პრემიერ ლიგის ფენტეზი - რა უნდა გავითვალისწინოთ მე-20 ტურის წინ?

🔴 2024 წელი ეგვიპიტელმა, შთამბეჭდავი 16 ქულით დაასრულა. თუმცა თუ მატჩს მიადევნეთ თვალი, შეამჩნევდით იმედგაცრუებულ სალაჰს. გახარებულთან ერთად მო გულდაწყვეტილიც იყო. გოლისა და 2 ასისტის ფონზე, სალაჰმა 4 დიდი შანსი ვერ გამოიყენა ! ეგვიპტელს 2-ჯერ უფრო მეტ ქულის მიღებაც შეეძლო.

🔴 ალექსანდრ-არნოლდმა მისი ერთგული პრემიერ ლიგის ფენტეზის მენეჯერები უხვად დააჯილდოვა. გოლთან ერთად ტრენტმა 2 დიდი შანსიც შექმნა. სამწუხაროდ ეს მომენტები მისმა თანაგუნდელებმა გაანიავეს. ასევე აღსანიშნავია, რომ „ჩაქუჩებმა“ 3-ჯერ მოარტყეს ბურთი ძელს.

🔵 სიტიმ ერთი შეხედვით იოლად მოიგო, თუმცა „მელიების“ მოსალოდნელი გოლების ალბათობა, ქალაქელების xG_ის იდენტური იყო. სიტი ჯერ კიდევ შორსაა, ოპტიმალური ფორმისგან. ერთადერთი ფეხბურთელი, ვისი გამორჩევაც შეიძლებოდა სავინიოა.

🔵 პირველი საშინაო მატჩი მოიგო იფსვიჩმა, გაიბრწყინა დელაპმა, თუ ლიამი ფორმას აკრეფს ის შესაძლოა საინტერესო ბიუჯეტურ ფორვარდად მოგვევლინოს. ძალიან არ გაუმართლა პალმერს, კოულმა 2 ჯერ გაარტყა ბურთი ძელს, ამასთან ერთად 1 დიდი შანსიც შექმნა.

🌳 როგორც მოსალოდნელი იყო მორიგი მშრალი მატჩი ჰქონდა ნოტინგემს. ფორესტი, 3 მატჩია გოლს არ უშვებს.

🔵 როგორც მოსალოდნელი იყო მორგან როჯერსმაც და ჟოაო პედრომაც მაშინ მიითვალეს ქულები, როდესაც ფენტეზის მენეჯერების უმრავლესობამ ისინი სათადარიგოთ სკამზე გაამწესა.

❌ თუ მე-19 ტურში მოთამაშეები ყვითელი ბარათის მიღებას აირიდებდნენ თავიდან, 5 მატჩიანი ლიმიტი 10-მდე გაიზრდებოდა. სამწუხაროდ ეს როჯერსმა და ტიმბერმა ვერ მოახერხეს, ისინი მე-20 ტურში ვერ დაეხმარებიან საკუთარ გუნდებს.

🐺 დიდხნიანი ლოდინის შემდეგ ინგლისის საფეხბურთო ასოციაციამ კუნია 2 მატჩიანი დისკვალიფიკაციით დასაჯა. სათასო შეხვედრის გათვალისწინებით, ბრაზილიელს მხოლოდ 1 თამაშის გამოტოვება მოუწევს. ფენტეზი მენეჯერების 5.55%_ს გუნდში სამივე დისკვალიფიცირებული ფესბურთელი ჰყავს - კუნიაც, როჯერსიც და ტიმბერიც. ამასთანავე, ცნობილი გახდა ბოუენის ტრავმის შესახებაც, რაც კიდევ უფრო ართულებს შექმნილ ვითარებას.

🦅 სამწუხაროდ ჩვენი რეკომენდაცია მუნისის შესახებ წარუმატებული გამოდგა, თუმცა კოლუმბიელი ძალიან ახლოს იყოს სასურველ ქულებთან. მუნისმა დიდი შანსი ვერ გამოიყენა, მისი მოსალოდნელი გოლის ალბათობა 0.51 იყო. შესაძლოა 2 ქულის ნაცვლად, მის ანგარიშზე ორნიშნა ქულები ყოფილიყო.

