პრემიერ ლიგის ფენტეზი — რჩევები პირველი სათამაშო კვირისთვის

პრემიერ ლიგის დაწყებას მხოლოდ ერთი დღე გვაშორებს. ახალი სეზონი, ხმაურიანი ტრანსფერები, დიდი მოლოდინები, იმედები და იმედგაცრუებებიც. ყველაფერი ის, რაც ასე გვიყვარს და მთელი ზაფხული ველოდით. ინგლისის ჩემპიონატის “სატახტოთა თამაშები” ხვალ აიღებს სტარტს. პრემიერ ლიგის გამოცდილი გულშემტკივარი, საყვარელი ჩემპიონატის დაწყებასთან ერთად პრემიერ ლიგის ფენტეზის სტარტსაც მოუთმენლად ელის.

ამ სტატიაში, ყველაფერია რაც პრემიერ ლიგის ფენტეზის წარმატებული სტარტისთვის დაგჭირდება. La gazzetta dello sport Georgia სასარგელო რჩევებით მთელი სეზონის განმავლობაში მოგამარეგებს.

ამ რჩევით დავიწყოთ - პრემიერ ლიგის ფენტეზი მარათონია და არა სპრინტი. პოზიტიური სტარტი მნიშვნელოვანია, მაგრამ სასურველი შედეგის მისაღწევად, მეგობრების ლიგის მოსაგებად და La Gazzetta dello Sport Georgia-ს ლიგაში გასამარჯვებლად წინ მთელი 38 ტური გექნება. სწორედ ამიტომ ტაქტიკასთან ერთად, სეზონის წარმატებით დასაწყებად სწორი სტრატეგია დაგჭირდება, რაშიც ეს პრევიუ დაგეხმარება.

სტატიაში ჩვენს ახლანდელ თერთმეტეულსაც გაგიზიარებ და ალტერნატივებსაც, რაც დაგეხმარება გუნდი შენებურად ააწყო.

მეკარე

ახალი სეზონისთვის ბიუჯეტური კიპერის შერჩევა იოლი სულაც არაა. წინა წლის გამორჩეული მეკარეები უკვე გაძვირდნენ. £4,5-იან კალათაში კი მხოლოდ შეზღუდული ალტერნატივებია დარჩენილი. პრემიერ ლიგის ფენტეზის “დაუწერელი კანონის” თანახმად, მეკარეში დიდი თანხების ინვესტირება რეკომენდირებული არაა, სწორედ ამიტომ არჩევანი 2 ალტერნატივაზე გავაკეთეთ:

არჩევანი #1 - მარკ ფლეკენი (£4.5m) და ჰაკონ ვალდიმარსონი (£4.0m).

ბოლო სამ სეზონში, ბრენტფორდი ხუთეულშია საჯარიმოს გარედან მიღებული დარტყმების თვალსაზრისით, თუმცა საუკეთესო რვა გუნდშია, რომელმაც მოსალოდნელი გოლების ინდექსთან (xG) შედარებით ნაკლები გოლი გაუშვა.

ეს იდეალური სცენარია ფენტეზის ბიუჯეტური მეკარეებისთვის. საჯარიმოს გარედან ბრენტფორდის კარის მიმართულებით ხშირად არტყამენ, თუმცა გოლები იშვიათად გადის, ეს კი მეკარეებს ქულებს უმატებს.

ფლეკენის სასარგებლოდ კიდევ ერთი ფაქტი მეტყველებს, “ფუტკრებს” მხოლოდ ერთი სარეზერვო გოლკიპერი ჰყავთ - ვალდიმარსონი (£4.0m). იმ შემთხვევისთვის თუ თომას ფრანკი როტაციას გადაწყვეტს თავი დაზღვეული გექნებათ.


არჩევანი #2 - დინ ჰენდერსონი (£4.5m) და მარკ ფლეკენი (£4.5m)

ფლეკენის შესახებ ზევით ნახავ დეტალურ ინფორმაციას, თუ ორი 4.5 მილიონიანი მეკარის როტაცია გაქვს გადაწყვეტილი იდეალური ალტერნატივა დინ ჰენდერსონია. “არწივების” სათავეში ოლივერ გლასნერის მოსვლის შემდეგ პალასზე ნაკლები მოსალოდნელი გოლების ინდექსი მხოლოდ ტოპ 3-სა და ნიუკასლს ჰქონდა, ჩატარებული 13 მატჩიდან კი პალასმა 5 მატჩში მოახერხა კარის მშრალად შენახვა.

