პრემიერ ლიგის ფენტეზი - რა უნდა გავითვალისწინოთ 37-ე ტურის წინ?

37-ე ტურის მიმოხილვა

რა უნდა ვიცოდეთ 37-ე ტურის წინ

🚨 არ გამოგრჩეს 37-ე ტურის დედლაინი უჩვეულო დროსაა - პარასკევს, 21:00 საათზე.

ასევე პირველად მიმდინარე სეზონში პარასკევს 2 თამაშია ჩანიშნული, შაბათს კი არცერთი;

🏆 37-ე სათამაშო კვირა ორ ფინალს შორის არის მოქცეული. მიმდინარე ტურში, ფინალისტებისგან როტაციას უნდა ველოდოთ.

FA Cup, 17 მაისი: კრისტალ პალასი 🆚 მანჩესტერ სიტი

ევროპის ლიგა, 21 მაისი: ტოტენჰემი 🆚 მანჩესტერ იუნაიტედი

🏝 ლივერპული სრული შემადგენლობით „არდადებზეა“, დუბაიდან გავრცელებულ კადრებში ჩანს, როგორ ატარაბენ დამსახურებულ შვებულებას მერსესაიდელები;

🏟️ ევერტონი ბოლო მატჩს ითამაშებს გუდისონ პარკზე, რომელიც 1892 წლიდან მათი საშინაო არენაა. გუდისონთან გამოსამშვიდობებელ შეხვედრაში დიდ ამბებს უნდა ველოდოთ;

🦊 37-ე ტურში ეს ერთადერთი გამომშვიდობება არ არის, ლესტერის მაისურით თავის ბოლო საშინაო შეხვედრას გამართავს ლეგენდარული ჯეიმი ვარდი. საშინაო კელდების ფონზე ჯეიმი კარიერის მე-200 გოლს შეუტევს და უკანასკნელად მოირგებს ლესტერის მაისურს, დადასტურდა რომ ბოლო ტურში ვარდი არ ითამაშებს.

37-ე ტურის მენიუ 🍽️

სეზონის მიწურულს სწორედ ეს 3 „ინგრედიანტია“ აუცილებელი იმისთვის, რომ გუნდი ოპტიმალურად დავაკომპლექტოთ:

◉ კარგი ფორმა;

◉ იოლი კალენდარი;

◉ განსაკუთრებული მოტივაცია.

ქვევით იპოვი იმ გუნდებსა და მოთამაშეებს, რომელიც ამ „ინგრედიენტების“ გათვალისწინებით ავარჩიეთ:

არსენალი 🔜 NEW (H) & SOU (A)

📝 იბრძვის მე-2 ადგილის შენარჩუნებისთვის

ნიუკასლი 🔜 ARS (A) & EVE (H)

📝 იბრძვის ჩემპიონთა ლიგის ზონისთვის

მანჩესტერ სიტი 🔜 BOU (H) & FUL (A)

📝 იბრძვის ჩემპიონთა ლიგის ზონისთვის

ჩელსი 🔜 MUN (H) & NFO (A)

📝 იბრძვის ჩემპიონთა ლიგის ზონისთვის

ასტონ ვილა 🔜 TOT (H) & MUN (A)

📝 იბრძვის ჩემპიონთა ლიგის ზონისთვის

ნოტინგემი 🔜 WHU (A) & CHE (H)

📝 იბრძვის ჩემპიონთა ლიგის ზონისთვის

ბრენტფორდი 🔜 FUL (H) & WOL (A)

📝 იბრძვის კონფერენს ლიგისთვის

ბრაიტონი 🔜 LIV (H) & TOT (A)

📝 იბრძვის კონფერენს ლიგისთვის

ბორნმუთი 🔜 MCI (H) & FUL (A)

📝 იბრძვის კონფერენს ლიგისთვის

ევერტონი 🔜 SOU (H) & NEW (A)

📝 ბოლო მატჩი ისტორიულ სტადიონზე

ვინ არის 37-ე ტურის TOP 3 ფეხბურთელი ?

