პრემიერ ლიგის ფენტეზი - რა უნდა გავითვალისწინოთ 22-ე ტურის წინ?

22-ე ტურის მოკლე პროლოგი

🚨 22_ე ტურის დედლაინი სტანდარტულ დროსაა - შაბათს, 18 იანვარს, 15:00 საათზე;
🔴 “ხმები ძლიერდება“ არნოლდის მადრიდში წასვლასთან დაკავშირებით, წერენ რომ საკითხავი მხოლოდ ისაა ტრენტი ახლავე შეურთდება რეალს თუ ზაფხულში;

🐝 მიმდინარე სეზონში, შინ გამართულ მატჩებში, ბრენტფორდს საუკეთესო მოსალოდნელი გოლების ალბათობა აქვს (xG) ლივერპულზე უკეთესიც კი, ეს „red flag“ ია მათთვის, ვისაც ლივერპულის Double defence ჰყავს;

😈 ამადი, ბრუნოზე £3.0_ით იაფი ღირს. ამავდროულად დიალოს პორტუგალიელზე 8 ქულით მეტი აქვს დაგროვებული. თანაც ამადმა სოტონთან ვინგ ბექის პოზიციაზე ითამაშა, რასაც წესით მისი შეტევითი პოტენციალი უნდა დაესუსტებინა. მიუხედავად იმისა, რომ ბრუნოს საგოლე მოქმედება არ ჰქონია, მაინც 2 ბონუს ქულის დამსახურება მოახერხა;
🔵 შეგახსენებ პირველ წრეში ჰოლანდმა იფსვიჩს ჰეთ-თრიქი შეუსრულა, სიტი ოპტიმალური ფორმისგან შორსაა, მაგრამ ნორვეგიელისგან ქულებს წესით ამ მატჩშიც უნდა ველოდოთ.
⚫ ნიუკასლსა და ბორნმუთს შორის გამართული უკანასკნელი 5 მატჩიდან „კაჭკაჭებმა“ მხოლოდ ერთის მოგება მოახერხეს. ამ გუნდებს შორს გამართულ ბოლო ორ შეხვედრაში გორდონმა ორჯერ გაიტანა.
🔴 ზონალური ანალიზის მიხედვით ბრენტფორდის წინააღმდეგ ყველაზე მეტი მომენტი, რომელიც გოლით სრულდება მარჯვენა ფლანგიდან იქმნება. ფოდენმა დუბლი ზუსტად იმ პოზიციებიდან შეასრულა, რომელსაც სალაჰი ითვისებს ხოლმე.
🔵 მიუხედავად იმისა რომ მგლებმა 3-0 წააგეს ნიუკასლთან, ვულვზის დაცვითი მეტრიკები გაუმჯობესებულია, ჩელსის მნიშვნელოვნად აქვს მოკლებული შეტევის თვალსაზრისით. როგორც წესი ვულვზს სტანდარტების დროს უჭირს თავის დაცვა, რაც პალმერისთვის უპირატესობაა. მიმდინარე სეზონში, მგლებს 6 პენალტი დაურტყეს, როგორ ასრულებს თერთმეტმეტრიანებს პალმერი ეს ყველამ კარგად იცის.

როგორ მოვემზადოთ DGW24_ისთვის ?

„La Gazzetta dello Sport Georgia“-ს ფენტეზის მიმოხილვებში DGW24_ის შესახებ ჯერ კიდევ მაშინ გაჟღერდა ინფორმაცია, როდესაც ამის შესახებ არავინ საუბრობდა. სამომავლოდაც ჩვენ ყოველთვის პირველი გაგიზიარებთ ასეთ სიახლეებს.

🔴 ლივერპული vs BOU(A), EVE(A)
🔵 ევერტონი vs LEI(H), LIV(H)

21-ე ტურის წინ DGW24 ოფიციალურად დადასტურდა. შეგახსენებ ეს შესანიშნავი შესაძლებლობაა სალაჰზე Tripple/სამმაგი კაპიტნის ქარდის გამოყენებისთვის. თუ ჯერ კიდევ არ დაგიწყია მზადება უკვე დროა ლივერპულის 3 ფეხბურთელის შეძენაზე იფიქრო, შესაძლოა ვინმე მოიესის ევერტონიდანაც აარჩიო.