შეუდარებელი “კაჭკაჭები”

მე-20 ტურის წინ, ნიუკასლის ფეხბურთელები საახალწლო მენიუს მთავარი კერძს წარმოადგენენ:
⚫⚪ “ჯორდებმა” ზედიზედ 4 პრემიერლიგური მატჩი მოიგეს;
⚫⚪ ბოლო 4 შეხვედრიდან, ნიუკასლმა 4-ჯერ მოახერხეა კარის მშრალად შენახვა.
ნიუკასლის შემტევები ბოლო 6 მატჩში:

ისაკი (£9.2) ⚽⚽⚽⚽⚽⚽⚽⚽🅰️🅰️
მერფი (£5.1) ⚽⚽⚽🅰️🅰️🅰️🅰️
გორდონი (£7.4) ⚽⚽🅰️🅰️🅰️

მე-20 ტურში ნიუკასლი გასვლით მატჩში ტოტენჰემს დაუპირისპირდება. ბოლო 6 შეხვედრაში, სპურსი გაშვებული შანსებისა და გოლების მიხედვით მე-19 ადგილზეა.

მიღებული ქულების მიხედვით, შემტევებს არაფრით ჩამოუვარდება ლუის ჰოლი (£4.8), ჰოლი ბოლო 4 მატჩში:
🔒 4 მშრალად შენახული კარი
🅰️ 3 ასისტი
✅ 2 ორნიშნა ქულა

🎯 39 FPL ქულა
⭐️ ბონუს ქულა: 7

უიღბლო მეთოფეები

თამამად შეიძლება ითქვა, რომ გაშვებული გოლების მიხედვით არსენალი პრემიერ ლიგის ერთ-ერთი ყველაზე უიღბლო გუნდია. ლონდონელები ხშირად უშვებენ გოლს უწყინარ სიტუაციებშიც კი. თუ არსენალიდან ორი მცველი აყვანას აპირებ, მაშინ ეს მნიშვნელოვანი ინფორმაციაა, რაც გადაწყვეტილების მისაღებად გამოგადგება.

არსენალმა ბოლო 12 მატჩში 9 გოლი გაუშვა. მოსალოდნელი გოლის ინდექსის მიხედვით ლონდონელებს მაქსიმუმ 2 გოლი უნდა მიეღოთ საკუთარ კარში. 9 გოლის ჯამური xG 0.97_ია !

⚽️ მბუმო - 0.06 მოსალოდნელი გოლი (xG)
⚽️ სარი - 0.04 xG
⚽️ ხიმენესი - 0.04xG
⚽️ ემერსონი - 0.09xG
⚽️ ინასიო - 0.05xG
⚽️ ნეტო - 0.02xG
⚽️ ნკეტია - 0.05xG
⚽️ მატეტა - 0.21xG
⚽️ ვან-ბისაკა - 0.41xG 

ნიკო ჯექსონი & ენცო - გავყიდოთ თუ დავიტოვოთ?

სულ რაღაც 3 ტურის წინ ენცო (£5.1) და ჯექსონი (£8.2) პრემიერ ლიგის ფენტეზის პოპულარული მოთამაშეები იყვნენ, თუმცა ვითარება კარდინალურად შეიცვალა. დღევანდელი მონაცემებით ნიკო ჯექსონი ერთ-ერთი ყველაზე გაყიდვადი ფეხბურთელია.
მართალია ჩელსის მოთამაშეები იმედს გვიცრუებენ, მაგრამ მათი გაყიდვა სულაც არაა საჩქარო.
❌ უპირველეს ყოვლისა ტრანსფერები იმ ფეხბურთელებისთვის დაგჭირდება ვინც დისკვალიფიცირებული ან ტრავმირებულია, ასეთი კი ბევრია - კუნია, ტიმბერი, ბოუენი, როჯერსი, საკა, ფაბიანსკი და ა.შ.

