პრემიერ ლიგის ფენტეზი - რა უნდა გავითვალისწინოთ 32-ე ტურის წინ?

რა უნდა ვიცოდე Double და Blank სათამაშო კვირების შესახებ 🔒 ?

Double და Blank სათამაშო კვირის შესახებ, ამ ქვეთავში ყველა მნიშვნელოვან სიახლეს ნახავ:

DGW 32 - რომელი გუნდები ითამაშებენ 2 მატჩს 32-ე ტურში ?

⚫ ნიუკასლი 🆚 მანჩესტერ იუნაიტედი (H), კრისტალ პალასი (H)
🦅 კრისტალ პალასი 🆚 მანჩესტერ სიტი (A), ნიუკასლი (A)
ტური პალასის მატჩით დაიწყება და დაიხურება.

DGW 33 - რომელი გუნდები ითამაშებენ 2 მატჩს 33-ე ტურში ?

🔵 მანჩესტერ სიტი 🆚 ევერტონი (A), ასტონ ვილა (H)
🔴 არსენალი 🆚 იფსვიჩი (A), კრისტალ პალასი (H)
🦁 ასტონ ვილა 🆚 ნიუკასლი (H), მანჩესტერ სიტი (A)
🦅 კრისტალ პალასი 🆚 ბორნმუთი (H), არსენალი (A)

BGW 34 - რომელი გუნდები არ თამაშობენ 34-ე ტურში ?

⛔️ მანჩესტერ სიტი
⛔️ არსენალი
⛔️ ასტონ ვილა
⛔️ კრისტალ პალასი

მნიშვნელოვანი საკითხები:

◉ როგორც ვივარაუდეთ 34-ე ტურშივე დარჩა ნოტინგემისა და ბრენტფორდის მატჩი;
◉ კრისტალ პალასი ერთადერთი გუნდია, რომელიც ზედიზედ ორ Double ტურს თამაშობს;
◉ DGW36 და BGW37 დამოკიდებულია FA cup-ის ნახევარფინალური მატჩების შედეგზე;

როგორია FPL დახმარებების გამოყენების ოპტიმალური სტრატეგია 🎯 ?

✅ ვაილდქარდი:
La Gazzetta dello Sport Georgia-ს მიმოხილვებში გირჩიეთ, რომ ვაილდქარდის გამოყენებისთვის ოპტიმალური დრო 30-ე ან 31-ე კვირა იყო. თუ ვაილდქარდი არ დრომდე ატიური გაქვს, მაშინ უმჯობესია თამაშის ყველაზე ძლიერი ქარდი ამ ტურშივე გამოიყენო.
არ დაგავიწყდეს ერთდროულად ორ ქარდს ვერ გამოიყენებ, 33-ე და 34-ე ტურში სხვა ქარდები დაგჭირდება, ამიტომ ვაილდქარდის გააქტიურება მეტად აღარ უნდა გადადო.

✅ Tiple Captain: 32-ე ტურში
თუ Tripple კაპიტნის დახმარება ამ დრომდე გამოყენებული არ გაქვს და არც სხვა ქარდის გამოყენებას არ გეგმავ, 32-ე ტური ძალიან საინტერესოა სამმაგი კაპიტნის დახმარებისთვის. ნიუკასლი DGW32-ში ზედიზედ ორ საშინაო მატჩს გამართავს, რაც ალექსანდრ ისაკის (£9.5) Tiple კაპიტნობისთვის საუკეთესო შესაძლებლობაა.
პ.ს. პრემიერ ლიგის ფენტეზის მენეჯერების უმრავლესობამ Tiple Captain-ის ქარდი DGW 24-ში გამოიყენა, როდესაც სალაჰმა ორი ტურის ჯამში 29 ქულას მოუყარა თავი.

✅ Bench Boost: 33 ტურში
დიდი ალბათობით 33-ე ტური სეზონის ყველაზე დიდი Double Gameweek იქნება. შესაბამისად BB-ს გამოყენებაც ამ პერიოდშია რეკომენდირებული. რა თქმა უნდა, შეგიძლია Bench Boost-ი DGW36-ისთვის შეინახო, თუმცა ყოველთვის უმჯობესია თუ „BB” ვაილდქარდს მოსდევს თან, ამ დროს გუნდი ოპტიმალურად გამოიყურება, ტრავმებისგანაც დაზღვეული ხარ.

თანაც DGW36-ის კონტურები ჯერ-ჯერობით ბორუსითაა მოცული.

