პრემიერ ლიგის ფენტეზი - რა უნდა გავითვალისწინოთ 21-ე ტურის წინ?

👋 როგორც იქნა ვესტ ჰემმა ლოპეტეგი გაანთავისუფლა, მის ნაცვლად გუნდს გრემ პოტერი ჩაიბარებს. პოტერს მთელი მისი მაგიის ჩართვა მოუწევს საქმეში. ბოუენისა და ანტონიოს შემდეგ „ჩაქუჩებს“ ფულკრუგიც დაემტვრათ.
🤝 მთავარი მწვრთნელი შეცვალა ევერტონმაც. შონ დაიჩის ნაცვლად მერსესაიდელებს მათთვის კარგად ნაცნობი დევიდ მოიესი ჩაიბარებს.
🤕 ისაკს მცირე დაზიანება აქვს, თუმცა ჰაუ იმედიანადაა და მის დაბრუნებას სათასო მატჩშიც ელოდა.
🍒 ბორნმუთს ძირითადი თავდამსხმელიც დაემტვრა და მისი შემცვლელიც, 9_იანის პოზიციაზე საინტერესო სიახლეებს უნდა ველოდოთ.
🤕 რისკის ქვეშაა ჟოაო პედროს თამაშიც, პიველადი ინფორმაციით მისი მკურნალობა კარგად მიდის. იფსვიჩთან მატჩში ბრაზილიელს სასტარტოში ელიან.
🤦‍♂️ არსენალს ტრავმის გამო ჯესუსი და ტიმბერი გამოაკლდა. ნიდერლანდელის შესახებ დამაიმედებელი მოლოდინებია, რასაც ვერ ვიტყვით გაბიზე.
🔴 21-ე ტურში კაპიტნის არჩევა იოლი სულაც არ იქნება. სალაჰი ეთამაშება გუნდს, რომელსაც 387 წუთია გოლი არ გაუშვია.
⚫⚪ სენტ ჯეიმს პარკზე თამაშისას, ზედიზედ 5 მატჩია (ყველა ტურნირზე), ნიუკასლს მინიმუმ 3 გოლი გააქვს.

სტრატეგია და ტაქტიკა - როგორ მოვიგოთ პრემიერ ლიგის ფენტეზი ?

ყოველკვირეული ტრანსფერები და რამდენიმე ტურის წინასწარ დაგეგმვა - ტაქტიკაა, რომელიც პრემიერ ლიგის ფენტეზიში პოზიციების გაუმჯობესებაში ძალიან გვეხმარება, თუმცა საყვარელი თამაშის მოსაგებად მხოლოდ ტაქტიკა არ კმარა, გამარჯვებისთვის სტრატეგიაც დაგჭირდება.

პრემიელი ლიგის ფენტეზის „ქარდები/ჩიპები“ ძლიერი დახმარებებია. თუ მათი გამოყენების სწორ სტრატეგიას შეარჩევ, შენი გამარჯვების შანსები მნიშვნელოვნად გაიზრდება. ყველაფერს, რაც რელევანტური სტრატეგიის განსაზღვრისთვისაა საჭირო, „La Gazzetta dello Sport Georgia“ ტურის მიმოხილვებში ნახავ:

🔸DGW24: როგორც წინასწარ გატყობინებდით 24-ე ტურში, ლივერპულსა და ევერტონს double/ორმაგი ტური ექნებათ. ეს შესანიშნავი შესაძლებლობაა სალაჰზე Tripple/სამმაგი კაპიტნის ქარდის გამოყენებისთვის.

