კარლო ანჩელოტი | მანჩესტერ სიტი 5:0 ევერტონი (პრემიერ ლიგა, 23/05/2021)
ერთადერთი შეხვედრა ანჩელოტის კარიერაში, რომელშიც ის ხუთგოლიანი ჰანდიკაპით დამარცხდა. ის იმ დროს იყო ევერტონის მწვრთნელი, მოწინააღმდეგედ კი პეპ გუარდიოლას სიტი ჰყავდა. უდავოდ, კარლოს კარიერის ყველაზე წარუმატებელი პერიოდი სწორედ ლივერპულურ კლუბში მუშაობა არის.
ანტონიო კონტე | არეცო 1:5 იუვენტუსი (სერია ბ, 19/05/2007)
კონტეს სამწვრთნელო კარიერის სადებიუტო სეზონი, რომელიც არეცოში მუშაობით იწყებოდა. ღამის კოშმარად მას მოევლინა იუვენტუსი, რომელმაც ანტონიოს აღმოჩნდა, რომ რეკორდული ანგარიშით მოუგო. სულ რაღაც რამდენიმე წლის შემდეგ, ის დაბრუნდება და ტურინელებსაც მწვერვალზე დააბრუნებს.
ლუის ენრიკე | კარტახენა 5:1 ბარსელონა ბ (ლა ლიგა 2, 11/09/2010)
ენრიკეს პირველი ნაბიჯები სამწვრთნელო კარიერაში. ბარსელონას სარეზერვო გუნდის დამრიგებლობის პერიოდში ის კარტახენასთან განადგურდა. აღსანიშნავია, რომ "ბლაუგრანას" შემადგენლობაში იმ მატჩში თამაშობდნენ ტიაგო ალკანტარა, სერხი რობერტო და ნოლიტო აგუდო. წლების შემდეგ, ლუჩო კატალონიელთა მთავარ გუნდს ტრებლს მოაგებინებს.
სერ ალექს ფერგიუსონი | მანჩესტერ იუნაიტედი 1:6 მანჩესტერ სიტი (პრემიერ ლიგა, 23/10/2011)
შეხვედრა, რომელშიც ვნახეთ, რომ ქალაქ მანჩესტერში ყალიბდებოდა ახალი ძალა, დამანგრეველი და დაუნდობელი. მან სიტიმ თანაქალაქელი მან იუნაიტედი გაანადგურა 1:6, სეზონის ბოლოს კი პრემიერ ლიგაც მოიგო. ფერგის კარიერაში ყველაზე მძიმე წაგება რობერტო მანჩინიმ აგემა.
პეპ გუარდიოლა | არსენალი 5:1 მანჩესტერ სიტი (პრემიერ ლიგა, 02/02/2025)
მან სიტის კრიზისი გრძელდება და ამის ნათელი მტკიცებულება გუარდიოლას რეკორდული ანგარიშით მარცხი არის. არსენალმა პრემიერ ლიგის მოქმედი ჩემპიონი მანჩესტერელები უბრალოდ არ შეიმჩნია. აღსანიშნავია, რომ პეპს ღამის კოშმარად მოევლინა მისი ყოფილი მოსწავლე, მიკელ არტეტა.
იურგენ კლოპი | ასტონ ვილა 7:2 ლივერპული (პრემიერ ლიგა, 04/10/2020)
ერთადერთი შემთხვევა, როდესაც კლოპმა თავის სამწვრთნელო კარიერაში შვიდი გოლი გაუშვა. აღსანიშნავია, რომ ლივერპული იმ სეზონში პრემიერ ლიგის მოქმედი ჩემპიონის სტატუსით იყო. მო სალაჰის დუბლს ასტონ ვილამ უპასუხა ოლი უოტკინსის ჰეთ-თრიკით და ჯეკ გრილიშის დუბლით. "წითლებს" ბურთი როს ბარკლიმაც კი გაუტანა.
ჟოზე მოურინიო | ბოდო გლიმტი 6:1 რომა (კონფერენს ლიგა, 21/10/2021)
მარცხი, რომელმაც ბარსელონასგან მიღებული 0:5-იც კი დაჩრდილა. მოურინიოს ბოდო გლიმტთან შეხვედრამდე ექვსი გოლი არასდროს გაუშვია და ალბათ ვერავინ წარმოიდგენდა, რომ დამსჯელად მას მოკრძალებული ნორვეგიული გუნდი მოევლინებოდა. ის მატჩი იმითაც არის დასამახსოვრებელი, რომ რიკი კალაფიორის "ჯალოროსული" კარიერა სწორედ იმ მომენტში დასრულდა.
დიეგო სიმეონე | ბაიერნი 4:0 ატლეტიკო (ჩემპიონთა ლიგა, 21/10/2020)
სიმეონე 0:4-ით დამარცხებულა სამჯერ - ბაიერნთან, დორტმუნდთთან და ბენფიკასთან, თუმცა ყველაზე მტკივნეული მაინც პირველი იყო. ატლეტიკომ სრულფასოვნად გამოსცადა, თუ რას ნიშნავს "გერმანულ მანქანასთან" დაჯახება. დიეგო გაანადგურა ჰანსი ფლიკმა, რომელთანაც მას წელს საჩემიონო ბრძოლა აქვს გამართული.
არსენ ვენგერი | მანჩესტერ იუნაიტედი 8:2 არსენალი (პრემიერ ლიგა, 28/08/2011)
შეხვედრა, რომელმაც გვაჩვენა ვენგერის არსენალის, როგორც მოვლენის დასასრული. იყო დრო, როდესაც ინგლისური გუნდი ხდებოდა პრემიერ ლიგის ჩემპიონი, გადიოდა ჩემპიონთა ლიგის ფინალში, მაგრამ 2011 წლის 28 აგვისტოს, ლონდონელთა ისტორია გაიყო მანჩესტერთან წაგებამდე და შემდეგ.
ზინედინ ზიდანი | ვალენსია 4:1 რეალი (ლა ლიგა, 08/10/2020)
მწვრთნელი, რომელმაც რეალს ჩემპიონთა ლიგა ზედიზედ სამჯერ მოაგებინა. საოცარი შედეგის შემდეგ, ზიდანი წავიდა, თუმცა მალევე დაბრუნდა. ზინედინის მეორედ მოსვლა არ ყოფილა ისეთი წარმატებული, როგორიც პირველი და ამის მტკიცებულება ვალენსიასთან განადგურება არის.