✅ Free Hit: 34 ტურში
34-ე სათამაშო კვირას ისეთი მასშტაბური დანაკლისები არ ექნება, როგორსაც ელოდნენ, მაგრამ Blank Gameweek-თან გასამკლავებლად ძალიან მნიშვნელოვანი იქნება Free Hit-ის 34-ე ტურში გამოყენება.
გუნდები, რომლებიც წინ სათამაშო კვირას ორ თამაშს ჩაატარებენ, 34-ე ტურში უმატჩოდ იქნებიან. ამის დაბალანსება Free Hit-ის გარეშე ძალიან რთულია.

👔 Asistent Manager: 32-34

თუ „Asistent Manager”-ის ქარდი კვლავ შენს განკარგულებაშია, ე.ი ძალიან დაიგვიანე.
AM-ის გააქტიურების ოპტიმალური დრო უკვე გასულია. თუ ამ ქარდს, მიმდინარე კვირას გამოიყენებ, შესაბამისად AM-ი ძალაში იქნება 33-ე და 34-ე სათამაშო კვირასაც.
თუ ამ სტრატეგიის გამოყენებას გადაწყვეტ, შეგახსენებ, რომ ერთდროულად ორ ქარდს ვერ გააქტიურებ. ეს იმას ნიშნავს, რომ 33-ე ტურში Bench Boost-ი, ხოლო 34-ე ტურში Free Hit-ი დაბლოკილი იქნება.
თუ ასისტენტ მენეჯერის გამოყენებას 32-34 ტურებში აპირებ, მაშინ ჩვენი მთავარი რეკომენდაცია პალასის დამრიგებელი, ოლივერ გლასნერია (£0.8)
4 მატჩიდან 3 შემთხვევაში გლასნერს „ცხრილის ბონუსის“ აღების ძალიან პერსპექტიული შესაძლებლობა ექნება. 34-ე ტურში კი ამერიკელის ჩანაცვლება ნიუკასლის დამრიგებლით ან სხვა მწვრთნელით შეგიძლია

ვინ არიან საუკეთესო ფეხბურთელები ნიუკასლიდან ?

⚫ ისაკი (£9.5) - შვედმა ლესტერთან მატჩამდე მომჯობინება მოასწრო თუმცა, მასზე გაცემული ავანსები ვერ გაამართლა. მიუხედავად ამისა ისაკმა მიმდინარე სეზონში არაერთხელ დაამტკიცა, რომ ის პრემიერ ლიგის ერთ-ერთი საუკეთესო ფორვარდია.
ორმაგ ტურში ნიუკასლი ზედიზედ ორ საშინაო მატჩს ჩაატარებს, ამის გათვალისწინებით ისაკი 32-ე ტურში კაპიტნობის საუკეთესო კანდიდატურაა.
რაც მთავარია ედი ჰაუმ ისაკის ფიტნესის შესახებ დამაიმედებელი განცხადება გააკეთა:
🗣️ “I think he’s 100% fit, I wouldn’t have taken any risks with him tonight if he wasn’t.

⚫ მერფი (£5.2) – 32-ე ტურისთვის ჯეიკობ მერფი შესანიშნავი ბიუჯეტური ალტერნატივაა. ლესტერთან მატჩში შესრულებულმა დუბლმა კიდევ ერთხელ დაამტკიცა, რომ ინგლისელი კარიერის საუკეთესო ფორმაშია. ამასთანავე გორდონი კვლავ ლაზარეთშია, რაც მერფისთვის დათმობილ წუთებს კიდევ უფრო საიმედოს ხდის.
ასევე აუცილებლად აღსანიშნავია, რომ მე-14 ტურიდან მოყოლებული ჯეიკობზე მეტ საგოლე მოქმედებაში მხოლოდ სალაჰსა და ისაკს აქვთ მონაწილეობა მიღებული.

საგოლე მოქმედებები მე-14 ტურის შემდეგ:

🔴 სალაჰი - 26
⚫ ისაკი - 19
⚫ მერფი - 14
🌳 გიბს-ვაითი - 14
🐝 მბუმო- 13
🔵 ჰოლანდი- 12

⚫ ლივრამენტო (£4.6) - ლუის ჰოლის ტრავმის შემდეგ ტინო ლივრამენტო ნიუკასლის საუკეთესო უკანახაზელად იქცა. ბოლო 6 ტურში ძირითადი პარამეტრების მიხედვით ლივრამენტოს საუკეთესო მაჩვენებლები აქვს. ტინომ, ტრიპიეზე ბევრად უფრო შემტევი როლი მოირგო, რაც შედეგებშიც ითარგმნება:
ბოლო 6 ტურში, ნიუკასლის მცველებთან შედარებით ლივრამენტოს სტატისტიკა
🎯 21 ქულა (პირველი ადგილი)
🅰️ 3 დიდი შანსი (პირველი ადგილი)
📊 1.35 გოლში მონაწილეობის ინდექსი xGI (პირველი ადგილი)

