პრემიერ ლიგის ფენტეზი - რა უნდა გავითვალისწინოთ სეზონის ბოლო ტურის წინ?

38-ე ტურის მიმოხილვა

პრემიერ ლიგის 2024/25 წლის სეზონის დასასრულსს, მხოლოდ ერთი ტური გვაშორებს.

La Gazzetta dello Sport Georgia-ს ყოველკვირეულ მიმოხილვებთან ერთად უამრავი დასამახსოვრებელი მომენტი გამოვიარეთ:

◉ ნამდვილი ალბიონური დრამა და ფანტასტიკური ემოციები;

◉ ბოლო წუთზე გატანილი გოლები ან დაკარგული ქულები;

◉ არაერთხელ სისრულეში მოყვანილი ფრაზა - "VAR"-ის მოტანილს VAR-ივე წაიღებსო“;

◉ მომენტები როდესაც ჩვენს ფეხბურთელს 59-წუთზე ცვლიდნენ ან მოულოდნელად ძირითადი შემადგენლობის მიღმა ტოვებდნენ;

◉ ერთად ვიწინასწარმეტყველეთ უამრავი წარმატებული პროგნოზი:

როდის გვეყიდა მარკ კუკურეა, რომელმაც ზედიზედ 2 მატჩში გაიტანა ან რჩევა ჰარვი ბარნსის შესახებ, რომელმაც "კაჭკაჭების" ყველა სახელოვან შემტევს აჯობა;

◉ ყოველთვის წინასაწრ ვიცოდით "Double" & "Blank" სათამაშო კვირების განრიგი, რისი დახმარებითაც წითელ ისრებს, მწვანეს ფერით ვანაცვლებდით.

La Gazzetta dello Sport Georgia-ს მიმოხილვებთან ერთად გავიარეთ მარათონული სეზონი:

10 თვე;

38 ტური;

380 მატჩი;

282 დღე;

6768 საათი...

სანამ პრემიერ ლიგის მიმდინარე სეზონის „ბოლო ზარი“ კიდევ ერთხელ დარეკავს, გვინდა ვისარგებლოთ შემხვევით და მადლობა გადავუხადოთ ყველა იმ მკითხველს ვინც მთელი ეს დრო ჩვენთან ერთად იყო.

რა უნდა ვიცოდეთ 38-ე ტურის წინ

🚨 არ გამოგრჩეს პრეიმიერ ლიგის ბოლო ტურის დედლაინი კვირას, 17:30-ზეა;

🎙️ ყურადღებით იყავი პარასკევს, პრეს-კონფერენციებზე ბევრი საინტერესი ნიუანსი შეიძლება შეიტყო.

🤕 სალიბასგან განსხვავებით ჯერაც უცნობია ისაკის ჯანმრთელობის მდგომარეობა. შესაძლოა ამ კითხვას პასუხი პარასკევს გაეცეს, თუმცა ედი ჰაუ იშვიათად ამჟღავნებს პრესესთან ასეთ დეტალებს;

⚽ 38-ე სათამაშო კვირას ტრადიციულად საშუალო მაჩვენებელზე ბევრად მეტი გოლი გადის, ეს გარემოება აუცილებლად გაითვალისწინე;

🔄 როგორც წესი ბოლო ტურში ხშირად მიმართავენ როტაციას, არ დაგავიწყდეს სათადარიგოთა სკამის ოპტიმალური თანმიმდევრობით დალაგება.

გოლები 38-ე ტურში

უკანასკნელი 7 წლის მონაცემების მიხედვით პრემიერ ლიგის ბოლო ტურის შეხვედრებში გასული გოლების რაოდენობა მნიშვნელოვნად აჭარბებს, სეზონში საშუალოდ მატჩში გატანილი გოლების რაოდენობას.

რაც ნიშნავს ეს რიცხვები ? გასული სეზონის ბოლო ტურში 37 გოლი გავიდა.

ე.ი. 38-ე ტურის თითოეულ მატჩში საშუალოდ 3.7 გოლი იქნა გატანილი.

მიმდინარე სეზონში, თამაშში საშუალოდ 2.94 გოლი გადის.

პროგნოზირების მოდელის მიხედვით პრემიერ ლიგის დასკვნით სათამაშო კვირას, 34-36 გოლს უნდა ველოდოთ.

