შოთა არველაძე | ტრაბზონსპორი, რეინჯერსი - 1993-1997, 2003-2005
არველაძე შვიდი ნომრით ბრწყინავდა ჯერ კიდევ ტრაბზონსპორში და თითქმის 10 წლის შემდეგ, რეინჯერსში გადასვლით მან აღნიშნული ნომერი კიდევ ერთხელ მოირგო. შოთამ თავდაპირველად აირჩია 24-ე ნომერი, ისე როგორც ამსტერდამის აიაქსში, მაგრამ ორი სეზონის შემდეგ, ის 7-ს დაუბრუნდა. მეზობელი სელტიკის კარში მე-100 წუთზე შეგდებული გადამწყვეტი ბურთი სწორედ ამ ნომრით იყო.
არველაძე შვიდი ნომრით ბრწყინავდა ჯერ კიდევ ტრაბზონსპორში და თითქმის 10 წლის შემდეგ, რეინჯერსში გადასვლით მან აღნიშნული ნომერი კიდევ ერთხელ მოირგო. შოთამ თავდაპირველად აირჩია 24-ე ნომერი, ისე როგორც ამსტერდამის აიაქსში, მაგრამ ორი სეზონის შემდეგ, ის 7-ს დაუბრუნდა. მეზობელი სელტიკის კარში მე-100 წუთზე შეგდებული გადამწყვეტი ბურთი სწორედ ამ ნომრით იყო.
გიორგი არაბიძე | ნასიონალი - 2018-2019
მართალია, არაბიძის ევროპული კარიერა არ შედგა, თუმცა ამ შემთხვევაში მნიშვნელოვანია არა სტატისტიკა ან ტიტულები, არამედ ის, თუ რომელ გუნდში თამაშობდა ის მე-7 ნომრით. ფეხბურთის ისტორიაში მთავარი 7-იანის, კრიშტიანუ რონალდუს ბავშვობის კლუბი ნასიონალი, რომელშიც აღნიშნული ნომრით 2018/19 წლების სეზონში სწორედ გიორგი ასპარეზობდა.
გიორგი ჩაკვეტაძე | გენტი, ჰამბურგი - 2017-2019, 2022
ჩაკვეტაძის ბელგიური კარიერა სწორედ შვიდიანით დაიწყო. შემდეგ იყო 10-იანის მორგება, ტრავმების ეპიდემია და კარიერის რეანიმირების მცდელობა ჰამბურგში, სადაც ის ასევე აღნიშნული ნომრით თამაშობდა. როგორც ვხედავთ, გიორგის კარიერის უსიამოვნო მომენტები უკავშირდება სწორედ 7-ს, მაგრამ ეს ყველაფერი ხომ მისი დიდი თავგადასავლის ნაწილი იყო.
გიორგი დემეტრაძე | რეალ სოსიედადი - 2001-2002
მართალია, დემეტრაძემ ვერ მოახერხა რეალ სოსიედადში დამკვიდრება, თუმცა მნიშვნელოვანი ფაქტია ის, რომ პირველი ქართველი ფეხბურთელი ლა ლიგაში სწორედ ის იყო. ამის გარდა, გასათვალისწინებელია ისიც, რომ სან სებასტიანელებს გიორგის ტრანსფერი დაუჯდათ 5.4 მილიონი, რაც 2001 წლისთვის საკმაოდ სოლიდური თანხა იყო.
კახა კალაძე | დინამო კიევი - 1998-2001
კალაძესთან პირველ რიგში ასოცირდება ოთხნომრიანი მაისური, როგორც მილანში, ისე საქართველოს ნაკრებში, თუმცა ბევრს არ ახსოვს ის ფაქტი, რომ დინამოში ის სწორედ მე-7 ნომრით თამაშობდა. 100-ზე მეტი მატჩი, ჩემპიონთა ლიგის 1/2 ფინალი და ეპიკური დუელი მიუნხენის ბაიერნთან, ყველაფერი ეს კახას კიევურ კარიერაში აღნიშნული ნომრით ხდებოდა.
ჯაბა კანკავა | დნიპრო - 2014-2016
ფეხბურთელი, რომელსაც საქართველოს ნაკრების შვიდნომრიანი მაისური ეცვა სხვებზე ხშირად და ამის გარდა, კანკავამ ამ ნომრით რამდენიმე სეზონი დნიპროშიც ითამაშა. როგორც ჯაბას, ასევე ზოგადად აღნიშნული კლუბის მთავარი საკლუბო წარმატება სწორედ იმ პერიოდში მოხდა. საუბარია ევროპა ლიგის ვიცე-ჩემპიონობაზე, 2014/15 წლების სეზონში.
გიორგი ქინქლაძე | მანჩესტერ სიტი - 1995-1996
ქინქლაძის ლეგენდად ქცეული ის ერთადერთი პრემიერლიგური სეზონი მან სიტის შემადგენლობაში, რომელსაც სამი ათწლეულის შემდეგაც იხსენებენ. საუთჰემპტონის წინააღმდეგ ჩადენილი საოცრება, მანჩესტერული კლუბის წლის საუკეთესო მოთამაშის სტატუსი და მეინ როუდზე დატოვებული მარადიული მემკვიდრეობა. გიორგიმ ყველაფერი ეს 7 ნომრით გააკეთა.
ლევან კობიაშვილი | შალკე - 2003-2004
კობიაშვილმა შალკეში კარიერის უმეტესი ნაწილი გაატარა სამნომრიანი მაისურით და ჩემპიონთა ლიგაზე შესრულებული ჰეთთრიკიც სწორედ ამ ნომრით იყო. ბევრს არ ახსოვს ის ფაქტი, რომ ლევანი გელზენკირხენში გატარებულ სადებიუტო სეზონში სწორედ მე-7 ნომრით თამაშობდა. იმ პერიოდში მან "ლურჯების" რიგებში ინტერტოტოს თასიც მოიგო.
ლევან ცქიტიშვილი | ფრაიბურგი - 2001-2005
ერთ-ერთი ყველაზე დასამახსოვრებელი შვიდიანი ფრაიბურგის ისტორიაში, რომელმაც აღნიშნული ნომრით ოთხი სეზონი ითამაშა. 180-მდე შეხვედრა გერმანული ფეხბურთის სხვადასხვა ტურნირებში და არაერთი გამორჩეული მომენტი. "არწივების" 3 დიდი ქართველიდან ერთ-ერთი სწორედ ცქიტიშვილი იყო.
ხვიჩა კვარაცხელია | პარის სენ-ჟერმენი - 2025-დღემდე
მთავარი ქართული შვიდიანი და ლიგა 1-ის მთავარი შვიდიანიც. კილიან მბაპეს საქმის გამგრძელებელი პარის სენ-ჟერმენის თანამედროვე ისტორიაში. ნაპოლიდან 70 მილიონად გადასვლის შემდეგ, კვარამ პსჟ-ში მომენტალურად გაიბრწყინა. მის ანგარიშზე უკვე არის 2 გატანილი ბურთი და 2 ასისტი...ეს ყველაფერი კი მხოლოდ დასაწყისია.