⚫ ჰარვი ბარნსი (£5.9) – თუ განსაკუთრებული განსხვავების შემქმნელი გჭირდება ჰარვი ბარნსი ამ მხრივ საუკეთესო არჩევანია. ინგლისელი პრემიერ ლიგის ფენტეზის მენეჯერების მხოლოდ 1.5%-ს ჰყავს საკუთარ გუნდში, რაც ბარნსს გამორჩეულ Difference Maker-ად აქცევს.
ორშაბათს გამართულ პრეს-კონფერენციაზე ედი ჰაუს, ენტონი გორდონის შესახებ დამიმედებელი პროგნოზი არ გაუკეთებია. შესაბამისად ჰარვის წუთებს ნაკლებად ემუქრება საფრთხე.
მას შემდეგ რაც ბარნსი მოედანზე დიდ დროს ატარებს გაიზარდა მისი შედეგიანობაც, ბოლო 3 ტურში ჰარვი ბარნსის შედეგები:

⚽️ 1 გოლი
🅰️ 2 ასისტი
🎯 19 FPL ქულა

⚫ კარენ ტრიპიე (£5.6) & ფაბიან შერი (£5.5) & ნიკ პოუპი (£4.9) თუ რატომღაც ტინო ლივრამენტოზე უარის თქმას გადაწყვეტ არჩევანი ამ სამეულზე შეგიძლია შეაჩერო. ნიუკასლის ერთადერთი უკანახაზელი, რომლის ყიდვასაც არ გირჩევ დენ ბარნია (£4.5) , ინგლისელს 8 ყვითელი ბარათი აქვს და ძალიან ახლოსას 2 მატჩიან დისკვალიფიკაციასთან.

🦅 მუნოსი (£5.2)
კრისტალ პალასს რთული კალენდარი აქვს?
მოსალოდნელია რომ არწივები გოლს ორივე მატჩში გაუშვებენ ?

ორივე კითხვაზე პასუხი დადებითია, მითუმეტეს „არწივების“ დაცვითი პრობლემების ფონზე, თუმცა ეს პალასის საუკეთესო მცველისთვის სულაც არაა დამაბრკოლებელი გარემოება. თუკი კოლუმბიელი ამ დრომდე არ არის შენს გუნდში, ის არა დაცვითი უნარების, არამედ შეტევითი პოტენციალის გამო უნდა იყიდო.
ბოლო 8 ტურში მუნოსის ანგარიშზე 5 საგოლე მოქმედება !
რაც ფორვარდებისთვისაც შესაშური მაჩვენებელია.
პირველ წრეში მუნოსმა სიტის წინააღმდეგაც გაიტანა და ნიუკასლთანაც.
🦅 მატეტა (£7.7) - ტრავმის შემდეგ მატეტას სათამაშო დრო მნიშვნელოვნად შემცირდა, თუმცა აშკარაა, რომ ფრანგი ძალებს იკრებს. მატეტას მფლობელებისთვის პოზიტიური სიახლე, ნკეტიას წითელი ბარათია.
პალასს 9-იანის პოზიციაზე ბევრი არჩევანი არ აქვს, სწორედ ამიტომ მოსალოდნელია რომ მატეტა მოედანზე მინიმუ 75 წუთს გაატარებს.
🦅 ეზე (£6.8) ებერეჩიმ ფორმა აკრიფა, რაც მის ბოლოდროინდელ შედეგიანობაზეც აისახება. ფულჰემთან თასზე ნათამაშებ წარმატებულ მატჩს, ეზემ ორი პრემიერლიგური ასისტი დაამატა. ამ ფაქტორების გათვალისწინებით ინგლისელი პალასის რიგით მე-3 საუკეთესო აქტივია.

🦅 სარი (£5.7) ეზეს პარალელურად აქტიურად განიხილებოდა ისმაილა სარის კანდიდატურაც, თუმცა აშკარაა, რომ სენეგალელს ფორმა გაუფუჭდა. ზედიზედ ორი შეხვედრაა სარი საგოლე მოქმედების გარეშეა, ამ დროის განმალობაში კი მისი მოსალოდნელ გოლში მონაწილეობის ინდექსი xGI მხოლოდ 0.09 არის, რაც ძალიან მცირე მაჩვენებელია.
არადა რამდენიმე ტურის წინ ისმაილა ებერეჩის ყველ საკვანძო კომპონენტში ჯაბნიდა.
აღსანიშნავია რომ მას შემდეგ რაც სიტის დაცვის ცენტრში ერთმანეთს რუბენ დიასი და იოშკო გვარდიოლი შეუწყვილდნენ, მანჩესტერელებს 180 წუთია პრეიმიერ ლიგაში გოლი არ გაუშვიათ, თუმცა ახლა პალასის სახით, სიტის დაცვით სტაბილურობას სერიოზული გამოცდა ელის.