შესაბამისად 38-ე ტურში მცველის შეძენა ყველაზე რეკომენდირებული არაა. თუ აუცილებელი არ არის ტრანსფერი უკანახაზელის ყიდვაზე არ დახარჯო.

ამ ფოტოზე გასული სეზონის ბოლო ტურის შედეგებს ნახავ:

◉ როგორ უნდა მოვიქცე თუ 10 ქულაზე ნაკლები ჩამორჩენა მაქვს?

38-ე სათამაშო კვირას პრემიერ ლიგის ფენტეზის მენეჯერები ხშირად იღებენ ემოციურ გადაწყვეტილებებს, შესაბამისად თამაშის დასკვნით ეტაპზე დიდი მნიშვნელობა აქვს გონივრული რისკის გაწევას.

თუ ჩამორჩენა ლიდერთან 10 ქულაზე ნაკლებს შეადენს, ამ შემთხვევაში აუცილებელი არაა გუნდის ე.წ. „Difference maker”-ებით გადატვირთვა, ასეთ შემთხვევაში 2 ან 3 განსხვავების შემქმნელი მოთამაშე სრულიად საკმარისია.

მცირე სხვაობის აღმოხვრა 1 ან 2 ფეხბურთელსაც კი შეუძლია.

გახსოვდეს “Difference maker”-ები იმიტომ ქმნიან განსხვავებას, რომ ისინი პრემიერ ლიგის ფენტეზის მოთამაშეების მცირე რაოდენობას ჰყავს გუნდში, ამის მიზეზი კი მათი - არასტაბილურობაა, სხვა შემთხვევაში ასეთი ფეხბურთელებს ბევრი მენეჯერი შეიძენდა, შესაბამისად ვეღარც განსხვავებას შექმნიდნენ.

მათი გუნდში აყვანა რისკს შეიცავს, თუმცა ჯილდოც შესაბამისია.

◉ რა გავაკეთო თუ სხვაობა 10 ქულაზე მეტია?

ამ სიტუაციაში გამოსავალი „განსხვავების შემქმნელები“ არიან, კერძოდ კი ის “Difference maker”-ები, რომლებიც პრემიერ ლიგის ფენტეზის მენეჯერების მცირე რაოდენობას ჰყავს.

სწორედ ამიტომ ყველა იმ ფეხბურთელს, რომელსაც ამ ამპლუაში განვიხილავთ, თან დართული ექნება შესაბამისი მაჩვენებელი - TSB (teams selected by) ანუ კონკრეტული მოთამაშე პრემიერ ლიგის ფენტეზის მენეჯერების რამდენს პროცენტს ჰყავს გუნდში.

ხოლო იმ შემთხვევაში, თუ ჩამორჩენა ძალიან დიდია მაშინ საუკეთესო გამოსავალი ისეთი ფეხბურთელის გაკაპიტნებაა, რომელიც შენს მეტოექს არ ჰყავს.

კი ეს ძალიან სარისკოა, მაგრამ ლოდინის დრო დასრულდა, ბოლო ტურში, როცა ჩამორჩენა დიდია სარისკო ნაბიჯები უნდა გადადგა.

◉ როგორ შევინარჩუნო უპირატესობა?

სხვაობის შემცირებისგან თავის ასარიდებლად საუკეთესო გამოსავალი უახლოეს მდევრის გუნდის „დაკოპირებაა“, განსაკუთრებით კი იმ ფეხბურთელების, ვისგანაც ყველაზე დიდ ხიფათს მოელი.

ეს მოსაწყენი, მაგრამ პრაგმატული ნაბიჯია.

როგორც წესი ამ შემთხვევაში ისეთი ფეხბურთელები გჭირდება, რომლებიც აუხლოეს წარსულში Difference Maker-ები იყვნენ, თუმცა დასკვნით ტურებში ბევრმა მენეჯერმა იყიდა და მათი TSB შესამჩნევად გაიზარდა.

მაგალითად ასეთი ფეხბურთელები არიან - ვოტკინსი, ვისსა, ბოუენი, საკა და ა.შ.

◉ გავაკეთო დამატებითი ტრანსფერი -4 ქულის ფასად ?

