნოზების ლიგაში”.