გაბრიელ გარსია მარკესს აქვს ასეთი ნაწარმოები - „გამოცხადებული სიკვდილის ქრონიკა“, სადაც მკითხველმა პირველივე წინადადებიდანვე იცის, რომ სათაურში დაანონსებული მოვლენა, გარდაუვალია.

ასეა, ასტონ ვილასა და ტოტენჰემის მატჩის შემთხვევაშიც.

ვაღიაროთ, აბსოლუტურად ყველა, სრულად დარწმუნებულია იმაში, რომ ვილანები სპურსს დიდი ანგარიშით დაამარცხებენ.

ასეთი გარდაუვალი გამარჯვების წინ, 37-ე ტურის „მთავარი კერძი“ 🍽️ ოლი ვოტკინსია.

თუ ჯერ კიდევ გიჭირს გადაწყვეტილების მიღება ქვემოთ ჩამოთვლილი არგუმენტები დაგარწუნებს, რომ მიმდინარე სათამაშო კვირას, ოლი საუკეთესო არჩევანია:

🦁🔥 ვოტკინსი (£9.0)

✅ სპურსისგან მასშტაბური როტაციაა მოსალოდნელი.

36-ე ტურში კრისტალ პალასის წინააღმდეგ, უკვე ვნახეთ რისი მაქნისია გადახალისებული სპურსი. ამ მატჩმა დაგვარწმუნა, რომ ტოტენჰემი სამართლიანად იკავებს ადგილს პრემიერ ლიგის ფსკერზე:

◉ პალასის, მოსალოდნელი გოლის ალბათობა (xG) 3.29 იყო.

ამ მაჩვენებლში არ შედის გაუქმებული გოლები;

◉ გლასნერის შეგირდებმა სპურსის კარის მიმართულები 23-ჯერ დაარტყეს;

◉ „არწივებმა“ ტოტენჰემს 8 დიდი შანსი შეუქმნეს.

✅ „ვილა პარკზე“ ასტონ ვილა განსაკუთრებით საშიშია. მიმდინარე სეზონში ვილანებმა, საშინაო კელდებში მხოლოდ ერთი მატჩი დათმეს, ისიც სეზონის სტარტზე, იმ შეხვედრაშიც ძალიან არ გაუმარლათ.

ბოლო 7 საშინაო შეხვედრიდან ასტონ ვილამ 7-ივე მოიგო ! ეს სერია აერთიანებს მატჩებს ისეთი გუნდების წინააღმდეგ, როგორების არიან - PSG, ნიუკასლი, ნოტინგემი & ჩელსი

✅ მიმდინარე სეზონში, ოლიმ მიუხედავად ლიმიტირებული წუთებისა 23 საგოლე მოქმედებაs მოუყარა თავი:

⚽ 16 გოლი

🅰️ 7 ასისტი

✅ რაშფორდი ტრავმირებულია, რაც კიდევ უფრო ამცირებს ვოტკინსის სათამაშო დროსთან დაკავშირებულ რისკებს.

💡 ვილას შემტევებიგან შთამბეჭდავი მოლოდინების ფონზე არ გამოგრჩეს, მათი გასაოცარი დაცვითი ფორმაც, რისი მთავარი შემოქმედიც ემი მარტინესია (£5.0).

დასკვნით ტურებში უკანახაზელებზე ტრანსფერებს იშვიათად ხარჯავენ, მაგრამ თუ დაცვითი ფეხბურთელის დამატებას გადაწყვეტ, არგენტინელი საუკეთესოა - ვილანებმა ბოლო 5 პრემიერლიგური შეხვედრიდან 3 შემთხვევაში შეინახეს კარი მშრალად.

⚒️🔥 ბოუენი (£7.7)

La Gazzetta dello Sport Georgia-ს მიმოხილვებში ჯერ კიდევ მანამდე გირჩევდით მის დამატებას, სანამ ბოუენი გასაოცარ ფორმას აკრეფდა. ბოლო მატჩებში ჯაროდი შეუჩერებელია:

✅ ბოლო 5 შეხვედრაში ბოუენის ანგარიშზე 38 ქულაა, ჯაროდი ამ მაჩვენებლით პრემირ ლიგის ფენტეზიში საუკეთესოა;

✅ 37 და 38 ტურში „ჩაქუჩები“ იმ გუნდებს დაუპირისპირდებიან, რომლებიც ბოლო 6 მატჩში ყველაზე ცუდი დაცვითი სტატისტიკით „გამოირჩევიან“

🆚 GW37 NFO (H) - გაშვებული დიდი შანსების მიხედვით ამ პერიოდში ნოტინგემი მე-18 ადგილს იკავებს.