სეზონის დასკვნითი ნაწილი ის დროა, როდესაც ტრანსფერების და შესაბამისად მინუს ქულების ეფექტიანობა იკლებს. მაგალითად წინა ტურში პრემიერ ლიგის ფენტეზის ბევრმა მოთამაშემ გააკეთა -4 ქულიანი ტრანსფერი პალმერის სასარგებლოდ.

მიუხედავად მოლოდინისა, რომ მანჩესტერ იუნაიტედი ჩელსის გადახალისებული შემადგენლობით ეთამაშებდოდა, „წითელი ეშმაკები“ ოპტიმალური თერთმეტეულით გამოვიდნენ, შედეგად პალმერი ვერაფერს გახდა, მატჩის მიწურულს კი ყვითელი ბარათიც დაიმსახურა.

შედეგად -4 ქულის სანაცვლოდ პალმერმა მხოლოდ 2 ქულას მოუყარა თავი. ეს კარგი მაგალითია იმ რისკის საილუსტრაციოდ რაც დამატებით ტრანსფერებს ახლავს თან.

თუ დიდ ჩამორჩენაში ხარ სჯობს შეგიძლია გარისკო, დასაკარგი მაინც არაფერი გაქვს, მაგრამ თუ სხვაობა მცირეა, ამ შემთხვევაში მინუს ქულები დიდი რისკს შეიცავს, თუმცა შესაძლოა დიდი იყოს ჯილდოც.

გახსოვდეს, მინუს ქულების აღება განსაკუთრებით რთულია მათთვის ვინც ლიდერობს, ამ დროს მინი ლიგის მოწინავე პოზიციებზე მყოფი მენეჯერები ცდილობენ ნაკლებად გარისკონ და რაციონალურად ითამაშონ.

◉ რა მოვუხერხოთ ისაკს ?

არსებული მონაცემებით, 38-ე ტურის წინ ალექსანდრ ისაკი (£9.4) ყველაზე გაყიდვადი ფეხბურთელია. ყველასთვის მოულოდნელად გასული სათამაშო კვირის წინ შვედმა არსენალთან მატჩი გამოტოვა.

ედი ჰაუმ, ისაკის შესაძლო ტრავმაზე გააკეთა კომენტარი

ჰაუ 🗣️ “He went for a scan this morning, purely as a precaution really, but then it became obvious that he wasn’t going to be fit. I don’t know what will happen.”

ჰაუმ ჩვეულებას არ უღალატა, ედი ცნობილია მისი ბუნდოვანი პასუხებით. მისი კომენტარები პრემიერ ლიგის ფენტეზის მოთამაშეებისათვის ყოველთვის გამოცანებით არის სავსე.

ტრავმის ალბათობასთან ერთად, კითხვის ნიშნებს ბადებს შვედის სათამაშო ფორმაც.

მიუხედავად სასურველი შედეგის და გოლებისა, თუ ამ შეხვედრებ თვალი მიადევნე აშკარა იყო ისაკის, არც თუ ისე სახარბიელო ფორმა.

⚫ ისაკი ბოლო 5 შეხვედრაში:

⚽️ 3 გოლი

🅰️ 0 ასისტი

✅ 0 ორნიშნა ქულა

🎯 25 FPL ქულა

⭐️ 3 ბონუს ქულა

TBC 54.2%

📝 ვილსონის დაბრუნებასთან ერთად მცირედით შემცირდა მისი სათამაშო დროც.

შესაძლო ტრავმა და ისაკის ფორმის გაუარესება თითქოს იმაზე მიანიშნებს, რომ მისი გაყიდვა ოპტიმალური გადაწყვეტილებაა, თუმცა ერთადერთი ოპტიმალური ნაბიჯი ნაჩქარევი ქმედებებისგან თავის შეკავებაა.

გადაწყვეტილი ჯერ არაფერია. სენტ ჯეიმს პარკზე გასამართი მატჩში ნიუკასლს აუცილებლად 3 ქულა ესაჭიროება, ევერტონი უმოტივაციოა და თანაც კითხვის საეჭვოა მერსესაიდელების ლიდერის ჯარედ ბრანსვეითის (£4.9) თამაშიც.