DGW24_ის საუკეთესო ალტერნატივები:
🔴 სალაჰი (£13.7) - უალტერნატივოა, საუკეთესოა Tripple კაპიტნობისთვის.
🔴 ტრენტი (£7.2) – TAA_ს შეძენას ჯერ არ გირჩევ, სანამ სატრანსფეროს საგას არ აეხდება ფარდა.
🔴 კონატე (£5.1) - იბუ ახლახან დაბრუნდა ტრავმიდან. ბიუჯეტის თვალსაზრისით იდეალური ალტერნატივაა.
🔴 გაკპო (£7.4) - 5 გოლი და 1 ასისტი, ბოლო 8 მატჩში. კოდი ძალიან საინტერესო ალტერნატივაა, ვისაც გირჩევ ძალიან დიდი ყურადღებით დაუკვირდე.
🔴 ალისონი (£5.4) - თუ ლივერპულის ორმაგი დაცვით თამაში გაქვს გადაწყვეტილი, ბრაზილიელის დამატება აუცილებლად დაგჭირდება.
🔵 პიკფორდი (£5.0) - სელსი შემდეგ ჯორდანს ყველაზე მეტი ქულა აქვს დაგროვებული მეკარეებს შორის. პიკფორდს მიმდინარე სეზონში უკვე 7 „მშრალი კარი“ აქვს.
🔵 მიკოლენკო (£4.3) - თუ ბიუჯეტურ ალტერნატივას ეძებ, მიკოლენკო უალტერნატივოა. თანაც არ დაგავიწყდეს უკრაინელის შეტევითი პოტენციალიც. ასევე ხმები დადის ჩილველის ევერტონში გადასვლასთან დაკავშირებით, ესეც არ გამოგრჩეს.

კვლავ ნიუკასლზე

სიამაყით შეგვიძლია იმის თქმა, რომ ისაკის ყიდვას ჯერ კიდევ მანამდე გირჩევდით სანამ შვედის „აღზევება“ დაიწყებოდა. მას შემდეგ ისაკსა და მის თანაგუნდელებზე არაერთხელ დავწერეთ. ახლა როდესაც ნიუკასლი თამაშს-თამაშზე იგებს დრო მოვიდა „კაჭკაჭებიდან“ ერთდრულად 3 ფეხბურთელის ყოლაზე დაფიქრდე.

გადაწყვეტილების მიღებაში ეს ინფორმაცია დაგეხმარება.
ნიუკასლის ტოპ ფენტეზის აქტივები ბოლო 8 მატჩში:
ისაკი (£9.3) ⚽⚽⚽⚽⚽⚽⚽⚽⚽⚽️⚽️🅰️🅰️ 🅰️ | 11 გოლი & 3 ასისტი - 85 pts
გორდონი (£7.3) ⚽⚽⚽⚽️🅰️🅰️🅰️ | 4 გოლი & 3 ასისტი - 53 pts
მერფი (£5.1) ⚽⚽⚽🅰️🅰️🅰️🅰️🅰️| 3 გოლო & 5 ასისტი - 52 pts
ჰოლი (£4.9) 🛡️🛡️🛡️🛡️🛡️🅰️🅰️🅰️| 5 მშრალი კარი & 3 ასისტი - 50 pts

⚡️ ფენტეზის მენეჯერების მხოლოდ 21.91%_ს ჰყავს გუნდში ორივე; ისაკიც და გორდონიც;
🔥 ფენტეზის მენეჯერების მხოლოდ 8.94%_ს ჰყავს გუნდში სამივე: ისაკი, გორდონი და ჰოლი.

ვენდოთ თუ ვერიდოთ?