🔸BGW29 – Blank ანუ ტური ნაკლები მატჩით 29_ე სათამაშო კვირას ჩაინიშნება. რაც ნიშნავს იმას, რომ ტურში 10 მატჩის ნაცვლად 9 ან ნაკლები შეხვედრა ჩატარდება. BGW_ს Carabao_ს თასის ფინალისტები გამოტოვებენ;

🔲 BGW29 ოფიციალურად დადასტურდება Carabao_ს თასის ნახევარფინალური მატჩების შემდეგ, 24-ე ან 25-ე ტურისთვის.
🔲 თუ ნიუკასლი გავა ფინალში, მაშინ 29-ე ტურში ნიუკასლისა და პალასის შეხვედრა გადაიდება. შეგახსენებ Carabao_ს თასის პირველი მატჩი ნიუკასლმა ემირეიტსზე 0-2 მოიგო. უდიდესი ალბათობით გადადებული მატჩი 33_ე ტურში გადაინაცვლებს:
ნიუკასლი DGW33 🆚 ასტონ ვილა + კრისტალ პალასი
კრისტალ პალასი DGW33 🆚 ბორნმუთი + ნიუკასლი

🔲 თუ არსენალი გავა ფინალში, მაშინ 29-ე ტურში არსენალისა და ჩელსის შეხვედრა გადაიდება. უდიდესი ალბათობით გადადებული მატჩი 33_ე ტურში გადაინაცვლებს:
არსენალი DGW33 🆚 იფსვიჩი + ჩელსი
ჩელსი DGW33 🆚 ფულჰემი + არსენალი
🔲 თუ სპურსი გავა ფინალში, მაშინ 29-ე ტურში ტოტენჰემისა და ფულჰემის შეხვედრა გადაიდება. Carabao_ს თასის პირველი მატჩში სპურსმა ლივერპული 1-0 დაამარცხა:
სპურსი DGW33 🆚 ფორესტი + ფულჰემი
ფულჰემი DGW33 🆚 ჩელსი + ტოტენჰემი

🔲 თუ ლივერპული გავა ფინალში, მაშინ 29-ე ტურში ლივერპულისა და ასტონ ვილას შეხვედრა გადაიდება. Carabao_ს თასის პირველი მატჩში ლივერპული სპურსთან დამარცხდა: ასტონ ვილა DGW33 🆚 ნიუკასლი + ლივერპული
ლივერპული DGW33 🆚 ლესტერი + ასტონ ვილა
🔸BGW34: FA Cup_ის ნახევარფინალური დაპირსპირებები გამოიწვევს კიდევ 6 ან 8 გუნდიან BGW34_ს, ეს იდეალური შესაძლებლობაა Free Hit_ისთვის.
🔸DGW36: გუნდები, რომლებიც 34_ე ტურში გამოტოვებენ თამაშს, DGW_ს ითამაშებენ 36_ე ტურში. ეს კარგი შესაძლებლობაა Bench Boost_ისთვის.
მოცემული მომენტისთვის პრემიერ ლიგის ფენტეზის ჩიპების/დახმარებების გამოყენების ოპტიმალური სტარტაგია:
✅ TC - ტრიპლ კაპიტანი - 24_ე ტურში;
✅ ვაილდქარდი - 30_ე ტურში;
✅ AM - ასისტენტ მენეჯერი, 31-33 ტურების განმავლობაში მათ შორის ეს მოიცავს DGW33_ს
✅ FH - Free Hit - 34_ე ტურში, BGW34_თან გასამკლავებლად;
✅ BB - Bench Boost – 36 ტურში, რომელიც DGW_ია
მოსალოდნელია მცირედი ცვილებები, შესაძლოა BB (Bench Boost) უკეთესი იყოს 33 ტურში ხოლო AM (Asistent Manager) სჯობდეს 36_ე ტურში. ამის შესახებ უახლოეს მიმოხილვებში გამცნობთ.