ჰენდერსონი სასარგებლოდ მეტყველებს ის ფაქტიც, რომ სემ ჯონსტონს კლუბთან ურთიერთობა აერია, რის გამოც პირველ ნომრად დინ ჰენდერსონი განიხილება.

ფლეკენისა და ჰენდერსონის როტაციის დახმარებით, შენს მეკარეს პირველ ხუთ ტურში, ეს ცხრილი ექნება:



მცველები

დაცვისთვის ეს ხუთეული შევარჩიეთ, თუმცა სხვა ალტერნატივებსაც განვიხილავთ - ტრენტ ალექსანდერ-არნოლდი (£7.0), ჯარელ ქუანსა (£4.5), პედრო პორო (£5.5), ეზრი კონსა (£4.5) და ვალენტინ ბარკო (£4.0)

ტრენტ ალექსანდერ არნოლდი (£7.0) - TAA, როგორ მას ფენტეზის მოყვარულები მოვიხსენიებთ, ჩვენი ნომერ პირველი არჩევანია. არნოლდის სასარგებლოდ რამდენიმე ძლიერი არგუმენტი მეტყველებს.

£7.0 პრემიერ ლიგის ერთ-ერთი ყველაზე შემოქმედებითი უკანახაზელისთვის სულაც არაა ძვირი საფასური, თანაც მაშინ, როდესაც ლივერპულს საწყის ტურებში საუკეთესო კალენდარი აქვს.

გასულ სეზონშიც კი, რომელიც ტრენტის სტანდარტებით წარუმატებელი იყო, TAA მცველებს შორის ისეთ სტატისტიკურ კომპონენტებში იკავებდა Top 3 ადგილს, როგორიცაა - მოსალონდელ გოლში მონაწილეობა (xGI), საკვანძო პასები (key passes) და დიდი შანსის შექმნა - პოტენციური ასისტი.

ცნობილია, რომ ლივერპულის ახალი თავკაცი არნე სლოტი, შეტევაში აქტიურად იყენებს თავის ფლანგის მცველებს, რითაც გასულ სეზონში გამოირჩეოდა მისი გაწვრთნილი ფეიენოორდი. მოსალოდნელ გოლში მონაწილეობის მეტრიკით (xGI), სლოტის ფულბეკებს საუკეთესო მაჩვენებელი ჰქონდათ.

სწორედ ამ მიზეზების გამო, საწყის ტურებში, ტრენტ ალექსანდერ-არნოლდზე გაცემულმა ავანსებმა შესაძლოა მოსალოდნელზე მეტი დივიდენდები მოგიტანოთ.

ჯარელ ქუანსა (£4.5) - ერთ-ერთი ოპტიმისტური გამონათქვამის თანახმად, როდესაც ცხოვრება გაძლევს ლიმონს, მაშინ ლიმონათი უნდა გააკეთო. ჯარელ ქუანსასთან დაკავშირებით შესაძლოა სწორედ ეს ფრაზა გამოვიყენოთ.

ლივერპულს იდეალური კალენდარი აქვს და ფენტეზის მოთამაშეებს შანსი გვაქვს ლივერპულის მცველი მხოლოდ £4.5-ად გვყავდეს საწყის ტურებში. გავრცელებული მოსაზრებების თანახმად, კონატე სეზონის სტარტს გამოტოვებს, მისი შემცვლელი კი ჯარელია.

ეს სარისკოა ნაბიჯია, თუმცა ჯილდოც შესაბამისია. “Double Defence” ყოველთვის რადიკალური გადაწყვეტილებაა. დარჩენილ დროში შესაძლოა ყველაფერი მოხდეს, თუ რომელიმე მცველი ჩვენს გუნდს დატოვებს, პირველ რიგში ეს ქუანსაა, მაგრამ ამ ეტაპზე ეს გონივრული რისკია.

ლივერპულის კალენდარი საწყის ტურებში:



პედრო პორო (£4.5) - როდესაც გუნდში სპურსის მცველი აგყავს, ეს ავტომატურად ნიშნავს სარისკო ნაბიჯს, მითუმეტეს მაშინ როდესაც მხოლოდ £0.5-ია სხვაობა არსენალისა და მანჩესტერ სიტის მცველებთან.