🆚 GW38 IPS (A) - იგივე მაჩვენებლით იფსვიჩი მე-17 პოზიციაზეა.

🐝 ბოუენი (£7.7) ბოლო 5 შეხვედრაში:

⚽️ 3 გოლი

🅰️ 2 ასისტი

✅ 1 ორნიშნა ქულა

🎯 38 FPL ქულა

⭐️ 5 ბონუს ქულა

🔥 ჯაროდი ზედიზედ 4 მატჩია მოედანს საგოლე მოქმედების გარეშე არ ტოვებს, ის პრემიერ ლიგის ფენტეზის მენეჯერების 15%-ე ნაკლებს ჰყავს გუნდში.

ჩვენი კიდევ ერთი დაცვითი რეკომენდაცია აარონ ვან-ბისაკას (£4.4) ეხება. ბოლო პერიოდში პოტერია აქტიურად იყენებს wing-back-ების სისტემას, რაც ძალიან პოზიტიურად აისახება აარონზე. პოტერის მოსვლის შემდეგ AWB-ს ანგარიშზე 4 საგოლე გადაცემაა, აღსანიშნავია რომ ზედიზედ ორი შეხვედრაა ვან-ბისაკა ასისტს ასრულებს.

🔵 კოულ პალმერი (£10.5)

ჩვენს სამეულს კოულ პალმერი დაასრულებს, რაც ბევრისთვის მოულოდნელობაა. სანამ პალმერის შესახებ რეკომენდაციას გაითვალისწინებ, აუცილებელია ამ ორი წესის დაცვა:

◉ პირველი - რჩევა პალმერის შესახებ პრემიერ ლიგის ფენტეზის მენეჯერების იმ კატეგორიას უფრო დაეხმარება, რომელიც დიდ ჩამორჩენაშია და დასკვნით ტურებში ამ ჩამორჩენის აღმოფხვრა სურს.

◉ მეორე - არ დაივიწყო, პირველი რეკომენდაცია - რჩევა პალმერის შესახებ პრემიერ ლიგის ფენტეზის მენეჯერების იმ კატეგორიას უფრო დაეხმარება, რომელიც დიდ ჩამორჩენაშია და დასკვნით ტურებში ამ ჩამორჩენის აღმოფხვრა სურს.

რატომ პალმერი ?

ჩვენი რეკომენდაცია კოულ პალმერის შესახებ ე.წ. „high risk, high reward“-ის კატეგორიიდან, ძალიან სარისკოა თუმცა, ჯილდოც შესაბამისია.

ახლა რასაც წაიკითხავ უცნაურად მოგეჩვენება, მაგრამ კოულ პალმერი ე.წ. Difference maker-ია.

როგორ შეიძლება ფეხბურთელი რომლის TSB (Teams selected by) თითმის 35%-ია „განმასხვავებელი“ იყოს ?

საქმე იმაშია, რომ პალმერი ძირითადად იმ მენეჯერების გუნდებს შემორჩა, რომლებმაც თამაში დიდი ხანია მიატოვეს ან ნაკლებად აქტიურობენ.

კოულმა, პრემიერ ლიგის ფენტეზის აქტიური მოთამაშეების მოთმინების ფიალა დიდი ხანია ამოწურა. მენეჯერების უმრავლესობამ ის, უკეთესი ალტერნატივით ჩაანაცლა. შესაბამისად მაღალია იმის ალბათობაც, რომ მას ვისი დაწევაც გინდა პალმერი გუნდში არ ჰყავდეს.

რა აკეთებენ მინი ლიგის ლიდერები პოზიციების გასამყარებლად?

