ჩელსი 2:2 პსჟ | ჩემპიონთა ლიგის 1/8 ფინალი, 2014/15
პირველ მატჩში დაფიქსირებული 1:1-ის შემდეგ, პარის სენ-ჟერმენი განმეორებით შეხვედრაში 86-ე წუთამდე 0:1-ს მარცხდებოდა. ფრანგული გუნდის მდგომარეობას ზლატან იბრაჰიმოვიჩის გაძევებაც ამძიმებდა. პსჟ-ს გადარჩენა შეძლო ბრაზილიელი უკანახაზელების დუეტმა: ტიაგო სილვამ და დავიდ ლუიზმა. ერთმა ჩელსის შეუგდო 86-ე წუთზე, მეორემ კი ექსტრა ტაიმის 114-ე წუთზე.
პსჟ 2:0 დორტმუნდი | ჩემპიონთა ლიგის 1/8 ფინალი, 2019/20
პირველ შეხვედრაში 1:2 მარცხის შემდეგ, პარის სენ-ჟერმენმა თამაშში დაბრუნება უკვე 46-ე წუთისთვის მოახერხა. დორტმუნდის კარი ნეიმარ ჟუნიორმა და ხუან ბერნატმა აიღეს. ეს იყო პირველი შემთხვევა ევროსარბიელზე, როდესაც კილიან მბაპე ერლინგ ჰოლანდს დაუპირისპირდა. ცნობისთვის, პირველ მატჩში ნორვეგიელმა ფორვარდმა პსჟ-ს დუბლი შეუსრულა.
ატალანტა 1:2 პსჟ | ჩემპიონთა ლიგის 1/4 ფინალი, 2019/20
დორტმუნდის ბარიერის გადალახვის შემდეგ, პარის სენ-ჟერმენს დაუპირისპირდა ატალანტა, რომელიც ფრანგულმა გუნდმა ასევე ქამბექით დაამარცხა. აღსანიშნავია, რომ პსჟ აგებდა 90-ე წუთამდე, მაგრამ შემდეგ, მარკინიოს კორეამ და ჟან-ერიკ მაქსიმ ჩუპო-მოტინგმა თავიანთი გუნდი შემდეგ ეტაპზე მაინც გაიყვანეს.
ბარსელონა 1:4 პსჟ | ჩემპიონთა ლიგის 1/4 ფინალი, 2023/24
პარის სენ-ჟერმენი პირველ შეხვედრაში დამარცხდა 2:3 და ცხადია, ნახევარფინალში გასვლის ფავორიტად ბარსელონა მოიაზრებოდა. ამასთან ერთად, "ბლაუგრანამ" ანგარიში უკვე მე-12 წუთზე გახსნა. შემდეგ კი დაიწყო პსჟ-ს ქამბექი: ოსმან დემბელესა და ვიტინია ფერეირას გოლები, ბოლოს კი კილიან მბაპეს დუბლი.
ლივერპული 0:1 (პენ. 1:4) პსჟ | ჩემპიონთა ლიგის 1/8 ფინალი, 2024/25
პარის სენ-ჟერმენი ლივერპულზე დომინირებდა პირველ შეხვედრაშიც, თუმცა გამარჯვება მაინც ინგლისელებს დარჩათ. რაც შეეხება განმეორებით დაპირისპირებას დემბელეს გატანილი ბურთის შემდეგ, "წითლებმა" ვერაფერი დაუპირისპირა პსჟ-ს, რის შემდეგაც 11-მეტრიანების სერიაში ჯიჯო დონარუმამ თავისი გუნდი 1/4 ფინალში გაიყვანა.