🔵 მოსალდნელი გოლების მიხედვით ჩელსი (xG) ჯერ კიდევ მე-2 ადგილს იკავებს პრემიერ ლიგაში
🔵 როტაციას ნაკლებად უნდა ველოდოთ. წინა ტურში მარესკა, ნკუნკუს ენდო, საბოლოო ჯამში კი ეს ძვირად დაუჯდა;
🔵 ყვითელი ბარათების დისკვალიფიკაციის ლიმიტმა 5_იდან 10 ყვითელ ბარათამდე აიწია. ჯექსონს ამ მიზეზით მატჩის გამოტოვების საფრთხე აღარ ემუქრება;
🔵 ბევრ შემთხვევაში ჩელსის უბრალოდ არ უმართლებდა, მაგალითად:
• ენცო 0.94 - მოსალოდნელ გოლში ჩართულობის ინდექსი (xGI) ➡️ 1 ქულა
• როჯერსი 0.28 მოსალოდნელ გოლში ჩართულობის ინდექსი (xGI) ➡️ 11 ქულა
სადებიუტო სეზონში ნიკო ჯექსონი, პრემიერ ლიგის ერთ-ერთი ყველაზე ცუდ ფინიშერად მოგვევლინა, თუმცა მიუხედავად ამისა, მის ანგარიშზე 31 მატჩში, 14 გოლი და 6 ასისტი, იყო.
სენეგალელმა მე-2 სეზონში შესამჩნევად მოუმატა, 17 მატჩში ჯექსონს უკვე 13 საგოლე მოქმედება აქვს:
🅰️ - 4 ასისტი
⚽️- 9 გოლი
ამასთანავე ჩელსის წინ, შესანიშნავი კალენდარი აქვს:

FPL რჩევა - ამ ნიუნსების გათვალისწინებით, მე-20 ტურში ჯექსონის გაყიდვაზე ტრანსფერი დახარჯვა რეკომენდირებული არაა.

ნოტინგემ ფორესტი

ნოტინგემი შესანიშნავ სვლაზეა, უკანასკნელი 5 მატჩიდან ფორესტმა ყველა მოიგო, ბოლო 3 მატჩში კი აუღებელ ციხესიმაგრედ იქაცა. ბუნებრივია „გარიბალდიანები“ საინტერესო პერსპექტივებს გვთავაზობენ პრემიერ ლიგის ფენტეზის მიმართულებითაც.

🌳 მორგან გიბს-ვაითი (£6.4)

„La Gazzetta dello Sport Georgia“ გიბს-ვაითის ყიდვას ჯერ კიდევ მაშინ გირჩევდათ, სანამ ფორესტი ასეთ სერიას შემოგვთავაზებდა. შეიძლება ითქვას რომ მორგანი ფორესტის ოდეგორია. MGW_ს 8_იანზეც შესანიშნავად გამოსდის თამაში და 10_იანზეც. ტრავმიდან დაბრუნების შემდეგ მორგანი შეუჩერებელია, გიბს-ვაითს შთამბეჭდავი სტატისტიკა აქვს ბოლო 5 მატჩში:
⚽️ 2 გოლი
🅰️ 3 ასისტი
✅ 2 ორნიშნა ქულა
🎯 39 FPL ქულა
⭐️ ბონუს ქულა: 8
მორგანის კიდევ ერთი უპირატესობა ისაა, რომ ინგლისელი Difference maker_ია, ე.წ. განსხვავებიშ შემქმნელი. გიბს-ვაითი ფენტეზის მენეჯერების მხოლოდ 3.3%_ს ჰყავს გუნდში.
🌳 კრის ვუდი (£6.7)
აუცილებელია კრის ვუდის ყიდვა?
ზელანდიელის გუნდში ყოლა სასურველია, თუმცა არა აუცილებელი.

