პრემიერ ლიგის ფენტეზი - რა უნდა გავითვალისწინოთ 36-ე ტურის წინ?

36-ე ტურის მიმოხილვა

რა მნიშვნელობა აქვს მე-8 ადგილს?

მაშინ როდესაც მთელი ყურადღება, საკლუბო ფეხბურთის ყველაზე პრესტიჟულ ტურნირზე მოხვედრისთვის მებრძოლ გუნდებზეა მიმართული, არ უნდა გამოგრჩეს კიდევ ერთი, მცირე ინტრიგა, რომლის შესახებაც პრემიერ ლიგის ფენტეზის ბევრ მენეჯერს არ აქვს ინფორმაცია.

ერთი შეხედვით მე-8-დან მე-11 ადგილზე მყოფი გუნდები უმოტივაციოდ არიან, ვერც წინ წაიწევენ და ვერც უკან, თუმცა საკმაოდ რეალურია სცენარი, რის მიხედვითაც მე-8 ადგილის მფლობელი კონფერენს ლიგის საგზურს მოიპოვებს.

ამისთვის ორი მოცემულობის შესრულება საჭირო:

◉ FA cup-ი მანჩესტერ სიტიმ უნდა მოიგოს და არა კრისტალ პალასმა;

◉ ნიუკასლმა TOP 7-ში უნდა დაამთავროს სეზონი.

შესაბამისად თუ ეს პირობები შესრულდება, ევროტურნირზე მოხვედრის შანსს ინარჩუნებენ ბორნმუთი, ბრენტფორდი, ბრაიტონი და ფულჰემი.

ცხრილში შეგიძლია ნახო ინფორმაცია დარჩენილი ტურების შესახებ:

ვინ ვიყიდო ბრენტფორდიდან ? 🐝

36-ე ტურის წინ ბრენტფორდის ფეხბურთელები განსაკუთრებული პოპულარობით სარგებლობენ, ამას კი თავისი ობიექტური მიზეზები აქვს:

◉ როგორც უკვე გაცნობეთ - ბრენტფორდი მე-8 ადგილისთვის იბრძვის;

◉ „ფუტკრებს“ დარჩენილ ტურებში ერთ-ერთი საუკეთესო კალენდარი აქვთ;

◉ ბრენტფორდმა ზედიზედ 3 პრემიერლიგური მატჩი მოიგო, თანაც ისე რომ ამ 3 შეხვედრაში 10 გოლის გატანა მოახერხა;

◉ 2025 წელს ბრენტფორდზე მეტი ქულა (19) გასვლით შეხვედრებში არცერთ პრემიერლიგურ გუნდს არ აქვს. თომას ფრანკის შეგირდები ასევე ლიდერობენ გასვლაზე გატანილი გოლების (18) მაჩვენებელშიც;

◉ იფსვიჩმა უკანასკნელ 3 თამაშში 9 გოლი გაუშვა !

ქვევით „ფუტკრების“ საუკეთესო ფეხბურთელების სტატისტიკას ნახავ:

🐝 ვისსა (£6.7) ბოლო 5 შეხვედრაში:

⚽️ 4 გოლი

🅰️ 1 ასისტი

✅ 1 ორნიშნა ქულა

🎯 36 FPL ქულა

⭐️ 7 ბონუს ქულა

🔥 ვისსა ზედიზედ 4 მატჩია მოედანს გოლის გარეშე არ ტოვებს, ის პრემიერ ლიგის ფენტეზის მენეჯერების 20%-ე ნაკლებს ჰყავს გუნდში.

🐝 მბუმო (£8.2) ბოლო 5 შეხვედრაში:

⚽️ 2 გოლი

🅰️ 2 ასისტი

✅ 1 ორნიშნა ქულა

🎯 30 FPL ქულა

⭐️ 3 ბონუს ქულა

მბუმო და ვისსა პრემიერ ლიგიდან უკვე გავარდნილი გუნდების წინააღმდეგ:

GW3 🆚 საუთჰემპტონი (H):

მბუმო - ⚽⚽, 1.15 xGI (მოსალოდნელ გოლში მონაწილეობის ინდექსი), 14 ქულა

ვისსა - ⚽, 1.34 xGI, 8 ქულა

GW9 🆚 იფსვიჩი (H):