ამ მოცემულობის გათვალისწინებით იოლადაა შესაძლებელი შეხვედრა ნიუკასლის დიდი ანგარიშით გამარჯვებით დასრულდეს. თუ ასეთ მატჩში შვედი მონაწილეობას მიიღებს, დიდია იმის ალბათობა, რომ ისაკი ორნიშა ქულებს დაიმსახურებს.

რადგანც, როგორც დადებით ისე უარყოფით ასპექტში, ბევრი „თუ“ და „მაგრამ“ დაგროვდა სჯობს ისაკთან დაკავშირებით გადაწყვეტილება მანამდე არ მიიღო, სანამ მის შესახებ დამატებით ინფორმაციას არ შეიტყობ.

◉ რა ვაკეთებთ ეზესა და სარის შემთხვევაში ?

პალასიც და ლივერპულიც ჩემპიონატის ფინიშს მაჟორულ ნოტაზე ხვდებიან.

ლივერპულმა, როგორც იქნა სიტის ჰეგემონია დაამხო, „არწივებმა“ კი თავიანთი არსებობის მანძილზე პირველად მოიგეს ტიტული.

ასეთი სათამაშო ფორმისა და ამაღლებული განწყობის გათვალისწინებით, ენფილდზე გასამართ მატჩში ნამდვილ „ამერიკულ მთებს“ უნდა ველოდოთ.

ოფიციალურად გაჩემპიონობის შემდეგ ლივერპულმა ვერცერთი მატჩის მოგება ვერ მოახერხა. ენფილდზე, დასკვნითი ტურის შეხვედრაში „მერსესაიდელები“ საქმეს სერიოზულად მოეკიდებიან, მეორე მხრივ კრისტალ პალასი შესანიშნავ ფორმასა და ხასიათზეა, სწორედ ამიტომ ენფილდზე ლაღ და უხვგოლიან მატჩს ელიან.

მიუხედავად რთული შეხვედრისას, ეზეს გაყიდვას არ გირჩევ.

გადამეტებული არ იქნება თუ ვიტყვით, რომ პალასის ლიდერი ახლა პრემიერ ლიგაში, საუკეთესო ფორმაში მყოფი ფეხბურთელია.

ეზეს გაყიდვა მხოლოდ უკიდურეს შემთხვევაში განიხილე.

რა თქმა უნდა, იგივეს ვერ ვიტყვით სარზე.

🦅 ეზე (£7.0) ბოლო 5 პრემიერლიგური შეხვედრაში:

⚽️ 5 გოლი

🅰️ 0 ასისტი

✅ 2 ორნიშნა ქულა

🎯 42 FPL ქულა !

⭐️ 8 ბონუს ქულა

TBC 15.0%

📝 ამ სტატისტიკაში არ შედის FA cup-ის ფინალში გატანილი გოლი. სიტის წინააღმდეგ გამართულ შეხვედრაში მატჩის გმირი ეზე გახდა.

შესაბამისად ცხრილის ლიდერთან დეფიციტი გაქვს აღმოსაფხვრელი ეზე შენს ხელთ არსებული ერთ-ერთი საუკეთესო იარაღია. ცხრილის ლიდერები ეცდებიან, უფრო რაციონალურად გამოიყენონ მათ ხელში არსებული ტრანსფერი.

◉ ვინ ჩაანაცვლებს სალიბას? 🤕

საუთჰემპტონთან მატჩის წინ სალიბა უკანა ხაზში ჩვენი მთავარი დასაყრდენი უნდა ყოფილიყო, თუმცა ფრანგი პრემიერ ლიგის ფენტეზის მენეჯერებისთვის დიდ იმედგაცრუებად იქცა.

ზევით უკვე მოვიყვანეთ სარწმუნო სტატისტიკა, რომლის მიხედვითაც 38-ე ტურში სტანდარტულთან შედარებით ბევრი გოლი გადის. ასეთ ვითარებაში მცველებზე ტრანსფერის დახარჯვა არ ღირს, თუმცა თუ სათადარიგოთა სკამი ხელს არ გიწყობს და იძულებული ხარ მცველი იყიდო, ქვევით იმ ფეხბურთელებს ნახავ, ვინც შემტევი პოტენციალითაც გამოირჩევა და კარის მშრალად შენახვის უკეთესი ალბათობაც აქვთ:

🔴 ვაითი (£6.1) & კივიორი (£4.9) – „წმინდანებთან“ მატჩის წინ არსენალს სამი საუკეთესო მცველი არ ეყოლება - გაბრიელი, სალიბა და ტიმბერი. მიუხედავად ამისა 38-ე ტურში ლონდონელებს კარის მშრალად შენახვის მე-2 საუკეთესო ალბათური მაჩვენებელი აქვთ (44%). თუ სალიბას ჩანაცვლებას კვლავ არსენალის მცველით აპირებ, მაშინ ეს დუო საუკეთესო ალტერნატივას წარმოადგენენ.