ცდილობენ კონკურენტების გუნდები დააკოპირონ, ამისთვის კი საუკეთესო საშუალება მოსალოდნელი ტრანსფერების პროგნოზირება.

ამ მაჩვენებლის მიხედვით 37-ე ტურის წინ ვოტკინსი, ეზე და ბოუენი ლიდერობენ. პრემიუმ ნახევერმცველებს შორის ჰორიზონტზეა საკაც და დე ბრუინიც. ბუკაიო 38-ე ტურის წინ ერთ-ერთი ყველაზე პოპულარული ტრანსფერი იქნება, მისგან ქულებს 37-ე ტურშიც უნდა ველოდოთ.

მართალია მე-2 წრეში პალმერი შედეგიანობით არ გამოირჩევა, თუმცა ამ შემთხვევაშიც იგივე მოლოდინებთან გვაქვს საქმე, რაც სპურსთან მიმართებაში იყო. მანჩესტერ იუნაიტედის მთავარი მოტივაცია ევროპის ლიგაა. „წითელი ეშმაკების“ რიგებში დიდი როტაციაა მოსალოდნელი, შესაბამისად როგორც ფორმაშიც არ უნდა იყოს კოული, ის ამ ტურში მაინც ერთ-ერთი ყველაზე სახიფათო ფეხბურთელი იქნება.

რა უნდა იცოდე თუ ასეთი სარისკო ტრანსფერის გაკეთებას გადაწყვეტ ?

◉ თუ პალმერს იყიდი 38-ე ტურში საკას (£10.4) შეძენა ძალიან გაგიჭირდება, გუნდების უმრავლესობას ამისთვის ბიუჯეტი არ ეყოფა;

◉ თუ ულტრა Difference maker-ს ეძებ საინტერესოა პედრო ნეტოს (£6.1) ალტერნატივაც. ჯექსონის სულელური გაძევების შემდეგ ფორვარდის ამპლუაში პორტუგალიელს ელიან.

◉ თუ ჩელსის ნახევარმცველს შეიძენ ე.ი. უკვე გარისკე, ალბათ დიდი ჩამორჩენის შემცირებას ისახავ მიზნად, ამ შემთხვევაში გირჩევ ბოლომდე გარისკო.

პალმერი ამ ტურში, ძალიან საინტერესო კაპიტანი იქნება.

არ დაგავიწყდეს, რჩევა ჩელსის ნახევარმცველების (პალმერი, ნეტო) შესახებ მხოლოდ 2 შემთხვევაშია ძალაში:

◉ პირველი - რჩევა პალმერის შესახებ პრემიერ ლიგის ფენტეზის მენეჯერების იმ კატეგორიას უფრო დაეხმარება, რომელიც დიდ ჩამორჩენაშია და დასკვნით ტურებში ამ ჩამორჩენის აღმოფხვრა სურს.

◉ მეორე - არ დაივიწყო, პირველი რეკომენდაცია - რჩევა პალმერის შესახებ პრემიერ ლიგის ფენტეზის მენეჯერების იმ კატეგორიას უფრო დაეხმარება, რომელიც დიდ ჩამორჩენაშია და დასკვნით ტურებში ამ ჩამორჩენის აღმოფხვრა სურს.

რა ვუყოთ პალასის ფეხბურთელებს 🦅 ?

გახსოვს ის პერიოდი, როდესაც „არწივებს“ მნიშვნელოვანი მატჩები ჰქონდათ FA cup-ზე ?

ხან ეზე (£7.0) იცვლებოდა 57 წუთზე, ხან მატეტა (£7.6) თამაშობდა 45 წუთს ან სარი (£5.4) გვტოვებდა ნაადრევად. კრისტალ პალასს, შაბათს სეზონის ყველაზე მნიშვნელოვანი მატჩი აქვს სათამაშო, თანაც მანჩესტერ სიტის წინააღმდეგ. დიდი ალბათობით მომქანცველი ფინალის შემდეგ გლასნერისგან როტაციას უნდა ველოდოთ.