მბუმო - ⚽⚽, 1.29 xGI, 15 ქულა

ვისსა - ⚽🅰️, 1.46 xGI, 10 ქულა

GW13 🆚 ლესტერი (H):

მბუმო - ❌, 0.08 xGI, 2 ქულა

ვისსა - ⚽, 0.83 xGI, 8 ქულა

GW20 🆚 საუთჰემპტონი (A):

მბუმო - ⚽⚽🅰️, 1.76 xGI, 19 ქულა

ვისსა - ⚽🅰️, 1.49 xGI, 11 ქულა

GW26 🆚 ლესტერი (A):

მბუმო - ⚽🅰️, 0.90 xGI, 14 ქულა

ვისსა - ⚽, 0.59 xGI, 8 ქულა

მბუმო 🆚 გავარდნილი გუნდების წინააღმდეგ

5 მატჩი

7⚽ 2🅰️

12.8 - საშუალო ქულა მატჩში

ვისსა 🆚 გავარდნილი გუნდების წინააღმდეგ

5 მატჩი

5⚽ 2🅰️

9.0 - საშუალო ქულა მატჩში

ვინ ვიყიდო ბრენტფორდიდან თუ Difference maker-ი მჭირდება?

🐝 კევინ შადე (£5.2) თუ მინი ლიგაში ჩამორჩენის აღმოსაფხვრელად ე.წ. „განმასხვავებელი“ გჭირდება ყურადღებით დააკვირდი კევინს.

✅ გერმანელი პრემიერ ლიგის ფენტეზის მენეჯერების 2%-ზე ნაკლებს ჰყავს გუნდში;

✅ კევინის ანგარიშზე ბოლო 2 შეხვედრაში 3 გატანილი გოლია;

🤔 იგორ ტიაგოს დაბრუნებამ შესაძლოა შადეს სათამაშო წუთები მცირედით შეამციროს.

36-ე ტურში ქულებს ელიან ბრენტფორდის უკანახაზელებიდან, საიდანაც ორი ფეხბურთელის გამორჩევაა შესაძლებელი - კოლინსი (£4.6) და კაიოდე (£4.5)

✅ კოლინსის შესახებ რამდენიმე კვირის წინაც დავწერეთ, ნათანი „ფუტკრების“ დაცვის ლიდერია, რაც გოლებსა და ასისტებშიც ითარგმნება;

✅ ბოლო 3 მატჩის განმავლობაში კაიოდე ბრენტფორდის რიგებში ერთ-ერთი ყველაზე გამორჩეული ფეხბურთელია. მის ფლანგიდან ჩართვებს დიდი ხიფათი მოჰყვება.

✅ იფსვიჩს ერთ-ერთი ყველაზე უარესი მონაცმები აქვს, სტანდარტულებისა და ჩაწოდებების თვალსაზრისით, რაც „ფუკტრების“ ძლიერი მხარეა.

ვიყიდოთ თუ არა ფორესტის მოთამაშეები? 🌳

„გარიბალდიანელების“ ფორმა ბოლო ტურებში უკიდურესად გაუარესდა. ნოტინგემის ბოლო 6 მატჩი:

❌ 2-1 🆚 ასტონ ვილა

❌ 1-0 🆚 ევერტონი

✅ 2-1 🆚 ტოტენჰემი

❌ 2-0 🆚 მანჩესტერ სიტი [FA Cup]

❌ 2-0 🆚 ბრენტფორდი

🤝 1-1 🆚 კრისტალ პალასი

◉ ფორესტმა ბოლო 6 შეხვედრიდან 4 წააგო;

◉ ნოტინგემმა ამ მატჩებში მხოლოს 4-ჯერ აიღო მეტოქეების კარი;

◉ 6 თამაშია სელსს (£5.2) კარი მშრალად არ შეუნახავს.

ფორესტის სტატისტიკა შეტევაში, ბოლო 5 მატჩი:

მოსალოდნელი გოლი xG: მე-18 ადგილი

დიდი შანსი: მე-20 ადგილი

გატანილი გოლი: მე-19 ადგილი

ფორესტის სტატისტიკა დაცვაში, ბოლო 5 მატჩი:

გაშვებული მოსალოდნელი გოლი xGC: მე-18 ადგილი

გაშვებული დიდი შანსი: მე-17 ადგილი

გაშვებული დიდი შანსი: მე-10 ადგილი

ფორესტს სულზე მოუსწრო ლესტერთან საშინაო შეხვედრამ.

