La Gazzetta dello Sport Georgia-ზე პროგნოზების ლიგა ახალი სათამაშო კვირით გრძელდება. მონაწილეებს ამ უიქენდზეც შეუძლიათ წინასწარ განსაზღვრულ სპორტულ ღონისძიებებზე პროგნოზების გაკეთება.
მონაწილეთა მიერ გაკეთებული პროგნოზები ფასდება წინასწარ დადგენილი წესებით, რის შემდეგაც შედგება ლიდერბორდი, რომელიც ასახავს თითოეული მონაწილის შედეგებს.
მე-20 ტურის პროგნოზების მიღება დაწყებულია და დასრულდება 2026 წლის 7 მარტს 17:00 საათზე.
რა უნდა გავითვალისწინოთ მე-20 ტურის წინ?
ბენფიკა VS. პორტუ | 8 მარტი, 22:00 საათი
მომდევნო უიქენდზე ფეხბურთის გულშემატკივრებს პორტუგალიური კლასიკა ელოდება, სადაც ძალიან ბევრი რაღაც უნდა გადაწყდეს.
ჟოზე მოურინიოს ბენფიკა საკუთარ კედლებში ფრანჩესკო ფარიოლის პორტუს უმასპინძლებს და შეეცდება, რომ საჩემპიონო რბოლა კიდევ უფრო დაძაბოს.
პორტუ ამ მატჩს 65 ქულით ხვდება, ხოლო ბენფიკას 58 ქულა აქვს. ამ ორ გუნდს შორის კი სპორტინგია 61 ქულით - როგორც ყოველთვის, პორტუგალიაში 3 გუნდი იბრძვის ჩემპიონობისთვის და არც მიმდინარე სეზონია გამონაკლისი.
ბენფიკა და პორტუ ამ პრინციპულ დაპირისპირებას დაახლოებით ერთნაირ ფორმაში ხვდებიან. ჟოზეს ბიჭებმა ბოლო 5 მატჩიდან 3 მოიგეს და 2-ჯერ დამარცხდნენ, ხოლო ფარიოლის შეგირდებმა ბოლო 5 შეხვედრიდან 3-ჯერ იმარჯვეს, ერთხელ წააგეს და ერთხელაც ფრე ითამაშეს.
გუნდებს შორის პირველ წრეში გამართული დაპირისპირება ფრედ, 0-0 დასრულდა, ისე კი, ბენფიკა და პორტუ ისტორიაში სულ 126-ჯერ დაუპირისპირდნენ, საიდანაც 60 დრაგაოს ბინადრებმა მოიგეს, ხოლო "არწივებმა" მეტოქეს 36-ჯერ აჯობეს. ფრედ დასრულებული მატჩების რაოდენობა 30 ითვლის.
ახლა კი კვირას გასამართ დაპირისპირებას დავუბრუნდეთ. ბენფიკას ამ მატჩში ბრუმა და სუდაკოვი დააკლდება, ხოლო პორტუს დანაკლისი ასე გამოიყურება - დე იონგი, სამუ, პერესი, საინსი, ტიაგო სილვა, ბედნარეკი.
ბენფიკას სავარაუდო შემადგენლობა: ტრუბინი, დედიჩი, სილვა, ოტამენდი, დალი, ბარეირო, რიოსი, აურსნესი, რაფა სილვა, პავლიდისი, შიელდერუპი;
პორტუს სავარაუდო შემადგენლობა: დ. კოშტა, ა. კოშტა, როსარიო, კივიორი, მოურა, ვარელა, ფოფანა, გომესი, ვეიგა, პეპე, გული;
როდესაც პორტუგალიური კლასიკა იმართება, ფავორიტის დასახელება ყოველთვის რთულია. ზუსტად ეს სიტუაციაა ახლაც და იმის მიუხედავად, რომ პორტუ ბენფიკას 7 ქულით ასწრებს, შანსები მაინც 50/50-ზეა.
მილანი - ინტერი | 8 მარტი, 23:45 საათი
კალჩოს მოყვარულებს წინ მორიგი დერბი დელა მადოდინა ელოდება, სადაც დიდი ალბათობით სკუდეტოს ბედი გადაწყდება. თუ "ნერაძურიმ" გამარჯვება მოახერხა თანაქალაქელ მილანს მთელი 13 ქულით გაექცევა, რაც იმას ნიშნავს, რომ საჩემპიონო რბოლაში კონკურენტი აღარ ეყოლება, მაგრამ თუ ალეგრის ბიჭებმა მოახერხეს მეტოქის დამარცხება სხვაობა 7 ქულამდე შემცირდება, რის ფონზეც "როსონერის" გულშემატკივრებს ბოლომდე ბრძოლის იმედი დარჩებათ.
მილანი და ინტერი ამ მატჩს სათამაშო ფორმის მხრივ დაახლოებით თანაბარ სიტუაციაში ხვდებიან. "როსონერიმ" ბოლო 5 მატჩიდან 3 მოიგო, 1 წააგო და 1 ფრედ დაასრულა, ხოლო ინტერმა 2-ჯერ მოიგო, 2-ჯერ წააგო და ერთხელაც ფრე ითამაშა. ერთი სხვაობა რაც აუცილებლად უნდა ითქვას ისაა, რომ ინტერმა ჩემპიონთა ლიგაზე მძიმე მარცხი განიცადა და საინტერესოა როგორ ეცდებიან კრისტიან კივუს ბიჭები ამ შედეგის გადაფარვას მომდევნო მატჩში.
პირველ წრეში გამართული დაპირისპირება მილანის გამარჯვებით, 0-1 დასრულდა. შეხვედრის ერთადერთი გოლი კრისტიან პულისიკმა გაიტანა, რომელიც ამ მომენტისთვის ძალიან ცუდ ფორმაშია. ამერიკელის ანგარიშზე 2026 წელს 0 გოლი და 0 საგოლე გადაცემაა.
რაც შეეხება გუნდების დანაკლისს, ინტერს ამ შეხვედრაში გუნდის კაპიტანი ლაუტარო მარტინესი დააკლდება, ხოლო რაც შეეხება მილანს, მასიმილიანო ალეგრის განკარგულებაში გაბია, ხიმენესი და ლოფტუს-ჩიკი არ იქნებიან.
მილანის სავარაუდო შემაგდენლობა: მენიო, ტომორი, დე ვინტერი, პავლოვიჩი, სალმაკერსი, ფოფანა, მოდრიჩი, რაბიო, ესტუპინიანი/ბარტეზაგი, პულისიკი, ლეაო;
ინტერის სავარაუდო შემაგდენლობა: ზომერი, აკანჯი, ბისეკი, ბასტონი, ლუის ენრიკე, ბარელა, ჩალჰანოღლუ, ჟელინსკი, დიმარკო, ტურამი, ბონი;
მილანისა და ინტერის დაპირისპირება საკმაოდ დიდ ისტორიას ითვლის. გუნდები სულ 229-ჯერ დაუპირისპირდნენ, საიდანაც "ნერაძურიმ" 85-ჯერ მოიგო, ხოლო "როსონერიმ" 75-ჯერ. მილანური გუნდები დერბიში სულ 69-ჯერ დაზავდნენ.
იმის გათვალისწინებით, რომ წინ დერბი გველოდება, ფავორიტის დასახელებაზე საუბარს აზრი ნამდვილად არ აქვს. ამ შეხვედრაში ყველაფერი შეიძლება მოხდეს, შესაბამისად, შანსები რა თქმა უნდა 50/50-ზეა.
ამ და სხვა მატჩებზე გააკეთე პროგნოზები “პროგნოზების ლიგაში”.