სეზონის პირველ წრეში ვუდმა შთამბეჭდავი შედეგებით დაგვამახსოვრა თავი, 19 მატჩში კრისს 11 გოლი და 1 ასისტი დაუგროვდა, რაც მისი საფასო სეგმენტის ფეხბურთელისთვის შესანიშნავი მაჩვენებელია. მაგრამ პირველი წრე უკვე წარსულს ჩაბარდა, მოცემული მომენტისთვის კი ვითარება შეცვლილია.
ახალ ზელანდიელის TSB 29.1%_ია, რაც იმას ნიშნავს, რომ ვუდი დაახლოებით ყოველი მესამე პრემიერ ლიგის ფენტეზის მენეჯერს გუნდში ჰყავს. თუ მათთან სხვაობის შემცირება გიწევს, სჯობს სხვა ფორვარდზე გააკეთო აქცენტი. ამ ეტაპზე ისაკის ფლობა, ტოპ პრიორიტეტია, ვუდი მასთან ერთად ყველაზე პროგნოზირებად დუოს ქმნის, რაც სხვაობის აღმოსაფხვრელად ხელსაყრელი სტრატეგია არ არის.
ვუდის შედეგიანობამ ბოლო ტურებში, მცირედით იკლო. პირველ წრეში ახალ ზელანდიელმა 11 გოლია გაიტანა, რა დროსაც მისი მოსალოდნელი გოლების ალბათობა (xG) მხოლოდ 6.9 იყო. ეს იმას ნიშნავს, რომ რიგ სიტუაციებში ვუდს უმართლებდა ახლა კი მისი მაჩვენებლები სტანდარტულს დაუბრუნდა.

ვუდი ბოლო 5 მატჩში:
⚽️ 1 გოლი
🅰️ 2 ასისტი
✅ 1 ორნიშნა ქულა
🎯 26 FPL ქულა
⭐️ ბონუს ქულა: 5
FPL რჩევა - ვუდი კვლავაც რჩება ერთ-ერთ საუკეთსო ბიუჯეტურ ფორვარდად. მისი გუნდში ყოლა სასურველია, მაგრამ ყიდვა აუცილებელი არაა.

🌳 ანტონი ელანგა (£5.2)

თუ გიბს-ვაითისა და ვუდისთვის ბიუჯეტი არ გყოფნის, ელანგა საინტერესო ალტერნატივაა, თუმცა ოდნავ სარისკო. ბოლო რამდენიმე მატჩია, მისი წუთები შედარებით დასტაბილურდა, თუმცა ელანგა ყიდვის შემთხვევაში მაინც არსებობს როტაციის ალბათობა:
ანტონი ელანგა ბოლო 5 ტურში:
⚽️ 3 გოლი
🅰️ 1 ასისტი
✅ 1 ორნიშნა ქულა
🎯 33 FPL ქულა
⭐️ ბონუს ქულა: 4

ფორესტის წარმატების მთავარი შემოქმედი სტაბილური უკანა ხაზია, საყიდლების სიაში ნოტინგემის დაცვითი ფეხბურთელები აუცილებლად უნდა გყავდეს:
🌳 ოლა აინა (£5.2) - ნიგერიელი ყველა პარამეტრით საუკეთესო ალტერნატივაა.
🌳 ნიკოლა მილენკოვიჩი (£4.7) - ფასი & შეტევითი პოტენციალი
🌳 მეტს სელსი (£4.9) – 8 მშრალად შენახული კარი
🌳 მურილიო (£4.6) - შესაძლოა ტრავმირებული იყოს

კუნიას შემცვლელის ძიებაში

როგორც მიმოხილვის დასაწყისში გამცნეთ, ინგლისის საფეხბურთო ასოციაციამ გამოიღვიძა და მათეას კუნიას დისკვალიფიკაციის გადაწყვეტილება აამოქმედა. ბრაზილიელი 2 შეხვედრაში ვერ დაეხმარება გუნდს, თუმცა აქედან ერთი სათასო დაპირისპირებაა, შედეგად კუნია მხოლოდ 1 პრემიერლიგურ თამაშს გამოტოვებს.

მიუხედავად ამისა ვულვზის ლიდერი ერთ-ერთი ყველაზე გაყიდვადი ფეხბურთელია მე-20 ტურის წინ ის დაახლოებით მილიონმა ფენტეზის მენეჯერმა გაუშვა გუნდიდან. ამაში დისკვალიფიკაციასთან ერთად „მთავარი დამნაშავე“ ტრავმის საფრთხე და კალენდარია. ვულვზს წინ იოლი მატჩები არ ელის, სწორედ ამიტომ მე-20 ტურის მთავარი გამოწვევა ბრაზილიელის შემცვლელის პოვნაა.