გაითვალისწინე - ფებურთელები ძალიან დიდი წნეხის ქვეშ ითამაშებენ.

ამიტომ ამ მატჩში ყველაფერი შეიძლება მოხდეს:

თუ ნოტინგემმა პირველი გოლი ადრიანად შეაგდო, „გარიბალდიანელები“ ლესტერს გაანადგურებენ, თუმცა შესაძლოა პირიქითაც მოხდეს.

ასეთი სათამაშო ფორმის გათვალიწინებით ნოტინგემის ფეხბურთელები „Don’t buy, Don’t sell” კატეგორიაში გადიან. შენი გადასაწყვეტია გარისკავ თუ არა.

🌳 პრემიერ ლიგის ფენტეზის მენეჯერების უმრავლესობას გუნდში ფორესტის ერთი უკანახაზელი მაინც ჰყავს. ნოტინგემიდან ერთი მცველი ან მეკარე საკმარისია, დამატებით ამ შეხვედრისთვის კიდევ ერთი დაცვითი ფეხბურთელის ყიდვაზე ტრანსფერის დახარჯვა არ ღირს.

თუმცა თუ ფორესტის მცველი არ გყავს და ნოტინგემმა კარის მშრალად შენახვა მოახერხა, ეს შესაძლოა ნეგატიურად აისახოს შენს Overal rank-ზე.

🌳 ოდოის ტრავმის შემდგომ, ელანგას (£5.5) წუთები რისკის ქვეშ აღარ არის.

თუმცა ბოლო 5 შეხვედრაში მას და ვუდს მხოლოდ 2 საგოლე მოქმედებაში აქვთ მონაწილეობა მიღებული

🦊 ლესტერული კარიერის დასრულების გარდა, ჯეიმი ვარდის (£5.3) დამატებითი მოტივაციაც აქვს. თუ დარჩენილ შეხვედრებში ინგლისელი ერთხელ მაინც მოახერხებს მეტოქის კარის აღებას, ეს ვარდისთვის, ლესტერის მაისურით მე-200 გოლი იქნება.

რას უნდა ველოდოთ სიტისგან?

მანჩესტერ სიტიმ ფორმა ყველაზე საჭირო მომენტში დაიბრუნა:

✅ სიტი ზედიზედ 5 შეხვედრაა იგებს;

🥅 ბოლო 5 მატჩში სიტიმ 3-ჯერ შეინახა კარი მშრალად

🤔 უკანასკნელ 9 თამაშში სიტიმ მხოლოდ ერთხელ მოახერხა 2 გოლზე მეტის გატანა

⚖️ 2-2 🆚 ბრაიტონი

✅ 2-1 🆚 ბორნმუთი

✅ 2-0 🆚 ლესტერი

⚖️ 0-0 🆚 მანჩესტერ იუნაიტედი

✅ 5-2 🆚 კრისტალ პალასი

✅ 2-0 🆚 ევერტონი

✅ 2-1 🆚 ასტონ ვილა

✅ 2-0 🆚 ნოტინგემი

✅ 1-0 🆚 ვულვზი

პრემიერ ლიგის ფენტეზის მენეჯერების უმრავლესობას გუნდში გვარდიოლი (£6.4) და მარმუში (£7.6) ჰყავს. 33-ე სათამაშო კვირის „La Gazzetta dello Sport Georgia“-ს მიმოხილვაში მანჩესტერ სიტიდან მე-3 ფეხბურთელად რუბენ დიასისა (£5.4) ან კევინ დე ბრუინის (£9.5) ყიდვა გირჩიეთ. ორივე შემთხვევაში ჩვენი რეკომენდაცია წარმატებული აღმოჩნდა. „წმინდანების“ წინააღმდეგ ორივე - KDB-იც და დიასიც ძალიან პერსპექტიული FPL აქტივია.