⚫ შარი (£5.5) & ლივრამენტო (£4.6) - კარის მშრალად შენახვის არსენალზე უკეთესი ალბათობა ექსპერტებმა ნიუკასლს მიანიჭეს. გარდა დაცვითი უნარების ორივე მათგანი კოლოსალური შეტევითი პოტენციალითაც გამოირჩევიან.

მაგალითად არსენალთან შეხვედრის დროს შარის მოსალოდნელი გოლის ალბათობა (xG) – 0.92 იყო, რაც ძალიან მაღალი მაჩვენებალია.

მოსალოდნელ გოლში მონაწილეობის ინდექსის (xGI) თვალსაზრისით გამორჩეულია ლივრამენტოც. ჩელსისა და არსენალის წინააღმდეგ ტინოს ჯამური xGI – 0.46 იყო, რაც განსაკუთრებით მცელისთვის ძალიან კარგი მაჩვენებელია.

🍒 კერკესსი (£5.2) - ბორნმუთს, კარის მშრალად შენახვის ზუსტად იგივე ალბათური მაჩვენებელი აქვს, რაც არსენალს - 44%. თანაც მხედველობაში აუცილებლად მისაღებია, ისიც რომ „ალუბლები“ ვარდის გარეშე დარჩენილ ლესტერს ეთამაშებიან. ამავდროულად კერკესსი გამოირჩევა შეტევითი პოტენციალის მიხედვითაც.

ერთადერთი შემაფერხებელი გარემოება, რამც შესაძლოა მილოშის ყიდვა გადაგაფიქრებინოს, ბორნმუთის ფანების ფორუმზე გამოქთმული მოლოდინებია კერკესის სკამზე დასმის შესახებ, მიზეზად კი ის სახელდება, რომ პოლონელის გუნდიდან წასვლა თითქმის გადაწყვეტილია, თუმცა ეს მხოლოდ ვარაუდია, შესაძლოა კერკესმა მაინც სასტარტოდან დაიწყოს

◉ პალმერი - გავყიდოთ თუ დავიტოვოთ ?

თუ ფენტეზის ლიგაში ჩამორჩენა გაქვს აღმოსაფხვრელი, ამ შემთხვევისთვის პალმერის (£10.5) დატოვება სარისკო ნაბიჯია. დასკვნით ტურში, ნოტინგემისა და ჩელსის შეხვედრაში ყველაზე ნაკლებ გოლს ელიან.

ამიტომ სჯობს მის ნაცვლად ბოლო ტურში, ისეთ ფეხბურთელზე გააკეთო აქცენტი, ვისგანაც უკეთეს ქულებს ელიან. ამ სიტუაციაში მარტივი გამოსავალი საკაა.

მე-2 მხრივ თუ უპირატესობის შენარჩუნებას ცდილობ მისი გაყიდვა მხოლოდ იმ შემთხვევაში იქნება გამართლებული, თუ სხვა ყველა ალტერნატივა ამოწურული გაქვს ან ბიუჯეტი არ გყოფნის სასურველი სვლის გასაკეთებლად.

მიუხედავად არასასურველი შედეგებისა, პალმერი ყოველთვის ზღვარზეა, მცირედი გამართლების შემთხვევაში ახლოს იქნება სასურველ ქულებთან.

მაგალითად წინა ტურში, მადუეკეს პალმერის პასით უნდა გაეტანა, ან პედრო უნდა ყოფილიტო ნაკლებად ეგოისტი.

◉ ვინ არის 38-ე ტურის საუკეთესო Difference Maker-ი ?

⚒️🔥 ბოუენი (£7.9)

La Gazzetta dello Sport Georgia-ს მიმოხილვებში ჯერ კიდევ მანამდე გირჩევდით მის დამატებას, სანამ ბოუენი გასაოცარ ფორმას აკრეფდა. ბოლო მატჩებში ჯაროდი შეუჩერებელია.