ნიკო ჯექსონი კვლავ საწყისებს დაუბრუნდა, საკუთარი თავის იმ ვერსიას, რომელიც პრემიერ ლიგის სადებიუტო სეზონში ვნახეთ. ფეხბურთელს რომელიც მაგნიტივით იზიდავდა ყვითელ ბარათებს და პირიქით როგორღაც, სასწაულებრივად „განიზიდავდა“ გარდაუვალ საგოლე მომენტებს.
სენეგალელი უკვე 5 ტურია მინდორს გატანილი გოლის გარეშე ტოვებს.
ბორნმუთის წინააღმდეგ ჯექსონის მოქმედებები 2023 წლის ოსკაროსან ფილმს მოგაგონებდათ - „ყველაფერი ყველგან და ერთდროულად“
ნიკო ჯექსონის (£8.1) 45 წუთი 🆚 BOU
✅ 1 ასისტი
✅ 0.93 xG მოსალოდნელი გოლი
✅ 0.28 xA მოსალოდნელი ასისტი
✅ 1 შექმნა ერთი დიდი შანსი
✅ 4 დარტყმა
✅ 1 ხარიხა
✅ 2 დიდი შანსი ვერ გამოიყენა
სენეგალელის არასტაბილურობის ამბავი სიახლე სულაც არაა, მიუხედავად ამისა ჩელსის კალენდრის ფონზე, ის კვლავ ძალიან მიმზიდველ ალტერნატივად რჩება. ჩელსის წინ ძალიან ხელსაყრელი კალენდარი აქვს: GW22 WOL (H); GW23 MCI (A) GW24 WHU (H) GW25 BHA (A) GW26 AVL (A) GW27 SOU (H) GW28 LEI (A)

დაკარგული ქულების ძიებაში

რამდენი ტურის წინ, არსენალიდან ერთდროულად 2 მცველის ფლობა პერსპექტიულ სტრატეგიად ითვლებოდა, თუმცა სამწუხაროდ ჩვენი მოლოდინები მეთოფეებთან დაკავშირებით არ გამართლდა.
მე-17 სათამაშო კვირის მიმოხილვაში არსენალის დაცვის უიღბლო სერიას სპეციალური ქვეთავიც მივუძღვენით. მეთოფეების უკანა ხაზი სოლიდურად გამოიყურებოდა, არსენალი თამაშის უდიდეს ნაწილს „კონტროლში“ ატარებდა, ლონდონელები ყველაზე დიდ ხიფათს კუთხურებით ქმნიდნენ, სადაც მცველები გამოირჩეოდნენ. არსენალის მეტოქეები გოლებს დაბალი xG_ის მქონე მომენტებიდან იტანდნენ, რაც მეტწილად უიღბლობას მივაწერეთ და მხარი არსენალის ორმაგ დაცვას დავუჭირეთ. სამწუხაროდ რამდენიმე ტურის შემდეგაც სიტუაცია უცვლელია.
პალასის კალენდრისა და ლივერპულის DGW24_ის ფონზე, ასევე ნიუკასლისა და ფორესტის ფორმის გათვალისწინებით არსენალის ორმაგ დაცვასთან მიმართებაში დიდი კითხვის ნიშნებები ჩნდება, შევაჯამოთ არსებული ვითარება:
❌ მხოლოდ 4 მშრალად შენახული კარი უკანასკნელ 17 ტურში;
❌ ტრავმიანობა და პრობლემები შეტევაში;
❌ არასტაბილური კალენდარი;
✅ მიუხედავად ამისა, არსენალი მე-2 ადგილზეა გაშვებული მოსალოდნელი გოლების მაჩვენებლის მიხედვით.
ამ ყველაფერს თან გაბრიელის ინციდენტიც დაერთო. გასულ ტურში მაგალაესს გოლი ჯერ ასისტად გადაუკეთეს, შემდგომ კი საგოლე გადაცემაც გააუქმეს. პრემიერ ლიგის ფენტეზის ამ გადაწყვეტილებამ ძალიან დიდი უკმაყოფილება გამოიწვია.
შევაჯამოთ თუ არსენალიდან 2 მცვლი გყავს, ჯობს ერთის გაყიდვა დააყენო დღის წესრიგში, მითუმეტეს თუ მის ნაცვლად ფორესტის, ნიუკასლის ან ლივერპულის მცველის დამატებას აპირებს. „მეთოფეების“ დაცვაში გაბრიელი ხელშეუხებელი ფიგურაა, რომ არა უიღბლობა ის ახლა პრემიერ ლიგის ფენტეზის ყველაზე შედეგიანი მცველი უნდა იყოს. ბრაზილიელის გაყიდვას არ გირჩევ.