კუნიას შემცვლელის მოძიებაში „La Gazzetta dello Sport Georgia“_იას დეტალური ანალიზი დაგეხმარება.

⚫⚪ ისაკი (£9.2) - შვედის შესახებ ამ მიმოხილვაშიც ვრცლად ვისაუბრეთ. თუ ისაკი ამ დრომდე არ გყავს, გუნდში ის საუკეთესო კანდიდატურაა.
🌳 კრის ვუდი (£6.7) - ფორესტის ლიდერის შესახებ მიმოხილვაში უკვე ვრცლად ვისაუბრეთ.
🔵 ჯექსონი (£8.2) - ასევე ვრცლად მიმოვიხილეთ, სენეგალელთა დაკავშირებით არსებული პერიპეტიები.
🔴 გაბი ჯესუსი (£6.9) - საკას ტრავმა დადებითად აისახა ჯესუსის სათამაშო წუთებზე, როგორც იქნა ბრაზილიელი ფორმაში შევიდა, მომდევნო 3 მეტოქე კი დაცვითი სოლუდურობისგან ძალიან შორსაა. ერთი შეხედვით ბრაზილიელი მისი თანამემამულის ჩასანაცვლებად იდეალური კანდიდატურაა, თუმცა მის ირგვლივ კითხვის ნიშნები მაინცაა:

• არსენალი ჯერ კიდევ ეჩვევა საკას გარეშე თამაშს. მართალია პალასთან და ბრენტფორდთან მეთოფეები დამაჯერებლები იყვნენ, მაგრამ იფსვიჩთან მძიმე თამაში შესაძლო „რედ ფლეგია“
• ცნობილია ჯესუსი მიდრეკილება ტრავმებისაკენ;
• არსენალს ძალიან ინტენსიური კალენდარი აქვს, შესაძლოა ამის გათვალისწინებით რისკის ქვეშ იყო მისი სათამაშო წუთები:

18 დეკემბერი: 90 წუთი
21 დეკემბერი: 86 წუთი
27 დეკემბერი: 72 წუთი
1 იანვარი: 90 წუთი
4 იანვარი: BHA (A)
7 იანვარი: NEW (H - თასი)
12 იანვარი: MUN (H - თასი)
15 იანვარი: TOT (H)
18 იანვარი: AVL (H)
22 იანვარი: UCL - დინამო ზაგრები (H)
25 იანვარი: WOL (A)
29 იანვარი: UCL - ხირონა (A)
2 თებერვალი: MCI (H)
5 თებერვალი: NEW (A - თასი)
ჯესუსი ბოლო 5 ტურში:
⚽️ 3 გოლი
🅰️ 2 ასისტი
✅ 2 ორნიშნა ქულა
🎯 32 FPL ქულა
⭐️ ბონუს ქულა: 6
FPL რჩევა - მოკლევადიან პერსპექტივაში, თანაც ბიუჯეტურ საფასო სეგმენტში ჯესუსი შესანიშნავი ალტერნატივაა, თუმცა არ გამოგეპაროს რისკებიც.

🦅 ჟან ფილიპ მატეტა (£7.2) - ჩელსისთან მატჩის შემდეგ “არწივებს” შესანიშნავი კალენდარი ეწყებათ, შესაძლოა კრისტალ პალასმა სწორედ ამ ტურებში დაიბრუნოს ფორმა. თუ ასე მოხდა, მატეტაზე გადმოწყობას სხვა მენეჯერებს რამდენიმე ტურით დაასწრებ. პრემიერ ლიგის ფენტეზიში გამარჯვება თუ გსურს, სწორედ ასეთი პროგნოზების გამოცნობა უნდა მოახერხო.
მატეტა ბოლო 5 ტურში:
⚽️ 0 გოლი
🅰️ 0 ასისტი