უნდა ვისაუბროთ ვილანებზე

32-ე ტურის წინ მორგან როჯერსის (£5.6) „ყოფნა არ ყოფნაზე“ ბევრი რამ არის დამოკიდებებული. გასული სათამაშო კვირის მიმოხილვაში La Gazzetta dello Sport Georgia-მ ასტონ ვილას ფეხბურთელების ანალიზი შემოგთავაზათ, რის მიხედვითაც მორგანი ორჯერ მეტ სათამაშო დროს იღებს ვიდრე ვილანების სხვა შემტევები.
თუ პარიზულ მატჩშ არ ჩავთვლით, ასტონ ვილამ ბოლო 7 შეხვედრაში ზედიზედ გაიმარჯვა:
2-0 🆚 კარდიფი
3-1 🆚 ბრიუგე
1-0 🆚 ბრენტფორდი
3-0 🆚 ბრიუგე
3-0 🆚 პრესტონი
3-0 🆚 ბრაიტონი
2-1 🆚 ნოტინგემ ფორესტი

მოგებათა სერიით „ვილანებმა“ პრემიერ ლიგაში მნიშვნელოვნად გაიუმჯობესეს სატურნირო მდგომარეობა. ბირმინგემელებს ჩემპიონთა ლიგის ზონას მხოლოდ 2 ქულა აშორებთ საუთჰემპტონი პრემიერ ლიგის ისტორიაში პირველი გუნდია, რომელიც პრემიერ ლიგიდან 7 ტურით ადრე გავარდა, შესაბამისად, უკვე ოფიციალურად გავარდნილ და უმწვრთნელოდ დარჩენილ „წმინდანებთან“ მათ დამაჯერებელ გამარჯვებას ელიან.

თუმცა საუთჰემპტონთან დაპირისპირება ვილას ჩემპიონთალიგური მატჩებს შორის მოუწევს, რაც კოლოსლურად ზრდის როტაციის ალბათობას:
🗓 ოთხშაბათი, 9 აპრილი 🆚 პსჟ 1-3
🗓 შაბათი, 12 აპრილი 🆚 საუთჰემპტონი (A)
🗓 სამშაბათი, 15 აპრილი 🆚 პსჟ (H)

სეზონის ყველაზე მნიშვნელოვანი მატჩების წინ ყველაზე დიდი კითხვის ნიშანი მორგან როჯერსის როტაციას ეხება. მიუხედავად პარიზული გამოცდისსა ამ მიზეზების გამო ნაკლებსავარაუდოა რომ ემერიმ როჯერსი დაასვენოს

◉ მორგანი აქამდე არასდროს ყოფილა როტაციაში;
◉ მატჩის მიმდინარეობისას როჯერსი იშვიათად იცვლება;
◉ ვილა მხოლოდ 2 ქულით ჩამორჩება ჩემპიონთა ლიგის ზონას;
◉ როჯერსი ახლა ვილას საუკეთესო ფეხბურთელია;

როჯერსი ბოლო 5 პრემიერლიგურ მატჩში:

⚽️ 2 გოლი
🅰️ 2 ასისტი
✅ 1 ორნიშნა ქულა
🎯 31 FPL ქულა
⭐️ 3 ბონუს ქულა
ვილას გულშემატკივრების ყველაზე სანდო ფორუმებზე დაყრდნობით, ბირმინგემელების შემტევ კვარტეტში შემდეგი ფეხბურთელები ითამაშებენ:
მალენი (£5.3)
ასენსიო (£6.2)
ვოტკინსი (£8.9)
მე-4 ვაკანტური ადგილისთვის კი კონკურენცია დიდია.

ვილანების შემტევებისგან ბევრ ქულას უნდა ველოდოთ, თუმცა საკითხავი ისაა თუ ვინ დაიწყებს სასტარტოდან.

32-ე ტურის საუკეთესო ტრანსფერი ?