იმ მოთამაშეებს რომლემბმაც ჩვენი რჩევა გაითვალისწინეს და ჯაროდი ბოლო ტურებამდე შეიძინეს ძალიან გაუმართლათ. უკანასკენელი რამდენიმე ტურია, მის გარეშე დარჩენილმა პრემიერ ლიგის ფენტეზის მენეჯერებმა ვერაფერით მოახერხეს დამატებითი ტრანსფერის ჯაროდზე დახარჯვა:

ხან მბუმო იყო ყურადღების ეპიცენტრში, შემდგომ მენეჯერების ვისსაზე გადაერთვნენ, ამის მერე ვოტკინსი იქცა ყველაზე პოპულარულ ტრანსფერად, პარალელურად ჰოლანდი მოულოდნელად დაბრუნდა და ა.შ. საბოლოო ჯამში ისე მოხდა, რომ პრემიერ ლიგის საუკეთესო ფორმაში მყოფი ფეხბურთელი, როგორღაც სათანადო ყურადღების გარეშე დარჩა.

შედეგად ახლა მისი TSB მხოლოდ 15.3%-ია, რაც ბოუენს „განსხვავების შემქმნელად“ აქცევს. ტურის დაწყებამდე ეს მაჩვენებელი სულ 20%_მდე, რომ ავიდეს ჯაროდი მაინც შეინარჩუნებს “Difference Maker”-ის სტატუს, რადგან ამ შემთხვევაში ის ყოველი ხუთი პრემიერ ლიგის ფენტეზის მენეჯერიდან, მხოლოდ 1_ს ეყოლება გუნდში.

ბოუენი ბოლო 5 შეხვედრაში:

⚽️ 4 გოლი

🅰️ 2 ასისტი

✅ 1 ორნიშნა ქულა

🎯 44 FPL ქულა !

⭐️ 6 ბონუს ქულა

GW37: ფორესტი 🆚 ⚽, 8 ქულა

GW36: მან. იუნაიტედი 🆚 ⚽, 8

GW35: ტოტენჰემი 🆚 ⚽, 9

GW34: ბრაიტონი 🆚 🅰️🅰️, 10

GW33: საუთჰემპტონი ⚽, 9

✅ ბოლო 5 შეხვედრაში ბოუენის ანგარიშზე 44 ქულაა, ჯაროდი ამ მაჩვენებლით პრემირ ლიგის ფენტეზიში საუკეთესოა. ერთადერთი ფეხბურთელი, რომელიც მის ასეთ ფორმას კონკურენციას უწევს ებერეჩი ეზეა.

✅ ბოლო ტურში ბოუენი პრემიერ ლიგის ერთ-ერთ ყველაზე უსუსურ დაცვით ხაზს დაუპირისპირდება. იფსვიჩზე მეტი გოლი (79) მხოლოდ სოტონს აქვს გაშვებული (84)

✅ პირველ წრეში ვესტ ჰემმა მეტრაქტორეები 4-1 დაამარცხა, ჯაროდმა იმ შეხვედრაში გოლის გატანა და ასისტის გაკეთება შეძლო, რაც 12 ქულაში ითარგმნა.

🔴 საკა (£10.3) & მარტინელი (£6.5) & ტროსარი (£6.7) & ოდეგორი (£8.2)

ბოლო ტურში, სოტონთან გასამართი შეხვედრის წინა სამივე მათგანი „განსხვავების შემქმნელად“ შეგვიძლია განვიხილოთ.

საკა ამ სამეულიდან ყველაზე პოპულარული არჩავანია, თუმცა ტრავმიდან დაბრუნების შემდეგ მის ანგარიშზე მხოლოდ 1 საგოლე მოქმედებაა.

მიმდინარე სეზონში საკაზე მეტი გოლი 51 ფეხბურთელს აქვს გატანილი, მათ შორის არიან ისეთი მოთამეშეები, როგორიცაა: სოუჩეკი, დანგო, ფოდენი რომელიც გამოუგნებლად ცუდ ფორმაშია, პრემიერ ლიგიდან დიდი ხნის წინ აბარგებული დურანი და ა.შ.