საუთჰემპტონთან მატჩის წინ, რამდენიმე მინშვნელოვანი გარემოებაა, რასაც აუცილებლად უნდა მიაქციო ყურადღება:

◉ „წმინდანების“ მოსალოდნელი გოლის ინდექსი (xG) ლესტერის წინააღმდეგ მხოლოდ 0.51 იყო. საუთჰემპტონმა, „მელიებთან“ გასვლითი მატჩი პირწმინდად დათმო.

პეპმა, გვარდიოლისა (£6.4) და რუბენის (£5.5) დუოს დახმარებით, დაცვით სოლიდურობა დაიბრუნა, შესაბამისად თუ სიტის ორმაგი დაცვა გყავს, მანჩესტერელებისგან უდიდესი ალბათობით მშრალად შენახული კარგი ქულებს უნდა ელოდო.

◉ გასულ ხუთშაბათს გავრცელდა ცნობა ერლინგ ჰოლანდის (£14.8) ტრავმიდან დაბრუნების შესახებ. ნორვეგიელი ვულვზთან გამართულ შეხვედრაში სათადარიგოთ სკამზე იყო, თუმცა სათამაშო დრო არ მიუღია. ამ ეტაპზე ერლინგის მზაობის საკითხი ბურუსითაა მოცული.

ჰოლანდის დაბრუნება დიდ კითხვის ნიშნის ქვეშ აყენებს მარმუშის სასტარტოდან დაწყებას. შესაბამისად ეგვიპტელი „Don’t buy, Don’t sell” კატეგორიაშია.

ვარაუდობენ რომ პეპი, ჰოლანდს FA cup-ის ფინალისთვის ან საკლუბო მსოფლიო ჩემპიონატისთვის შემოინახავს. ლოგიკურად ასეც უნდა იყოს - ექსპერტების უმრავლესობა ფიქრობს, ჰოლანდი კვლავ სათადარიგოთა სკამიდან დაიწყებს, თუმცა არ დაგავიწყდეს:

პეპ გვარდიოლა ყველაზე არაპროგნოზირებადი მწვრთნელია ! მისგან ყველნაირ მოულოდნელობას უნდა ელოდა. ფრაზა „Pep Roulette” სწორედ მის გამო დამკვირდა პრემიერ ლიგის ლექსიკონში.

◉ თუ მანჩესტერ სიტიდან “Difference Maker”-ი გჭირდება კევინ დე ბრუინი (£9.5) შენს განკარგულებაშია:

✅ KDB-მ ბოლო 5 პრემიერლიგური შეხვედრიდან, ყველა მატჩი ძირითად შემადგნელობაში დიწყო. მეტიც, ამ თამაშებში ყველაზე ადრე დე ბრუინი, 83-ე წუთზე შეცვალეს;

✅ ბელგიელმა რამდენჯერმე აღნიშნა, რომ მას შეუძლია და სურს კვლავ ამ დონეზე თამაში, რასაც KDB-ი ყოველ ტურში ამტკიცებს;

✅ თუ როტაციაზე ღელავ, გაგახსენებ დე ბრუინმა FA cup-ის მატჩში დაისვენა;

✅ შესაძლოა ბოლო ტურებში მისი პასების ადრესატი „დამშეული“ ერლინგ ჰოლანდი იყო. KDB-ისა და ერლინგის „ქიმია“ პრემიერ ლიგის „მემკვიდრეობაა“ თუ ნორვეგიელი სათამაშო დროს მიიღებს, გოლს ან გოლებს მათი მონაწილეობით აუცილებლად ვნახავთ.

✅ მატჩის განმავლობაში ბელგიელი უამრავ შანსს ქმნის, რაც საგოლე მოქმედების შემთხვევაში, თითქმის ყოველთვის ავტომატურად გარანტირებულს ხდის ბონუს ქულებს.

„La Gazzetta dello Sport Georgia“-ია ხშირად გთავაზობს ინფორმაციას მატჩში გამომუშავებული ორმაგი ქულების შესახებ, რაც სწორედ ამ კომპონენტს უსვამს ხაზს, სადაც KDB განსაკუთრებით ძლიერია.

🔵 დე ბრუინი (£9.5) ბოლო 5 შეხვედრაში:

⚽️ 2 გოლი

🅰️ 1 ასისტი

✅ 2 ორნიშნა ქულა !