33-ე სათამაშო კვირას პრემიერ ლიგის ფენტეზის მენეჯერების უმრავლესობა Bench boost_ს გამოიყენებს, ამ დროს კი შენახული ტრანსფერს ფაუსდაუდებელი სამსახურის გაწევა შეუძლია.
◉ მეტი ინფორმაცია გვექნება საკას სათამაშო დროისა და დაზიანების შესახებ;
◉ ასევე უფრო ბევრი რამ იქნება ცნობილი ვილას შემტევების შესახებ;
◉ გადანახული ტრანსფერი დაგეხმარება უფრო მოქნილი იყო ტრავმების შემთხვევაშიც.
შესაბამისად თუ ტრანსფერის გამოყენების გარდაუვალი აუცილებლობა არაა, ჩვენი ცალსახა რეკომენდაცია ტრანსფერის შენახვაა.

32-ე ტურის საუკეთესო ფეხბურთელები, რომლებიც ერთ მატჩს თამაშობენ

🍒 კლიუვერტის ტრავმის ფონზე, ევანილსონი ბორნმუთის ლიდერად ჩამოყალიბდა. ტრავმიდან დაბრუნების შემდეგ ბრაზილიელს შთამბეჭდავი შედეგები აქვს:

ევანილსონი (£5.8) ბოლო 4 მატჩში
⚽️ 4 გოლი
🅰️ 0 ასისტი
✅ 1 ორნიშნა ქულა
🎯 31 FPL ქულა !
⭐️ 7 ბონუს ქულა
ასევე დიდი იმის ალბათობა, რომ კლიუვერტის არყოფნაში თერთმეტმეტრიანები სწორედ ბრაზილიელმა შეასრულოს.
🦁 მალენი - ვილას ერთადერთი შემტევი, რომელსაც სოტონთან სათამაშო დრო გარანტირებული აქვს მალენია. ცხადია როჯერსიც და ვოტკინსიც უკეთესი ალტერნატივაა, თუმცა როტაციის საფრთხე დიდია.

🔵 ჩელსის შემტევები - ბრენტფორდთან დაკარგული ქულებისა და კონფერენს ლიგაზე დამაჯერებელი შეხვედრის შემდეგ ჩელსისგან საშინაო მატჩში ხმაურიან გამარჯვებას ელიან. „არისტოკრატებმა“ საჩემპიონთალიგო პოზიციები უნდა გაიმყარონ, რისთვისაც იფსვიჩი ხელსაყრელი მოწინააღმდეგეა
⚒️ ბოუენი (£7.6) - ლივერპულის ირგვლივ კრიზისი ნიშნები იკვეთბა. თუ ლივერპულთან გასარისკად მზად ხარ, შემდგომ უკვე “ჩაქუჩებს” ხელსაყრელი კალენდარი ეწყებათ:
🔜 GW33 SOU (H), GW34 BHA (A), GW35 TOT (H), GW36 MUN (A),

🐝 მბუმო (£8.0) და ვისა (£6.6) – „მეთოფეების“ წინააღმდეგ შემტევების მხარდაჭერა რთულია, თუმცა ახლა არსენალი მთლიანად ჩემპიონთა ლიგაზეა კონცენტრირებული, რაც ბრენტფორდის შანსებს ზრდის. 

32-ე ტურის კაპიტანი

გასული ტურში პრემიერ ლიგის ფენტეზის ყველა პოპულარულმა კაპიტანმა გაგვიცრუა იმედები:

❌ სალაჰი - 5.2 მილიონმა ფენტეზის მენეჯერმა აკაპიტნა - 2 ქულა
❌ ისაკი - 1.2 მილიონი - 2 ქულა
❌ პალმერი - 0,5 მილიონი - 1 ქულა
❌ მარმუში - 0,3 მილიონი - 2 ქულა 

მიმდინარე სათამაშო კვირა ის იშვიათი შემთხვევაა, როდესაც კაპიტნობის უკეთესი ალტერნატივები გვაქვს ვიდრე მო სალაჰია (£13.8). ეგვიპტელი ზედიზედ ორი მატჩია საგოლე მოქმედების გარეშეა, ლივერპული კი გასულ ტურებში არადამაჯერებელი იყო.

შესაბამისად საკმარისი საფუძველი გვაქვს, რომ 32-ე ტურში კაპიტნობა ისაკს ვანდოთ. შვედი 2 საშინაო მატჩს თამაშობს, რაც ისაკის სასარგებლოდ სოლიდური უპირატესობაა.

წარმატებებს გისურვებ. შემოუერთდი ჩვენს FPL ლიგას - ლიგის არჩევის გვერდზე, შეიყვანე LaGazzetta-ს ლიგის კოდი: cuikc0 ან გადადი ამ ბმულზე.

ავტორი: გიორგი მახარაძე