ასეთი სტატისტიკის ფონზე, შესაძლოა ბუკაიოს ყიდვისგან ბევრმა შეიკავოს თავი. თანაც ბუნდოვანია რამდენ წუთს მიიღებს არსენალი 7-იანი. შესაძლოა არტეტამ ბოლო ტურში ტრავმიდან ახლად დაბრუნებულ ჰავერცს ან ნვანერისაც მისცეს თავის გამოჩენის საშუალება.

სათამაშო დროის რისკი, რა თქმა უნდა, ტროსარსა და მარტინელიზეც ვრცელდება. შესაბამისად სამივე მათგანი კლასიკური გაგებით „Difference Maker”-ია - მათი ყიდვა სარისკოა, თუმცა გამართლების შემთხვევაში შესაძლოა მათი ქულების გრაფაში ორნიშნა რიცხვები ვიხილოთ.

შევაჯამოთ:

✅ ბუკაიო დასკვნით ტურში პრემიერ ლიგის ყველაზე ცუდ დაცვის ხაზს დაუპირისპირდება. წმინდანებს 37 ტურის შემდეგ 84 გოლი გაუშვეს;

✅ პირველ წრეში არსენალმა საშინაო მატჩი 3-1 მოიგო, იმ შეხვედრაში საკამ გოლის გატანა და ორი ასისტის შესრულება შეძლო, რაც 16 ! ქულაში ითარგმნა;

✅ გარდა დიდი პოტენციალისა საკა კაპიტნობის ერთ-ერთი რეალური კანდიდატია.

❌ ბოლო 5 ტურში, არსენალის ყველა შემტევს მასზე მეტ საგოლე მოქმედებაში აქვს მონაწილეობა მიღებული.

რაც შეეხება არსენალის სხვა შემტევებს თუ განსაკუთრებულ განსხვავების შემქმენლს ეძებ

✅ ოდეგორს ბოლო 5 შეხვედრაში 5 ასისტი აქვს შესრულებული ! ამ დროის განმავლობაში ნორვეგიელის ანგარიშზე 30 ქულაა.

✅ მარტინელს ბოლო 5 შეხვედრაში 2 გოლი აქვს გატანილი, რაც 22 ქულის ტოლფასია

✅ უკანასკნელ 5 მატჩში ტროსარის ანგარიშზე 3 გოლი და 1 ასისტი, რაც 36 ქულას უდრის.

გარდა ამისა ტროსარი სისტემატიურად იღებს სათამაშო დროს.

არსენალის შემტევებს შორის რთული არჩევანის გაკეთება მოგიწევს.

🍒 ევანილსონი (£5.8) და სემენიო (£5.7)

◉ 38-ე ტურში, ლესტერთან შინ გასამართ შეხვედრაში "ალუბლებს" ყველაზე მაღალი მოსალოდნელი გოლების მაჩვენებელი აქვთ.

◉ ხელსაყრელ მატჩთან ერთად ევანილსონიც და სემენიოც განსაკუთრებით ეფექტიანი განსხვავების შემქმნელები არიან. ბრაზილიელის TSB 4.5%-ია, სემენსიოსი კი 7.3 %

◉ თუ ლიდერთან დიდი სხვაობა გაქვს "დასქამბექებელი" ორივე მათგანი კარგი არჩევანია კაპიტნობისთვის

◉ ბორნმუთის შემტევებს შორის ბოლო 5 შეხვედრაში ევანილსონს მოსალოდნელ გოლში მონაწილეობის (xGI) საუკეთესო მაჩვენებელი აქვს. ბრაზილიელი სიტისთან გამართულ მატჩში ძალია ახლოს იყო ლამაზ გოლთან, თუმცა მისი აკრობატული დარტყმა ძელს მოხვდა

🐝 ვისსა (£6.9) & შადე (£5.3)

◉ ვისსა პრემიერ ლიგის ფენტეზის მენეჯერების თითქმის 24% ჰყავს გუნდში. ამ მაჩვენებლით ფეხბურთელი "Difference Maker"-ად განხილვა რთულია, თუმცა მბუმოსთან შედარებით ვისსა ორჯერ ნაკლებ მენეჯერს ჰყავს გუნდში.