🎯 31 FPL ქულა

⭐️ 5 ბონუს ქულა

რატომ არ უნდა ვიყიდო პალასის ფეხბურთელები ? 🦅

კრისტალ პალასმა ფორესტის წინააღმდეგ საოცარი მატჩი შემოგვთავაზა. ნოტინგემს ძალიან გაუმართლა - „არწივებს“ 35-ე ტურის შეხვედრა აუცილებლად უნდა მოეგოთ. თუმცა ხან სელსი გვთავაზობდა წარმოუდგენელ სეივებს, ხშირად კი პალასის შემტევებს ძალიან ცოტა აკლდებოდათ გოლამდე. ეზე (£6.9) ახლოს იყო დუბლთან, თუმცა მისი დარტყმული ხარიხას მოხვდა. მოგვიანებით ებერეჩის საგოლე გადაცემა თამაშგარის გამო გაუქმდა.

ნოტინგემთან შეხვედრაში შევიტყვეთ პალასის ახალი „პენალტისტის“ შესახებ. თერთმეტმეტრიანი დარტყმა მატეტას (£7.6) ნაცვლად ეზემ შეასრულა, რაც დიდი მოულოდნელობა იყო.

გოლთან ძალიან ახლოს იყო დანიელ მუნოსი (£5.2), ასევე ცოტა დააკლდა სარსაც (£5.7). შთამბეჭდავი თამაშის შემდეგ, შესაძლოა წინა სეზონის ფინიში გაგახსენდეს და მინიმუმ ეზეს ყიდვა გადაწყვიტო. თუმცა არ დაგავიწყდეს FA cup-ის შესახებ - „არწივების“ მთავარი პრიორიტეტი თასის ფინალია, 36-ე ტურის შემდეგ დიდ როტაციას უნდა ველოდოთ:

GW36, 11 მაისი 🆚 იფსივიჩი (A)

FA cup, 17 მაისი 🆚 მანჩესტერ სიტი

GW37, 20 მაისი 🆚 ვულვზი (H)

GW38, 25 მაისი 🆚 ლივერპული (A)

სანამ პალასის მოთამაშეებს „დავემშვიდობებით“ ერთ საინტერესო ფაქტსაც გაგიზიარებთ, თუ “არწივების” ორმაგი ტურების სამზადისის დროს სარის ნაცვლად ეზე აირჩიე, ამით 21 ქულით მეტის დაგროვება შეძელი.

31-ე ტური შემდეგ:

🦅 ეზე - 35 ქულა

🦅 სარი - 14 ქულა

რა უნდა ვიცოდე ევროპის ლიგის შესახებ ? 🏆

ევროპის ლიგის ფინალში ერთმანეთს მანჩესტერი და სპურსი დაუპირისპირდებიან, არცერთი გუნდი არ მალავს, რომ მათთვის ერთადერთი პრიორიტეტი ევროპის ლიგის მოგება და შესაბამისად მომავალ სეზონში ჩემპიონთა ლიგაზე თამაშია.

ევროპის ლიგის ფინალის წინ ორივე გუნდში დიდ როტაციას უნდა ველოდოთ.

😈 მანჩესტერის კალენდარი

GW36, 11 მაისი 🆚 ვესტ ჰემი (H)

GW37, 16 მაისი 🆚 ჩელსი (A)

ევროპის ლიგის ფინალი, 21 მაისი 🆚 ტოტენჰემი

GW38, 25 მაისი 🆚 ასტონ ვილა (H)

იუნაიტედისგან გადახსლისებული შემადგენლობა ჩელსისა და ვილას წინააღმდეგ გასამართ მატჩებშია მოსალოდნელი.

⚪ სპურსის კალენდარი

GW36, 11 მაისი 🆚 კრისტალ პალასი (H)

GW37, 16 მაისი 🆚 ასტონ ვილა (A)

ევროპის ლიგის ფინალი, 21 მაისი 🆚 მანჩესტერ იუნაიტედი

GW38, 25 მაისი 🆚 ბრაიტონი (H)

ტოტენჰემისგან როტაცია ვილას და ბრაიტონის წინააღმდეგ გასამართ მატჩებშია მოსალოდნელი.

🦁 არ გამოგრჩეს, ვილანები ევროპა ლიგის ფინალისტებს მაშინ შეხვდებიან, რა დროსაც მათგან ყველაზე დიდი როტაცია მოსალოდნელი.