THE HIDDEN GEMS

ასე პრემიერ ლიგის ფენტეზის იმ ფეხბურთელებს უწოდებენ, რომლის შესახებაც ცოტა თუ საუბრობს, თუმცა მათ ქულების უდიდესი პოტენციალ აქვთ. თუ La gazzetta dello sport Georgia_ს მიმოხილვებს აქტიურად ადევნებ თვალს, ეს სახელი და გვარი შენთვის უცხო არ იქნება.
ნახევარმცველებს შორის, ამ ფეხბურთელს სალაჰის (60) შემდეგ მე-16 ტურიდან მოყოლებული ყველაზე მეტი ქულა (45) აქვს დაგროვებული.
გარდა ამისა ასეთი პერსპექტიული გარემოებები უმაგრებს ზურგს:
⚽⚽⚽🅰️🅰️ 🅰️ 3 გოლი და 3 ასისტი, განვლილ 6 მატჩში;
✅ ის პრემიერ ლიგის ფენტეზის მენეჯერების მხოლოდ 4.6%_ს ჰყავს გუნდში;
✅ მისი ფასი მხოლოდ £5.2_ია;
✅ მისი მომდევნო მეტოქე საუთჰემტონია.
ფორესტის შემტევების შესახებ ინტესიურად ვსაუბრობთ, თუმცა აქამდე ყურადღების ცენტრში მორგან გიბს-ვაითი და რა თქმა უნდა, კრის ვუდი იყვნენ. მათ ფონზე კი ოდნაც დაიჩრდილა ანტონი ელანგა. თუ ე,წ, განმასხვევებელს ეძებ, ამ შემთხვევისთვის ელანგა შესანიშნავი ალტერნატივაა.

მცველი, რომელზეც არავინ საუბრობს

უკანასკნელი 5 მატჩის განმავლობაში ნოტინგემმა 4 ჯერ მოახერხა კარის მშრალად შენახავა, ფორესტმა ერთადერთი გოლი მრისხანე ლივერპულისგან გაუშვა. ასეთი დაცვითი ფორმის პარალელურად „გარიბალდიანელთა“ მცველები ყველაზე მოთხოვნადი უკანახაზელები არიან.
მაშინ, როდესაც ყველა ოლა აინას (£5.3) გასაოცარ სეზონზე, მილენკოვიჩისა (£4.8) და მურილიოს (£4.6) გაუვალ კედელზე და მეტს სელსის (£5.0) არაამქვეყნიურ სეივებზე საუბრობს, თანაგუნდელების დიდების ჩრდილში ვერავინ ამჩნევს ნეკო უილიამსს. (£4.3)
თუ აინას შეძენისთვის თანხა არ გყოფნის, ექს ლივერპულელი შესანიშნავი ბიუჯეტური ალტერნატივაა. TOP დაცვის ფონზე მისი ფასი სასაცილოდ გამოიყურება, უელსელი პრემიერ ლიგის ფენტეზის მენეჯერების მხოლოდ 1.6%_ს ჰყავს გუნდში.

კაპიტანი

გასულ ტურში სალაჰის გაკაპიტნებისგან თავის შეკავება გირჩიეთ, რეკომენდაციამ გაამართლა - ლივერპულს, ფორესტის საუკეთესო ფორმაში მყოფ უკან ხაზთან გამკლავება გაუჭირდა.