რაც შეეხება კევინ შადეს, გერმანელი ნამდვილი Ultra Differential-ია, თუ დიდ ჩამორჩენაში ხარ და განსაკუთრებით იშვიათ ფეხბურთელებს ეძებ, შადე ძალიან საინტერესო არჩევანია, მისი TSB 3.5%-ია

◉ ბოლო 5 ტურში ვისსა ფორვარდებს შორის ამ პარამეტრების მიხედვით საუკეთესოა: გოლი, ასისტი, დარტყმა და მოსალოდნელ გოლში მონაწილეობის მიღება;

◉ უკანასკნელ 5 ტურში ვისამ 36 ქულა მოუყარა თავი, შადემ კი 37-ს შედარებისთვის მბუმოს შემთხვევაში ეს მაჩვენებელი 36 ქულა

◉ ბოლო ტურში ბრენტფორდი "მგლებს" დაუპირისპირდება. ვულვზი ზედიზედ 3 მატჩია აგებს, ბოლო შეხვედრაში კი პალასისგან 4 გოლი გაუშვეს. ამ გუნდების პირველი წრის შეხვედრაში 8 გოლი გავიდა !

ვისსა ერთ-ერთი საუკეთესოა პენალტების გარეშე გატანილ გოლებს შორის

🐝 ვისსა 19

🔴 სალაჰი 19

🔵 ჰოლანდი 19

⚫️ ისაკი 19

🔵 ველბეკი (£5.5)

◉ კიდევ ერთი მატჩი სადაც ბევრი გოლს ელიან ბრაიტონისა და სპურსის შეხვედრაა. "თოლიებმა" თავიანთი ამბიციები ლივერპულთან დაამტკიცეს და იგივეს გაკეთებას ეცდებიან ტოტენჰემთანაც.

სპურსი, ბრაიტონს ევროპა ლიგის გამარჯვებულის ამპლუაში უმასპინძლებს. ახლა როცა სანუკვარი მიზანი აისრულეს, ამ შეხვედრაში მათგან ლაღ და მხიარულ თამაშს უნდა ველოდოთ;

◉ ბოლო ტურებში ბრაიტონის ფეხბურთელებს შორის ველბეკს მოსალოდნელ გოლში მონაწილეობის მიღების საუკეთესო მაჩვენებელი აქვს.

◉ ახლა როცა აქტიურად საუბრობენ ჟოაო პედროს ტრანსფერზე, წესით ველბეკის წუთებს საფრთხე არ ემუქრება

◉ ველბეკი გოლით გამოირჩა სპურსთან გამართულ პირველი წრის მატჩშიც, რომელიც თოლიებმა 3-2 მოიგეს

⚫ გორდონი (£7.4) - გორდონის განხილვა იმ შემთხვევაშია რეკომენდირებული, თუ ისაკზე ცუდ ამბებს შევიტყობთ.

◉ ვინ არის 38-ე ტურის საუკეთესო კაპიტანი ? 🎯

თუ მიზანი უპირატესობის შენარჩუნებაა მაშინ ოპტიმალური კაპიტანი სალაჰია. მიუხედავად იმისა, რომ ეგვიპტელი ამ ბოლო დროს ქულებით არ გამოირჩევა ის მაინც ძალიან ბევრ შანს ქმნის და იღებს, ოდნავი გამართლების შემთხვევაში ვითარება რადიკალურად განსხვავებული იქნებოდა.

უახლოესი მდევრების გუნდიდან კაპიტნის გამოცნობას სჯობს, პრემიერ ლიგის ფენტეზის წლის საუკეთესო მოთამაშე აკაპიტნო.

თუ შენი მიზანი ჩამორჩენის აღმოფხვრაა, ამ შემთხვევაში კაპიტანი იმის მიხედვით უნდა აარჩიო ვისი გადასწრებაც გსურს, კაპიტნობის სხვადასვა ალტერნატივებია: ბოუენი, ვისსა, მბუმო, საკა, ვოტკინსი, ევანილსონი, შადე, ჰოლანდი, სემენიო და ა.შ.

გადაწყვეტილება ცალსახად მეტოქის გუნდის მიხედვით უნდა მიიღო, დეტალები ვრცლად La Gazzetta dello Sport Georgia-ს სეზონის დასკვნით მიმოხილვაშია.

წარმატებებს გისურვებ.

ავტორი: გიორგი მახარაძე

ლიდერბორდი