ვინ ვიყიდო 36-ე ტურში?

მაშინ როდესაც პრემიერ ლიგის დასრულებამდე მხოლოდ 3 ტურია დარჩენილი ამ კითხვაზე პასუხი დამოკიდებულია შენს გუნდსა და მინი ლიგებში შექმნილ ვითარებაზე - უპირატესობის შენარჩუნება გსურს თუ ჩამორჩენის შემცირება.

ტრანსფერის გაკათების წინ რამდენიმე მნიშვნელოვანი გარემოება უნდა გაითვალისწინო

◉ რატომ სჯობს შემტევის ყიდვა ?

დასკვნით ტურებში, განსაკუთრებით კი 38-ე სათამაშო კვირას ყოველთვის უფრო მეტი გოლი გადის ვიდრე სეზონის სხვა ეტაპზე. გოლების ალბათობა იმატებს, მშრალად შენახული კარის, კი იკლებს.

◉ როგორ უნდა მოვიქცე თუ ლიდერობის შენარჩუნება მინდა ?

ეცადე უახლოესი მდევრის გუნდი „დააკოპირო“, ეცადე ის ფეხბურთელები აიყვანო ვისაც შენი მდევრის გუნდიდან ყველაზე მეტად უფრთხი.

◉ როგორ უნდა მოვიქცე თუ ჩამორჩენის შემცირება მინდა ?

თუ სხვაობა პირველ ადგილთან დიდია, მაშინ ცალსახად „Difference maker”-ებით უნდა ითამაშო, თუ ჩამორჩენა მცირეა ბოლომდე გასარისკად დასკვნითი 2 ტურიც გეყოფა.

ეცადე ნაკლებად პროგნოზირებადი იყო, გახსოვდეს ლიდერები შენს განეიტრალებას მოსალოდნელი ტრანსფერებით და გუნდის „დაკოპირებით“ ეცდებიან.

◉ თუ გაუძლებ ცდუნებას და ამასთანავე შენი გუნდი სასწრაფო ქირურგიულ ჩარევას არ საჭიროებს, ამ შემთხვევაში უმჯობესი იქნება ტრანსფერი შეინახო.

თამაშის ამ ეტაპზე, უფასო ტრანსფერს პირდაპირი მნიშვნელობით ოქროს ფასი აქვს. ასე კონკურენტებთან მიმართებაში ბევრად უფრო მოქნილი გუნდის ფორმირებას შეძლებ, თანაც მეტი ინფორმაცია გექნება.

თუმცა ეს ნაბიჯი რისკსაც შეიცავს, ამიტომ ყურადღებით უნდა იყო შენი და მეტოქე გუნდების ანალიზისას.

◉ გავაკეთო დამატებითი ტრანსფერი -4 ქულის ფასად ?

თუ დიდ ჩამორჩენაში ხარ სჯობს გარისკო, დასაკარგი მაინც არაფერი გაქვს, მაგრამ თუ სხვაობა მცირეა, ამ შემთხვევაში მინუს ქულები დიდი რისკს შეიცავს, თუმცა შესაძლოა დიდი იყოს ჯილდოც.

გახსოვდეს, მინუს ქულების აღება განსაკუთრებით რთულია მათთვის ვინც ლიდერობს, ამ დროს მინი ლიგის მოწინავე პოზიციებზე მყოფი მენეჯერები ცდილობენ ნაკლებად გარისკონ და რაციონალურად ითამაშონ.

რა უნდა იცოდე თუ 36-ე ტურში ტრანსფერის გაკეთებას გადაწყვეტ:

პრემიერ ლიგის ფენტეზის ამ ეტაპზე ყველაზე პოპულარული შემტევი ტრიო: ისაკი , მატეტა და მარმუშია.

⚫ ისაკი (£9.6) - ოპტიმალურ ფორმაში არაა, თუმცა მის სასარგებლოდ ბევრი ფაქტორი მეტყველებს. შვედს ნებისმიერ მატჩში და ნებისმიერ მეტოქესთან შეუძლია, თუნდაც დუბლის შესრულება. არ დაგავიწყდეს პალმერის გუნდიდან გაშვება ყველას სურდა, კოულმა ერთი თერთემეტმეტრიანი გაიტანა და ახლა ბევრი ფიქრობს მის უკან დაბრუნებაზე.