ყველაფერი ASISTENT MANAGER_ის (AM) შესახებ

მე-16 ტურის მიმოხილვაში La Gazzetta dello Sport Georgia_მ ვრცელი ქვეთავი მიუძღვნა პრემიერ ლიგის ფენტეზის ახალ დახმარებას - Asistent manager_ს. სეზონის სტარტზე თამაშს „Mystery chip“ დაემატა. მე-16 ტურამდე, არავინ იცოდა, რა იმალებოდა ამ იდულამებით მოცული ჩიპის მიღმა. მის შესახებ მნიშვნელოვან დეტალებს ამ სტატიაში შეგიძლია გაეცნო.

Asistent manager (შემდგომში AM) საშუალებას გაძლევს პრემიერ ლიგის რეალური მენეჯერები 3 ტურის განმავლობაში გყავდეს გუნდში. ქულებს იმის მიხედვით დაიმსახურებ, თუ როგორ ითამაშებს შენს მიერ შეძენილი მწვრთნელის გუნდი.

🔹 როდიდან შეძლებ AM_ის გამოყენებას?

ასისტენტ მენეჯერი 24_ე ტურიდან (01.FEB) ამოქმედდება, როდესაც დახმარებას გააქტიურებ, ის მომდევნო 3 მატჩის განმავლობაში იქნება ძალაში. AM_ის გამოყენება სხვა დახმარებებთან ერთად შეუძლებელია, როდესაც ასისტენტ მენეჯერი მოქმედებაშია დანარჩენ ქარდებს ვერ გამოიყენებთ.

🔹 როგორ დაითვლება ქულები ?

რას ნიშნავს ცხრილის ბონუსი ?

ბონუსი იმ შემთხვევაში ამოქმედდება, თუ მოწინააღმდეგე 5 ადგილით მაღლაა ცხრილში. მაგალითად ამორიმი შესანიშნავი ალტერნატივაა, მანჩესტერი ცხრილში ქვევითაა, თუმცა ქულების მოპოვებას მასზე მაღლა მყოფი გუნდების წინააღმდეგ ახერხებს.
AM_ის ქულების დათვლის მაგალითი, ბორნმუთისა და ირაოლას შემთხვევაში:
GW8 - ბორნმუთი 2-0 არსენალი
GW9 - ასტონ ვილა 1-1 ბორნმუთი
GW10 - ბორნმუთი 2-1 მანჩესტერ სიტი
8_იდან მე-10 ტურის ჩათვლით ირაოლა 47 ქულას მიიღებდა:

🔹 თავიდან მენეჯერის არჩევაზე ტრანსფერი არ დაგეხარჯება, თუმცა შემდგომ უკვე მისი შეცვლა -4 ქულა დაგიჯდება.
🔹 თუ მენეჯერს გუნდიდან გაუშვებენ, შენი არჩევანი მაინც ძალაში დარჩება და ქულებს გუნდის შედეგების მიხედვით მიიღებ.
🔹 ასისტენ მენეჯერის ფასები:

ფენტეზის „თეთრი სპილო“

მე-19 ტურში პრემიერ ლიგის ფენტეზის მენეჯერებისთვის ალექსანდრ-არნოლდი გმირი იყო, სულ რაღაც ერთი ტურის შემდეგ კი ტრენტი „თეთრ სპილოდ“ იქცა. ამ იდიომით ისეთ ძვირადღირებულ საკუთრებას აღნიშნავენ, რომლის ფლობაც სასურველი არაა. მიუხედავად ფასეულობისა “თეთრ სპილო“ უსარგებლოა, მას მეტი პრობლემა მოაქვს, ვიდრე სარგებელი. ტრენტის ირგვლივ განწყობების ცვლილება რამდენიმე ფაქტორმა განაპირობა, შედეგად კი ეს მოცემულობა მივიღეთ:

