პრემიერ ლიგის ფენტეზი - რა უნდა გავითვალისწინოთ 29-ე ტურის წინ?

29-ე ტურის მიმოხილვა

მომდევნო ტურის მიმოხილვამდე გავიხსენოთ გასული კვირის მნიშვნელოვანი მოვლენები:

🔵 კოულ პალმერმა პრემიერ ლიგაში პირველად გააცუდა თერთმეტმეტრიანი დარტყმა. აქამდე პალმერს 12-იდან 12-ივე პენალტი გატანლი ჰქონდა.
✅✅✅✅✅✅✅✅✅✅✅✅❌
შესაბამისად „გვალვა“ პალმერისთვის გრძელდება - ჩელსის 20-იანს ბოლო 7 პრემიერლიგურ მატჩში მხოლოდ 1 საგოლე მოქმედება აქვს. მარესკამ პალმერი 72 წუთზე შეცვალა;
🔵 ორი ტურის წინ La Gazzetta dello Sport Georgia-ს ყოველკვირეულ მიმოხილვაში მარკ კუკურეას ყიდვა გირჩიეთ. ჩვენი რჩევა 100%-ით გამართლდა. ესპანელს ზედიზედ ორი ტურია გოლი გააქვს. კუკურეამ 2 ტურში 30 ქულა მოყარა თავი !

🦁 ზედიზედ ორი მატჩია ძალიან არ უმართლებთ მორგან როჯერსის „მფლობელებს“. ვილას შემტევის გატანილი გოლი ამჯერადაც სანტიმეტრების, შეიძლება მილიმეტრების გამო გაუქმდა;

🔵 ფორესტთან მატჩში, ჰოლანდის მოსალოდნელ გოლში მონაწილეობის ინდექსი (xGI) მხოლოდ 0.18 იყო, ასეთივე მაჩვენებელი ჰქონდა იოსკო გვარდიოლსაც;

🚩 ომარ მარმუშის ირგვლივ ატეხილი ეიფორია, მისი სათადარიგოთა სკამზე გადასმით დასრულდა. La Gazzetta dello Sport Georgia-ს მიმოხილვებში მისი ყიდვისგან თავის შეკავებას გირჩევდით. ნოტინგემთან ეგვიპტელმა მხოლოდ 21 წუთი მიიღო;

🔵 ჟოაო პედროს ზედიზედ 3 ტურია გოლი გააქვს. ბრაზილიელმა 9-იანის პოზიციაზე კონკურენცია დენი ველბეკს პირწმინდად მოუგო;

⚪ რობინსონი ზედიზედ 2 ტურია ყვითელ ბარათს იღებს, თუ ამერიკელს კიდევ სამჯერ გააფრთხილებენ მას ორმატჩიანი დისკვალიფიკაცია ემუქრება. 30-ე ტურიდან „კოტეჯერების“ კალენდარი ძალიან რთულდება;

🦅 დანიელ მუნოსი კვლავ აგრძელებს ჩვენს გაოცებას. კოლუმბიელი ამჯერად 6 ქულით შემოიფარგლა, თუმცა მუნოსმა იფსვიჩის წინააღმდეგ ოქროს შანსი ვერ გამოიყენა, იგივე ეპიზოდში დანიელს პასი, რომ გაეკეთებინა პალასის შემტევებს ცარიელ კარის წინ ტოვებდა. 28_ე ტურში მონუსის მოსალოდნელ გოლში მონაწილეობის ინდექსი (xGI) – 0.47 იყო;

🔴 შეიძლება ითქვას, რომ ლივერპულის უკანა ხაზმა „წმინდანებს“ გოლი აჩუქა, სოტონმა არსაიდან მოახერხა გატანა. მერსესაიდელებმა იგივე ჟანრში გაუშვეს პსჟ-სგან;

🐝 ყველასთვის მოულოდნელად უსახური მატჩი ჰქონდათ „ფუტკრებს“, მბუმო მოლოდინების საპირისპიროდ ძალიან ინერტული იყო;

🔵 ბეტომ 2 დიდი შანსის გამოყენება ვერ მოახერხა, რომ არა მისი უზუსტობა წესით ევერტონი ამ შეხვედრას აუცილებლად მოიგებდა. ბეტოს მოსალოდნელი გოლის ინდექსი (xG) 0.71 იყო !

🍒 კლიუვერტს სპურსის წინააღმდეგ გამორჩეული მატჩი ჰქონდა, თუმცა მისი აქტიურობა მხოლოდ საგოლე გადაცემაში გადაითარგმნა. გარდა ამისა - ჯასტინმა ერთი დიდი შანსი გააცუდა, გოლიც გაიტანა რომელიც არ ჩაუთვალეს, ერთხელ კი ძელს გაარტყა ბურთი. კლიუვერტის xGI სპურსის წინააღდეგ - 0.7

ჰოლანდი მენიუს დაუბრუნდა 🍽️

სეზონის სტარტზე ერლინგ ჰოლანდი (£14.7), პრემიერ ლიგის ფენტეზის მენეჯერების დაახლოებით 80%-ს ჰყავდა გუნდში. სიტის კრიზისის შემდგომ ეს მაჩვენებელი 30%-მდე შემცირდა. არსებული მდომარეობით ნორვეგიელი ფენტეზის მენეჯერების მხოლოდ 1/3-ს ჰყავს არჩეული, რაც ჰოლანდის კალიბრის ფეხბურთელისთვის უკიდურესად ცოტაა.
რა უნდა გავითვალისწინოთ, სანამ ერლინგის ყიდვას გადავწყვეტთ:
✅ ფორესტთან რთული მატჩის შემდეგ მანჩესტერ სიტის წინ გაცილებით მარტივი კალენდარი აქვს. 30-ე ტურში ქალაქელები, ეტიჰადზე ლესტერს ეთამაშებიან.
GW28 🆚 ლესტერი (H)
✅ მე-20 ტურის შემდეგ, მოსალოდნელი გოლების თვალსაზრისით ნორვეგიელი მხოლოდ მატეტასა (£7.5) და ვისას (£6.5) ჩამორჩება.
✅ ბოლო 6 შეხვედრაში ჰოლანდს 6 საგოლე მოქმედება დაუგროვდა:
⚽️ 4 გოლი
🅰️ 2 ასისტი

✅ დიდი ალბათობით მანჩესტერ სიტის 33-ე ტურში ორმაგი ანუ „Double” სათამაშო კვირა ექნება, თუმცა DGW33 ჯერ არ დადასტურებულა:
DGW33 🆚 ევერტონი (A)
DGW33 🆚 ასტონ ვილა (H)