მაგრამ, როდესაც პედრო პორო ფორმაშია, ის პრემიერ ლიგის ფენტეზისთვის შესანიშნავი აქტივია. გასულ სეზონში, მცველებს შორის ესპანელი პირველ ადგილს იკავებდა მოსალონდელ გოლებში მონაწილეობის მიღების (xGI) მაჩვენებლით.

პოროს სასარგებლოდ მეტყველებს ის ფაქტიც, რომ მან ამხანაგურ მატჩებში ორი გოლის გატანა შეძლო, თანაც ერთ-ერთი მიუნხენის ბაიერნის კარში შეაგდო.

ამიტომ საწყის ტურებში, შესაძლოა პოროზე ფსონის გაკეთება გამართლებული აღმოჩნდეს. თანაც ახალი სეზონიდან მის უმწვავეს პასებს უკვე დომ სოლანკე გამოეხმაურება.

პედრო პორო განსაკუთრებით საინტერესოა პირველ, მეორე და მეხუთე ტურებში დარჩენილ სათამაშო დღეებში კი მასთან იდეალურ “კომბოს” ქმნის ეზრი კონსა (£4.5). როდესაც ტოტენჰემს რთული მატჩები ექნება, კონსასთან როტაციით საწყის ექვს ტურში ერთ-ერთ საუკეთესო კალენდარს მიიღებ.

როდესაც ტაქტიკასთან, ერთად სტრატეგია ვახსენეთ, სწორედ ამას ვგულისხმობდით. პოროსა და კონსას როტაციით იდეალურ კალენდარს მივიღებთ:


ვალენტინ ბარკო (£4.0) - მცველების სიას ვალენტინ ბარკო ამთავრებს. სეზონის სტარტზე £4.0-იანი მცველები განსაკუთრებით მნიშვნელოვანია. “ფენტეზის” გამოცდილ მოთამაშეებს ემახსოვრებათ „ლორდ ლუნდსტრამი" ან მეთ დოერტის სადებიუტო სეზონი, როდესაც ის ნამდვილ სენსაციად იქცა.

სწორედ ამიტომ, თუნდაც მცირე ხნით ბარკოზე რისკი სავსებით გამართლებულია:

● პერვის ესტუპინიანის არყოფნაში, ბარკო მისი ყველაზე რეალური ალტერნატივაა. მართალია არ წყდება ხმები ფერდი კადიოღლუს მოსალოდნელ ტრანსფერზე, თუმცა ბარკო მინიმუმ 3-4 ტურს მიიღებს, რაც სრულიად საკმარისი შეიძლება იყოს სასურველი ქულების დაგროვებისთვის;

● სტანდარტულებს ამხანაგურ მატჩებში სწორედ ვალენტინი აწვდიდა, ეს განსაკუთრებით ძლიერი იარაღია, როდესაც მეორე სართულზე დანკი გყავს.

● მე-4 და მე-5 ტურში “თოლიებს” იფსვიჩისა და ნოტინგემ ფორესტის წინააღმდეგ მოუწევთ თამაში, რაც ძალიან ხელსაყრელი კალენდარია.

თუ ამ არგუმენტებმა, არ დაგარწმუნა ლესტერის ან ს'ოტონის მცველები შეგიძლია აარჩიო ყველაზე ბიუჯეტური საფასო კალათიდან. გახსოვდეს სეზონის სტარტზე £4.0-იანი მცველი არათუ სასურველი, აუცილებელიც კია. სხვა ალტერნატივებს სტატიის ბოლოსკენ ნახავ.

ნახევარდაცვა

დედლაინამდე ყველაზე მეტ ცვლილებას ნახევარდაცვის რგოლში ვფიქრობთ, თუმცა ამ მომენტისთვის ეს ხუთეულია ავარჩიეთ - ბუკაიო საკა (£10.0), ბრუნო ფერნანდეში (£8.5), ებერეჩი ეზე (£7.0), კრისტოფერ ნკუნკუ (£6.5) და ჰარი უინკსი (£4.5).