❌ ტრენტს აქტიურად უკავშირებენ მადრიდის რეალს, თანაც ზამთარშივე;
❌ მანჩესტერ იუნაიტედის წინააღმდეგ ალექსანდრ-არნოლდი უსუსურად გამოიყურებოდა;
❌ კონორ ბრედლი დაბრუნდა, რაც ნიშნავს იმას, რომ ტრენტი ახლა აქტიურ როტაციაშია;
❌ სპურსთან კარაბაოს თასზე ძირითადში კონორმა დაიწყო. რეჟისორები აქტიურად აკეთებდნენ აქცენტს არნოლდსა და ბრედლიზე. სლოტმა ეს ტრენტის დასვენებით ახსნა;
❌ კიდევ ერთი „რედ ფლეგი“ აკრინგტონგთან გამართული FA Cup_ის მატჩია, სადაც ლივერპულმა მეორე შემადგენლობა გამოიყვანა TAA_მ კი მატჩი ძირითადიდან დაიწყო;
✅ აკრინგტონთან შეხვედრაში ტრენტმა გოლი გაიტანა, მოედანი კი მე-60 წუთზე დატოვა;
✅ ბრედლის ტოტენჰემთან კარგი მატჩი არ ჰქონია, არნოლდის შემოსვლა ლივერპულისთვის upgrade_ის ტოლფასი იყო;
✅ ლივერპულს ორმაგი ანუ „დაბლ“ ტური 24_ე სათამაშო კვირას ჩაენიშნა;
✅ ტრენტს გოლის გატანისა და ასისტის მეტი პოტენციალი აქვს.
უდავოა, რომ ტრენტს მანჩესტერთან საშინელი მატჩი ჰქონდა, ბრეიდლი კი დაცვის თვალსაზრისით ნამდვილად უკეთესი ოპციაა, თუმცა ფაქტია, რომ ლივერპულის სათამაშო სტილი ტრენტთან ერთად სრულიად განსხვავებულია. ალექსანდრ-არნოლდი მსოფლიოს საუკეთესო შემტევი მარჯვენა მცველია, ლივერპულს კი განსაკუთრებით ფორესტის მსგავსი „კერკეტი კაკალის“ გასატეხად ტრენტი დასჭირდება.
სანამ ტრენტის თავზე საავდრო ღრუბლები არ გაიფანტება, მის ყიდვას არ გირჩევ. თუმცა არც გაყიდვაა რეკომენდირებული. სჯობს დავიცადოთ და ვნახოთ, როგორ განვითარდება მოვლენები.

მუნოსი და სხვა არწივები

რამდენიმე ტურია „არწივების“ ხელსაყრელი კალენდარის შესახებ ვწერთ. გასულ ტურში, რეკომენდაციამ მატეტას (£7.2) შესახებ სრულად გაამართლა, იგივე მოლოდინები გვაქვს პალასის სხვა მოთამაშეებთან დაკავშირებითაც. თუ არსენალთან მატჩებს არ ჩავთვლით, „არწივები“ 8 მატჩია არ აგებენ, 21_ე ტურში კი ლესტერს დაუპირისპირდებიან.

„მელიები“ ბოლო 5 პრემიერლიგური მატჩია უშანსოდ აგაბენ, ამ დროის განმავლობაში ლესტერის ანგარიშზე მხოლოდ 2 გოლია. შეგახსენებ პირველ წრეში ლესტერის წინააღმდეგ მატეტამ დუბლი შეასრულა.
ზონალური ანალიზის მიხედვით „მელიების“ სუსტი წერტილი მარჯვენა ფლანგია, ძირითადად ლესტერისთვის ხიფათი მარჯვენა ფლანგიდან იქმნება.
მარჩვენა ფლანგის შემტევები 🆚 ლესტერი
GW16: მერფი - ⚽⚽, 13 ქულა
GW17: გედეში - ⚽🅰️, 13 ქულა
GW18: სალაჰი - ⚽, 9 ქულა
GW19: ფოდენი - 🅰️, 6 ქულა
GW20: ბაილი - ⚽, 9 ქულა

21_ე ტურში მელიებს მარჯვენა ფლანგიდან სარი (£5.9) და მუნოსი (£4.7) შეუტევენ.

