La Gazzetta dello Sport Georgia-ზე პროგნოზების ლიგა ახალი სათამაშო კვირით გრძელდება. მონაწილეებს ამ უიქენდზეც შეუძლიათ წინასწარ განსაზღვრულ სპორტულ ღონისძიებებზე პროგნოზების გაკეთება.
მონაწილეთა მიერ გაკეთებული პროგნოზები ფასდება წინასწარ დადგენილი წესებით, რის შემდეგაც შედგება ლიდერბორდი, რომელიც ასახავს თითოეული მონაწილის შედეგებს.
მე-13 ტურის პროგნოზების მიღება დაწყებულია და დასრულდება 2026 წლის 17 იანვარს 15:00 საათზე.
La Gazzetta dello Sport Georgia-ს პროგნოზების ლიგის მხარდაჭერია ნატახტარი.
რა უნდა გავითვალისწინოთ მე-13 ტურის წინ?
მანჩესტერ იუნაიტედი VS. მანჩესტერ სიტი | 17 იანვარი, 16:30 საათი
პრემიერ ლიგის 22-ე ტურში ყველას ყურადღება მხოლოდ ერთი მატჩისკენ იქნება მიპყრობილი. ოლდ ტრაფორდი მანჩესტერულ დერბის უმასპინძლებს, სადაც მაიკლ კერიკის ბიჭები პეპ გვარდიოლას შეგირდებს დაუპირისპირდებიან.
მაიკლ კერიკი მანჩესტერ იუნაიტედში სულ რამდენიმე დღის წინ დაბრუნდა და მისი მიზანი გუნდის საშინელი სათამაშო ფორმის გამოსწორებაა... პირველი გამოცდა კი ურთულესი იქნება. ოლდ ტრაფორდს საჩემპიონო მარათონში მყოფი მანჩესტერ სიტი ესტუმრება, რომელიც კარგ სათამაშო ფორმას უბრუნდება, ამაში დიდი წვლილი კი გუნდის ახალწვეულს, ანტუან სემენიოს მიუძღვის.
გუნდები ამ მატჩს ძალიან განსხვავებულ სიტუაციაში ხვდებიან. იუნაიტედს უკვე 4 მატჩია, რაც არ მოუგია, რის ფონზეც გუნდი რუბენ ამორიმმა დატოვა. ხოლო რაც შეეხება მანჩესტერ სიტის, პეპ გვარდიოლას გუნდი უკვე 14 მატჩია, რაც წაუგებელია და იმის მიუხედავად, რომ არსენალს 6-ქულიანი ჰანდიკაპი აქვს, "ქალაქელები" ბოლომდე ბრძოლაში დარჩენას გეგმავენ.
ახლა კი რაც შეეხება გუნდების დანაკლისს - მანჩესტერ იუნაიტედს ორი მნიშვნელოვანი ფეხბურთელი უბრუნდება, კერძოდ ამად დიალო და ბრაიან მბიუმო. ტრავმის გამო მანჩესტერ სიტისთან მატჩს დიდი ალბათობით მატაის დე ლიხტი გამოტოვებს, ხოლო ნუსაირ მაზრაუი აფრიკის ერთა თასზე იმყოფება და სწორედ ამიტომ ვერ შეძლებს საკუთარი გუნდის დახმარებას.
სერიოზული ტრავმიანობაა მანჩესტერ სიტის ბანაკში. რუბენ დიაში, იოშკო გვარდიოლი, მატეო კოვაჩიჩი, ჯონ სტოუნსი, სავინიო - ეს ფეხბურთელები შაბათს გასამართ მატჩს 100% გამოტოვებენ.
