La Gazzetta dello Sport Georgia-ზე პროგნოზების ლიგა ახალი სათამაშო კვირით გრძელდება. მონაწილეებს ამ უიქენდზეც შეუძლიათ წინასწარ განსაზღვრულ სპორტულ ღონისძიებებზე პროგნოზების გაკეთება.
მონაწილეთა მიერ გაკეთებული პროგნოზები ფასდება წინასწარ დადგენილი წესებით, რის შემდეგაც შედგება ლიდერბორდი, რომელიც ასახავს თითოეული მონაწილის შედეგებს.
24-ე ტურის პროგნოზების მიღება დაწყებულია და დასრულდება 2026 წლის 4 აპრილს, 14:00 საათზე.
რა უნდა გავითვალისწინოთ 24-ე ტურის წინ?
ატლეტიკო მადრიდი VS. ბარსელონა | 4 აპრილი, 23:00
სანაკრებო პაუზის შემდეგ, ფეხბურთის გულშემატკივრებს უიქენდზე ძალიან საინტერესო მატჩები ელოდებათ. ლა ლიგის 30-ე ტურში, ცენტრალური დაპირისპირება მადრიდში გაიმართება, სადაც ატლეტიკო ჩემპიონობის მაძიებელ ბარსელონას დაუხვდება.
ზუსტად 4 აპრილს დაიწყება ამ გუნდებს შორის 3-მატჩიანი დაპირისპირებათა სერია - შეგახსენებეთ, ამ შეხვედრის შემდეგ, გუნდები ერთმანეთს ჩემპიონთა ლიგის 1/4 ფინალშიც შეხვდებიან, შესაბამისად, წინ საოცრად დაძაბული სანახაობა გველოდება.
გუნდები ამ მატჩს განსხვავებულ ფორმაში ხვდებიან. ატლეტიკო მადრიდმა ბოლო 5 მატჩიდან 3-ჯერ მოიგო, ხოლო 2-ჯერ დამარცხდა, რაც შეეხება ბარსელონას, ჰანსი ფლიკის გუნდი ყველა ტურნირზე უკვე 8 მატჩია, რაც არ აგებს.
ატლეტიკო მადრიდი და ბარსელონა ბოლოს ერთმანეთს ესპანეთის თასის ნახევარფინალში დაუპირისპირდნენ, სადაც ჩოლო სიმეონეს გუნდმა მეტოქეს ორი მატჩის ჯამში 4-3 მოუგო და ფინალში გასვლა მოახერხა. ხოლო რაც შეეხება გუნდებს შორის ბოლო დაპირისპირებას ლა ლიგაში, აქ გამარჯვება უკვე "ბლაუგრანას" დარჩა, 3-1.
შაბათს გასამართ შეხვედრას გუნდები გარკვეული დანაკლისით ხვდებიან. ბარიოსი, კარდოზო, ლიორენტე და პუბილი ბარსელონასთან მატჩს 100% გამოტოვებენ, ხოლო რაც შეეხება ობლაკს, მისი საკითხი უახლოეს დღეებში გაირკვევა. ახლა კი კატალონიელებზე ვისაუბროთ - ჰანსი ფლიკის განკარგულებაში დე იონგი, რაფინია და კრისტენსენი არ იქნებიან, ბალდესა და კუნდეს ამბავი კი მატჩის დღეს გადაწყდება.
ატლეტიკო მადრიდის სავარაუდო შემადგენლობა: მუსო, მოლინა, ლე ნორმანი, ჰანცკო, რუჯერი, სიმეონე, ბაენა, კოკე, ლუკმენი, ალვარესი, გრიზმანი;
ბარსელონას სავარაუდო შემადგენლობა: გარსია, არაუხო, კუბარსი, მარტინი, კანსელუ, ბერნალი, პედრი, იამალი, ფერმინი, ოლმო, ლევანდოვსკი;
ატლეტიკო მადრიდსა და ბარსელონას შორის სულ 249 მატჩია გამართული, საიდანაც უფრო მეტი, კერძოდ 114 "ბლაუგრანამ" მოიგო, ხოლო მადრიდელებმა მეტოქეს 78-ჯერ აჯობეს. რაც შეეხება ფრედ დასრულებულ მატჩებს, გუნდები სულ 57-ჯერ დაზავდნენ.