ბოლო შეხვედრებში კოლუმბიელი აგრძელებს იმის დემონსტრირებას, რომ ის პალასის საკვანძო ფეცბურთელია, განსაკუთრებით შეტევით ასპექტში. დანიელი შემტევი მცველის პოზიციიდან ხშირად ინაცვლებს ვინგერის ამპლუაზე. ჩელსის წინააღმდეგ მუნოსი შეუჩერებელი იყო. გასულ ტურში კოლუმბიელმა 4 საკვანძო პასი გააკეთა და 1 დიდი შანსი შექმნა, თუმცა მის მიერ შექმნილი მომენტები ვერც ეზემ და ვერც მატეტამ ვერ გარდასახეს გოლად.

ჯერ-ჯერობით დანიელ მუნოსი კვლავაც „შეუმჩნეველია“ - ის პრემიერ ლიგის ფენტეზის მენეჯერების მხოლოდ 5.2%_ს ჰყავს არჩეული. 

რატომ მუნოსი?

✅ საუკეთესო მოსალოდნელი გოლების (xG) ალბათობა მცველებს შორის - 3.35
✅ ყველაზე მეტი შექმნილი დიდი შანსი მცველებს შორის - 8
✅ პალასს ერთ-ერთი საუკეთესო კალენდარი ელის წინ:
GW21 LEI (A) GW22 WHU (A) GW20 BRE (H) GW24 MUN (A) GW25 EVE (H)
❌ მიუხედავად ზემოთ ჩამოთვლილი უპირეტესობებისა პალასის დაცვითი პოტენციალი სასურველისგან შორსაა. იგივე საფასე სეგმენტში ბევრად უფრო სტაბილური ოპციებიცაა.
თუ გასარისკად მზად ხარ მუნოსი შესანიშნავი არჩევანია, თუ უპირატესობის შენარჩუნება გსურს მაშინ საუკეთესო ალტერნატივა ფორესტის მცველებია:

შეჯამება: მუნოსი, მატეტა, სარი & ეზე - ძალიან პერსპექტიული ალტერნატივებია, თანაც ყველა მათგანი ე.წ Difference Maker_ია.

ფორესტის შეტევა

ფორესტის დაცვის შესახებ არაერთხელ დავწერეთ. ბოლო მატჩებამდე ნოტინგემის წარმატების მთავარი შემოქმედი თანოსს, რომ შეშურდებოდა ისეთი ბალანსი და Star-lord_ი რომ ისურვებდა ისეთი უკანა ხაზი იყო. გასულ შეხვედრებში, კი ამ ყველაფერს შესანიშნავად ათამაშებული შეტევაც დაემატა.
მე-20 ტურის მიმოხილვაში, La Gazzetta dello Sport Georgia-ს მთავარი რეკომენდაცია მორგან გიბს-ვაითს უკავშირდებოდა. MGW_მ ჩვენი ნდობა სრულად გაამართლა. ფორესტის 10_იანი ჯერაც ფენტეზის მენეჯერების მხოლოდ 4.1%_ს ჰყავს გუნდში.

🌳 ნოტინგემის შემტევები ბოლო 6 ტურში:
მორგან გიბს-ვაითი (£6.4) ⚽⚽⚽🅰️🅰️🅰️
ელანგა (£5.2) ⚽⚽⚽🅰️🅰️
ვუდი (£6.8) ⚽⚽⚽🅰️
აღსანიშნავია რომ ამ ეტაპზე ლესტერსაც, საჩემპიონო სეზონში ზუსტად იგივე ქულების რაოდენობა ჰქონდა დაგროვილი. შესაძლოა 2025 ძალიან დიდ სენსაციას გვიმზადებს ფორესტის სახით.

რა უნდა ვიცოდეთ 21-ე ტურის წინ ?