✅ 0 ორნიშნა ქულა
🎯 9 FPL ქულა
⭐️ ბონუს ქულა: 0
📆 – GW20 CHE (H), GW21 LEI (H), GW22 WHU (A)
FPL რჩევა - უკიდურესად სარისკო გადაწყვეტილებაა, მატეტას შეძენას მხოლოდ იმ შემთხვევაში გირჩევ, თუ ლიგაში დიდი ჩამორჩენა გაქვს აღმოსახვრელი და ამისთვის “განსხვავების შემქმნელი“ მოთამაშე გჭირდება. ფრანგის TSB (teams selected by) მხოლოდ 3%_ია.

🔴 კოდი გაკპო (£7.3) - ნიდერლანდელმა ნუნეშთან კონკურენცია პირწმინდად მოიგო, თუმცა ჯოტას დაბრუნების ფონზე, მისი წუთები კვლავ რისკის ქვეშაა. თუ ეს გარემოება არ გაშინებს მაშინ, განსაკუთრებით იუნაიტედთან მატჩის წინ კოდი, შესაძლოა “cheat code”_ად მოგვევლინოს.

 
არსენალის მსგავსად ლივერპულსა უაღრესად გადატვირთული კალენდარი აქვს. მერსესაიდელები ჩემპიონთა ლიგაზეც არიან და შიდა თასებზეც.

არ გამოგრჩეს, ლივერპულმა ერთი მატჩი გამოტოვა, შესაბამისად ყვითელი ბარათების ლიმიტი მათთვის კვლავ 5-მატჩიანია. თუ გაკპოს მე-20 ტურში გააფრთხილებენ, მაშინ კოდი მომდევნო მატჩს გამოტოვებს.
გაკპო ბოლო 5 ტურში:
⚽️ 3 გოლი
🅰️ 1 ასისტი
✅ 1 ორნიშნა ქულა
🎯 30 FPL ქულა
⭐️ ბონუს ქულა: 6
📆 – GW20 MUN (H), GW21 NFO (A), GW22 BRE (A)
FPL რჩევა - სარისკო გადაწყვეტილებაა მოკლევადიან პერსპექტივაშიც კი, თუ მხოლოდ მანჩესტერის წინააღმდეგ არ აპირებ გაკპოს ყიდვას, მაშინ ნიდერლანდელის გუნდში აყვანას არ გირჩევ.

ოლი ვოტკინსი (£8.8) - ვოტკინსმა, ძირითად შემადგენლობაში ადგილი, დურანის წითელი ბარათის ხარჯზე დაიბრუნა. არავინ იცის, რა მოხდება მას შემდეგ რაც კოლუმბიელი დისკვალიფიკაციას მოიხდის. მხოლოდ ერთი მატჩისთვის ვოტკინსი, მე-20 ტურის ერთ-ერთი საუკეთესო ფორვარდია, თუმცა გრძელვადიან პერიოდში მისი წუთები სარისკოა, ფასი კი შეუსაბამო.
ვოტკინსი ბოლო 5 ტურში:
⚽️ 1 გოლი
🅰️ 1 ასისტი
✅ 1 ორნიშნა ქულა
🎯 16 FPL ქულა
⭐️ ბონუს ქულა: 3
📆 – GW20 LEI (H), GW21 EVE (A), GW22 ARS (A)
FPL რჩევა - როტაციის დიდი რისკის გამო, ოლი ვოტკინსის ყიდვას არ გირჩევ. მისი გუნდში აყვანა იმ შემთხვევაშია გამართლებული თუ ინგლისელი მხოლოდ მომდევნო 2 ტურისთვის გჭირდება.

სხვა ალტერნატივები:

დომინიკ სოლანკე (£7.5) - რომ არა რთული კალენდარი დომის ყიდვა აუცილებლად გირჩევდი, თუმცა მომდევნო 3 მატჩი, თანაც კრიზისის ფონზე, ტოტენჰემისთვის ძალიან რთული იქნება.