ბუკაიო საკა (£10.0) - საკა სალაჰის ნაცვლად? ესაა პირველი აზრი რაც ამ ჩამონათვალის დანახვაზე გაგიელვებს. კი ასეა და მიზეზს რამდენიმე სტრიქონში შეიტყობ. მოდი ასეთ შეკითხვას უპასუხე… რომელი არჩევანია უკეთესი? ორივე შემთხვევაში ინვესტიცია ერთნაირია - £17.0

A) ტრენტ ალექსანდერ არნოლდი (£7.0) + საკა (£10.0)
B) სალაჰი (£12.5) + მცველი (£4.5)

ვფიქრობ პასუხი ცალსახაა, თუ კვლავ ვერ გადაწყვიტე, მაშინ ყურადღებით გადაავლე თვალი არგუმენტებს:

● საკამ (226) გასულ სეზონში საჰალზე (211) მეტი ქულა დააგროვა;

● წინასასეზონო ამხანაგურ მატჩებში სალაჰმა გოლსა და ორ ასისტს მოუყარა თავი, თუმცა გოლების დიდი ნაწილი ლივერპულის სხვა შემტევებზე გადანაწილდა;

● ბუკაიო არსენალის ყველაზე საიმედო შემტევია, ახლაც კი “მეთოფეებს” მისი პირდაპირი შემცვლელი არ ჰყავთ;

● საკა კაპიტნობის პრეტენდენტია შემდეგ ტურებში: 1,3,6 & 7

● სურვილის შემთხვევაში გუნდის სტრუქტურა ისეა აწყობილი, რომ იოლად გადააწყო სონზე, პალმერზე ან, რა თქმა უნდა, სალაჰზე.

თუ გადაწყვეტილები მიღებაში დაგეხმარება, ესაა პირველ ტურში სალაჰის მიერ მოპოვებული ქულები უკანასკნელი 5 სეზონის განმავლობაში:

2024/25 - იფსვიჩი (A) - N/A
2023/24 - ჩელსი (A) - 5
2022/23 - ფულჰემი (A) - 12
2021/22 - ნორვიჩი (A) - 17
2020/21 - ლიდსი (H) - 20
2019/20 - ნორვიჩი (H) - 12

ბრუნო ფერნანდეში (£8.5) - ერთი შეხედვით ბრუნოს აქ ყოფნა საკამათოა, შემცვლელი შეგიძლია ქვევით შემოთავაზებული სიიდან ან შენი გემოვნებით აარჩიო, თუმცა ის შემთხვევით სულაც არ მოხვედრილა რჩეულ თერთმეტეულში.

● ბრუნო იუნაიტედში მთავარი კაცია, ე.წ. talisman;

● პირველ ტურებში ისეთი მოთამაშის ყოლა, რომელიც 100%-ით სასტარტოში იქნება მნიშვნელოვანია. ამასთანავე პორტუგალიელი უიშვიათესად იღებს ტრავმებს, ის უაღრესად სტაბილურია, ეს არგუმენტები იმას ნიშნავს რომ საწყის ტურებში მის ჩანაცვლებაზე ტრანსფერის დახარჯვა არ მოგიწევს;

● ამასთან ერთად ფერნანდეში პენალტების ასრულებს, ქულების დაწერა შეუძლია გოლებითაც და ასისტებითაც. ამასთანავე იოლად აგროვებს პრემიერ ლიგის ფენტეზის ბონუს ქულებსაც.

ასე რომ, სანამ “დასკიპავ” დაფიქრდი, არც თუ ისე ცუდი არჩევანია, როგორც ეს ერთი შეხედვით მოსჩანს. თუ სიტისთან მატჩსაც უყურე, ბრუნოს გოლსაც ნახავდი. სამწუხაროდ ეს შედევრი ოფსაიდმა “იმსხვერპლა”.