🔴 არსენალმა სათასო მატჩებს დიდი ენერგია შეალია. „მეთოფეებმა“ ჯერ ნიუკასლთან წააგეს ემირაიტსზე, შემდგომ კი 10 კაციან მანჩესტერთან, რაც საგანგაშოა. გარდა ამისა საკასა და ნვანერის შემდეგ „მეთოფეებმა“ ჯესუსიც დაკარგეს. ორი ტურის წინ, სწორედ ხშირი ტრავმიანობის გამო არ გირჩიეთ ბრაზილიელის ყიდვა, სამწუხაროდ ეს რეკომენდაცია გამართლდა, გაბი ჯესუსმა მოედანი საკაცით დატოვა.

თუ არსენალი სატრანსფერო ბაზარზე არ გააქტიურდება „მეთოფეებს“ შეტევით ასპექტში სერიოზული პრობლემები ელით. არსენალს 9_იანის პოზიციაზე მხოლოდ ჰავერცი ჰყას, კაი კი სულაც არაა კარგი 9_იანი, მეტიც საერთოდაც არაა ამპლუით 9_იანი. მომენტების “გამოყენება” როგორ გამოსდის ამ ბოლო დროს, ეს კვირასაც ვნახეთ. ფლანგებზე სამად სამი ვარიანტია დარჩენილი - არასტაბილური მარტინელი (£6.8), “ნაფეხბურთალი” სტერლინგი (£6.7) და ტროსარი (£6.8). ცხადია, მარტო ოდეგორი „გაზაფხულს“ ვერ მოიყვანს.

21-ე ტურში მეთოფეები სპურსს დაუპირისპირდებიან. არც ტოტენჰემს გამოსვლია იოლი გასეირნება, შემდეგ ეტაპზე გასასვლელად სპურსს 120 წუთი დასჭირდა.

🔴 „მეთოფეების“ კვალდაკვალ დიდი ძალები დახარჯა მანჩესტერმაც. ლივერპულთან ჰეროიკული ფრის შემდეგ, კაცნაკლულმა იუნაიტედმა პენალტების სერიაში ემირაიტსზე არსენალი დაამარცხა და ინგლისის საფეხბურთო ასოციაციის თასის შემდეგ ეტაპზე გავიდა.

საუთჰემპტონის დევალვაციისა და მანჩესტერის დამაჯერებელი მატჩების შემდგომ
იუნაიტედის ფეხბურთელები წმინდანებთან მატჩის წინ განსაკუთრები საინტერესოდ გამოიყურებიან. ბრუნომ (£8.3) ლივერპულთან შთამბეჭდავ მატჩს, არსენალის წინააღმდეგ გოლიც დაუმატა. თუ ფერნანდეშის შესაძენად თანხა არ გყოფნის ამად დიალო, (£5.4) პორტუგალიელის შემდეგ „წითელი ეშმაკების“ მთავარი იარაღია. თანაც, ორივე მათგანმა თერთმეტმეტრიანების სერიაშიც გაიტანა.

არ გამოგრჩეს 2 მნიშვნელოვანი გარემოება.

• იუნაიტედმა შთამბეჭდავი მატჩები ლივერპულისა და არსენალი წინააღმდეგ, მეორე ნომრად ითამაშა. სოტონთან მანჩესტერი პირველ ნომრად იქნება, რაც ამ სეზონში წითელი ეშმაკების ძლიერი მხარე არაა.
• მანჩესტერმა ორივე შეხვედრაში კოლოსალური ენერგია დახარჯა.
⚪ ფაქტია რაულ ხიმენესმა (£5.7) ფორმა დაიბრუნა და აშკარაა, რომ როდრიგო მუნესს კონკურენცია მოუგო. ხელსაყრელი კალენდრის ფონზე მექსიკელი 21-ე ტურის საუკეთესო ბიუჯეტური ფორვარდია. თანაც ხმების დადის მუნოსის მიკრო ტრავმის შესახებ. ფულჰემის შემდეგი მატჩები: GW21 WHU (A) GW22 LEI (A)