იმის გათვალისწინებით, რომ ამ გუნდებს შორის თითქმის ყველა დაპირისპირება უხვგოლიანი გამოდის ხოლმე, ვფიქრობთ, არც 4 აპრილს გასამართი შეხვედრა იქნება მოსაწყენი და მაყურებელი ბევრ გატანილ გოლს იხილავს. რაც შეეხება შანსებს, ფავორიტი უდავოდ ბარსელონაა - 60/40%.
ინტერი VS. რომა | 5 აპრილი, 22:45 საათი
სანაკრებო პაუზის შემდეგ, კალჩო დიდი ამბებით ბრუნდება - მაყურებელს წინ საოცრად დაძაბული ორი შეხვედრა ელოდება, კერძოდ ინტერი vs. რომა და ნაპოლი vs. მილანი. ამ ორ შეხვედრას ძალიან დიდი დატვირთვა აქვს, რადგან სასწორზე როგორც სკუდეტო, ისე ჩემპიონთა ლიგის საგზურიც დევს.
ამ შემთვევაში ყურადღებას ჯუზეპე მეაცაზე გასამართ დაპირისპირებაზე გავამახვილებთ. კრისტიან კივუს გუნდს საკმაოდ რთული პერიოდი უდგას, რადგან "ნერაძური" უკვე 3 მატჩია, რაც ვერ იგებს და ეს ყველაფერი უკვე სატურნირო ცხრილზეც აისახა. თუ აქამდე მეორე ადგილოსანთან უპირატესობა საკმაოდ დიდი იყო, ახლა სიტუაცია რადიკალურად შეიცვალა და ინტერი თანაქალაქელ მილანს მხოლოდ 6 ქულით უსწრებს.
რაც შეეხება რომას, არც ჯან პიერო გასპერინის გუნდი გამოიყურება ბოლო პერიოდში კარგად. რომაელებმა ბოლო 6 მატჩიდან მხოლოდ ერთის მოგება მოახერხეს, რაც საკმაოდ ცუდი შედეგია.
პირველ წრეში გამართული მატჩი ინტერის გამარჯვებით, 0-1 დასრულდა. იმ შეხვედრაში თავის გამოჩენა ბონიმ მოახერხა.
ინტერი კვირას გასამართ მატჩს თითქმის ოპტიმალური შემადგენლობთ ხვდება. ერთადერთი ვინც ამ შეხვედრას გამოტოვებს ჰენრიკ მხითარიანი იქნება, ხოლო რაც შეეხება ლუატარო მარტინესს, არგენტინელი კაპიტანი 99% სათამაშოდ მზად იქნება.
რაც შეეხება რომას, "ჯალოროსის" დანაკლისი ბევრად სერიოზულია - გასპერინის განკარგულებაში უესლი, კონე, დოვბიკი, ფერგიუსონი და დიბალა არ იქნებიან.
ინტერის სავარაუდო შემადგენლობა: ზომერი, ბისეკი, აკანჯი, ბასტონი, დუმფრისი, ბარელა, ჩალჰანოღლუ, ჟელინსკი, დიმარკო, ტურამი, მარტინესი;
რომას სავარაუდო შემადგენლობა: სვილარი, მანჩინი, ნ'დიკა, ერმოსო, ჩელიკი, კრისტანტე, ელ აინაუი, ანხელინიო, პელეგრინი, მალენი, ელ შაარავი;
ინტერი-რომას დაპირისპირება სულ 219 მატჩს ითვლის, საიდანაც "ნერაძურიმ" 99 მოიგო, ხოლო რომაელებმა 63-ჯერ იმარჯვეს. ფრედ დასრულებული მატჩების რაოდენობა კი 57 ითვლის.
იმის გათვალისწინებით, რომ მატჩი ქალაქ მილანშია და რომა სერიოზული დანაკლისით იქნება წარმოდგენილი, ვფიქრობთ, ფავორიტი ცალსახად კრისტიან კივუს გუნდი იქნება.