ებერეჩი ეზე (£7.0) - ჰოდჯონის წასვლის შემდეგ პალასის ფეხბურთელები სრულად ამართლებენ მეტსახელს, ამაში კი მთავარი წვლილი ეზეს ეკუთვნის. მართალია “არწივების” წარმატების მეორე მთავარმა შემოქმედმა გუნდი დატოვა, მაგრამ ეს ავტომატურად ნიშნავს იმას, რომ სტანდარტებს ამიერიდან ებერეჩი შეასრულებს. თუმცა ეს ყველაფერი არაა:

● ეზე 100%-ით სასტარტოში დაიწყებს ყველა მატჩს, თუ ტრავმებმა არ შეუშალა ხელი;

● ასევე სწორედ ის შეასრულებს თეთრმეტმეტრიანებს პალასში;

● გასულ სეზონში 24 სტარტიდან ეზეც ანგარიშზე 16 საგოლეე მოქმედებაა (გოლს + ასისტი)


აქ შეგიძლია ეზეს საწყისი 5 ტურის კალენდარი შეამოწმო, რომელიც როგორც ხედავ პერსპექტიულია:


თუმცა, ყურადღებაც გმართებს, ბოლო რამდენიმე დღეა ეზეს სახელს სიტისთან დაკავშირებით ახსენებენ, ამან შესაძლოა გეგმები ცოტათი შეცვალოს.

კრისტოფერ ნკუნკუ (£6.5) - ნკუკუმ პრე-სეზონზე ყველაზე მეტი სათამაშო დრო მიიღო. აშკარაა რომ ის ახალ სეზონში მნიშვნელოვან როლს შეასრულებს, თანაც გაითვალისწინე - პალმერზე თითქმის 2-ჯერ იაფია, ეს კი შეზღუდული ბიუჯეტის ფონზე ძალიან ბევრს ნიშნავს.

არ გამოგრჩეს ისიც, რომ ნკუნკუმ ამხანაგურ მატჩებში 3 გოლსა და ასისტს მოუყარა თავი, თუმცა როგორ პერსპექტიულადაც არ უნდა მოჩანდეს მისი ალტერნატივა, გასათვალისწინებელია კრისტოფერის მიდრეკილება ტრავმებისკენ, თუ ჩელსის შემტევი ტრავმებს აირიდებს, შეიძლება ის ამ სეზონის მთავარ სენსაციად იქცეს.

ჩელსის საწყისი კალენდარიც მიმზიდველად გამოიყურება:


ჰარი უინკსი (£4.5) - ჰარი ვინკსი ის უიშვიათესი რეგულარული სტარტერია, რომელიც £4.5-ად არის შეფასებული. მისი არჩევის ერთადერთი დადებითი მხარე სტაბილურობაა, ამასთანავე ეს საშუალებას გვაძლევს დამატებით £0.5 გადავინახოთ ბანკში.

თუ ვინკსის ხარჯზე დაზოგვას, უკეთესი ალტერნატივის აყვანა გირჩევნიათ, ამ მიმართულებით რამდენიმე ძალიან საინტერესო ვარიანტია, როგორიცაა:

მორგან როჯერსი (£5.0) - კიდევ ერთი შუახაზელი, რომელსაც საწყის ტურებში სასტარტო შემადგენლობაში ყოფნას უწინასწარმატყველებენ მორგან როჯერსია. ის, ასტონ ვილას პრე-სეზონის მატჩების ყველაზე გამორჩეული მოთამაშე გახლდათ, რა დროსაც 3 გოლის გატანა და 2 ასისტის შესრულება მოასწრო.

ამად დიალო (£5.0) - წუთებს აუცილებლად მიიღებს ამადიც, თუმცა მის სასტარტო შემადგნელობაში ყოფნას დიდი კითხვის ნიშანი აქვს. დიალოს ძირითად შემადგნელობას გარნაჩო და ანტონი ეცილებიან. ანტონის რა გითხრათ, მაგრამ გარნაჩოს ამოგდება ძალიან რთული იქნება, თანაც მაშინ, როდესაც არგენტინელმა ცოტა ხნის წინ სიტის კარი დალაშქრა. არის კიდევ ერთი შესაძლებლობა, თუ რაშფორდი 9-იანის როლს მოირგებს, მაშინ ამადი დიდი ალბათობით ძირითადში იქნება, თუმცა პირველი ორი ოპცია გაცილებით ნაკლები რისკის შემცველია.

თავდასხმა

შემტევი ტრიო კი ასე გამოიყურება - ერლინგ ჰოლანდი (£15), ალექსანდერ ისაკი (£8.5) და ჟოაო პედრო (£5.5)

ერლინგ ჰოლანდი (£15.0) - ჰოლანდი პრემიერ ლიგის ისტორიაში ყველაზე ძვირადღირებული ფეხბურთელია. £15.0-ის მხოლოდ ერთ მოთამაშეში გადახდა სასიამოვნო სულაც არაა, შემდგომ უკვე ძალინ რთულია სასურველი ბალანსის პოვნა. თუმცა ჰოლანდის გარეშე დაწყებაც დიდ რისკებთანაა დაკავშირებული, აქ ნახავ ფაქტებს რომელიც ნორვეგიელთან დაკავშირებით გადაწყვეტილების მიღებაში დაგეხმარება.