⚪ მე-20 ტურის დასრულებისთანავე გავრცელდა ინფორმაცია ჟოაო პედროს (£5.7) ტრავმის შესახებ. იფსვიჩთან მატჩის წინ ბრაზილიელის შესაძლო გამოკლებამ დიდი მითქმა-მოთქმა გამოიწვია. შაბათს გვიან ღამით თავად პედრომ დაპოსტა, რომ სამედიცინო შემოწმებამ წარმატებით ჩაიარა და ყველაფერი წესრიგშია. კვირას გავრცელებული ინფორმაცია ვითარება პოზიტიურია, თუმცა პედრო კვლავ დაკვირვების ქვეშაა.

კიდევ ერთი საინტერესო ამბავი ველბეკის დაბრუნებაა, ხანგრძლივი უქმობის შემდეგ როგორც იქნა ინგლისელი მოედანს დაუბრუნდა. პირველ რიგში ეს ამბავი ჟოაო პედროს მფლობელებს გაუხარდებათ, რადგანაც ბრაიტონის 9_იანის საყვარელი პოზიცია, „ცხრიანის“ უკან თამაშია და არა ცხრიანად.

⚫⚪ ტრავმის ალბათობაა ალექსანდრ ისაკის (£9.3) შემთხვევაშიც. ისაკმა მცირე დაზიანება არსენალთან სათასო მატჩის მიმდინარეობისას მიიღო. ედი ჰაუმ განაცხადა, რომ უახლოეს დღეებში შვედს დააკვირდებიან, მანამდე კი დასვენების საშუალებას მისცემენ. ჰაუმ ისიც აღნიშნა, რომ დაზიანება დიდი ალბათობით უმნიშვნელოა და შესაძლოა ისაკი FA Cup_ის მატჩშიც გვეხილა, თუმცა შვედი ბრომლის წინააღმდეგ განაცხადშიც არ ყოფილა.

🍒 ბორნმუთს რამდენიმე დღის წინ მთავარი თავდამსხმელი ევანილსონი (£5.9) დაემტვრა, მის შემცვლელ ენეს უნალზე (£5.4) ქვეთავის დაწერა არ დაგვცალდა. თურქი ვარჯიშზე მიღებული დაზიანების გამო რამდენიმე თვეს იუქმებს. შედეგად ძალიან საინტერესო ვითარება მივიღეთ - დიდია იმის ალბათობა რომ 9_იანზე სემენიო (£5.6), კლიუვერტი (£5.6) ან დანგო (£5.0) ითამაშებს. სწორედ ამიტომ გირჩევთ ალუბლებს ყურადღებით დაუკვირდეთ.

🔒 21-ე ტურის წინა ჩვენი ერთ-ერთი მთავარი რჩევა ტრანსფერის შენახვაა. თუ აუცილებლობა არ მოითხოვს სჯობს ტრანსფერი მოახლოებული მნიშვნელოვანი მოვლენებისთვის გადადო. ასეთი კი ბევრია - DGW24, BGW29 და 5 დახმარება. ტრანსფერის გადანახვამ მომავალში შესაძლოა დიდი სამსახური გაგიწიოს.

როგორც დღევანედლ მიმოხილვაში უკვე აღვნიშნეთ, უახლოესი ორმაგი ტური 24-ე სათამაშო კვირას ჩაინიშნა. ამ დროისთვის სასურველია ლივერპულიდან 3 ფეხბურთელი გყავდეს. ტრენტის ირგვლივ ატეხილი აჟიოტაჟის ფონზე, ზედმეტი ტრანსფერი ძალიან დაგეხმარება. თანაც არ დაგავიწყდეს, უკვე დროა ტაქტიკასთან ერთად სტრატეგიაც შეიმუშავო.