22-ე სათამაშო კვირას კაპიტნის არჩევა ბევრად უფრო რთული მისიაა - მენიუს მო სალაჰი უბრუნდება. თუმცა ეგვიპტელს და მის კონკურენტებს დაახლოებით თანაბარი სირთულის მატჩები აქვთ, რის გამოც არჩევანის გაკეთება ძალიან რთულია. ეს მონაცემები სწორი გადაწყვეტილები მიღებაში დაგეხმარება:

⚫⚪ ისაკი 🆚 WOL(H) - შვედი კარიერის საუკეთესო ფორმაშია. ისაკს ზედიზედ 8 ტურია გააქვს. ვარდის რეკორდის განმეორებამდე ისაკს მხოლოდ 3 გოლი აკლია. ამასთან ერთად ჩელსისგან და ლივერპულისგან განსხვავებით, ნიუკასლიც შესანიშნავ სვლაზეა, რაც დამატებითი უპირატესობაა.

ისაკი ბოლო 8 ტურში:

ლივერპული ⚽️🅰️
ბრენტფორდი ⚽️
ლესტერი ⚽️🅰️
იფსვიჩი ⚽️⚽️⚽️
ასტონ ვილა ⚽️
მანჩესტერი ⚽️
ტოტენჰემი ⚽️
ვულვზი ⚽️⚽️🅰️

🔵 პალმერი 🆚 WOL(H) – „ქოლდ“ პალმერმა ბოლო 4 ტურიდან 3_ში, სალაჰზე უკეთესი ქულები დააგროვა. ვულვზთან პირველი წრის შეხვედრაში პალმერმა 17 ქულიანი მატჩი შემოგვთავაზა, მოლინიუზე ჩელსის ლიდერის ანგარშზე 3 ასისტი და 1 გოლი იყო.

ჩელსი, პრემიერ ლიგაში ზედიზედ 5 მატჩია მოგების გარეშეა, თუ პალმერის თანაგუნდელები კოულის შექმნილ შანსებს ქარს არ გაატანენ, ჩელსის 20_იანი შესაძლოა კაპიტნობის საუკეთესო ალტერნატივა იყოს.
პალმერი ბოლო 4 ტურში
10, 10, 3, 10
სალაჰი ბოლო 4 ტურში:
2, 7, 16, 9
ისაკი ბოლო 4 ტურში
16, 7, 7, 8

🔴 სალაჰი 🆚 BRE (A) – პალმერისგან და ისაკისგან განსხვავებით ეგვიპტელს შინ თამაშის უპირატესობა არ აქვს, თუმცა პრაიმ სალაჰისთვის ნაკლებად სავარაუდოა ამას დიდი მნიშვნელობა ჰქონდეს.

სალაჰს, პრემიერ ლიგის ფენტეზიში უნიკალური სერია ჰქონდა. მო ზედიზედ 12 ტური, მოედანს საგოლე მოქმედების გარეშე არ ტოვებდა. სალაჰის სვლა ფორესტთან შეწყდა, თუმცა ეგვიპტელი სითი გრაუნდსზეც ძალიან ახლოს იყო საგოლე მოქმედებებთან.

მითიც თითქოს ბრენტფორდი შინ აუღებელი სიმაგრე იყო დაიმსხვა, ყველა ტურნირზე ჩატარებული ბოლო 5 საშინაო მატჩიდან ფუტკრებმა 3 მატჩი წააგეს და მხოლოდ ერთ შეხვედრაში მოახერხეს გამარჯვების მოპოვება.

რომელიმე მათგანის არჩევა, ძალიან რთული გამოწვევა. ამ მოცემულობით სამივე მათგანი იდეალური კაპიტანია. ასეთ შემთხვევებში სჯობს ინტუიციას მიენდო. 

თუ რატომღაც კაპიტნობის სხვა ალტერნატივებს განიხილავ, მაშინ ამ სამეულს უნდა მიაქციო ყურადღებ: ჰოლანდი, ვუდი, გორდონი.

წარმატებებს გისრუვებ. ჩვენს ლიგას ასე შეგიძლია შემოურთდე - ლიგის არჩევის გვერდზე, შეიყვანე LaGazzetta-ს ლიგის კოდი: cuikc0 ან გადადი ამ ბმულზე.

ავტორი: გიორგი მახარაძე