დილემა, რომლის წინაშეც ფენტეზის მოთამაშეები დგანან არჩევნის ჰალანდსა და სალაჰს შორის გაკეთებაა. ეს რთული გადაწყვტილებაა, რომელიც ყველა მოთამაშემ ინდივიდუალურად უნდა მიიღოს.

3 არჩევანი გაქვს:

1. აგყავს ჰოლანდი უარს ამბობ სალაჰზე;
2. აგყავს სალაჰი და უარს ამბობ ჰოლანდზე;
3. აგყავს ორივე - ამ სცენარით, სხვა რგოლების დაბალანსებისთვის ძალიან ცოტა ბიუჯეტი დაგრჩება, სწორედ ამიტომ ეს ალტერნატივა ყველაზე ნაკლებადაა რეკომენდირებული.

რა უფრო დიდ დისკომფორტს გიქმნის: ნორვეგიელის თუ ეგვიპტელის არ ყოლა? ეს კითხვა გაგიმარტივებს გადაწყვეტილების მიღებას.

ამჟამად ჰოლანდი მოთამაშეთა 50%-ს ჰყავს, დედლაინამდე კიდევ ციფრი კიდევ უფრო გაიზრდება. თუ საწყის ორ ტურში სიტის შემტევი გაიბრწყინებს ორი სირთულის წინაშე დადგები:

1 - ძალიან რთულია ყველაზე ძვირადღირებული ფეხბურთელი შეძენა (£15.0) რისთვისაც დიდი ალბათობით Wild Card-ის დახარჯვა დაგჭირდება;
2 - ფენტეზის მოთამაშეების ნახევარზე მეტი უფრო ხელსაყრელ სიტუაციაში აღმოჩნდება.
ამიტომ მნიშვნელოვანია ფასთან ერთად იმის გათვალიწინებაც რამდენ მოთამაშეს ეყოლება ჰოლანდი საკუთარ გუნდში.

შესაძლოა ნორვეგიელი უკეთესი ალტერნატივაა არაა, მაგრამ რისკების შემცირებაში დაგეხმარება.

ეს კი საწყის ტურებში სიტის კალენდარია:



ალექსანდერ ისაკი (£8.5) - შვედი ამ ფასად ნამდვილი საჩუქარია, კალუმ უილსონის არ ყოფნაში მას სათამაშო დრო გარანტირებული აქვს, ამასთან ერთად ნიუკასლს შესანიშნავი გახსნითი მატჩები აქვს, სწორედ ამიტომ ის ერთ-ერთი საუკეთესო არჩევანია ამ ეტაპზე. ამასთან ნიუკასლის შემტევი პირველ ტურში კაპიტნობის პრეტენდეტიცაა.

ჟოაო პედრო (£8.5) - ჟოაომ “თოლიების” დასკვნით ამხანაგურ მატჩში მიიღო მონაწილეობა და გოლიც გაიტანა, ამით საბოლოოდ გაეცა პასუხი კითხვებს მის ჯანმრთელობასთან დაკავშირებით. ამასთან ერთად პედრო პენალტებსაც ასრულებს, რაც დამატებითი უპირატესობაა. შესაძლოა ამ საფასო სეგმენტში სხვა ფეხბურთელებიც მოგწონდეს, მაგრამ ვფიქრობთ ბრაიტონი მათ შორის ყველაზე მეტ გოლს გაიტანს, რაც ცხადია ზრდის პედროსგან სასურველი ქულების მიღების შანსებს.

ამ მოცემულობით იმ გუნდის რეიტინგი 95%-ია, რაც ძალიან კარგი შეფასებაა. ქვევით დრაფტსაც გიზიარებთ, თუ სხვა ალტერნატივებსაც განიხილავ:

გუნდი:

ალტერნატივები



გახსოვდეს ფენტეზი მარათონი და არა სპრინტი!

წარმატებას გისურვებთ!