პ.ს. თუ ტრენტი ნოტინგემთან მატჩში ძირითადს მიღმა აღმოჩნდა, დროა გამადიდებელი შუშით დააკვირდე კოდი გაკპოს (£7.3). ნიდერლანდელის შესახებ ვრცელ ქვეთავს შემდეგ ტურის მიმოხილვაში შემოგთავაზებთ.

კაპიტანი

21-ე ტურში კაპიტნის არჩევა ბევრ რამეს გადაწყვეტს:

⚫⚪ ისაკი vs WOL(H) - შვედი კარიერის საუკეთესო ფორმაშია. ისაკს ზედიზედ 7 ტურია გააქვს. სენტ ჯეიმს პარკზე გამართულ ბოლო 5 შეხვედრაში ნიუკასლმა ყველა ჯერზე მინიმუმ 3 გოლი გაიტანა. ერთადერთი შემაფერხებელი გარემოება ისაკის შესაძლო მიკრო ტრავმაა. გირჩევ ედი ჰაუს პრეს-კონფერენციას დაელოდო. ჰაუს ბოლო კომენტარი შვედისა და სხვა შესაძლო დანიკლისების შესახებ:
“Jacob (მერფი) just felt his calf slightly so we withdrew him. Joe Willock felt his hip slightly so we withdrew him. Sven (ბოტმანი) had an ongoing groin complaint but we think he is going to be okay. The same with Alex (ისაკი), we hope he will be okay.”
მოსალოდნელი ქულა AI_ის მიხედვით - 7.4

🔴 სალაჰი vs NFO(A) - ლივერპულს ერთადერთი წაგება ფორესტი წინააღმდეგ აქვს, თანაც ენფილდზე. გარდა ამისა, თამამად შეიძლება ითქვას, რომ ნოტინგემის დაცვა ამ დროისთვის პემიერ ლიგაში საუკეთესოა - „გარიბალდიანელებმა“ 14 დეკემბრის შემდეგ ყველა ტურნირზე 5 მატჩი ითამაშეს. ამ შეხვედრებში 10 გოლი გაიტანეს, თანაც ისე რომ არცერთი არ გაუშვიათ. ამის გათვალისწინებით ვერ ვიტყვით, რომ სალაჰი 21_ე ტურში კაპიტნობის საუკეთესო პრეტენდენტია.
მოსალოდნელი ქულა AI_ის მიხედვით - 7.2

🔵 ჰოლანდი vs BRE(A) - პირველ წრეში სიტიმ ბრენტფორდი ჰოლანდის დუბლის წყალობით დაამარცხა, თუმცა მას შემდეგ პრემიერ ლიგაში ბევრი რამ შეიცვალა. თუ მაშინ ნორვეგიელი კაპიტნობის უალტერნატივოდ საუკეთესო ვარიანტი იყო, ახლა მისი ნდობა რისკ უკავშირდება.
მოსალოდნელი ქულა AI_ის მიხედვით - 6,7

🔵 პალმერი vs BOU(H) - ბოლო პრემიერლიგური მატჩი, ჩელსიმ 15 დეკემბერს მოიგო. მას შემდეგ ლონდონელებმა, PL_ში 4 შეხვედრა ჩაატარეს - მათ ანგარიშზე მხოლოდ 2 ქულა და 3 გატანილი გოლია. „ალუბლებს“ 9-მატჩიანი წაუგებელი სერია აქვთ, რისი 10_მდე გაზრდაც ძალიან ენდომებათ.
მოსალოდნელი ქულა AI_ის მიხედვით - 7,6

სხვა ალტერნატივები: ბრუნო, გორდონი, ამადი, მატეტა.

წარმატებებს გისურვებ.ჩვენს ლიგას ასე შეგიძლია შემოურთდე - ლიგის არჩევის გვერდზე, შეიყვანე LaGazzetta-ს ლიგის კოდი: cuikc0 ან გადადი ამ ბმულზე.

ავტორი: გიორგი მახარაძე