მანჩესტერ იუნაიტედის სავარაუდო შემადგნელობა: ლამენსი, დალო, იორო, მაგუაიერი, მარტინესი, დორგუ, კაზემირო, ბრუნო ფერნანდეში, მბიუმო, შეშკო, კუნია;
მანჩესტერ სიტის სავარაუდო შემადგენლობა: დონარუმა, ნუნიეში, ხუსანოვი, აკე, ო'რაილი, როდრი, ბერნარდო სილვა, სემენიო, ფოდენი, დოკუ, ჰოლანდი;
რაც შეეხება გუნდების შორის ჩატარებულ მატჩებს ისტორიაში. 187 დაპირისპირებიდან 75 იუნაიტედმა მოიგო, ხოლო სიტიმ 60-ჯერ იმარჯვა. რაც შეეხება ფრედ დასრულებულ შეხვედრებს, გუნდები სულ 52-ჯერ დაზავდნენ.
ჩვენი ვარაუდია, რომ მაყურებელს წინ საოცრად დაძაბული და სანახაობრივი მატჩი ელოდება, სადაც დიდი ალბათობით ბევრ გატანილ გოლს ვიხილავთ.
ბეტისი VS. ვილიარეალი | 17 იანვარი, 23:55 საათი
ლა ლიგის მე-20 ტურში ბევრი გამორჩეული დაპირისპირება ნამდვილად არ გველოდება, თუმცა ყველაზე საინტერესო უდავოდ ქალაქ სევილიაში გასამართი მატჩი მოსჩანს. მაყურებელს წინ ბეტისი-ვილიარეალის შეხვედრა ელოდება, სადაც სატურნირო ცხრილის გათვალისწინებით ძალიან ბევრი რაღაც უნდა გადაწყდეს.
გუნდები ამ შეხვედრას დაახლოებით ერთნაირ ფორმაში ხვდებიან. ბეტისმა ბოლო 5 მატჩიდან 3 მოიგო, ხოლო ვილიარეალმა ორი. შაბათს გასამართი შეხვედრა კი ორივე მათგანისთვის დიდი მნიშვნელობისაა.
ბეტისი გამარჯვების შემთხვევაში მე-5 ადგილოსან ესპანიოლს მიუახლოვდება, ხოლო თუ ვილიარეალმა შეძლო 3 ქულის მოპოვება, "ყვითლები" სერიოზულ განაცხადს გააკეთებენ და ოთხეულში ადგილის შესანარჩუნებლად დიდ ნაბიჯსაც გადადგამენ.
ბეტისი ამ მატჩს საკმაოდ დიდი დანაკლისით ხვდება. მანუელ პელეგრინის განკარგულებაში ამრაბატი, ბელერინი, კუჩო, ეზალზული, ფირპო, ისკო და ორტიზი არ იქნებიან. ხოლო რაც შეეხება ვილიარეალის დანაკლისს, ახომაჩი, კაბანესი, კოსტა, ფერნანდესი და კამბვალა სამატჩო განაცხადში არ იქნებიან.
ბეტისის სავარაუდო შემაგდენლობა: ვალესი, ლორენტე, ბარტრა, გომესი, როდრიგესი, ფორნალსი, როკა, ანტონი, ლო სელსო, რუიბალი, ავილია;
ვილიარეალის სავარაუდო შემადგენლობა: ლუის ჟუნიორი, მოურინიო, ფოიტი, ვეიგა, პედრასა, ბიუქენანი, პარეხო, კომესანა, მოლეირო, მიქაუტაძე, პეპე;
ბეტისი და ვილიარეალი ისტორიაში სულ 49-ჯერ დაუპირისპირდნენ, საიდანაც 19 გამარჯვება სევილიელებს დარჩათ, ხოლო "ყვითლებმა" 18-ჯერ იმარჯვეს. რაც შეეხება ფრედ დასრულებულ მატჩებს, გუნდები 12-ჯერ დაზავდნენ.
იმის გათვალისწინებით, რომ გუნდებს შორის ჩატარებულ ბოლო 5 მატჩში 18 გოლი გავიდა, დიდია იმის ალბათობა, რომ შაბათს გასამართ დაპირისპირებაშიც მაყურებელი ბევრ გატანილ გოლს იხილავს.
ამ და სხვა მატჩებზე გააკეთე პროგნოზები “პროგნოზების ლიგაში”.