მატეტაზე და მარმუშზე უკვე ვისაუბრეთ, დიდი ალბათობით ეს დუო 37-ე ტურიდან ყველაზე გაყიდვადი ფორვარდები იქნებიან.

საუკეთესო შემტევი პოტენციალის მქონე ფეხბურთელები:

🐝 ვისსა (£6.6) - მის შესახებ ბევრი ვისაუბრეთ, თამამად შეიძლება ითქვას ვისსა 36-ე ტურის საუკეთესო ტრანსფერია.

🐺 კუნია (£7.1) – 36-ე ტურის წინ ბრაზილიელი ვისას ჩრდილში მოექცა, თუმცა ეს შესაძლოა კარგიც იყო. კუნია რადარებს მიღმა აღოჩნდა, არადა მათეასი გასაოცარ ფორმაშია. კუნია ძალიან ახლოს იყოს სიტის წინააღმდეგ გოლის გატანასთან, თუმცა მისი დარტყმული ძელს მოხვდა.

ბრაზილიელი ყველა იმ გუნდთან გამოირჩა საგოლე მოქმედებით, ვისთანაც დარჩენილ ტურებში ვულვზს სათამაშო აქვს - ბრაიტონი (H), კრისტალ პალასი (A), ბრენფტოფდი (H)

🦁 ვოტკინსი (£8.9) - რაშფორდის ტრავმის შემდეგ მოსალოდნელი იყო, რომ ოლის წუთებს საფრთხე არ ემოქრებოდა, თუმცა გასულ ტურში ვოტკინსის 70-ე წუთზე შეცვლა, შესაძლოა Red Flag-ი იყოს.

ამ ტურში ყურადღებით უნდა დავუკვირდეთ, ინგლისელის სათამაშო დროს.

თუ ამ თვალსაზრისით კითხვის ნიშნები მოიხსნა, ვოტკინსს საუკეთესო მატჩები ელის ბოლო ტურებში.

🌳 ვუდი (£7.1) - თუ ფორესტის გჯერა, მაშინ ვუდისთვის კიდევ ერთი შანსის მისაცემად უკეთესი დრო აღარ იქნება.

🍒 ევანილსონი (£5.8) - ალუბლებს რთული კალენდარი აქვთ, თუმცა დასკვნით ტურში მათგან დიდ ამბებს უნდა ველოდოთ, თუ განხილული ფორვარდების ყიდვას ბიუჯეტის გამო ვერ ახერხებ, მაშინ ბრაზილიელის შესახებ დაფიქრება გმართებს. ევანილსონი კარგ ფორმაში, თანაც 38-ე ტურში „ალუბლები“ ლესტერს ეთამაშებიან შინ.

🦊 ვარდი (£5.3) - თუკი როგორღაც ყველა ზემოთ ჩამოთვლილი ფორვარდის ყიდვაზე აპირებ უარის თქმა, მაშინ ულტრა “Difference Maker”-ი ლეგენდარული ჯეიმი ვარდია, ინგლისელი ლესტერში ბოლო სეზონს ატარებს, თანაც ახლოს არის მე-200 გოლთან. ჯეიმისთან დაკავშირები, წინა ტურში ჩვენმა ანალოგიურმა რჩევამ სრულად გაამართლა.

სატრანსფერო სტრატეგიაზე ფიქრისას არ გამოგრჩეს საკას, პალმერისა და ჰოლანდის ფაქტორი.

ვინ არის 36-ე ტურის საუკეთესო კაპიტანი?

რთული არჩევანია - ჩვენი ფავორიტი ამ ტურში ბრენტფორდის და სიტის ფეხბურთელები არიან. გუნდებს სადაც პოპულარული კაპიტნები თამაშობენ, რთული მატჩები აქვთ.

წარმატებებს გისურვებ. შემოუერთდი ჩვენს FPL ლიგას. ლიგის არჩევის გვერდზე, შეიყვანე LaGazzetta-ს ლიგის კოდი: cuikc0 ან გადადი ამ ბმულზე.

ავტორი: გიორგი მახარაძე

ლიდერბორდი