თუმცა ეს ყველაფერი არაა, 38-ე ტურში პალასი ლივერპულს დაუპირისპირდება გასვლით შეხვედრაში. ამ გარემოებების გათვალისწინები „არწივები“ გუნდიდან გაშვების მთავარი კანდიდატები არიან. თუმცა სანამ მათ გაყიდვას გადაწყვეტ, რამდენიმე ფაქტორია მხედველობაში მისაღები:

◉ წესით როტაცია ნაკლებად უნდა შეეხოს ჰენდერსონსა (£4.6) და მუნოსს (£5.2)

◉ ეზე ფორმის პიკშია. ებერეჩის ბოლო 3 შეხვედრაში 4 გოლი აქვს გატანილი, რაც 35 ქულის ექვივალენტია ! თუ გუნდიდან სხვა ფეხბურთელის გაშვება შეგიძლია, შესაძლოა სჯობდეს გარისკვა და ეზეს სასტარტოში დაყენება;

◉ ბოლო 5 შეხვედრაში მატეტასა და სარის ანგარიშზე თითო-თითო საგოლე მოქმედებაა, მათთან შელევა წესით არ უნდა გაგიჭირდეს.

კიდევ რაც უნდა ვიცოდეთ 37-ე ტურზე?

ევერტონი

გუდისონ პარკის 133 წლიანი ისტორია დასასრულს უახლოვდება. კვირას ევერტონი ბოლო მატჩს ითამაშებს გუდისონზე. მერსესაიდელების რიგებში, რამდენიმე საინტერესო ალტერნატივაა, რამაც შესაძლოა პრემიერ ლიგის ფენტეზის მენეჯერების ყურადღება მიიქციოს, განსაკუთრებით იმ შემთხვევაში თუ Difference maker-I გჭირდება.

🔵 ბეტო (£4.8) გახსოვთ რა მოხდა როდესაც ბეტო, 24-ე ტურიდან მოულოდნელად დიდიე დროგბასავით ათამაშდა? ნორბერტომ 4 შეხვედრაში 5 გოლის გატანა შეძლო, თანაც იმ გუნდებთან რომლებიც დაცვითი სოლიდურობით არ გამოირჩეოდნენ.

შესაძლოა ზუსტად იგივე სერიის მომწრენი გავხდეთ. ბეტოს ზედიზედ ორი ტურია გაქვს, ამ შემთხვავაშიც იმ გუნდების წინააღმდეგ, რომლებიც ბოლო ტურებში მწყობრი დაცვით არ გამოირჩევიან. გუდისონ პარკის გამოსამშვიდობებელ მატჩში ევერტონის მეტოქე საუთჰემპტონი იქნება, რაც ბეტოს 37-ე ტურისთვის ძალიან საინტერესო FPL აქტივად აქცევს.

🔵 მაკნილი (£5.1) თუ თავდასხმაში ყველა ადგილი შევსებული გაქვს და ევერტონის ნახევამრცველს განიხილავ, მაკნილი საინტერესო და ძალიან სარისკო არჩევანია. დუაიტი მშიერია, მან თითქმის მთელი სეზონი გამოტოვა. გამოცდილ პრემიერ ლიგის ფეტეზის მენეჯერებს კარგად ემახსოვრებათ, რისი გაკეთება შეუძლია ფორმაში მყოფ მაკნილს, ბოლო ორ შეხვედრაში მის ანგარიშზე ორი საგოლე მოქმედებაა, თუმცა კვლავ კითხვის ნიშნის ქვეშაა მისი სათამაშო დრო.

❌ არ დაგავიწყდეს, 38-ე ტურში ევერტონი ნიუკასლთან თამაშობს გასვლით მატჩს, თუ „კაჭკაჭებმა“ არსენალთან წააგეს, მაშინ ბოლო შეხვედრა ნიუკასლის ჩემპიონთალიგური ამბიციებისთვის გადამყვეტი იქნება.

ბრენტფორდი

La Gazzetta dello Sport Georgia-ს 36-ე ტურის ერთ-ერთი მთავარი რეკომენდაცია კევინ შადეს ყიდვა იყო, იმ შემთხვევაში თუ განსხვავების შემქნელს ეძებდი. ჩვენი რჩევა ბრენტფორდის შედარებით „ჩრდილში“ მდომი შემტევის შესახებ 100%_ით გამართლდა, რითაც ძალიან ვამაყობთ.