GW20 NEW (H) - ნიუკასლი 4 ტურია გოლს არ უშვებს;
GW21 ARS (A) - არსენალისთვის გოლის გატანა რთულია;
GW22 EVE (A) - რამდენიმე ტურის წინ ევერტონს, ევროპის მასშტაბით საუკეთესო დაცვითი მაჩვენებლები ჰქონდა.

ჯეიმი ვარდი (£5.5) - მელიების ლიდერი ძალიან კარგი ალტერნატივა იქნებოდა ე.წ. მე-3 ფორვარდად, თუმცა კუნიას შემცვლელად ვეტერანი ინგლისელი არ გამოდგება. კუნია ჩვენი ფენტეზის გუნდების, ძირითადი თერთმეტეულის უცვლელი წევრი იყო, ვარდის გამოყენება ამ ამპლუაში სარისკოა. თუმცა, თუ მე-3 ფორვარდს ეძებ, რომელსაც ხშირად გაამწესებ სკამზე, ჯეიმი საინტერესო კანდიდატურაა.

რაულ ხიმენესი (£5.6) - მექსიკელს გასულ ტურში ყველა სათადარიგოთა სკამზე ელოდა, თუმცა როგორც ჩანს ის კვლავ #1 არჩევანია. ხიმენესი აქტიურ როტაციაშია ჩაბმული, მაგრამ მომდევნო 3 მატჩში „კოტეჯერებს“ შესანიშნავი კალენდარი აქვთ, სწორედ ამიტომ მასზე დაფიქრება ნამდვილად ღირს, თუმცა გაგვიჭირდება იმის თქმა, რომ რაული კუნიას საუკეთესო შემცვლელია.
📆 – GW20 IPS (H), GW21 WHU (A), GW22 LEI (A)

ვისა (£6.2) - ამ შემთხვევაშიც მხოლოდ კალენდარია შემაფერხებელი გარემოება. ვისას მიმდინარე სეზონში 8 გოლი და 2 ასისტი აქვს, მის შესაძლებლობებთან დაკავშირებით კითხვის ნიშნები არ გვაქვს, მაგრამ რთული მომდევნო მატჩების ფონზე, ის უფრო მე-3 ფორვარდია, ვიდრე დასაყრდენი.
📆 – GW20 SOU (A), GW21 LIV (H), GW22 MCI (A)

თუ მხოლოდ ერთი ტურისთვის ეძებ, მაშინ ვისას სოტონის წინააღმდეგ პერსპექტიული აფიშაა, მაგრამ შემადგნელობამ საშუალება უნდა მოგცეს მომდევნო ტურებში ვისა სათადარიგოთა სკამზე გადასვა, მინიმუმ ლივერპულთან მაინც.

კაპიტანი

იმისთვის, რომ წელს პრემიერ ლიგის ფენტეზიში წარმატებული სეზონი გქონდეთ ორი მთავარი წესის დაცვაა აუცილებელი:
1. ყოველთვის აკაპიტნეთ სალაჰი
2. არასოდეს დაარღვიოთ წესი #1
თუ როგორღაც ეგვიპტელი გუნდში არ გყავს, მაშინ სხვა ვარიანტები - ისაკი, პალმერი და ჰოლანდია.
ვაილდქარდი

მე-2 ვაილდქარდი პრემიერ ლიგის მე-20 ტურიდანაა ხელმისაწვდომი, თუმცა ასეთ ადრეულ ეტაპზე მისი გამოყენება რეკომენდირებული არაა. წინ უამრავი რთული ტურია, მათ შორის Double & Blank სათამაშო კვირები, ვაილდქარდის გამოყენება ასეთი შემთხვევებისთვის სჯობს.
პრემიერ ლიგის ფენტეზის დახმარებების სტრატეგიას მომდევნო მიმოხილვებში გაგიზიარებ, მანამდე კი ეცადე ვაილდქარდს გაუფრთხილდე.

წარმატებებს გისრუვებ. ჩვენს ლიგას ასე შეგიძლია შემოურთდე - ლიგის არჩევის გვერდზე, შეიყვანე LaGazzetta-ს ლიგის კოდი: cuikc0 ან გადადი ამ ბმულზე.

ავტორი: გიორგი მახარაძე