2000 წლის ევროპის ჩემპიონატის შემდეგ, ჯგუფიდან გასვლა მხოლოდ სამმა დებიუტანტმა ნაკრებმა მოახერხა. ესენი არიან უელსი, ისლანდია და ჩრდილოეთ ირლანდია. გავიხსენოთ მათ მიერ განვლილი გზა.
ისლანდია
დებიუტი: ევრო 2016
განვლილი გზა: 1/4 ფინალამდე
ჯგუფიდან ურთულესად გასვლის შემდეგ, ორი ფრე და ერთი გამარჯვება. ისლანდიამ მერვედფინალში სენსაციურად დაამარცხა ინგლისი, თუმცა მეოთხედფინალში ვერაფერი გააწყო მასპინძელ საფრანგეთთან. სკანდინავიელების მიერ "სამი ლომის" დამარცხება, ევროტურნირის ისტორიაში დღემდე ერთ-ერთ მთავარ მოულოდნელობად მიიჩნევა.
ჩრდილოეთ ირლანდია
დებიუტი: ევრო 2016
განვლილი გზა: 1/8 ფინალამდე
ნაკრები, რომელიც ევროპის ჩემპიონატის პლეიოფში გავიდა სამი ქულითა და მესამე ადგილით. ჩრდილოეთ ირლანდიამ თავისი ერთადერთი გამარჯვება უკრაინასთან დაპირისპირებაში მოიპოვა, 1/8 ფინალში კი ვერ გადალახა უელსის ბარიერი. ყველაფერი გადაწყვიტა გარეტ მაკოლის ავტოგოლმა, რომელმაც კელტთა ზღაპარი დაასრულა.
უელსი
დებიუტი: ევრო 2016
განვლილი გზა: 1/2 ფინალამდე
ყველაზე დასამახსოვრებელი დებიუტანტი, რომელიც ოთხ საუკეთესო ნაკრებს შორის მოხვდა. ჯგუფში მათ დაამარცხეს რუსეთი და სლოვაკეთი, მერვედფინალში - როგორც აღვნიშნეთ, ჩრდილოეთ ირლანდია, მეოთხედფინალში კი - ბელგია. უელსი შეაჩერა პორტუგალიამ, რომელიც მოგვიანებით ჩემპიონიც გახდა.