🐝 შადე (£5.2) ბოლო 3 შეხვედრაში:

⚽️ 4 გოლი

🅰️ 0 ასისტი

✅ 2 ორნიშნა ქულა

🎯 33 FPL ქულა

⭐️ 5 ბონუს ქულა

ერთადერთი ფეხბურთელი, რომელიც ამ ბოლო 3 ტურში შადეს კონკურენციას უწევს ფორმის თვალსაზრისით ეზეა.

“ფუკტრები” ფულჰემის წინააღმდეგ კვლავაც საინტერესო ალტერნატივებს წარმოადგენენ, მითუმეტეს რომ “კოტეჯერებს” ბოლო მატჩებში სტანდარტების თვალსაზრისით ძალიან გაუჭირდათ. ბოლო 4_იდან 3 გოლი ფულჰემა სტანდარტულ მდგომარეობის შემდეგ გაუშვა.

შესაბამისად მბუმოს, ვისას და შადეს მიმართ კვლავაც დიდი მოლოდინები უნდა გვქონდეს. თანაც არსებული მდგომარეობით, ბრენტფორდი მე-8 ადგილისთვის და შესაძლო ევრო საგზურისთვის ბრძოლაში მთავარი ფავორიტია.

მანჩესტერ სიტი

სიტის შემტევებმა, პრემიერ ლიგის ფენტეზის მენეჯერებს ძალიან გაუცრუეს იმედები. სოტონთან, მათგან ყველა ორმა ქულებს ელოდა, თუმცა მანჩესტერლებმა დიდი მოლოდინების საპასუხოდ „წმინდანების“ კარის აღება ვერ შეძლეს.

სიტიმა გაირთულა ჩემპიონთალიგური საგზურისთვის ბრძოლაც. შექმნილი ვითარების ფონზე მათ აქტივებში ინვესტირება რეკომენდირებული არაა.

ერლინგ ჰოლანდის სასტარტოში დაბრუნების შემდეგ მარმუში ყველაზე გაყიდვადი ფეხბურთელია. არადა ეგვიპტელი ძალიან ახლოს იყო გოლთან, მარმუშმა სოტონთან გამართულ შეხვედრაში სულ რამდენიმე წუთი მიიღო, მაგრამ ბურთის ხარიხასთვის გარტყმა მაინც მოასწრო.

ვინ არის 37-ე ტურის საუკეთესო კაპიტანი ?

37-ე ტურის საუკეთესო კაპიტანი ვოტკინსია, თუ განსხვავების შემქმენლი ფეხბურთელი გსურს, ამ შემთხვევაში ვრცლად ვისაუბრეთ კოულ პალმერის ალტერნატივაზე.

რაც შეეხება სალაჰს, მისი სტატისტიკა პირველი 28 ტურის განმავლობაში:

⚽️ 27 გოლი

🅰️ 17 ასისტი

📊 28.26 მოსალოდნელი გოლი ინდექსი (xG)

სალაჰი 29 – 36 ტურებს შორის:

⚽️ 1 გოლი

🅰️ 1 ასისტი

📊 3.96 მოსალოდნელი გოლი ინდექსი (xG)

ყოველთვის, როცა ეგვიპტელი მოედანზეა, მისგან მუდმივად უნდა ელოდო საფრთხეს, თუმცა ბოლოდროინდელი სტატისტიკის მიხედვით, მო ისეთი უალტერნატივო კაპიტანი აღარ არის, როგორც 28-ე ტურამდე იყო.

სალაჰი 37-ე და 38-ე ტურშიც კაპიტნობის ერთ-ერთი მთავარი პრეტენდენტი იქნება, თუმცა მისი პოზიციები კვლავინდებურად ურყევი აღარ არის.

წარმატებებს გისურვებ.

შემოუერთდი ჩვენს FPL ლიგას. ლიგის არჩევის გვერდზე, შეიყვანე LaGazzetta-ს ლიგის კოდი: cuikc0 ან გადადი ამ ბმულზე.

ავტორი: გიორგი მახარაძე

ლიდერბორდი