10 ფეხბურთელი, რომელშიც ჯამურად ყველაზე დიდი თანხა არის გადახდილი

მბაპეს კარიერაში ფიგურირებს მხოლოდ ერთი ფასიანი ტრანსფერი, როდესაც ის მონაკოდან პარის სენ-ჟერმენში 180 მილიონ ევროდ გადავიდა. როგორც ვიცით, პსჟ-ს შემდეგ, კილიანი გადავიდა მადრიდის რეალში, მაგრამ ეს ტრანსფერი თავისუფალი აგენტის სტატუსით მოხდა. ვარსკვლავურმა ფორვარდმა "სამეფო კლუბში" უკვე 22 ბურთის გატანა მოასწრო.

მბაპეზე ოდნავ მეტი გადახდილია კოუტინიოში, თუმცა მასში თანხა ხუთმა გუნდმა გადაიხადა. თავდაპირველად მილანის ინტერმა (3.80 მილიონი), შემდეგ ლივერპულმა (13 მილიონი), ბარსელონამ (135 მილიონი), მიუნხენის ბაიერნმა (8.50) და ბირმინგემის ასტონ ვილამ (20 მილიონი). ფილიპე ახლა იჯარით თამაშობს მშობლიურ ვასკო და გამაში, მაგრამ ჯერ კიდევ "ლომების" საკუთრებაში რჩება.

ბარსელონას კიდევ ერთი წარუმატებელი ტრანსფერი, რომელშიც ლა ლიგის გრანდმა 120 მილიონი ევრო გადაიხადა. ამის გარდა, გრიზმანში სამჯერ თანხა გადაიხადა მადრიდის ატლეტიკომ, ჯამში €62 მილიონი. ანტუანი ჯერ სოსიედადიან იყიდეს, შემდეგ "ბლაუგრანადან" იჯარით გადმოყვანაში გადაიხადეს, ბოლოს კი გამოსყიდვაში.

ყველაზე ძვირადღირებული ტრანსფერი ატლეტიკოს ისტორიაში და ყველაზე მსხვილი გაყიდვა ბენფიკას მხრიდან. 2019 წელს, ფელიქსში 127.20 მილიონი ევრო გადაიხადეს. ამის გარდა, ჟოაუში ლონდონის ჩელსიმ სხვადასხვა დროს €63 მილიონი გადაიხადა. დღეს ის იჯარით თამაშობს მილანში, რომელმაც "არისტოკრატებს" თავის მხრივ €5.50 მილიონი გადაუხადა.

ფელიქსის მსგავსად, ევროპულ ტოპ გუნდებში კიდევ ერთი მოგზაური. დე ლიხტმა 25 წლის ასაკისთვის მოიარა ამსტერდამის აიაქსი, ტურინის იუვენტუსი, მიუნხენის ბაიერნი და მანჩესტერ იუნაიტედი. მატისში საერთო ჯამში გადახდილია €197.50 მილიონი, ყველაზე სარფიანად კი ის გაყიდეს "ებრაელებმა", €85.50 მილიონად, "ბებერ ქალბატონში".

თავდამსხმელი, რომლის სანაცვლოდ სხვადასხვა გუნდებმა თანხა რვაჯერ გადაიხადეს. საინტერესოა, რომ რეალმა მორატა გაყიდა ორჯერ და ჯამში მის სანაცვლოდ €86 მილიონი აიღო. ალვაროში ფულს იხდიდნენ იუვე, ჩელსი, ატლეტიკო და მილანი. 2025 წლის იანვრის სატრანსფერო ფანჯრის შემდეგ, ესპანელი ფორვარდი უკვე გალათასარაიშია.

ბარსელონაში ნეიმარ ჟუნიორის შემცვლელად გაფორმებული შემტევი, რომლის სანაცვლოდ 135 მილიონი ევრო იქნა გადახდილი. წლების შემდეგ, დემბელე €50 მილიონად პარის სენ-ჟერმენში გადავიდა. ასევე გამოსარჩევია მისი ტრანსფერი დორტმუნდის ბორუსიაში რენიდან €35 მილიონად.

ერთ დროს, მსოფლიოს ყველაზე ძვირადღირებული ფეხბურთელი, რომლის სანაცვლოდ რეალმა 2009 წლისთვის რეკორდული 94 მილიონი ევრო გადაიხადა. იმის შემდეგ, მადრიდელებმა რონალდუ იუვეში €117 მილიონად გაყიდეს. ასევე გამოსარჩევია მისი ტრანსფერი მანჩესტერში, თანაც 2-ჯერ, ჯამში €36 მილიონის ფასად.

თავდამსხმელი, რომელშიც თანხა საერთო ჯამში ცხრაჯერ გადაიხადეს. ლუკაკუს სატრანსფერო გზაზე უდიდეს როლს თამაშობს ჩელსი, რომელმაც მასში საერთო ჯამში €128 მილიონი გადაიხადა. ლონდონელების გარდა, რომში ფული გადაუხდია ინტერს, მანჩესტერს, ნაპოლის, რომასა და ევერტონს.

ყველაზე ძვირადღირებული ფეხბურთელი ისტორიაში. 2017 წლის ზაფხულში ბარსელონამ ნეიმარი პარის სენ-ჟერმენში რეკორდულ 222 მილიონ ევროდ გაყიდა. ამის გარდა, ჟუნიორში €88 მილიონი გადაიხადა თავად "ბლაუგრანამ", ალ-ჰილალმა კი €90 მილიონი. რთული წარმოსადგენია, თუ ვინმე ჩამოაგდებს ბრაზილიელ ფორვარდს პირველი პოზიციიდან.